Men bu ýere gelemsoň köp zatlar öwrendim, kimdir biriniň birzat öwrenmegine sebäp bolup bildim. Bu ýerde köp dost gazandym. Şadyýan, bagtdan uçaýjak wagtlarym bu ýere gelip bilmesemem, gamgyn, gussaly wagtym şu ýere gelen wagtym az bolmady.

Dogry, men hiç kimi göz-göze görmedim, hiç kimem meni göz-göze görmedi, ýöne muňa garamazdan her bir gadyrdanymy duýýan, gaýybana göz öňümde janlandyrýan, sylaýan, hormatlaýan. We şoňa görä-de hormatlanýan.

Kimdir biriniň bilgeşleýin gaharyny getiresim gelýär käte-de, getirýänem. A kimdir birinň bolsa saçyny ütesim gelýär, ýöne nätjek :D

Kimdir biri üçin bu ýeri taşlap gitsem, ýene kimdir biri dolanyp gelmegime sebäp bolýar. We meniň şeýle sebäplerim köp...

Şu ýere gelen wagtyma ýakynda 4 ýyl bolýar. Ilki-ilkiler wagtymy gowy geçirmek üçin gelýädim, indi bolsa şu ýerde göresim gelýän kişiler üçin gelýän...

Özüm bilmän göwnüňize degen wagtlarym bolsa ötünç soraýan. Bilip, bilgeşleýin göwnüňize degen kişilerme-de ýene bir gezek gowy edipdirin diýýän. Gaty görüberiň aýplaşamok :D

Elbetde 4 ýyldan bäri tanaýanlarymam bar, we tananyma hat-da bir ýylam bolmadyk kişiler bar. Tananyma näçe wagt bolanynym ähmiýeti ýok herkimiň orny, gadyry, hormaty aýratyndygyny aýdasym gelýär.

Bu sözleri näme üçin diýýänim gyzykly bolsa gerek, näme üçin diýýänimi özümem bilemok, şu wagt içimden gelýär we sizlere gyzgynjagy bilen ýetirmek isledim.

Sözümiň soňunda şuny diýesim gelýär: ,,Ýanyňdaka ýylgyrdýan adamlar gowy, ýadyňa düşende ýylgyrdýan adamlar has gowy"...


Wi ýogsa-da göwnüme degenlerňiz bar bolsa hemmäňizi bagyşladym, @Ylham akgamdan başgaňyzy 😁


garlawaç
29:36
28.04.2024.

Söýgi käwagt gitmek bilen galmagyň arasyndaky iň uly söweşdir. Söýmeýänleriň akly, hakykatdanam söýýänleriň ýüregi ýeňýär bu söweşde...

Nazym Hikmet Ran

Adamyň dostlary bolmaly. Gämileriň portlary ýaly wagtal-wagtal durjagyň, ýüküňi düşürjegiň, gursagyňdaky tolkunlar gutarýança garaşjak…

Oraz Ýagmyr

Ähli aladalarňy unudyp, ýa:t adamlaryň ýüzündäki ýylgyryşy duýup gördüňmi? Ýa-da ylgap barýan çagajygyň gülki sesine özüňi ýitiripmidiň, heý?

13:29
20.04.2024

Ýöremek hem iki görnüşli bolýar, gymmatlym! Seýilgählerde hem-de adamlaryň göwün köçelerinde...

20.04.2024

Hoşamaý sözler eşidesim gelenok meniň, sen maňa soňky okan kitabyň barada gürrüň ber, menem saňa näme üçin pandalary gowy görýänimiň syryny açaýyn... )))

@garlawac
20.04.2024

Maňa gül bergiň bar, ezizim! Her bir okan kitabymyň seni ýatladýan sahypasynda galdyrmak üçin.

@Garlawac

Böwürlerne sanjy bolup gijeleñ,
Kä surnugyp, kä ÿerliksiz tijenen,
Setirlere sygyp bilmän güÿjelen
Däli duÿgularmyñ eÿesi senmi?
Ÿykdym-ÿykyldymyñ söÿesi senmi?

Müñ gaÿtalap gezer ÿaly adyñy
Ÿa señ adyñ özi maña jadymy?!
Bašga zatdan mahrum edip ÿadymy,
Göwnümiñ iñ süÿji görgüsi senmi?
Hiç üzüp bolmaÿan bergisi senmi?

Adam tapman duÿgularmy añara,
Gošgularmy okap berdim daglara.
Sen bir indi gaÿdyp meni aldama!
Gör, señ näçe gezek gidesiñ geldi!
Gitmediñ.
Ÿa señem gijeleñ menmi?

Sen — derdimmiñ, wagt bejerip bilmeÿän?
Sen berdiñmi ol mukamy — diñmeÿän?
Heÿ, gördüñmi men deÿ takat bilmeÿän?!
Ÿa šol takatlarmyñ ogrusy senmi?
Ömrümiñ ÿalñyšy-dogrusy senmi?

Saña dušup: bilmen, näme — rahatlyk!
Ÿüzün tutup, aglap otyr sagatjyk!
Sagatlar nä!
Aÿ-günleri aglatdyk!
Ömrümiñ ykbaldan algysy senmi?
Ymtylan sa:lgymnyñ salgysy senmi?

Öÿkeläp bilemok,
Bilemok aldap,
Ökünip bilemok, kalbymy daglap —
Galanja günlermem adyña baglap,
Umytda, arzuwda gitjegim belli...
...Gulagym šyñlaÿar:
Ÿatlaÿan senmi?..


Çary Ataýew

Eger owadan bolasyñ gelse, adamlara ýagşy göz bilen seret. Saçyñ owadan görünmegini isleseñ, çagajyklañ saçyñdan tutmagyna ýol ber.Islegiñ syrdam beden bolsa, çöregiñi açlar bilen bölüşip iý. Pisse dodaklaryñ bolmagyny isleseñ, diñe ýagşy sözle.

©Odri Hepburn

Gel, gowsy, baryny başlaly başdan —
Birigen ýerinden ömür ýolumyz.
Sen öňki ýeriňde göwnüňi hoşlap
duruber,
Birdenem elwan ýaglygyň
Oýunçy şemala güýmenje bolsun.
Uçursyn ýaz ýeli, oklasyn öňme.
Täzeden tutaly sekuntlaň pulsun
Hem asla del zatlar gelmesin göwne.

Sen-ä näz eden bol, çekeýin menem.
Soňra-da öňki deý sumat bol gözden.
Men seni soraglap ygaýyn ýene,
(Ýene-de öňümden çykjagňa söz ber!)

Täzeden ýaşaly ýaşan ýaşymyz,
Biz bile bagtly, biz bile bir ten.
Ylhamyny alyp ýedi aşygyň,
Bile bitireli söýgüniň şertin...

...Günleri kowalap şu güne ýetsek,
Şu günki deý bölünende ýolumyz,
Gel, gowsy, baryny başlaly başdan:
Bahar ýeli göge zyňsyn ýaglygyň.


Aşyr HANOW