maral
21.08.2024 17:40
Aglap başlan bolsañ sebäpsiz ýere,
Bu ýalançy dünýä gelipsiñ eýýäm.
Kimedir ýaranmak urdumy sere,
Nirä geleniñi bilipsiñ eýýäm.
Gün lowlap dursa-duýulmaz ýagty,
Bihuda geçirseñ berilen wagty.
Ynjalygñy bozsa goñşynyñ bagty,
Görüplige hossar bolupsyñ eýýäm.
Iman dolandyrsa, agras seriñi,
Guldugyñy duýsañ, bilseñ ýeriñi.
Söýüp başlan bolsañ pygamberiñi,
Yslamyñ gujagna dolupsyñ eýýäm.
Sallah ykbal, reñksiz, göýä bir tümlük,
Ýoldaşly ýol saýla, bolsa-da gumluk,
Ýaşap başlan bolsañ, iki adamlyk,
Ojagyña gelin alypsyñ eýýäm.
"Dar" diýip nalama, dünýäñ giñ sygmy,
Gör-ä adam bolmak, neneñ kyndygny.
Bu durmuşyn dertlerinden dyndyñmy,
Gutlaýan gardaşym, ölüpsiñ eýýäm!
Kerim Hally
13
113
maral
18.08.2024 18:12
Hünärmen düşündirdi: Reels, Short, TikTok ýaşlarda ünssüzlige sebäp bolýar! Näme üçin? Serediň!
Geçirilen barlaglarda “Instagram Reels”, “Youtube Shorts”, “Tiktok” we “Snapchat” ýaly gysga wideolara tomaşa edilende üns merkeziniň gysgaldylandygyny aýdylýar.
2010-njy ýyllarda başlanan sanly döwür we sosial media durmuşymyzyň her bir ugruna girip, yzygiderli maglumat akymyna sezewar bolýarys. Hünärmenleriň pikiriçe, sosial mediýada (Reels, Shorts, TikTok, Snapchat we ş.m.) çalt hereket edýän wideolara yzygiderli täsir edýän adamlaryň ünsi azalýar.
Sosial media ýatkeşligiñ peselmegine getirýär. Hususan-da , “Instagram” programmasy ulanyjynyň halaýan zatlaryna esaslanýan teklipleri hödürleýär we şeýlelik bilen adamlaryň programmada has uzak wagt geçirmegine sebäp bolýar. 5-15 sekunt kä halatlarda ondan hem gusga wideolara tomaşa edýän adam beýnisi muña öwrenişýär we netijede kinolara, filmlere tomaşa etmäge, kitap okamaga bollan islegleri, gyzyklanmalary azalýar. Häzirki döwürde 20-30 ýaş aralygyndakylarda ýatkeşligiñ örän peselýändigi aýdylýar. Hatda kiçi çagalaryñ hem köpüsiniñ wagtyny şol wideolara sarp etmekleri örän zyýanly.
çeşme: karar.com
15
71
maral
17.08.2024 18:50
Rugsat berenden soň haýbatly horaz.
Başlar baky urşy «ýok» bilen «baryň»,
A men sen barada ýazaryn gazal,
Oňarsam gussamy ilden gizlärin.
Öterin men ähli deňizden, otdan,
Goý, ot bilen suwdan bolsun ýazanym.
Söýmek üçin mertlik gerek bar zatdan,
Seni söýüp, soňra mertlik gazandym.
Döredi öňümde gomlaryň beýgi,
Ýeňdim men olary ýeňşi deý gämiň,
Belki, myradyna ýetmedik söýgi
Ýeten söýgülerden kämildir kämil.
Bu dünýe jemidir (oý ediň, barlaň!),
Ähli duşan hem duşmadyk ykballaň.
Ähli duşan hem duşmadyk ykballaň
Dünýesidir biziň ümmülmez dünýä.
Duşanlary — bir ýassykda uklarlar,
Duşmadyga — bir ýassyk az görünýä.
Şu gün köçämizden bir gözel geçdi.
Kim ol? Ady näme? Gelipdir nirden?
Ol saňa şeýle bir gaty meňzeşdi,
Sen adyňy tutman, saklandym zordan.
Sen sesimi eşden bolsaň eger-de,
Ýüregňi gyýardy ol misli päki.
Men nirde ýansam-da doňsam-da nirde,
Seniň rahatlygňy bozmaryn baky.
Seniň rahatlygyň bar bolsa eger,
Üstünden lowurdap tylla Gün dogar.
Gurbannazar Ezizow
11
36
