"Erkekler dükany" - zenanlaryñ durmuş ýoldaşyny nädip saýlaýandyklary baradaky tymsal

Bir şäherde zenanlaryñ özleri üçin ýanýoldaş satyn alyp bilýän dükany açyldy. Dükanyň girelgesinde dükanyň düzgünleri ýerleşdirildi:

1. Bu dükana ömrüňizde diňe bir gezek baryp bilersiňiz.

2. Dükanymyzda 6 gat bar: her gatdan erkekleriň hili gowulaşýar.

3. Her gatdaky islendik adamy saýlap alyp bilersiňiz ýa-da ýokaryk çykyp bilersiňiz.

4. Aşakdaky gata gaýdyp gelmek düýbünden gadagan.

Bir aýal biraz ikirjiňlendi, ýöne muňa garamazdan durmuş ýoldaşyny tapmak üçin "erkekler dükanyna" girip görmek kararyna geldi.

Düzgünleri üns bilen okandan soň, dükana girdi we birinji gata göz aýlady. Bu ýerde ol: "Işli erkekler" diýen ýazgyny gördi. Aýal ýylgyryp, bu ýerde durman, ikinji gata gitdi.

Ikinji gatdaky ýazgy: "Işleýän we çagalary söýýän erkekler". Aýal ýylgyryp, bu ýerde-de durman, üçünji gata gitdi.

Üçünji gatdaky ýazgy: "Işleýän, çagalary gowy görýän we adatdan daşary owadan erkekler". "Wah! Aýal geň galdy. "Şeýle zatlaram bolýarmy?" Emma, bu ýerde durman, dördünji gata gitdi.

Dördünji gatdaky ýazgy: "Işi bolan, çagalary söýýän, ajaýyp owadan we hojalyga kömek edýänler". "Ajaýyp!" aýal gygyrdy, ýöne bäşinji gata gitdi.

Bu gatda aýal aşakdaky ýazgyda şulary okaýar: "Işi bolan, çagalary söýýän, ajaýyp owadan, öýe, hojalyga kömek edýänler we gaty romantik." Aýal hakykatdanam bu gatda galmak we adamsyny saýlamak isleýärdi, ýöne altynjy gata ylgady.

Ol ýerde şeýle ýazgyny gördi: “Siz bu gatda 2816973-nji myhman, biz bu ýerde erkekleriň ýokdugyny habar berýäris. Bu gat zenanlary kanagatlandyrmagyň mümkin däldigini ýene bir gezek subut etmek üçin döredildi. Dükanymyza gurip göreniňiz üçin sag boluň! "

Goňşyda.

Zaýalan paçagyn zyňdy howlyma, Munyň bilen bolmaz indi oňşyba.

Diýmeli zatlara bellile welin,

Aý bolýa-da nätjek ýene goňşyda.

Köpçülikde biri gykylyklap dur,

Ýaman tanyş görünýärle tumşyga.

Baryp bir-iki agyz diýeýin diýdim,

Golaýyna barsam ýene goňşuda.

Körpe balam, aglap geldi daşardan,

Gaharjygy gelip ýüzün eňşidip.

Sebäbini soranymda körpeden,

Wah näme diýeýin ýene goňşuda.

Howlymyň daşyna ekipdir nahal,

Baryp diýdim goňşy aýyr şu mahal.

Ot alýar möwç urup gygyrsaň sähel,

Aý nätjek ýene-de şol bir goňşyda.

Haýsy bir zadyny aýdyp gutarjak,

Hakyt tup bozanlar munuň tanşyda.

Muň waspyny ýazyp gutaryp bolmaz,

Begenç şahyra duşan tüýs bir goňşuda.

Begenç Orazow

Mugallymyň göreldesi

Ýol bilen barýan bir gojanyň özüniň başlangyç synplardaky mugallymydygyny tanan ýigit:

— Salam, mugallym! Meni tanadyňyzmy? Men siziň okuwçyňyz –diýip, oňa ýüzlenipdir.

— Hä, hawa, men seni tanadym. Ýeri, bu wagt näme kär başynda? —diýip, goja mugallym ýigitden sorapdyr.

— Mugallymçylyk.

— Bu ýoly saýlamagyň sebäbi näme?

— Muňa höwes döreden sizsiňiz, mugallym.

— Bu käre men sende nädip höwes döretdimkäm?

— Siz bir ýola mende juda uly täsir galdyrdyňyz, şonda men özümiň hem ýaşajyk okuwçylarymyň bolmagyny isledim.

— Be, gyzykdyrdyň­aý, beýle men saňa niçik täsir etdimkäm?

Ýigit geň galyp sowal beripdir:

— Hakykatdanam, ýadyňyza düşenokmy? Ýatladaýaýynmy? Bir gezek synpdaş oglanymyz ata-enesiniň sowgat beren owadan sagadyny dakynyp geldi. Ol sagady goşaryndan aýryp, partanyň çekmesine saldy. Şeýle sagadymyň bolmagyny elmydama arzuw edýärdim. Men saklanyp bilmedim, amatyny peýläp, ol sagady çildim. Bahym ol oglan ýarym­ýaş aglap, sagadynyň gürüm­jürüm bolandygyny size aýtdy. Siz bize birlaý göz aýlap çykdyňyz­da, şeýle diýdiňiz: «Bu oglanyň sagadyny alan kişi ony yzyna gaýtarsyn».

Utanjymdan ýaňa ýere giräýjek bolsam hem, ol sagady elden gideresim gelenokdy, şonuň üçinem etmişimi boýun almadym. Siz gapyny gulplap, ählimize diwaryň öňünde düzülmegi tabşyrdyňyz. «Men ähliňiziň jübüleriňizi barlap çykjak, ýöne bir şertim bar. Hemmäňiziň gözüňiz mäkäm ýumulgy bolmaly» diýdiňiz.

Biz ylalaşdyk, şol pursadyň gysgajyk ömrümde iň utançly pursat boljagyny duýýardym. Okuwçylaryň jübülerini ýekän­ýekän barlap gelşiňize, ahyry meni hem barlap, sagady tapdyňyz. Şeýle­de bolsa, hataryň ahyry na çenli barlamagy dowam etdirdiňiz. Soňra bolsa: «Çagalar, indi boldy, gözüňizi açyň­da, ýerli­ýeriňize geçiň» diýdiňiz.

Hiç bir zat diýmezden, sagady hak eýesine gowşurdyňyz. Şol gün siz meniň abraýymy, ömrümi halas etdiňiz. Ogry, ýalançy, kezzap hökmünde köpüň içinde meni masgaralamadyňyz. Bu babatda meniň bilen aýratynlykda­da gürrüň açmadyňyz. Wagtyň geçmegi bilen, men munuň sebäbine düşündim. Sebäbi siz çyn mugallym hökmünde entek beýnisi bekemedik, gögele okuwçyny ýazgaryp, oňa ömürlik gara tagma basmak islemänsiňiz. Şonuň üçin menem mugallymçylygy saýladym.

Bu wakanyň täsirine düşüp, olaryň ikisi hem dymypdyr. Birazdan ýaş mugallym sowal bilen ýüzlenipdir:

— Meni tanan bolsaňyz, şol waka ýadyňyza düşmedimi?

Goja mugallym oňa şeýle jogap beripdir:

— Jübüleriňizi barlan mahalym meniňem gözüm mäkäm ýumulgydy.

Çeşme: «Biznes Reklama» gazetiniň 19.10.2020 senesindäki sany