awgust
07.07.2024 20:01
Mähriñe çoýarsyň nurly Gün ýaly,
Söýgüň bilen özgerdersiň dünýämi.
Hiç bir ynsan bolup bilmez sen ýaly,
Jana-jan, ejem!
Küýseglerim artar saña gün-günden,
Meger ýakymly zat ýokdur-la şundan.
Başy boglan, naçar körpe gyzyndan,
Mähre zar, ejem!
Hakyt Jennet giň gujagyň, alkymyň,
Sözle maňa sökeldigiň, sagdygyň.
Gelerňe çen boldy, öýde agtygyň,
Garaşýar, ejem!
Durmuş bi kä siltär, käte ýepbeklär,
Kä gussaň üstüne gussasyn seplär.
Utsaň gülmez, utulsañam köteklär,
Ol sen däl, ejem!
Azaşsam çelgisiň ömür ýoluma,
Döwran öter, gasyn düşer roýuma.
Sen şonda-da guwanarsyň boýuma,
Mähriban, ejem!
#Çynar Myradowna
11
66
awgust
29.06.2024 16:03
1. Sen, kaçan ürkek ceylansın daĝda,
Ben, peşine düşmüş bir canavarım!
Istersen dünyayı çaĝır imdada,
Sen varsın dünyada, bir de ben varım!
2. Her şeyin ilacı "Zaman" diyenler, birde bu kelimeyi tersden okumayı deneseler.
3.Neden en ufak bir söze inciniriz bilir misin?
Çünkü sözün sahıbi çok kıymetlidir...❤️
4.Öyle insanlar var ki;
Laĝıma düşseler,
laĝımı kirletirler.
5.Yola çıktıklarını, yolda bulduklarına deĝışirsen;
Hem yolunu kaybedersin,
hem dostunu.
6.Ya Islam'la yükselir,
ya inkarla çürürsün.
Bu yol mezarda bitmiyor,
Gittiĝinde görürsün.
7. Ey gönül! Bak ve ibret al, yere düşen kurumuş yapraĝa.
O da, eskiden yukarıdan bakardı topraĝa.
# Necep Fazıl Kısakürek
18
57
awgust
08.05.2024 23:30
Howa bulutlaşyp ýagyş birsyhly,
ýagdy.Köçeler hem baglar ýuwuldy.
Daş çykdym. Elhepus, goñşy köçeden,
şo-ol eşdildi-durdy zaryn uwwuldy.
Bu nä boluş! Gara-gana bulaşyp,
ýatyr honha güjüjegiň jesedi.
Zowzanaklap, çyňsap öz çagasynyň,
başujyndan aýrylanok enesi.
Da:ş bilen güjügiň kellesin ýaryp,
wyždanyn ýuwdupdyr daýaw pyýada.
Munda etmişine ha-ha-haýlaýan,
onda güzap çekip ýanmazmy oda?!
Ah, ejize ganym ol naçarlaryň,
gözýaşdyr ganyna sereden däldir.
Azmydyr dünýede eziz balasyn,
topraga berenler?! Sanardan kändir.
Howa bulutlaşyp ýagyş birsyhly,
ýagsyn. Köçeler hem baglar ýuwulsyn.
Hem ýuwulsyn biwazlaryň ýüregi,
Goý, munda dirilik hem dünýä dursun!
#Çynar Myradowna
(Goşgy bolan waka esasynda bir az üýtgedilen)
32
79
awgust
05.05.2024 13:21
1) " Düýn bilen ýaşamaly däl, geçmişi ýatdan çykarmaly..." diýen çeşmeler kän, ýöne olary taşlap nirä gitjek?! Ahyr soňy barjak ýerimiz şolaryň ýany dälmi näme?!
2) Bu " ýalan" diýilýän dünýäde çyn ýaşamak bagt ahyry...
3)Şahyryň käbir setirleri tapmaçanyň içinde gizlenip, oňa awtoryň öz derejesinde ahwala düşen adam çözgüt tapar.
4) Başyna düşende ejeden aýrylan zürýat özüni köki kesilen agaç ýaly, kakadan aýrylan zürýat bolsa suwdan çykarylan balyk ýaly duýýar.
5)Käte tapylmaýan dertlere özüň derman bolasyň gelýär...
6)Hiç zada wagty ýok adam, hiç bir zady göwnejaý bitirýän däldir.
7)Ertir irden gowy zatlara sereden, ýagşy gürrüňler eden, oňat zatlara gözi düşen adamlaryň uzak ýaşaýandygyny çeşmeler nygtaýar.
8) Bedeni ýaşlykdan çeýe tutmagy başarmaly, süňk bir lagşasa ony soň dikeltmek kyn.
9)El döwlüp egri bitse kyn hem bolsa oňşup bolar, ýöne göwün döwlüp egri bitse iki tarap ün hem howpludyr.
10)Baýlyk akar suw ýaly zatdyr, gözbaşyny berk tutmasaň haçan kesiljegi belli däldir.
34
134
