bibis
20.07.2023 16:45
Bägül şekilli almaly ştrudel
Ştrudel – dürli naçinkaly, köplenç almaly, hamyrdan rulet şeklinde bişirilýän süýji desert. Ştrudel Awstriýada, Wengriýada, Germanýada, Çehiýada örän meşhur. Köplenç almaly, armytly we üljeli ştrudeller bişirilýär. Ştrudeliň ilkinji bilinýän resepti 1696 ýylynda Wenada çap edilen, awtory näbelli bolan, reseptler kitabynda duşýar.
Men siziň bilen almaly ştrudeliň bägül şekilli bişirilişini paýlaşjak.
Içindäkiler — Bägül şekilli almaly ştrudel taýynlamak üçin gerekli azyk harytlary
50 gram maňyz (arahis)
50 gram kişmiş
3 sany alma
200 gram şeker
1 çaý çemçesi şeker tozy
1 çaý çemçesi koritsa
40 gram mesge
Hamyr üçin:
150 gram un
100 ml suw
1 çemçe ösümlik ýagy
duz
Taýynlanyşy / bişirilişi
1. Ýumşak hamyr ýuwurýas we otag ýylylygynda 1 sagat pakeda orap goýýas.
2. 1 alamny ortasyndan ikä kesip, çigidini aýyrmaly. Inçe ýarym tegelek şeklinde kesmeli. 1 litr suwa 100 gram şeker goşup otda gaýnatmaly. Ýarum tegelek şeklinde kesilen almalary gaýnaýan suýji suwda 2-3 minut saklap çykramaly we sowatmaly.
3. Beýleki 2 almany kiçi kubik şeklinde dogramaly. Içine owradylan maňyzy, galan 100 gram şekeri, koritsa, kişmiş goşup naçinkany garmaly.
4. Mesgäni haýal otda eretmeli.
5. Hamyry köpräk un bilen inçejik edip ýaýmaly we 25 santimetr uzynlykda 10 santimetr inli lenta şeklinde kesmeli. 6-7 bölek bolýar.
6. Bägülleri ýasaýas. Ýaýylyp kesilen hamyra mesge çalmaly, inçejik edip maňyzly almaly naçinkany goýaly. Ýokarky bölegine alma halkalary ýarym santimetr çykar ýaly edip goýmaly. Aşakdan 1 santimetr bükmeli we towalak edip dolamaly. Bägül şeklinde ştrudeli dikligine ýagly gaba ýada ýagly kagyza goýmaly. Gowy bişer ýaly bägülleri kiçiräk etmeli.
7. Duhowkada 180 derejede 25 minut bişirmeli. Çykaran soň galan eredilen mesgäni ütüne çalyp şeker tozy sepmeli.
8. Ştrudeli ýylylygyna iýmeli. Bägül şekilli şrtudeller owadan we örän tagamly. Işdäňiz açyk bolsyn.
16
55
bibis
15.07.2023 07:45
Ýaprak Dolamasy
6-8 adamlyk
100 sany üzüm ýapragy
3 nahar çemçesi dogralan täze şibit
3 nahar çemçesi dogralan täze petruşka
1 sogan
3 diş sarymsak
2 nahar çemçesi limon suwy
600 gr (3 bulgur) tüwi
1 kg üwelen sygyr ýa-da goýun eti
3 nahar çemçesi tomat
1 çaý çemçesi duz
1 çümmük gara burç
1 çümmük gyzyl burç
Üzüm ýapragyny 5-10 minutlap gaýnan suwda goýmaly. Eger-de bankada ýapylan üzüm ýapragyny ulanýan bolsaňyz, ony (artykmaç duzy gider ýaly) birnäçe gezek ýuwuň. Soň ýapragy guradyp, gaty baldagyny aýryň.
Şibitdir petruşkany, sogany, sarymsagy ownuk dograp, üstüne limon suwuny guýmaly we tüwi atmaly. Soň olary üwelen et, tomat, duz, burç bilen garmaly.
Bir ýapragy alyp, ýylpyldawuk tarapyny aşak edip, gapagyň üstüne ýazmaly. Bir nahar çemçesiniň dolulygyndaky etli garyndyny üstünde goýup, ýapragyň iki gyrasyny garyndynyň üstüne epläp, gowy edip dolamaly.
Ýyrtylan ýapraklary, dolama ýelmeşmez ýaly, gazanyň düýbüne düşemeli we dolamalary endiganja edip ýerleşdirmeli. Bir çümmük duz sepip, dolamanyň üstüne çykar-çykmaz suw guýmaly. Dolamalar açylyp dargamaz ýaly, üstüne tarelka düňderip, gazanyň gapagyny ýapmaly we ýokary otda gaýnatmaly. Soň dolamanyň oduny peseldip, orta otda 45-50 minut çemesi, ýagny suwuny çekýänçä bişirmeli. Dolama saçaga äberilende üstüne gatyk guýulýar.
15
47
bibis
14.07.2023 12:32
Fitçi
Fitçi 1970-nji ýyllarda daşarda iýilýän naharlardan iň yörgünlisi boldy. Şol wagtky fitçiler häzirki fitçilerden ulurak we has soganly bolýardy. Häzirki fitçi gaplary 14 sm ululykda, ýöne bu reseptde gaplaryň ululygy 10 sm. Fitçi sany 10 sany.
Içi üçin:
500 gr sygyr ýa-da goýun eti
50 gr guýruk ýagy
1 sogan
1 çaý çemçesi duz
¼ çaý çemçesi gara burç
8 nahar çemçesi suw
Hamyr üçin:
1 çaý çemçesi duz
300 ml (1⅕ bulgur) ýyly suw
2 nahar çemçesi ösümlik ýagy
500 gr (3⅓ bulgur) un
Mesge, fitçi gaplaryny ýaglamak üçin.
1. Eti, ýagy we sogany üwemeli ýa-da ownuk dogramaly. Onuň üstüne duz, gara burç sepip, suw guýup, gowy garmaly. Garyndyny deň 10 bölege bölmeli.
2. Hamyra gerek önümleri bir uly tabakda garyp, ýumşak hamyr etmeli. Hamyry 6 uly we 6 kiçiräk bölege bölüp, her bölegi eliň aýasynda togalamaly we olaryň üstüni saçak bilen ýapyp, 5 minut goýmaly.
3. 10 sm ululykdaky fitçi gaplaryna azajyk mesge çalmaly.
4. Uly hamyr böleklerini 15 sm tegeleklikde ýaýyp, gaplaryň içine ýazmaly we olaryň içine et ýaýratmaly. Kiçi hamyr böleklerini 12 sm tegeleklikde ýaýyp, gaplaryň üstüne ýapyp, gyralaryny bükmeli. Soňra gaplaryň üstünden oklaw yöredip, gyralaryndaky hamyry aýyrmaly. Galan hamyr böleklerini düýrlemeli we gaýtadan ulanmaly (galan hamyrdan 4 fitçi bolýar).
5. Fitçileri wilka bilen dürtüp, ýüzlerine suw çalmaly. Olary ojagyň ortaky gatynda goýup, 200°C (392°F) gyzgynlykda ýüzi gyzarýança (25-30 minut) bişirmeli.
Işdäñiz açyk bolsun!!
26
246
