Ýaşaýan ýerimizde jenneti döretmesek gaçan her ýerimiz jähennemdir.

terjime sözme söz edip bilemok öz bilenjämden etdim

BAR BOLAN ZAT

Bardy-geldi aýra düşse ykballar,

Şo zaman kyýamat gopar öýderdim. Sen-ä atsyz-sowsuz asmana uçup, Meni-de gara ýer hopar öýderdim.

Emma seretsene, hiç zat bolmady,

Günler dogdy-ýaşdy öňkisi ýäly.

Hemişeki ýaly ýagyşlar ýagyp,

Guşlar hem saýraşdy öňküsi ýaly.

Öňküsi dek akyp ýatyr derýalar,

Daglar dymyp otyr – seri hyýally.

Bar zat öňki: hiç zat bolmadyk deýin,

Sen-ä – ärli boldyň,

Menem – aýally.

Durmuş dowam edýär öňküsi ýaly,

Pasyllaň yzyndan çalşyp dur pasyl.

Sen söýüş, durmuş gur ýa-da aýra düş,

Ol öňa äwjegem bolanok asyl.

Bar zat öňki: kem zadym ýok durmuşda,

Elbetde, seniňem kem zadyň ýokdur.

Sebäp bize gundagdaky çagajyk

Biri-birimizden eziziräkdir.

Bar zat öňki,

Bir bolan zat

o günler

Herimize goýupdyr öz tagmasyn

Dökülipdir seň sypalan saçlaryň,

Meň öpen ýerlerme düşüpdir gasyn

T.Sаdykow

GÜNLER GEÇIP BARÝAR

Şu gün saňa telwas etdim ýene men,

Eý, sen, päklik hem gözellik ölçegi.

Azary ýetikdir gaýyn eneňem,

Belli däl, pahyryň haçan öljegi.

Öňden belli zadyň gyzygam bolmaz,

Söýmezdim-le beýle boljagyn bilsem.

Ýöne, hasaplabam söýüp bolanok

Ýa-da söýgüde-de barmyka tilsim?

Akyl satýan akylsyzlar köpelip,

Ýaşyň on sekize ýeten mahaly.

Söýgi aýp zatdyr obada diýip,

Guratdylar göze ilen nahaly.

Indi-indi şo günleri ýatlasam,

Özümi ýazgarýan ilki bilen men.

Men batyr ekenim beýnisi ýuka —

Durmuşyň al salýan tilkilerinden.

Käte seni sorap, barasym gelýär,

Ýöne, uýat bolar, saňa gep geler.

Arzuwlary ýuwaş-ýuwaş könelip,

Günler geçip barýar, geçýär hepdeler.

Gowy bolsun çagalaryň görjegi,

Ýetişýär gyzlarmyz, ogullarymyz.

Seniň günäň däldir, meniňkem däldir,

Söýgiň ýok ýerinde doglumagymyz.

Çary Ýegenmyradow.