Diýýäň:"Ataň öýňe gitseň dolanma,

diýenim bolmasa gelme golaýma"

Gödek sözleň şarpyk çalar dulugma,

Sen meniň näme üçin göwnüme degýäň?!

***

Bişirip goýýaryn iýjek aş-nanyň,

Bitirip goýýaryn öýde iş baryn,

Men däl saňa namart ýakyn duşmanyň,

Sen meniň näme üçin göwnüme degýäň?!

***

Bir egine çekip öýüň keşigin,

Durmuş gazanynda gaýnap bişerin,

Kän zat gider ynam,höwes,üşügim,

Sen meniň näme üçin göwnüme degýäň?!

***

Gülüň solup barýar gözüň alnynda,

"Ynjytman" diyipdiň.Sözden dändiň-le!

Üç ýaşlyja gyzymyzyň ýanynda,

Sen meniň näme üçin göwnüme?!

***

Derkar däldir maňa dünýäň mal-mülki,

Halal ojagymdan üzmerin örki.

Ýa sowaşyaň,asgyn göryänsiň belki,

Sen meniň näme üçin göwnüme degýäň?!

***

Indi bolmasam-da eziziň, Aýyň,

Çäräm ýokdyr munda,kysmata kaýyl.

Diýersiň öz-özüň ökünen çagyň,

"Gelnimiň näme üçin göwnüne degýän?!"

Durmuşda kän kemçilikler

Taplanarsyň ýenjilipler

Baky däl-ä kynçylyklar

Gowy bolar nesip bolsa.

***

Dert gelse,dermany Arşda,

Dilegiň yeti:r perişde,

Sabyr eyle,ruhdan düşme,

Gowy bolar nesip bolsa.

***

Geçmiş şu gün bilen göreşyär,

Geljegiňde bagt garaşyar,

Ýylgyr,ol saňa gelişyär,

Gowy bolar nesip bolsa.

***

Şükür etgin her dem,her gün,

Göwniçökgün bolsam bir gün,

Senem maňa şuny diýgin,

Gowy bolar nesip bolsa.

#Awgust güli Ç.M

(özüm)

Eziz joram saňa etjek arzuwym,

Bagt ykbalyňa şuglasyn saçsyn.

Ýüzüňde nurana ýylgyrşy görüp,

Gaýgy-gussa senden arany açsyn.

Dagy çat açdyrsyn mukaddes söygüň,

Päk söýgiň ýodasy ýola eltýändir.

Mähriňi gysganma gaýyneneňden,

Şony razy eden bagta ýetýändir.

Hyzmatynda bolgun gaýynatanyň,

Mertebesin gorap sakla ezizläp.

Göwrümin ulaltma uşak hatanyň,

Emma hakykaty goýmagyn gizläp.

Ynamyny gazan ömür ýoldaşyň,

Çünki ol Zeminde seniň Hudaýyň.

Hat-da kyn günde-de bile goldaşyň,

Deň çekiş durmuşyň agyr ylaýyn.

Jan jorajan ýene etjek arzuwym,

Saçak,sallançagyň goý,doly bolsun!

Bu gün Taňryň size beren bagtyny,

Görüp ulus-iller ýüzüne sylsyn!

#Awgust güli Ç.M

Çynar Myradowna(özüm)

Gadyrly agzalarym! Gutlag goşgym göwnüňizden turan bolsa yhlasymyň yerne düşdügi...Hemmäňizi Alla ýalkasyn!

🥰

Şokolad ýokmy,pampaza bor,

Barjak!

Gök çay demleniber!

Meni küysäp içiň gyssa,

Aydym ayt-da hiňleniber!

Sahydursyn ýa Züleýha,

Nuryagdymy haysy gerek?

Diňläp lezzet alarys biz,

Iymesek-de manty,börek.

Gürrüň edip süyji-süyji,

Yatlarys biz geçenleri.

Çagalygmyz,mekdep döwri,

Obamyzdan göçenleri...

Garaz,gürrüň tapylyp dur,

Iki kelle bir bolanda.

Dünyäň ala-yaz bolýa-la,

Aýal dogan ýylgyranda.

Halym sorap jaň edip dur,

Dynma ýog-a iş-alada.

Senli geçen bir günümem,

Men çalyşjak däl manada.

Gör-ä,ömür gaty gysga,

Gelen geçip baryar häli.

Saglyk bilen didarlaşmak,

Bezeýändir şu dünyäni.

Awtor:Özüm

(Halan bolsaňyz like goymany unutmaň!)

Salam ildeşler!Men size bir peydaly maslahat beresim gelyär.Gara ýag(pagta,zawod yag) bilen arynyň çeynelen mumyny garyp otda goyup gyzdyrmaly.Mazaly garyp bolanyňdan soň ikisi alyşyp başlayar we sowansoň krem görnüşine gelyär.

Endamdaky bişen yerňiz pakgaryp duran bolsa gyrkyp ayyryň.Onuň içine ilki suw yygnanyar,soňra bolsa iriňe öwrülyär.Hokman yüzüni gyrkyň.Ýaňky melhemi arassa(medisina) hasaň(marly) yüzüne mesge çalynşy ýaly galyňam däl yukada däl aralyk edip çalyň.Hasany mazaly bişen yanan yerňize saraň.Irden-agşam perewyazka ediň.Hat-da awap duran agyrsynam şo bada köşeşdirer.Muny dowamly gündelik gaytalaň tä yaraňyz soluşyança.Muny güyçli yaşly tebipden öwrendim.Siz meniň aydanlaryma ynanmazlygyňyz mümkin.Yone şony edip görüň soň sagbolsun aydarsyňyz.

7-8aylyk oglumyň peje eliniň ayasy bişipdi.Şo melhemi çaldym,yara yzyndan nam-nyşan goymady.Indi bu melhemi özüm hem ýasap başladym.Kösenyänler alyar soň alkyş aydyarlar.

-Bu melhemiň yene-de bir peydaly tarapy bar.Melhemi böwrek,bil,ayak niriňde sowuklama(wospelenya)gury agyry bar bolsa çalyp yyljajyk edip agşam sorap yapsaň,ertire agyrydan nam-nyşan goyanok.Muny özüm hem ulanyan.

-Diyjek bolyanym sizem muny kösenýän ildeşlermize aydyň.Adam adama sebäp.Hassahana gidip kösenmesinler.

(Düşünmedik zadyňyz bolsa soraberiň)

Geçmiş,özüňi ýatlada,

Etmişleriňi yatlada,

Ömür şerabym datmada,

Çagalygmy gaydyp beräy!

Şo-ol goja tut bize şayat,

Mähir bilen berdi saya,

Yör,gideli geçmiş sara,

Çagalygmy gaydyp beräy!

Göreçlerme düşse ümür,

Bagtyma sürtülse kömür,

Içim göýä posly demir,

Çagalygmy gaydyp beräy!

Nyrhyň barmy,barym berjek?!

Dag derýadan aşyp barjak,

Täzeden ham-hyýal gurjak,

Çagalygmy gaydyp beräy!

Ýatlasam ýaş bolar owam,

Dilimdedir şükür,tobam.

Dogduk ýerim,Ak-altyn obam,

Çagalygmy gaydyp beräy!

Şo-ol hüwdüňi aydyp beräy!

Awtor:özüm