Mowzuklar olia » Sahypa 3 » Öwrenmeli App

11.05.2024 22:54

A siz çaga wagtyňyz näme hakynda arzuw edipdiňiz? Şol arzuwyňyza ýetdiňizmi? Ýeten bolsaňyz durmuşyňyzdan razymy?

208

06.05.2024 02:07

Birnäçe ýyllaryň dowamynda müňlerçe adamlaryň ýüreklerinda gorky döreden bu adamlar şeýle aýylganç näme etdilerkä?

Gizlin bileleşige goşulmaga isleg bildiren adam tanyşdyrylyş ritualyny geçmeli bolupdyr. Täze agza sektanyň öňki agzasynyň ýanyna baryp goşulmaga isleg bildirmeli eken.
-Seniň ýoluň tokaýlygyň içinden. Ol ýerde sen borfimany (borfima- sekta agzalarynyň döreden "jadyly" içgisi. Ýumurtganyň agy, horazyň gany, adamyň gany we başga zatlar goşulyp ýasalypdyr) taparsyň- diýip, sektanyň agzasy ony şol agşam tokaýyň içine gidýän ýola eltipdir. Tokaýyň içinden birnäçe kilometr ýöränden soň, adam ýadap we jadyly içgini tapmaga bolan ynamyny ýitiren wagty onuň öňünden 3 sany nätanyş çykar eken. Olar hiç zada düşünmeýän adamy altara eltipdir. Bu ýerde sektanyň lidery täze agza gaplaňyň dyrnagyna meňzeş ritual pyçagyny we borfimany beripdir.

Tiz wagtdan täze agza öz oljasyny getirmelidi. Munuň üçin ol öz tanyşlaryndan gyzyny "sorapdyr" ýa-da nätanyş adamyň üstüne topulmaly bolupdyr. Olja hökmünde köplenç ýaşajyk gyzlary saýlapdyrlar. Gije sektanyň agzalary tokaýda ýygnanşyp oljany altara eltipdirler. Adamlar altaryň daşyndan aýlanyp tans edip başlapdyrlar. Täze agza bildirmezden gyzyň arkasyndan baryp onuň bokurdagyny kesipdir. Soňra beýleki agzalar hem ýabany haýwanyň hereketlerini gaýtalap oljanyň jesedini zaýalamaga başlapdyrlar. Dogrusy, olar "jadyly" içginiň kömegi bilen ýabany haýwana öwrülýärdiler. Ahyrynda, ritualyň soňky tapgyryna geçipdirler. Ýagny, jesediň iýilmegi we ganynyň içilmegi.

Gaplaň-adamlary bu ýyrtyjy haýwana öwrülip bilipdirler. "Jadyly" içgilere doly ynanmaklary olara uly kömek edipdir. Şeýle-de, her tiräniň rituallary, tanslary, edýän hereketleri dürli-dürli bolupdyr. Sektanyň agzalary öz edýän aýylganç işleri barada hiç hili ýagdaýda gürrüň berip bilmändirler, "jadyly" içgini içmekleri olara özlerini tanatmagy gadagan edipdir.

Gaplaň-adamlarynyň iň soňky gezek "özlerini tanatmaklary" bary-ýogy 30 ýyl öň, 1994-nji ýylda Liberiýada boldy. Şonda haýwanyň elinden ejir çeken 8 sany adam Gyzyl Haç komitetiniň garamagyndaky ýerli hassahana getirildi. Olardan bir aýal we bir çaga entek diridi, emma şeýlebir gorkupdyrlar we näme bolanyny düşündirip bilmediler. Hassahanada işleýän ýerli lukmanlaryň ählisi gorkup, gaçyp gitdiler. Gyzyl Haç-yň işgärleri jesetleri barladylar we adamlara ýabany haýwanlaryň topulmandygyny anykladylar: ýaralaryň haýwanyň dyrnagy bilen edilendigine garamazdan, dişleriň yzlary adamyňkydygy mese-mälimdi. Emma, ertesi güni başga bilermenler jesetleri barlamak üçin gelende akyla sygmajak zady gördüler: jesetleri barlan we diri galanlary bejerýän ähli lukmanlar öldürilipdir, ýagny hassahanda diri galan adam ýokdy. Jesetler, diri galan çaga we aýal ýitirim bolupdyr. Hassahananyň töwereginde gaplaňyň aýak yzlary tapyldy. Bu wakany yzarlamaga hat-da Interpol hem gatnaşmagyňa garamazdan, hemme gözlegler şowsuz tamamlandy.

Gaplaň-adamlary adamzat taryhynyň syrlarynyň biri bolmagyna galýar. Gaplaň-adamlarynyň bileleşiginiň agzalarynyň şu günlerde barlygy ýa ýoklugy belli däl. Ýerli ilat bu sektanyň bardygyny we wagtal-wagtal täze ölümleriň bolýandygyny aýdýar. Hatda Liberiýanyň öňki prezidentleriniň biriniň bu sektanyň agzasydygy, we ýolbaşçylarynyň biridigi barada myş-myşlar hem bar.

Internet maglumatlary esasynda taýýarlan we terjime eden: @olia

251

05.05.2024 23:20

Gaplaň-adamlarynyň birleşigi - günbatar Afrikada döräp, ýerli tireleriň arasynda dürli rituallar arkaly adam öldürmek we kannibalizm bilen meşgullanan gizlin bileleşik (sekta) bolupdyr. Gaplaň-adamlarynyň bileleşigi 19-nji asyryň ahyrlaryndan 20-nji asyryň ortalaryna çenli dowam edendigi çaklanylýar. Bileleşik esasan, Sýerra-Leonada, Liberiýada, Kot-d\'Iwuarda we Nigeriýada hereket edipdir.

Sektanyň döremegi öz gözbaşyny has gadymy döwürden, 15-16-njy asyrlardan alyp gaýdýar. Orta asyrlarda ýerli tireleriň arasynda her dürli rituallar arkaly duşmany öldürmek däpleri bolupdyr. 19-nji asyryň ahyrynda, 1891-nji ýylda \"Tongo wakalary\" (\"Скандал Тонго\") ady bilen taryha giren wakalardan soň bu aýylganç däpler bütin dünýä belli bolupdyr. Häkimiýetleriň beýle rituallary gadagan etmegi, ölüm jezasyny döretmekleri hem täze ölümleriň öňüni alyp bilmändir.

20-nji asyryň başlarynda Sýerra-Leonada geçirilen ýörite gözleg işleriniň netijesinde 400-den gowrak adam tussag edilipdir, olaryň ulanan ýaraglary, egin-eşikleri halk köpçüligini görkezilipdir. Şondan soň ýurduň çäklerinde sektanyň hereketleri azalypdyr we beýleki ýurtlara ýaýrapdyr. Sektanyň agzalary özlerini tanatmazdan, adaty adamlaryň durmuşyny ýaşapdyrlar, maşgala gurupdyrlar. Emma ritual wagtynda gaplaňyň derisinden tikilen eşik geýipdirler, olaryň dyrnagyna meňzeş pyçaklar bilen ýaraglanypdyrlar.

1934-1935-nji ýyllarda Kongoda bolan wakalar halk köpçüliginde uly gorky döretdi. Şol ýyllarda Kongoda hakyky gaplaňyň elinden öldürilene meňzeş jesetleriň köp sanlysy tapylypdy. Bu wakalaryň esasynda 1935-nji ýylda Edgar Raýs Berrouz \"Tarzan we gaplaň-adamlary\" eserini ýazdy.

2-nji Jahan urşundan soňky ýyllarda sekta eýýam Nigeriýada hem ýaýrapdy. Sektanyň agzalary bu döwürde ýüzlerçe adamlary öldüripdiler. Ýurtda girizilen çäklendirmeler, gaplaň-adamlaryny tapanlara baýrak bermek yglan edilmegi netijesinde 100-e golaý adam tussag edilip, 18 sanysyna ölüm jezasy berildi.

Dowamy bar..

120

02.05.2024 20:04

Kofe seniň bokalyňa barýança:)

133

01.05.2024 01:20

"Adam eli gyzyl gül"-mi?

157

06.04.2024 14:20

Doňuzyň üstünde uruş.
1846-nji ýylyň 15-nji iýunynda ABŞ bilen Beýik Britaniýanyň arasynda baglanyşylan Oregon şertnamasy iki ýurduň Demirgazyk Amerika materigindäki araçägini kesgitläpdir. Emma şol döwürde ösen tehnologiýalaryň ýoklugy, Ýeriň iň takyk kartasyny çyzmagyň kynlygy sebäpli käbir ýerler dawaly bolup galypdy. Şeýle ýerleriň biri-de San-Huan adalarydy. Iki ýurt hem bu adalary özüniňki diýip yglan edip, adamlaryny getiripdi. Britaniýanyň Gudzon aýlagyndaky Kompaniýasy San-Huan adasynda öz işini ýola goýdy we goýun fermasyny açdy. Şol bir wagtyň özünde 1859-njy ýyla çenli adada 25-29 sany amerikan raýaty ýaşaýardy.
1859-nji ýylyň 15-nji iýunynda, San-Huan adasynda ýerleşen amerikany Laýman Katler öz bagyna ullakan doňuzyň girendigi we onuň ýeralmasyny iýýändigi gördi. Bu ýagdaý eýýäm ilkinji gezek däldi, we gaharlanan Katler doňuzy atyp öldürdi. Öldürilen doňuzyň Gudzon aýlagyndaky kompaniýanyň goýun fermasyny dolandyrýan irlandiýaly Çarlz Griffine degişlidigi ýüze çykdy; onuň birnäçe doňuzy bardy we olar islän ýerlerinde gezýärdiler. Bu wakadan öň konfliktiň iki tarapy-da asuda ýaşaýardy. Katler doňuzyň öwezini dolmak üçin Griffine 10 dollar teklip etdi, ýöne Griffin 100 dollar talap etdi. Soňra Katler doňuzyň öz topragyna hyýanatçylykly girendigi sebäpli asla hiç zat tölemejekdigini aýtdy. Iňlis häkimiýeti Katleri tussag etjekdigi bilen haýbat atanda, amerikaly daýhan harby gorag üçin öz häkimiýetine ýüz tutdy.
Oregon harby raýonynyň serkerdesi, general William Harneý, kapitan Jorj Piktiň ýolbaşçylygyndaky 9-njy pyýada polkuň 66 esgerini iňlisleriň ada gelmeginiň öňüni almak üçin San-Huan adasyna iberdi. Eger-de gözegçiliksiz galdyrylsa, amerikanlar San-Huanda ilatyny köpeldip başlarlar öýdüp, iňlisler kapitan Jeffri Hornbiniň ýolbaşçylygynda üç söweş gämisini iberdiler. Güýçleriň möwjemegi başlandy we 1859-njy ýylyň 10-njy awgustyna çenli polkownik Silas Keýsiniň baştutanlygynda 14 sany ýaragly 461 amerikan esgeri 167 sany ýaragly we 2140 esgerli bäş sany iňlis harby gämisi bilen ýüzbe-ýüz boldy.

Wankuweriň iňlis koloniýasynyň gubernatory Jeýms Duglas kontr-admiral Robert Baýnese ada hüjüm etmegi we ol ýerden amerikan esgerlerini kowmagy buýurdy. Baýnes bu buýrugy ýerine ýetirmekden ýüz öwürdi we iki beýik ýurt üçin doňuzyň üstünden söweş başlamagyň samsyklykdygyny aýtdy. Iki tarapdaky ýerli serkerdelerede şol bir buýruk berildi: hüjüm edilse goranmak, ýöne hiç hili ýagdaýda-da ilkinji bolup ot açmazlyk. Birnäçe günüň dowamynda iňlis we amerikaly esgerler biri-birini öjükdirjek bolup kemsidiji sözler aýtdylar, ýöne hiç hili ok atylmady.

Krizis baradaky habar Waşingtona we Londona ýetende, iki ýurduň resmileri geň galdylar we uruş döredip biljek ýagdaýy gowşatmak üçin çäre gördüler. Sentýabr aýynda ABŞ-nyň prezidenti Jeýms Býukenen general Uinfild Skotty gubernator Jeýms Duglas bilen krizisi çözmegiň ýollary barada gepleşik geçirmek üçin iberdi. Oktýabr aýynda Skott San-Huan şäherine geldi we Duglas bilen gepleşiklere başlady.
Gepleşikleriň netijesinde taraplar San Huan adasyna bilelikde eýelik etmeklige bu mesele çözülýänçä dowam etdirmek barada ylalaşdylar, ýöne şol bir wagtyň özünde iki ýurduň bu ýerdäki goşunlaryny her tarapdan 100 adamdan köpeltmeli däl. Iňlis düşelgesi adanyň demirgazyk çetinde, kenar ýakasynyň golaýynda (Wankuwer adasy bilen aragatnaşygy aňsatlaşdyrmak üçin), Amerikan lageri günorta çetinde ýerleşýärdi.
ABŞ-da tiz wagtdan başlanan raýat urşy sebäpli bilelikdäki eýeçilik 12 ýyl dowam etdi. Uruş wagtynda ýerli häkimiýetler Britaniýany diňe jedelli sebiti däl, eýsem tutuş sebiti birikdirmäge çagyrdy, ýöne resmi Iňlis häkimiýetleri muňa razy bolmady. 1871-nji ýylda Beýik Britaniýa we ABŞ Waşington şertnamasyna gol çekdiler. Netijede, beýleki meseleler bilen bir hatarda San-Huan bogazynyň meselesiniň halkara arbitrar kazyýeti arkaly çözüljekdigi mälim edildi. Taraplar nemes Kaýzer Wilgelm I-i araçy saýladylar. Wilgelm bu meseläni bir ýyl töweregi Ženewada duşuşan üç adamdan ybarat bolan komissiýa toparyna iberdi. 1872-nji ýylyň 21-nji oktýabrynda komissiýa bu meseläni Amerikanyň Birleşen Ştatlarynyň peýdasyna çözdi: adalar ABŞ-nyň ýeri diýlip yglan edildi.

Iňlis deňiz güýçleri 1872-nji ýylyň 25-nji noýabrynda adany terk etdiler, 1874-nji ýylyň iýul aýynda Amerikan goşunlary yza çekildi.

78

15.12.2023 18:55

Hemme adamyň diňe bir Hudaýy bolan bolsa, dünýä bireýýäm düzelerdi welin, her adam diňe kalbynda göterýän öz Hudaýyna uýýar. Bu pikire adamlar ynanmasalar-da, ol hakykatdanam şeýle.

89

09.09.2023 09:05

Geliň ähli formallyklary gyrada goýalyň, maňa ýöne diplom beräýiň😄

91

22.08.2023 21:25

-Men hemişe ideal adam bolmaga çalyşdym.

+Sen özüňi ideal hasap edeňokmy?

-Ýok.

+Edil şu-da seni ideal adam edýär.

195

10.08.2023 23:28

Wawilonlylaryň Halleýyň kometasyna gözegçilik edendikleriniň bellikleri (b.e.öňki 164-nji ýyl).

Meni gyzyklandyran zat daşda näme ýazylandygy däl-de arheologlaryň ony nädip okap, düşünendigi😅.

86