Adamy sebäpsiz hijem aglatmañ,

Ýersiz ýere urýan yürek daglatmañ,

Begenjini gömüp, gussa baglatmañ,

Göwün ýykyp, näme gazandyñyz siz?!

Ynha jany ýakyp, gömdüniz göwni,

Kemsitdiñ ynsany büküldi boýny,

Arman saña "utan!" diýmändir beýni,

Göwün ýykyp, näme gazandyñyz siz?!

Biziñ aramyzy menziller alýar,

Hijem unutmaryn şadyýan ýüzüñ.

Utanyp, ýüregim gaytadan urýar,

Haçanda düşende gözüme gözüñ.

Gözümi açamda huşumda sensiñ,

Hyýallamda seniñ keşbiñ janlanýar.

Bilýän senem oñup bilmersiñ mensiz,

Seniñ bilen sagat çaltam aýlanýar.

Indi goldaw ýogam gelen ýerlemde,

Dertlerime derman bolup Bermane,

Bile bolmak mümkincilik berlende,

Howlugardym ýene seni görmäne!

Ýakyn dostumy unutmaryn hijem,

Indi duşuşyga garaşýan her gün,

Nesibämde bolup, düşäýse bijäm,

Uçaýjak bolýar heýjandan göwün.

Degişgen adamlara üns ber köpräk,

Hemme bilen degsip, gülüşýändirler,

Yöne ýylgyrşyndan düşäýseñ pesräk,

Ýürek sanjymlaryn, tükelýändirler.

Degişgen adamlara üns ber köpräk

Ýylgyrşyñ astynda nämeler ýaty:r!

Gutarnyksyz kimin göýä ajylañ

Eşiden gulagy gynanja baty:r.

-Nirdesiñ? Seslenýän saña eý bagtym!

Gam gussalaryma bürenen wagtym!

Galamy taşladym, Ýatyşdy badym,

Sungatym çykardy, ýene ol dertden!

Köp gözledim seniñ ugruñda gezip!

Adamlardan gaçyp, tisginip, tesip!

Geçdiler üstümden damardan ezip,

Sungatym çykardy, ýene ol dertden.

Bagtymyñ ugrunda dünýä aýlandym!

Tapman, ýene galamyma baglandym,

Ylhamy tutdym-da öñe saýlandym,

Sungatym çykardy, ýene ol dertden.

Goldawy, hiçkimden tapmadym ahyr,

Özümi galdyrdym, bolmadym bahyl,

Belkide, şu hakda ýazýandyr şahyr,

Sungatym çykardy, ýene ol dertden.

Gözüm doldy damja ýaşa,

Goýduñ meni ýalnyz başa,

Gitdiñ indi menden daşa,

Gözden ýitdiñ...

Şypa islän pursadym.

Zar indi men galam-ga:şa,

Aşyk boldum göwher da:şa,

Tozýan indi daglar a:şa,

Ýitip gitdiñ...

Sylag islän pursadym.

Balyk kimin böküp, a:şa,

Ýüzüp geldim derýa başa,

Seri saldym degre-daşa,

Gaýyp bolduñ...

Didar islän pursadym.

Bürgüt kimin ganat ýa:ýyp,

Söýýän ýarym menden ga:ýyp,

Kimkä indi maña la:ýyk?

Ýat bolduñ sen...

Mähir islän pursadym.

Özge ýara menden gitdi,

Goýan ýarañ şindi bitdi,

Günäsizkäm meni itdi,

Özgä döndüñ...

Söýgi beslän pursadym.

Gözel durkuñ nämelere deñesem?

Özgelerde görkezmegem islämok!

Waspyña ýetmezem şirwan perdesem,

Käbämi hiçzada deñäp bolanok!

Balam açdyr diýip iýmän gezendir,

Bukjasyna salyp goýan nanyny.

Her bir köpügini maña siñdirip,

Çagasyna bagş edendir baryny.

Aýaga galdyrdy mähriban ejem,

Ýaş başyma soramandyrn halyny.

Ýola düşenimde rahatlyk duýýan,

Pata berip, öpeninde alnymy.

Gaygy-gamlaryny ýylgyryp gizläp,

Berdi baryn, hijem dözmän özüne.

Her kim üçin sada gelin bolsañam,

Inen perişdesiñ meniñ gözüme!

Gerdenime ýükläñ hemme gussany,

Ýöne Ejemjana hiç zat bolmasyn!

Ýykylyp namazlyga her gün ýalbarýan,

Men solaýyn, ejem hijem solmasyn!

Arslan Tejenow:

Dünýäniñ in uly baýlygy, bagty,

Maşgaladyr, ondan uly zadam yok.

Ulalyp düşündim, pany dünýede,

Eneñdir-atañdan eziz adam ýok.

Enemdir, aç wagty özi iýmäni,

Maña uzadypdy iñ soñky nany.

Kakamdyr meñ üçin aýaman jany,

Gije-gündiz ýatman aladam eden,

Mähribanlam unutmaryn sizi men.

Gülälek Hudaýgulyýewa:

Waspyñ etmäne sözlem ýetenok,

Yetmez tarypyña şirwan perdesem.

Käbäniñ söýgüsin hiç kim berenok

Özge ýerde söküp, näçe gözleseñ.

Ýadamda kellämi dyzyna goýsam,

Hüwdiñ heñi sarsar degre-daşlary.

Aç başyma okarama ýapyşsam,

Göýä Melhem kimin beren aşlary.