Pursatlaň gulpuna baglanyp galdy
Armanlarmyň nepesine miýmiräp.
El uzatsam,boşluk gurşar aramyz,
Ho:ol ýanda duransyň gyz deý sülmüräp.

Aý bolup bakarsyň käte asmandan,
Kä sönen ýyldyz deý gaýyp bolarsyň.
Tutuş süňňüm elegiňden geçirip,
Umyt-ynamymy süzüp alarsyň.

Ýene bir gün Kuýaş bile dogarsyň
Dünýäme öz dünýäň ýalkymyn saçyp.
Kä zülplerim oýnap,özüň güjeňläp,
Gidersiň şemal deý deňimden geçip.

Dünýämde gök gürlär,ýyldyrym çakar,
Gözlerim çydaman döker ýagyşyn.
Elimden sypar-da asmana uçar
Yzyna seretmän köňlüm – ak guşum.

Uç,guşum,ganat ýaý,bakma yzyňa,
Süýşýän bulutlaryň başyn çekiber.
Degmese degmesin eýäňe nepiň,
Göwünlerde umyt şemin ýakyber.



Awtor : Meňli AŞYROWA

Adamyň bir mätäç zady - hoş sözdür,
Hoş söz aýdyň - depesine täç bolar.
Dirilikde aýdyň ,dirikä sylaň ,
Kim bilip dur - bir ýyldan soň giç bolar.


Gowa gowy diýiň entek dirikä ,
Gerek ýerde ýyly söz - bir güýç bolar.
Hökman ölerine garaşyp ýörmäň,
Kim bilip dur - bir ýyldan soň giç bolar.


Ýagşy sözler gaýnap ýürekden çyksyn,
Şol närseden bärde çyksa hiç bolar.
Goldaweriň bir - biregi söz bilen,
Kim bilip dur - bir hepdeden giç bolar.


Kalby çoýuň alkyş alyň adamlar,
Alkyşlynyň işi rowaç bolar.
Erte tapylanok bu gün göreniň,
Şu gün çoýuň - erte belki gic bolar.


Sahawatsyz ömür - gury bir töňňe,
Sahawatsyz ömürüň soňy puç bolar.
Sylaň bir - biregi - wagtyňyz barka,
Mümkin...ýene bir sagatdan giç bolar.


Awtor:Berdinazar Hudaýnazarow.

Gün batımı
gecenin açılış müziğidir...

Bir damja syýa bir million adamyny düşündirip biler...

Lord Byron.

Stephen Hawking gara delik we fizikanyn kuantum teriyasyny öňe süren meşhur fizik .
We öz toeriýalary öňe sürmek maksady bilen 40 gowrak kitap ýazdy. Ol Enisteyinden soň dünýä inen fizikçi teoriýaçy.

Stephen Hawking kim ? 1942 -nji ýylda doglan we 21 ýaşyndaky Amyotrofik Lateral Skleroz kesiline duçar bolýar ( gysgaça gepläp, hereket edip bilenok) doktorlar oňa iki ýyl ömrünin bardygyny aýtýarlar . Emma ol 2018 -nji ýylda 76 ýaşynda aradan çykya. Onun bu keseli hereketsizlige eltdi we 70 nji ýyllarda sesinem doly ýitirdi. Ol ýapaý aň we kompýuteriň kömegi bilen köp teoriýalary öňe sürdü.


Bu post bilen näme aýtjak bolýan. Bir zatlar başarmak üçin hiç haçan giç däl. Hiç wagt umytdan duşmäň!

Siz başgalaryň dünýäsine seredeniňizde potensiyel taýdaý olardan hiç bir tapwudyňyz ýokdugyny unutmaň. Tapwut diňe 🧠 we ❤️ şu ýerde. Bular sizi siz etýän zatlar.Bul ikisinden dünýände hemme adamda bar ýöne siziňkä meňzeşi ýok...(Bariş Özcan)


Eger yykalanynyzda pes etseňiz soň mydama 55 sana "Eger-de " diýip gezersiniz :)))

Käbir ynsanlar bar, dünýäñ ýüzünde,
Ne barlygyn ne ýoklugyn bildirýär,
Käbir ynsanlar bar, dünýäñ düzünde-,
-ynam öldürýän.

Men-ä gowylaryñ yzyny yzlap,
Käte,
Erbetlige sary ýolukdym,
Soñ düşündim, megerem men şohallar,
Oñat boljak bolupdyryn.

Gerek eken juda kän-kän amallar,
Ýagşy niýet, arassa añ, dür pikir,
Gowylygy kireýine alanlañ,
Hataryna goşmadylar müñ şükür!.

Käbir ynsanlar bar, saza meñzeýär,
Näçe diñleseñem ganyp bolanok,
Käbir ynsanlar bar, Ýaza meñzeýär,
Diñe duýup bolýar dadyp bolanok.

Menem ynsan ýöne aram-aramlar,
Ýük daşaýan awtoulaga meñzeýän,...
Gerşimdäki gussañ ýüküni ýykman,
Meni nämä meñzetýärkä bu ykbal?,

Awtor:Baýram BEJIDOW"

Tomus agşamydy. Asman tämizdi.

Jana tenekardy salkynjak şemal.

Asmanyň gözleri Ýeriň gözlerne

Göz gypyp, näz aýlap

berýärdi salam.


«Ol gözleň hersiniň öz ady bardyr»

Diýip, atalarmyz ýekeme-ýeke

Atlaryn sanardy, bizem diňlärdik.

Çagalyk ötegçi taýçanak eken.

Toýnaklaryn kakyp geçdi-de gitdi.

Düýn ýalydy weli – eýýäm ol taryh...)

Otyryn ýyldyzlaň adyny ýatlap:

«Zöhre», «Abdalgolak»,

«Ýedigen», «Myrryh».


Otyryn hemmesin ýatlajak bolup,

Gün bataly bäri asmanda gözüm.

Ne-hä tüsse bardy, ne-de bir bulut –

Süýt ýaly asmany synlamak hezil!


Otyryn belentden belende bakyp.

Üç sagatdyr gözüm zar boldy ýere.

Belentlikden ýaňa aýlandy kelläm.

Ýere bakdym weli düzeldi ýene.


Awtor:Kerim Gurbannepesow

Ben sakar değilim. Zemin benden nefret ediyor, masa ve sandalyeler zorba ve duvarlar yoluma çıkıyor.😅

30.Eger-de men uly şäherde ýaşan bolsadym...
31.Eger-de men ýap-ýaňy başlan bolsadym...
32.Eger-de men erkin bolan bolsadym...
33.Eger-de mende özgelere mahsus häsiýetler bolan bolsady...
34.Eger-de men beýle semiz bolmadyk bolsadym...
35.Eger-de meniň ukyp-başarnyklarym mälim bolan bolsady...
36.Eger-de meniňki şowuna bolan bolsady...
37.Eger-de men bergi-borçlarymy üzlüşip bilen bolsadym...
38.Eger-de şol şowsuzlyk bolmadyk bolsady...
39.Eger-de men nädip etmelidigini bilen bolsadym...
40.Eger-de hiç kim maňa päsgel bermedik bolsady...
41.Eger-de meni munça howsala gurşap almadyk bolsady...
42.Eger-de meniň öýlenmegim şowly bolan bolsady...
43.Eger-de adamlar beýle akmak bolmasalardy...
44.Eger-de meniň maşgalam bu derejede adatdan daşary bolmadyk
bolsady...
45.Eger-de meniň özüme ynamym bolan bolsady...
46.Eger-de bagt menden ýüzüni öwürmesedi...
47.Eger-de men bisähet ýyldyz astynda dogulmadyk bolsadym...
48.Eger-de hemme zat «ýazgyda bagly bolan» şu durmuş bolmadyk
bolsady...
49.Eger-de maňa beýle köp işlemek zerur bolmasady...
50.Eger-de men pulumy ýitirmedik bolsadym...
51.Eger-de men başga bir etrapda ýaşan bolsadym...
52.Eger-de meniň «geçmişim» bolmadyk bolsady...
53.Eger-de meniň öz işim bolan bolsady...
54.Eger-de beýlekiler maňa gulak asan bolsalardy...
55.Eger-de — bu bahanalaryň iň esasysydyr — eger-de mende özümi hakyky bolşum ýaly görer derejede dogumlylyk bolan bolsady, men özümiň kemçilikli taraplaryma akyl ýetirerdim we ony düzederdim.
Şonda meniň öz ýalňyşlyklarymdan sapak almaga we özümde nähilidir bir ýetmez taraplaryň bardygyny bilip, özgeleriň tejribesinden peýdaly zatlary özleşdirmäge mümkinçiligim bolardy. Eger-de men özüme anyk nämäniň ýetmezçilik edýänligini bilen bolsadym, onda men wagtymyň agramly bölegini bahana agtarmaga däl-de, özümiň gowşak taraplarymy seljermäge sarp ederdim.

Şahsy şowsuzlyklarymyza düşündiriş gözlemeklik — biziň milli güýmenjämiz.
Bu endik hem edil adamzadyň özi mysaly gadymydyr, şeýle-de ol üstünlik üçin ölüm howpludyr.
Näme sebäpli adamlar özleriniň söýgüli bahanalaryna çyr-çytyr ýapyşýarkalar?
Jogap aýdyň.
Öz bahanalaryny özleri döredýändikleri üçin olar ony el-aýak bolup goraýarlar!
Bahana — hyýalyň perzendi.
Öz paýhasynyň döreden zadyny penalamak bolsa ynsanyň tebigatynda bar.
Bahana agtarmak — çuňňur kök uran endik.
Endiklerden ýüz öwüräýmek ýeňil däl, aýratynam, eger olar biziň edýän zadymyzy tasa getirýän bolsa, aklaýan bolsa, şeýledir. Platon adalatly aýdypdyr: «Ilkinji hem iň esasy ýeňiş — öz-özüňi ýeňmek. Öz «meniň» tarapyndan ýeňlişe sezewar edilmek peslikdir we masgaraçylykdyr». Beýleki bir filosof hem aşakdaky sözleri aýdanynda şony göz öňünde tutupdyr: «Daş-töwerekde görýän ähli erbet zatlarymyň öz sypatymyň aýnadaky keşbidigini bilenimde, men juda geň galdym».
Elbert Habbard bolsa şeýle diýýär: «Adamlaryň akyly çatybam, özlerini aldamaga we özleriniň gowşak taraplaryna bahana oýlap tapmaga şunça wagt sarp edýändikleri maňa hemişe geň hem syrly bolup görünýärdi. Eger-de şol sarp edilýän wagt başgaça peýdalanylsa, ol ejiz taraplaryňdan saplanmak üçin ýeterlik bolardy, onsoň hiç hili özüňi aklajak bolmaklyk geregem bolmazdy».
Hoşlaşmak bilen men size ýatlatmak isleýärin: durmuş — küşt tagtasy, garşyňyzda oturan oýunçy bolsa — wagt. Eger siz göçüme aýgyt etmeýän bolsaňyz, tiz göçmeseňiz, siziň mallaryňyz wagt tagtasyndan agdarylyp gider.




@Latifa

Çeşmesi:https://dostluk.ru/

GOJANYŇ BAHANASY — ELLI BÄŞ SANY «EGER-DE...»

Üstünlik gazanyp bilmedik adamlary bir umumy häsiýet birleşdirýär. Olar özleriniň şowsuzlyklarynyň sebäpleriniň ählisini bilýärler. Näme üçin hiç bir derejä ýetip bilmändikleri barada, olaryň özleriniň pikiriçe, ygtybarly düşündirişleri hemişe taýýardyr.
Bu bahanalaryň käbiri göz-görtele, hatda deliller bilen hem berkidilen.
Emma bahanalary pula çalşyp bolmaýar. Älem-jahan diňe bir zady bilmek isleýär: siz üstünlik gazandyňyzmy ýa-da ýok? Tanymal psiholog aşakde getirilýän «bahanalar sanawyny» düzüpdir. Ony okanyňyzda, belki, siz öz «repertuaryňyzdaky» bahanalaryň hem birnäçesini taparsyňyz. Ýöne welin bir zady ýatda saklaň, bu kitapda beýan edilen maslahatlara eýermek kararyna gelen kişiler üçin bu bahanalaryň, özüňi aklajak bolmaklaryň ählisi gerekmejek närsä öwrülýändir, manysyny ýitirýändir.

1.Eger-de meniň aýalym we maşgalam bolmadyk bolsa...
2.Eger-de meniň «tanyşlarym» bolan bolsa...
3.Eger-de meniň pulum bolan bolsa...
4.Eger-de men gowy bilim alan bolsam...
5.Eger-de men iş tapan bolsam...
6.Eger-de saglygym gowy bolan bolsa...
7.Eger-de wagtym bolan bolsa...
8.Eger-de gowy döwür gelen bolsa...
9.Eger-de özgeler maňa düşünsediler...
10.Eger-de daş-töwerekdäki şertler başgaça bolan bolsady...
11.Eger-de men ömri ýaňadan ýaşap bilsedim...
12.Eger-de men «olaryň» aýtjak-diýjeklerinden gorkmasadym...
13.Eger-de maňa öz wagtynda mümkinçilik berlen bolsady...
14.Eger-de häzir meniň mümkinçiligim bolsady...
15.Eger-de özgeler maňa garşy çykmasalardy...
16.Eger-de hiç zat meni saklamasady...
17.Eger-de men ýaş bolsadym...
18.Eger-de men islän zadymy edip bilsedim...
19.Eger-de men baý bolup doglan bolsadym...
20.Eger-de men «dürs» adamlara sataşan bolsadym...
21.Eger-de mende-de käbir kişileriňki ýaly ukyp-başarnyk bolan bolsady...
22.Eger-de men tutanýerli bolan bolsadym...
23.Eger-de men öňki mümkinçiliklerden peýdalanyp bilen bolsadym...
24.Eger-de hiç kim meniň kellämi agyrtmasady...
25.Eger-de men öý hojalygyny alyp barmaly we çagalara esewan etmeli
bolmasadym...
26.Eger-de men biraz pul tygşytlap bilen bolsadym...
27.Eger-de başlygym meniň gadyrymy bilen bolsady...
28.Eger-de kimdir biri maňa kömek eden bolsady...
29.Eger-de maşgalam maňa düşünen bolsady...
30.Eger-de men uly şäherde ýaşan bolsadym...

Dowymy bar...