lavinya_
05.06.2024 11:25
Ýene öz hüwdiñe bendiläp göwnüm,
Eje! Meni çagalygma alyp git!,
Durmuşyñ ýollary edip dur öwrüm,
Eje! Meni çagalygma alyp git!.
Göwnimi ýyksalar gujagña ylgap,
Gereksiz zatlara elimi salgap,
Ýyly gujagyñda diñerdim aglap,
Eje! Meni çagalygma alyp git!.
Ulalmagym üçin gamym kän iýdiñ,
,,Biribardan özgä ynanma..." Diýdiñ,
Gadryny bileýin beren ak süýdiñ,
Eje! Meni çagalygma alyp git!.
Suw alan ýerleriñ tapman adasyn,
Unudyp gitdiler beren wadasyn,
Durmuşyñ oýnuny oýnap ýadadym,
Eje! Meni çagalygma alyp git!.
Zeýrenmek öwrüldi indi endige,
Geçmişim salaýyn syrly sandyga,
Ýene-de täzeden dolap gundaga,
Eje! Meni çagalygma alyp git!.
Awtor: Baýram BEJIDOW
21
39
lavinya_
31.05.2024 11:40
Tebigatyñ gözelligi diýsene,
Ýer büräpdir bulutlardan ýorganyn.
Selçeñ düşen ýelek ýaly bulutdan,
Şugla saçyp, jyklap göz gypýar günem.
Gözelligi syn et meñ gözüm bilen.
Ýel başyñy sypap geçýär enaýy,
Tüweleýem göge galýar çarpaýa.
Gijesi aýdyñlyk bolanda Asman,
Köle suwa düşüp ýörendir Aýam.
Oba seret! tonna ýükiñ astynda,
Duýman otyr tozan basan çañlaryn.
(Uly bolmak üçin süýrekläp barýar,
Çaga,
Geýip agasynyñ jalbaryn).
Ynha-da,
Güýzem gelipdir jyklap,
Baglaram dakyndy sary öýmesin.
Tylla şelpeleriñ tänip düşişin
Ýerde şybyrdaýşyn,
Nenen duýmasyn.
Kalbym lerzan bolýar,
Lezzetem başga,
Tikenekläp üşendirýär duýgular.
On sekiz müñ älem döreden Nakgaş,
Her şekile siñdiripdir söýgüden.
...Ynsan! deñiñden geçirme hergiz,
Bu pursat berilmeýär gaýtadan...
...Garlawajyn çagalarna syn edip,
Doýup bilmän piçjiñ atýan bagtadam.
Bark urup dur mele topragyñ ysy,
Siñdirip özüne güneşiñ çogun
Säher aýdym aýdýan guşlaryn sesi,
Her kime paýlaýar bagtdan paýyn.
...Gyş geler.
gyşam gelmeli ahyr.
Pamyk ýasap tozgalaryn sepelär,
Asmandan gaýyp ýüzüme düşer,
Soñ erär...
Birje tozganyñ eräp gidişi,
Kalbymy oýaryp müñ setir dörär.
Körär.
Kürede ýanýan kömür deý,
Körär.
Tüsse bolar. Howasyz.
Soñ näme?
Taplansa-ha ne ýagşy,
Bolmasa ysgynsyz bir şygyr dörär...
Awtor: REMEZAN MÄMETGURBANOW
18
27
lavinya_
29.05.2024 08:39
AŞAĞIDAKİ KİŞİLER, BUGÜN YAŞASALARDI NE DERLERDİ ACABA?
1) “Radyonun geleceği yok.”
Lord Kevin - İskoçyalı fizik âlimi
2) “Artık yeni hiçbir şey yok. İcat edilebilecek her şey icat edildi.”
Charles H. Duell - Amerikan Patent Dairesi Başkanı, 1899
3) “Denizaltıların savaşta ne işe yarayabileceğini anlayamadım. En
fazla, mürettebatın boğularak ölmesine sebep olabilir.”
H. G. Wells
4) “Atlar her zaman kullanılacaktır. Otomobil ise ancak geçici bir
moda olabilir.”
Henry Ford’un kredi talebi üzerine otomotiv sektörünün geleceği konusunda
ekspertiz veren bir banka müdürü, 1903
5) “Uçaklar hoş oyuncaklar, ama askeri bir değerleri yok.”
Mareşal Ferdinand Foch - I. Dünya Savaşı’nda Fransız Orduları Başkomutanı,
1911
6) “Artistlerin konuşmalarını kim duymak ister ki?”
Harry M. Warner - Film endüstrisi yöneticisi. Belirttiği görüş o sıralarda yeni
icat edilen sesli film üzerine, 1927
7) “Televizyon en geç altı ay içinde piyasadan silinecektir. İnsanlar her
akşam böyle bir kutuya bakmak istemezler.”
Daryik F. Zanuck - Twenty Century Fox’un başkanı, 1944
8) “Bilgisayarlar gelecekte belki sadece 1,5 ton ağırlığında olacaklar.”
Popular Mechanics Dergisi - 1949
9) “Sound’larını beğenmedim, ayrıca gitar gruplarının modası geçti.”
Decca Record Plak Firması’nın bir yöneticisi. Söz ettiği grup Beatles, 1962
10) “İnsanların evlerinde bilgisayar bulundurmaları için herhangi bir
neden göremiyorum.”
Kenneth Olsen - Digital Equipment Corp.’un (bir bilgisayar firması) başkanı,
1977
Çeşme: " Hayata yön veren sözler" alıntılar.
17
47
lavinya_
27.05.2024 17:16
Senden uly ýok diýseler,
Eselmegin sen.
Senden kiçi ýok diýseler,
Peselmegin sen.
Özüň kiçi bolsaň – uly boljak bol,
Özüň uly bolsaň – kiçi boljak bol.
«Sen keçe!» diýseler – haly boljak bol,
«Sen haly!» diýseler – keçe boljak bol.
«Sen köçe!» diýseler – ýoda ýaly bol,
«Sen ýoda!» diýseler – köçe boljak bol.
Hem-ä öz ýaşyňdan
Uly ýaly bol,
Hemem deň-duşuňdan
Kiçi boljak bol.
Özüň serdar bolsaň – daýhan boljak bol,
Özüň daýhan bolsaň – serdar ýaly bol.
Gerek bolan güni – iliňe baş bol,
Soň ýene ýer depip, agdar ýaly bol.
Öz gysga ýoluňy, ýalňyz ömrüňi
Şeýdip ýaşagyn sen, şeýdip ötgün sen.
– Baý-baý, adam bolmak kyn zat eken-ow!
– Ýogsa aňsat zatdyr öýdüpmidiň sen?
Awtor: Kerim Gurbannepesow.
15
38
lavinya_
23.05.2024 17:57
Örän aýdyň hem çuň bir hakykat bar:
Diriler ölüpdir. Diriler ölýä.
Ýöne şol ölenler müň ýyllar ötüp,
Başga biri bolup inýär bu dünýä.
Beýle bolsa kimkä meniň geçmişim?
Şahyrmykan?
Aşykmykan?
Ýa daýhan?
Ýa ol namartmykan çyn sözden gorkýan
Hem gorkusy üçin çyn söze duşman?
Eger şahyr bolsa, meniň şygrymy
Özüm bolup menden gizlin okýandyr.
Ejiz şygrym üçin saçlaryn ýolup,
Menligine ajy gözýaş dökýändir.
Eger aşyk bolsa, söýmediklerme
Söýýän diýenime ýanyp-bişýändir.
Ol meniň ruhumyň kazysy ýaly,
Öz päkligi bilen maňa duşmandyr.
Eger daýhan bolsa toprakdan alyp,
Oňa bermeýänme tutýandyr için,
Hem onuň bir oňat dilegi bardyr
Topraga bir tohum atarym üçin.
Indi bu ýaşlygam ötüşip barýa,
Etsemim bar bolsa, boldy bir çeni.
Gije-gündiz şahyr, aşyk hem daýhan
Depämden seredip goýmaýar meni.
Dünýede çyn sözüň sarpasyn saklap,
Çyn söz üçin özüm ederin gurban.
Ýazaryn, söýerin, tohum seperin.
Razy bolar
Şahyr,
Aşyk hem Daýhan.
Ölsem, dogry sözüň şol duşmanyny
Inkär eden — meni öper bu ýerim,
Müň ýyl ötüp, ýene döräp, şol şahyr.
Aşyk, daýhan bolup dowam ederin.
Yzyma seretsem, bir giden umman,
Öňüme seretsem, bir giden umman.
Geçmişiň öňünde uly bergim bar.
Geljegiň öňünde uly bergim bar.
Awtor: Gurbannazar Ezizow.
26
50
lavinya_
18.05.2024 14:33
"Öz-özüňden göwnüň geçer kem-kemden,
Gözleriň şöhlesi öçer kem-kemden.
Kem-kemden dyzyňa düşer agyry,
Gyzlar «aga» diýip, tutar adyňy.
Kem-kemden köpeler saçlaryň agy,
Kem-kemden azalar saçlaň garasy.
Baýyrlar dag bolup görner gözüňe,
Asman bolup görner daglaň gaýasy.
Aklyň bardyr, huşuň gider kem-kemden,
Deňiň gider, duşuň gider kem-kemden.
Kem-kemden kemeler kuwwatyň, güýjüň,
Ýada düşer zol-zol geçmişiň, düýnüň.
Kem-kemden agzyňda dişiň azalar,
Ýagşy-ýaman edýän işiň azalar,
Kem-kemden kemelip barýandyr keýpiň,
Täze eginbaş hem geýdiň-geýmediň,
Barybir görkezmez seni gelşikli,
Bireýýäm modadan galan eşikli
Zordan süýegiňi süýräp ýörensiň,
Öz-özüňi özüň güýmäp ýörensiň.
Şu ýerde birsalym sägin, şahyrym,
Düşürme özüňi sussupeslige.
Özgeleri şygryň bilen gorkuzma,
Guwan çagalarňa, buýsan nesliňe.
Perzentlerde gaýtalanar ýaşlygyň,
Gojalsa-da, yşgy öçmez aşygyň.
Öz-özüňden göwnüň geçmesin hergiz,
O diýýän zatlaryň öňdedir heniz.
Awtor: Atamyrat Atabaýew
17
35
