Gysga hekaýa.

Müm­kin­çi­lik­le­riň wag­ty.

Ýaş ýi­git ba­ba­syn­dan mas­la­hat al­mak üçin onuň ýa­ny­na myh­man­çy­ly­ga bar­ýar. Olar çaý-na­har edinen­le­rin­den soň, ag­ty­gy ba­ba­sy­na ýüz­le­nip:
–­ Ba­ba,­ si­ziň­ bi­len­ bir­ mas­la­ha­tym­ bar­dy.­
Me­niň­ ta­nyş­la­ry­myň­ bi­ri­ ze­hin­li­ prog­ram­ma­çy.­
Ol­ ma­ňa­ bi­le­lik­de­ in­ter­net­ ul­ga­my­ bi­len­ bag­lany­şyk­ly biz­nes­ aç­ma­gy­ tek­lip­et­di.­Bil­şi­ňiz­ ýa­ly,­
men­ oňat­ hü­när­men,­ eý­ýäm­ bir­ ýyl­ bä­ri­ ýo­kary­ aý­lyk­ly­ mag­lu­mat­ teh­no­lo­gi­ýa­sy­ kom­pa­niýa­syn­da­ iş­le­ýä­rin.­ Ine,­ gör­şü­ňiz­ ýa­ly,­ go­laý­da aw­tou­lag­ hem­ edin­dim.­ Men­ bir­ ta­rap­dan,­
biz­ne­si­mi­ziň­ ug­ru­na­ bo­lup­ git­je­gi­ne­ ynan­man hem­du­ra­mok,­ ýö­ne­ beý­le­ki­ bir­ ta­rap­dan­ hem dü­şe­wünt­li­ işi­mi­ ýi­ti­re­sim­ ge­le­nok.­ Siz­ nä­hilem­ bol­sa,­ te­le­ke­çi­lik­eden­ adam,­ bu­ ugur­dan uly­ tej­ri­bä­ňiz­ bar.­ Bel­ki,­ ma­ňa­ nä­me­ et­me­li­digi­ni­ mas­la­hat­be­rer­si­ňiz?!
Ba­ba­sy­ bi­raz­ dy­myp,­ so­ňam­ şeý­le­ di­ýip­dir:
–­Se­niň biz­nes tas­la­maň hak­da ma­ňa belli bir pi­kir aýt­mak aň­sad-a düş­mez, dog­ru­sy,
sa­ňa nät­seň go­wy bol­jak­dy­gy ba­ra­da anyk
mas­la­hat be­rip bil­jek däl. Seň özüň bel­li bir
ka­ra­ra gel­me­li. Ýö­ne, gar­şy bol­ma­saň, sa­ňa
wagt ha­kyn­da kä­bir zat­la­ry gür­rüň be­re­ýin.
Ga­dy­my grek­ler­de iki hi­li wagt bo­lup­dyr. Hronos­–­hä­zir­ki tü­ke­nik­siz, do­wam­ly wagt hem-de Kaý­ros­–­he­mi­şe ga­ra­şyl­man dur­ka gel­ýän
şow­lu­ly­gyň tut­dur­ma­ýan oňaý­ly pur­sa­ty. Şonuň üçin ony ulan­mak ju­da kyn. Kaý­ros ga­raşyl­maz­dan peý­da bol­ýar­–­bir­ o­ ýer­de, bir bu
ýer­de peý­da bol­sa-da, he­mi­şe-de ara­myz­da
gez­ýär. Ol şeý­le bir tiz gaç­ýar we­lin, ony tutmag-a beý­le­de dur­sun, eý­sem, gö­rüp ýe­tişme­gem her ki­me ba­şart­ma­ýar. Grek­ler Kaý­rosy tut­mak üçin özüň­de ikiza­dy­–­aň-dü­şün­jä­ňi
art­dyr­ma­ly­dy­gy­ňy, duý­gur­ly­gy­ňy wag­tyn­da
oýar­ma­ly­dy­gy­ňy aý­dyp­dyr­lar. Eger-de, sa­ňa
ola­ry oýar­mak ba­şart­sa, on­da sen ge­le­je­ge
na­zar aý­lap bi­ler­siň we­ öz­ ge­len is­len­dik karar­la­ryň ne­ti­je­le­ri­ni öňün­den aňyp bi­ler­siň.

MENI BAHAR OGURLADY.


Meni bahar alyp gaçdy,
Özümiň özümi aňmaýan wagtym,
Aglamaly pursatlara düşünmän,
Gülmeli zatlara aglaýan wagtym.
Müýnsüz çaga wagtym,
Alaýaz wagtym,
Meni bahar alyp gaçdy...

Meni bahar alyp gaçdy,
Heniz goşgy-şygyr ýazmaýan wagtym,
Bulutlaryň suratyny çeksemem,
Şindi eger-eger ýagmaýan wagtym,
Sowuk wagtym,
Otsuz ýanmaýan wagtym,
Meni bahar alyp gaçdy...

Meni bahar alyp gaçdy,
Säher bilen guşlaň saýraýan wagty.
Meniň syrly ahwallary aňşyrman,
Birin beýlekiçe saýmaýan wagtym,
Entek harsal wagtym,
Juda ham wagtym,
Meni bahar alyp gaçdy...

...Bir elinde galam, birinde sazy,
Mele saçy örülendi gül bile.
Hem meniň ýitenim bilinmez ýaly,
Maňa öwrüp bir saýrak dil bilbili.
Heniz çaga wagtym, ençe ýyl ozal,
Meni bahar alyp gaçdy...

Ýöne men yzyma dolandymmy, ýok,
Ony bahar bilýär, özüm bilemok.
Çünki şol pursatda, hemem şu mahal
Ýüregimde ýaz meň, kalbymda bahar!

BU BIR ÝATLAMA.


Diñe söýgi ýatda galar ebedi..
Seýitmyrat Geldiýew



"Diñe söýgi ýatda galar ebedi.."
Sübseli!...Göz diker wagtyñ şemaly,
Eleginde barlyk baryn eledi.
Ümsümlik !
Pyşyrdaýar yşkyñ şemaly.

Säher, gündiz, öýlän, garañky gije,
Söýgi bolsa ýakar otyr çyrasyn,
Kim bilýär, mañlaýdan çykjak ne bije,
Eý pyşyrdy, pyşyrdaman syra siñ !

Nämälimlik ! Gürsüldeýär ýüregiñ,
Ýogsa munda sen ýok, bu bir ýatlama !...
Arşdanmy, Ýerdenmi eý, jan seregim,
Pikirleriñ külün dörýän...
Otlama!...

Manyly sözler.




Ýazyşyňdaky ýaly ýaşamasaň ýa-da ýaşaýşyň ýaly ýazmasaň, ýazýanyň çöl üstünden ösýän gury ýel ýaly gurak bolar.

*  *  *

Günüň kuýaş-nury bilen jümle-jahany ýagtylandyryşy ýaly, ýürekden çykýan,  mylakatly aýdylan hoş söz we güler ýüz hem ähli köňülleri ýagtylandyrýar.

*  *  *

Diňlemekde öňde bol, geplemekde — soňda. Ine, şonda sen gowy adam bolup ýetişersiň.

*  *  *

Doň suwy gyzyl köz eredýär, doň ýüregi — gyzyla gaplaýmaly süýji söz.

*  *  *

Agzyňdan içi ýakýan boş söz däl-de, jana ýakýan hoş söz çyksyn.

*  *  *

Kebşirleýji enjamyň simi ýaly sähel söze uçganaklap, ot çabradyp durma. Sähra ýaly giň göwrümli bol!

*  *  *

Ýerliksiz yhlas bilen oturanlary güldürmäge gyzygyp, olary öz üstüňden güldürýändigiňi duýman galaýma!

*  *  *

Toý paýy berlen düwünçek ýaly, düwlen ýumrugam dessine açmagy başarmaly. 

Dil bilen dünýäni gezer.

ÖLMÄNKÄ AÝDYLAN IŇ SOŇKY SÖZLER

(degişmeler)

– Beýbää, şu gelýän zat ýaman akula meňzeýän ekenaý...

– Mergen aga, kapasaň gapysy ýapyk gereek?...

Gyz: – Kakaa, men göwreli...

– Şu maşyn çyndanam 250-ä çykýamykanaý?

– Dogtora gerek ýok how, ine goňşymyz Sabyr gelneje baraa...

– Ohhooo, dogtoryň her diýenini etjek bolsak aç galýas, iýiň-iýiň noş bolsun...

– Hawa, gadyrdan tomaşaçylar. Indi bolsa iiiiň uly hokgamyzy görkesýäs, häzir men arslanyň agzyny açyp içine kellami sokaryn!

– Öňler şu ýerlerde mina köpmiş, indi birjigem galmandyr, arkaýyn ýöräber...

– Paraşuty ýere iiiň ýakyn men açaryn….

– Şu granataň halkasyny çekenden soň näçä çenli sanaýadygaý?

– Eeeý bular zäherli kömelek däl hoow, ine seret men iýýana…

– Dykgat, dykgat, uçaryň kapitany gepleýä: Eşhedü enlääääää........

– Beýle gorkyberme how bu ýylanlaryň zäheri alynan...

– Seret, uçaryň perwanalary şeýlebir tiz aýlanýa welin hamana diýersiň hiç aýlanmaýan ýalyyy...

– Söýgülim, agaň bizi şeýle ýagdaýda görse naderdi?

Çeşme: https://interesnoe.me.

SAŇA AÝDASYM GELEN SÖZLERIM...



«Nireden ýadyma düşdüň?» diýme sen,
«Salam!» diýmek üçin düşdüm ýadyňa...
«Tallaryň boýnuna tama öýmesin
saraý» diýmek üçin düşdüm ýadyňa.

Ýogsa, men böljekmi ünsüň-üşügiň?
Tekepbir bolsamam, bilýän düşünip.
«Gül göwnüňden öýke buldun düşürip,
ýagaý» diýmek üçin düşdüm ýadyňa.

Göwnüňe degenin geň görüp ýören,
Göwnüm nämelere döz gelip ýörer?!
«Men — Adam bolmagy öwrenip ýören
zenan» diýmek üçin düşdüm ýadyňa.

Men maý tapsam, ugramakçy barybir...
Hiç bilemok adamlara garylyp.
«Bir gün ýarpy eser goýsam, ýarysyn
ýazaý» diýmek üçin düşdüm ýadyňa.

Biz bir gelýäs,
kepil ýokmuş ýenäge.
Bigadyrlyk bu gümanyň sebäbem.
Men welin, zat tapman seni deňäre,
«Halal!» diýmek üçin düşdüm ýadyňa...

Gyzlar göteriň sandygy…

Eý ýaranlar halaýyklar,
Gyzlar göteriň sandygy.
Aga-ini, dosty-ýarlar,
Gyzlar göteriň sandygy —