Birden kakasy girdi otaga,gyzyna ýüregini bagyşlamak isleýän biriniň tapylandygyny buşlamakçydy.Ýöne ýaş gyz eýýäm uka gidipdi.Bir perişdäni ýadyňa salýan mähirli ýüzi,söýeniniň hasratyndan ezilipdi…

Şol gije biri bu äleme ebedi gözüni ýumupdy, ýaş gyz bolsa bejergi otagyna alynypdy.Öz işini ýerine ýetirmeýän ýüregi çalşylypdy.

Bir hepde soňra ýaş gyz täzeden bu dünýä gözlerini açdy.Ýöne dünýä oňa üýtgeşik göründi.Birhili bir zatlar kem ýalydy…

Aradan aýlar geçdi,ýaş gyz gowy sagalypdy.Ýöne içindäki buruklygy näme etse-de atyp bilenokdy.Söýeni ýadyna düşende,ýüregi öňküsindenem beter syzlaýardy.”Bir gezek, bir gezejik görüp bilsedim” diýip pikir ederdi.

Ýüregi ýene syzlamaga başlapdy. Kalby ony gowulaşdyrypdy,ýöne nämede bolsa her agşam ýüregi birden çaltlanardy,ony ukusyndan oýandyrardy we ýerinden çykjak ýaly urup başlardy.

Ýaş gyz bir many berip bilmedigi bu ýagdaýy lukmana gürrüň berdi.Lukman:”Bejergi aňsat bolmady,bir aýdan soň geçer” diýdi.Aýlar geçdi,ýöne ýagdaý häzirem şeýledi.Howlusynda ösüp oturan bägülleriň ýanyna giderdi.Her gün sagatlap olar bilen derdini paýlaşardy.Arasynda olar bilen aglaýardy,gülýärdi.Iň köpem gyp-gyzyl bägülleri söýýärdi.Sebäbi gyzyl gülüň onuň üçin aýry bir ýeri bardy.Ol hem ýaş gyz bilen bile gülýärdi,onuň bilen bile aglaýardy.Gyz ony söýenine meňzedýärdi.Söýenini görende,bu gülüni oňa sowgat berjegine kasam edipdi.Başga hili hiç kim bilen paýlaşyp bilmezdi gülüni.

Birden gapy kakyldy.Gapyny açdy,ýöne hiç kim ýokdy. Gözi ýerdäki ak bukja ilişdi.Ýuwaşlyk bilen egilip,bukjany ýerden galdyrdy.Birdenem ýüregi öňküdenem çalt urmaga başlady.Näme bolýanyna düşünmedi.Bukjanyň üstünde ne bir at,ne-de bir salgy bardy.Bukjany açdy,içinden ak kagyza ýazylan bir hat çykdy.Ýüregi ýene tiz urmaga başlady.Onuň ysy bardy kagyzda.Bu hatda ýyldan-ýyla hasratyny çeken,ýanynda bolmak üçin janyny hem berip biljek söýeniniň ysy bardy.Başy aýlanyp başlady.Ýuwaşjadan ýere oturdy.Kagyzy açdy.Elleri titräp okamaga başlady.

“Söýgülim!Senden aýrylanymdan soň,bir ýürege iki söýginiň sygmajagyny bilenim üçin,ne birini söýüp bildim,ne-de birine seredip bildim.Her günüm beýlekisinden has hem agyr geçdi.Sebäbi hasratyň her gün öňküsindenem beter artýardy.Saňa kitaplary doldurar ýaly şygyrlar ýazdym.Her biri beýlekisinden hasam gussalydy.Ýazdym,okadym,agladym.Her gün ýazdym,her gün okadym,ýyllar boýy agladym.Her gün daňa çenli seni pikir etdim,her gün seniň ýanyňda bolmak isledim.Her gije sensizlige länet etdim,ukulary özüme duşman etdim,sensiz galmagyň ajysyny gözlerimden çykardym.

Bir gün ähli zady üýtgedip biljek pursat çykdy öňüme.Bu pursady goldaman,özüme haksyzlyk edip bilmezdim.We goldadym.Senden uzaklara gitdim,belki seni unudaryn diýip.Ýöne ähli zat tersine boldy.Seni indi öňküdenem beter göresim gelýär.Belki senden has hem uzaklardadyryn,ýöne ýene-de seni görmek üçin uzaklardan gelip bilýärin.Seni söýüp bilýän,ýatyrkaň seni synlap bilýän.Käte gözleriňi açyp seredýäň, gelenimi bilýändigiňi pikir edýän,ýöne ýene süýji uka gidýäň.

Ertir biri-birimizi söýmegimiziň altynjy ýyly.Şu wagta çenli seniň ýanyňa diňe men geldim,ertirde sen gel bolýarmy?Unutmankam,saňa beren ýüregime gowy seret bolýarmy?Çünki gözýaşlarym bilen adyňy ýazdym ýüregime.Seni sendenem beter söýýän söýgi bar ýüregiň içinde.Unutma,gyzyl gülleri-de unutma bolýarmy?Seni söýýärin, ýanyma gelýänçäňde söýerin!

Seni bu dünýäde hiç kimiň söýüp bilmejegi ýaly söýen adam.”

Nagyma Osmanow

Daň şemaly mylaýym öwüsip, guşlaryň jürküldisi owaz bolup eşdilýän,gül-gülalekleriň hoşamaý ysy kalbyňy heýjana salýan ýaz säherleriniň biridi. Melike daň bilen oýanyp öyüň işine gümra bolup ýördi. Onuň yz ýany bolsa jigisi Maksat oýanypdy. Melike 21 ýaşynda, ýetişen gyzdy, Maksat bolsa 16 ýaşynda ýetginjekdi. Melike jigisini gaty gowy görýärdi, ezizläp saklaýardy. Melike her gün jigisinden we kakasyndan öň turup ertirligi taýýarlap goýardy. Doganlaryň ejesi Maksat 2 ýaşlyjaka aradan çykany sebäpli bulara kakasy seretýärdi. Melikäniň kakasy - Aman aga bu gün adatydakylardan has ir turup işine gidipdi. Ol mebel ussahanasynda "Baş ussa" bolup işleýärdi. Maksat bolsa ir bilen mekdebe gitdi. Melike öýde ýeke özi galýardy. Öýüň işlerinde derrewjik dynardy we kitap okap, el işlerine güýmener ýörerdi. Günler biri-birini dolap geçip durdy. Ýaz paslynyň ahyrlarynda Aman aga hassalyk tapdy. Günsaýyn horlanyp ysgyndan gaçyp barýardy. Bu ýagdaý Melikä we Maksada agyr degýärdi. Maksat mekdep okuwçysydy jogapda oňa muňa gidip pul getiren bolsada oňly işde işläp biljek däldi. Aknura iş gözlemekden başga alaç galmandy. Kakasy bilen maslahatlaşdy we iş gözläp başlady. Aman aganyň ýakyn dosty bulara kömegini ýetirdi. Derrew iş tapyp berdi. Melikäniň asyl hem tikin-çatyn işlerine höwesi bardy. Ony "Tikinçilik öýine" işe saldy. Günlerini şeýdip görüp başladylar. Aman aga bolsa gün-günden agyrlaşýardy. Melike kakasyna gowy seretsede oňa ýeterlik ukol-derman almaga maşgalanyň ýagdaýy ýokdy. Melikäniň yşk-söýgi bilen işi ýokdy. Hemme aladasy maşgalasydy, şeýle-de bolmalydy. Günleriň birinde başlygy Melikä hepde-de bir gün işden soň galyp iş ýerini tämizlese munuň üçin artykmaç pul berjekdigini aýtýar. Melike bolsa razy bolýar. Ol her hepdäniň ikinji güni gije çenli işläp başlaýar. Syrly wakalar hem şunuň bilen başlanýar. Melikäniň gije düýşüne täsin waka girýär. Ol wakada Melike iş ýeriniň bir ýeriniň arka tarapyndaky bakjany gazyp hazyna tapýardy. Düýşden täsirlense-de Melike kän bir ynanmandy. Bu gün Melikäniň artykmaç işlemeli günleriniň biri. Hemmeler dagandan soň Melike işe başlaýar. Gören düýşi ýadyna düşýär, hazyna tapan ýerini gazyp görmek isleýär. Gazýar, gazyar, hiç zat tapmaýar. Ýarym metr ýeri dagy gazýar. Soň ýadap gazmasyny goýýar. Elindaki pili ýere uranda bir zada degen ýaly ses eşdilýär. Ol düýşündaki sandygy tapýar. Ýöne içini açanda altyn-kümüş, gymmat bahaly zatlar, pullar ýokdy. Diňe düşüniksiz simbollar ýerleşdirilen köne kagyz bölejigi we ýüzi nagyşly tegelek daş bardy. Kagyzy we daşy eline alýar. Gazan ýerini gömüp işiniň başyna geçýär. Işini dynyp öýlerine gaýtdy ýöne daşdan we kagyzdan hiç kimiň ýanynda sòz açmaýar.

dowamy bar...

Şeýle bir söýýärdim,söýýärdim seni

Seň bilen durmuşym örän hezildi

Sen gitdiň ýalňyzlyk aglatdy meni

Joşan göwnim gam kölinde ezildi

Şeýle bir söýýärdim ,söýýärdim seni

Kalbymyň törinde diňe sen bardyň

Sen dünýäme dogdyň şapak mysaly

Ömir ýollaryma saçýan bir nurdyň

Şanyňa ençeme goşgy ýazardym

Galam ,kagyz meniň hemram bolardy

Elmydama seni ýatlap gezerdim

Seň suratyň meniň gümram bolardy

Ýadymda henizem şol geçen günler

Şol gün bir mysalyň jogabyn gözläp

Sanardyk biz goşup barmaklarmyzy

Şonda-da jogaby bilmedik çözläp

Soňra biz öýmizden daşary çykyp

Şol mysaly berdik agam Tirkişe

Agam pikirlenmän jogabyn aýtdy

Beýle zehin berilmeýär her kişä

* *

Ýadymda henizem şol geçen günler

Remezan aýynyň ikinji güni

Size oýnamana men ejem bilen

Barypdym,ýenede göripdim seni

Şol gün seniň bilen goňşy golama

Ýarmezan aýdyp aýlanardyk biz

Bolsakda biz bäş-on sany bir topar

Başga çagalardan saýlanardyk biz

Şol gün sen owadan gaty ses bilen

Ýarmezan goşgysyn aýdyp bererdiň

Men bolsa utanyp uýalyp şonda

Hiç zat aýtman ýere bakyp durardym

Şonda-da olar meň başym sypalap

Süýji-kökelerden paýym bererdi

Soň ilkinji söýgim elimden tutup

Meni başga gapa alyp barardy

* *

Ýadymda henizem şol geçen günler

Agamyň toýunda göripdim seni

Gözel jemalyňy uzakdan synlap

Bagtyňa bendiwan edipdiň meni

Şol gün elme alyp seň telefonňy

Görenimde seniň suratlaryňy

Içgin-içgin bakyp seredip çykyp

Dörenimde seniň suratlaryňy

Gözim düşdi bir nätanyş oglana

Köşge şol suraty görmesedim hiç

Şol gün çyn söýgimi aýtjakdym saňa Indi bary giç

Klasdaşlaň bilen uçurym güni

Durdyň sen bir ýigdiň elinden tutup

Ýüregimde gaýnap joşan bu söýgim

Indi ýüregimde galypdy ýatyp

Bilýärin bu ýerde seniň günäň ýok

Müň dürli syr bardy gara göziňde

Bilýärin bu ýerde seniň günäň ýok Günä özimde

Men saňa söýgimi aýdyp bilmedim

Seni söýüp guwanardym daşyňdan

Goý meniňki ýaly jogapsyz söýgi

Geçmäwersin hiç adamyň başyndan

Gerçeknazar Amannazarow

Menin durmusymdan gitdi diyip gynanma😔👉😊 kime barsa ondanam gitya 😒

menin durmusyma biri geldi 👩‍❤️‍👨diyip begenme🤚 olam birinin durmusyndan geldi.👉💔❤️‍🩹

❤️👈