gokgi
25.09.2024 15:55
Üsti güldür-gurjakly toý maşynyndan
ZAGS-daky gol çekilýän nika stoluna
çenli aralygy özbek gyzlary
dähedem-dessemläp geçýär.
Dähedem-dessem...
Ilki bilen gol çeksem!
Dähedem-dessem...
Onsoň golum çemenli
Täze öýmüze ýetsem!
Dähedem-dessem,
Dähedem-dessem,
Täze öýmüze baryp,
Ärime hyzmat etsem:
Süýji-süýji bişirsem,
Suw ýerine ýag içirsem,
Guşlar bilen oýansam,
Ýüpek parça geýinsem,
Nandyr, lagman ýugursam,
Ýuwsam, tiksem, egirsem,
Onsoñ günleñ bir güni...
Ekiz ogul dogursam!
Toba-toba, dähedem,
Toba-toba, dessem-leý,
Üstüm çaga basdyrman
Birki ýyl bir gezsem-leý!
...Dähedem-dessem, dähedem-dessem-
Gaýtmyşym ylla,
Çagasyz-çugasyz ýetäýseñ nätjek
Kyrka ýa ellä?!
Bolgusyz pikirler
Nirden gelip ýör
Diýsene kellä!
Dähedem-dessem, dähedem-dessem,
Ekiz bolsun,
Sekiz bolsun,
Derýa bolsun,
Deñiz bolsun,
Öýmüz mydam bazar ýaly
Şowhun alyp dolup dursun!
Dähedem-dessem,
Gyz bolanda-da,
Dähedem-dessem,
Ogul bolsa-da,
Görk berer öýümize
Ikisem des-deñ,
Ikisem des-deñ!
Dähedem-dessem...
Annaberdi Agabaýew. 1979
12
121
gokgi
02.09.2024 17:21
⚜ Meşhur aktrisa Natali Portman 13 ýaşynda kinoda çykyş etmäne başlaýar. Meşhur fransuz aktýory Žan Reno bilen surata düşen "Leon" filmi bilen başlanan kämil aktrisalyk ýoly oña uly üstünlik getirýär. Häzirki wagtda ol "Oskar", "Golden Globe", "BAFTA" ýaly abraýly kino baýraklarynyñ eýesidir. Natali mekdepde okan döwründe iñlis, fransuz, ýapon, nemes we arap dillerini özleşdirýär. Ol okuwyna şeýle bir yhlasly ýapyşýar, hatda özüniñ gatnaşan "Star Wars" filminiñ ilkinji dabaraly görkezilişigine hem gatnaşman, gutardyş synagyna taýýarlanýar.
⚜ Meşhur ýazyjy Agata Kristiniñ öz eserlerindäki ýygy-ýygydan ulanan añtaw hem-de halas ediş wakalaryny gowy bilmeginiñ sebäbi, onuñ harby şepagat uýasy bolup işlemegi bilen baglydyr.
⚜ Halkara derejesinde iñlis skripkaçysy hökmünde tanalýan sazanda Wanessa Meý 3 ýaşynda pianino, 5 ýaşynda bolsa skripka çalmaga başlaýar. Ginnesiñ Bütindünýä rekordlar kitabyna giren Wanessa 13 ýaşynda Bethoweniñ we Çaýkowskiniñ konsertlerini ýazgy edýär.
⚜ Nobel baýragyna mynasyp bolan ilkinji zenan Mariýa Kýuri , şol bir wagtda şol bir baýraga iki gezek mynasyp bolmagy başaran ilkinji alym hökmünde hem bellidir.
Taýýarlan: Şamyrat Muhammetgurbanow(Zenan kalby žurnalyndan)
13
41
gokgi
02.05.2024 18:31
Çaga doglup, tä kyrk gün geçýänçä ol çileli hasaplanýar. Çile sözüniñ özi pars sözünden gelip çykyp, kyrk diýen manyny berýär. Ata-babalarymyz üç, ýedi, kyrk ýaly sanlaryñ durmuşda ähmiýetiniñ uludygyny hemişe tekrarlapdyr. Şeýle ynançlaryñ esasynda bolsa, çaganyñ kyrk çilesi diýen dessur döräpdir. Kyrk günlük çile dessury diñe türkmenlerde däl, eýsem beýleki türki halklaryñ birnäçesinde hem bolupdyr. Bu dessur häzirki döwre çenli dowam edip gelýär. Çilelidöwürde çaga gözden-dilden goraglap saklanýar. Çileli çaganyñ üstüne täze gelin, et, ýumurtga, mata getirilmeýär. Ata-babalarymyzyñ ynanjyna görä, eger-de şeýle edilse, çaga çile düşüp bilýär. Çile düşen çaganyñ ýañagynda we endamynda gyzyl örgünleriñ peýda bolmagy bilen, onuñ kesellemegi, iglemegi mümkin diýip düşünipdirler.
Çagany kyrk gün çileli döwründe iki gezek çileden çykylarylýar. Muny maşgalada zerurlyk ýüze çykanda, ýagny toý tutmak we başga bir bäbegiñ dogulmagy ýaly ýagdaýlarda ýerine ýetirilýär. Oña ýedi gün geçenden soñ, ýedi çilesinden çykarmak, ýigrimi gün geçenden soñ, ýigrimi gün çileden çykarmak dessury diýilýär. Çagany doglandan kyrk gün geçenden soñ bolsa, ymykly çile suwuna düşürilýär.
Ene-mamalarymyzyñ gürrüñ bermegine görä, çile suwuna ýedi görnüşli zat atylýar: goýnuñ çöri, ýumurtganyñ gabygy, etiñ bölegi, matanyñ bölegi, kümüş, kyrk sany bugdaý dänesi we bir çümmük duz. Şol zatlaryñ atylmagynyñ her haýsynyñ öz sebäbi bolupdyr. Bularyñ ählisi çaga çileden çykýança çileli zatlar hasap edilendigi üçin, olar biliner-bilinmez ýagdaýda öýe gelwn bolsa, çiläni kessin diýen ynam bilen çile suwuna atylypdyr. Kümüş çaganyñ düşürilýän suwunyñ düzümini arassalaýar. Çagany çileden çykarylanda ol ýedi öýe eltip görkezilýär. Çagany görüp, ýüzlerine sylýarlar we sowgat berýärler. Ata-babalarymyzdan gelýän däp-dessurlara eýerip, kyrk gün dolup, sag-aman çileden çykan çaga babasydyr mamalaryna myhmançylyga äkidilýär.
Umuman, çaganyñ durmuşy bilen baglanşykly dessurlaryñ hataryndaky çile dessury çaganyñ sagdyn synaly, berk bedenli ösmeginde täsiri uly bolupdyr.
Taýýarlan: Aýna Gurbangulyýewa
30
126
gokgi
11.04.2024 15:12
Halys başym alyp gidýän bir ýaña,
Ýöne pikirlerden bilemok ozup,
Şo ýerde-de bagtym alan şo gözel
Gaşynda ýarymyñ gözlerin süzüp
Otyr,
Näzi bilen ýakyp-ýandyryp.
Bu pursata ýanyp-bişmän bolanok.
Ellem bilen ýapyp,
Ýumýan gözümi,
Gaýta otyr pikirlerme dolanyp.
Göwnüme, ýarymam soñky günlerde
Hiç zatça görenok göwnüm ýykmany.
Ýeri, o gözele näme diýersiñ,
Pikirem edenok özge ykbaly.
Bir boýdaşym ýanyp-bişýär halyma,
Diýýär: \"Uçurapsyñ ýaman derde sen.
Bu keseliñ güneş ýaly ýüzüñden
Syrar juwanlygyñ näzik perdesin\".
Uka gitsem...
Bolýar bolubileni,
Ynjalyk tapamok oýanan wagtym.
Ýogsa ýar ýanymda gerip ganatyn
Göýä goragçysy bu sypjyk bagtyñ.
Ganyma siñipdir bu ýowuz \"kesel\",
Darkaş edýär ömrüñ juwan wagtyna.
Ýeri, onsoñ nädip bagtly bolarsyñ,
Ynanmasañ eliñdäki bagtyña!
✍🏼BIBI ORAZDURDYÝEWA
18
33
gokgi
10.04.2024 17:07
Gyzlar iki topara bölünýärler. Biri arassaçyl beýlekisi romantikler. Ýagny birinji topar öýde tozan görse süpürýär, ýuwýar, arasssalaýar. Ikinji topar bolsa şol tozana ýürejik çekýär. Üçünji topar şol tozany üfläp öýe ýaýradýar. Dördünji topar eli bilen tozany süpürüp elini aşak kakýar. Ýene bir topar tozany görüp hiçzadam edenok. Baýba iki topar däl eken, ýene köp ekenä...
😀😃😄😁😆😅🤣😂
"Pişijegim, towşanjygym, kepderijigim, guşum" diýlip söýgi mynasybetli aýdylýan sözleriñ añyrsynda "HAÝWAN" sözüniñ ýatandygyny gyzlarymyz entägem añanok.
😀😃😄😁😆😅🤣😂
Druzýamda Şakira, Jennifer, Maksim dagylar bar diýip begenip ýörsem, asyl olar goñşylarymyz Şeker, Jennet, Mahym dagylar ekenä.
😀😃😄😁😆😅🤣😂
Adam pahyram hor bolmajak bolup semreýädä...
😀😃😄😁😆😅🤣😂
Garyp bolanyña görä puluñ bir köp bolaýsa...
😀😃😄😁😆😅🤣😂
Ir bilen seresap hereket etmeli. Bir ýalñyş hereket we sen ýene ýatyrsyñ.
😀😃😄😁😆😅🤣😂
Çagalygymyzda iñ eşidesimiz gelmeýän söz: Ana, pylanyñ çagasy bela ýaly...
😀😃😄😁😆😅🤣😂
Diýetologa ýazyljak bolsañ ikisine ýazylmaly. Biriniñ berýän resepti bilen doýup bolanok.
😀😃😄😁😆😅🤣😂
Özüñi betnyşandyryn diýip pikir etme. Betnyşandygyñ dogry ýöne pikir etme.
😀😃😄😁😆😅🤣😂
Gybatçynyñ altyn kanuny: Telefon goýlandygyna doly göz ýetirmän, gybat edip başlamañ!
39
353
gokgi
07.04.2024 16:28
Aýna seredip öz görkünden göwni geçip ýören aýal hüññürdeýär:
- Gowy-da! Meñ ärime geregem şol.
🤣 🤣 🤣
Bir gyz ejesinden sorapdyr:
-Eje meñem ulalsam ärim bolarmy?
- Hawa gyzym gowja okasañ, gowy gyz bolsañ señem äriñ bolar.
- A men erbet gyz bolsam näme?
- Onda äriñ köp bolar.
🤣 🤣 🤣
Bir GAIniñ ogly ölüpdir. Jynazasyna gelen sürüjiler waý oglum, çagajygymeý diýip aglap başlapdyrlar. GAI geñ galyp o nädip siziñ ogluñyz bolýar diýse, sürüjileriñ biri dogduran sen bolsañam bakan biz ony.
🤣 🤣 🤣
Internetde ýazyşýarlar:
- A saña nähili gözler ýaraýar?
- Aýýý maña her hilisi, tapawudy ýok.
- Señ bagtyñ çüwdi, meñ gözlerim her hili, biri beýläk, beýlekisem eýläk bakýar.
🤣 🤣 🤣
Gyzjagaz edebiýatdan öý işini edip otyrka ejesinden soraýar:
-Eje tragediýa, drama, komediýa nämaý?
- Ine gyzym kakañ öýe içgili gelende kakañ özi üçin tragediýa, bize drama, goñşylara bolsa komediýa bolýar.
🤣 🤣 🤣
Iki sany däli dälihanadan birden ýok bolupdyrlar. Onsoñ hemme lukmanlar bar ýerini gözläp tapmandyrlar. Agşam bolanda bu iki däli gülüşip-degşip gelipdirler we lukmanlar geñ galyp:
- Siz nirden geldiñiz beýle biz sizi gözläp uzakly gün taptp bilmedik.
- Biz ertir gaçjak bu gün prosta taýynlyk gördüklaý.
🤣 🤣 🤣
Çagalar bagynda günortanlaryna uklaman geçirenime şuwagtam özümi bagyşlap bilemok.
🤣 🤣 🤣
Är aýal aýrylyşmagy karar edipdirler, emma çagalaryny deñ iki bölüp bilmändirler. Sebäbi ýedi çagany deñ ikä bölüp bolmaýar, birine artyk düşýär. Soñ äri aýalyna şeýle diýipdir:
- Ýene bir çaga edineli, sekiz deñ ikä bölünýär.
Olar bir çaga edinip aýrylyşmagy kara edinipdirler we aradan dokuz aý geçensoñ olaryñ ekiz çagalary bolupdyr.
🤣 🤣 🤣
Ýer ýüzünde iñ uly dartyş güýji sagat 7däki ýassyk.
Bildiriş: ❤LIKE GOÝANA IPHONE PRO 18 SOWGAT.
HOWLUGUÑ SIZEM SOWGADY ELDEN GIDERMÄÑ.
41
368
