Säher turup, syl ýüzüňe çagaňy,

Päkligiňde bolup bilseň şonça bol.

Sen sanama gara saçyň agyny,

Sen sag-aman öreniňe monça bol.

Biz hemmämiz şatlyk üçin doguldyk,

Şoň üçinem geçdik, ine, şunça ýol.

Şat günleriň köp bolmanna gynanma,

Şat günleriň bolanyna monça bol.

Goňşyňy gozgama, göçmesin goňşyň,

Goý, öçmesin sen ölçerme oduny.

Aýaklaryň ätjek ädimin äder,

Göreçleriň görer görjek zadyny.

Säher turup, syl ýüzüňe dünýäni,

Giňligiňde bolup bilseň şonça bol.

Bu dünýäňe mahsus ähli zatlaryň

Senden sowlup geçmeýänne monça bol.

Erbet bor bu baglar geçse deňiňden,

Bu ýagyşlar seniň üçin ýagmasa.

Bagy ikiýana bulanda tupan,

Zerur çygy gül ýüzüňe degmese.

Gykuwlaşyp geçip gitse deňiňden,

Durnalaryň ýyllar kimin hatary.

Seni gozgamasa beýik ýaşaýşyň,

Çözülen hem çözülmeli mataly.

Şoň üçinem syl ýüzüňe dünýäni,

Özüň hakda, goňşyň hakda pikir et,

Bu dünýäňe mahsus ähli zatlaryň

Senden sowlup geçmeýänne şükür.

Gurbannazar Ezizow.

Ertiriñiz haýyrly, günüñiz şowly bolsun!🌞

"Batan gün üçin aglamaň,

Täze dogjak Günde nämeler etjekdigiñizi pikirleniň..."

Degişgendiň,läliksiräp oýnaklap,
Iç gysgynç günlere taýsyz taraşdyň.
Soňky duşuşykda,aglaňda hyklap,
Oýun etdim,diýeriňe garaşdym.

Ak mersedes,alkymyna atlanyp,
Bezeneňde kejebäň bilen ýöreşdim.
Hyýalymda gelinalyjyňy duruzyp,
Oýun etdim diýeriňe garaşdym.


Goňşulykda boş goýulmaz çakylyk,
Toýa bardym şatlyk-şowhun guraşdym.
Men samsyjak şol pursadam çagyryp,
Oýun etdim diýeriňe garaşdym.


Ogryn bakdyň çüýşürübiň üstünden,
Ýaryň bilen kürsä çaksyz garaşdyň.
Wah,şondada çykman umyt astyndan,
Oýun etdim diýeriňe garaşdym.


Söýmedigiňe gitdiň,kalbym çaň edip,
Bilmedim,neneňsi başyň çaraşdyň?
Iň bolmanda ýeke gezek jaň edip,
"Bagtly men"diýeriňe garaşdym.


Ol arada "aýrylşypdyr"diýdiler,
Hyrka dolan damak bilen göreşdim.
Gaýta diklap umydymy idilen,
Oýun etdim diýenlerine garaşdym.

…Duýguly dünýäniň dürdäneleri.

Çöşdüm bu gün bukja bagym,
Niýetläpdirin jorap baryn,
Şeýle bir gün şulaň baryn,
Geýersiň, geýersiň öýtdüm.

Nirelerden çykdyň gör sen,
Syr kändir ýüregmi dörseň,
Men yrman garaşyp ýörsem,
Gelersiň, gelersiň öýtdüm.

Jaň edýän bolmasa aýn,
Nädeýin, tapmadym maýyn,
Duýguçylda, men guraýyn,
Duýarsyň, duýarsyň öýtdüm.

Ýüzüň sowýaň sowal bersem,
Sähediňem belli görsem,
«Sen ejeme gelin borsuň!»
Diýersiň, diýersiň öýtdüm.

Söýýän, söýýän diýseň men-dä
Söýensiň, söýensiň öýtdüm.

Söý seni söýeni daglarda çopan bolsada,

Söýme seni söýmedigi Müsürde Soltan bolsada.