*Bir zatdaky gözelligi görmezlik, ol gözelligiň

ýoklygy manysyny bermeýär.Ýalňyşlyk biziň dykgatly

bakmaýanlygymyzdadyr.

*Durmuş-bu biziň geljegimiz hakynda pikirlenip meşgul wagtymyzda,bolup

geçýän wagt aralygydyr.

John Lennon

Hemmämize tanyş ol ynsan dokuz ýaşynda wagty kakasy bilen ýolda gidip barýarka, öňünden çykan

adamlar iýmit hödür edýärler. Toparbaşy bolan kakasy olara ynanýar we

hödür edilen iýmitden iýýär. Kakasy zäherlenip ölýär. Ogly aman sypýar.

Oglanjygyň ady Timuçindi.

Çagalykdan obasynyň başyna geçýär. Erbet ýagdaýlary başyndan

geçirýär. Bir gün awda aw edip ýörkä obasyny ýakyp gidýärler. Obany ýakan

duşmanlar täze gelnini we sag galanlary ýesir alyp äkidýärler. Hadysa wagtynda ýoklugy

sebäpli Timuçiniň elinden hiç zat gelmeýär. Ýanynda hiç kim ýokdy, çäresizdi...

Soňra Burhan daglaryndaky gowaklaryň birinde ýaşamaga başlaýar. Özi bilen

ýüzleşdi: ýa gorkaklar ýaly hinde ýaşamaly ýa-da çykyp duşmanlary ýer bilen ýegsan

etmeli.

Tizden-tiz adam toplap söweşe taýýarlanmaga başlaýar we netijede, şol döwrüň

tanklary derejesinde görülýän atly goşun taýýarlaýar.

Beýik Isgenderiň basyp alan ýerleriniň sekiz essesine barabar ýerleri basyp alýar.

Guran ýurdy Rim imperatorlygynyň iki essesinden uludy. Eden işleri ahlak taýdan erbetdi.

Emma, taryhçylar ýazga geçirmekden saklanmadylar. Çingiz hanyň ady taryhda: taryhyň

bolup geçen iň beýik gara imperatorlygynyň gurujysy hökmünde geçýär. Ähli şalar ýurduň

çägini giňeltmäge çalyşdy, emma iň uly giňeldip bilen Çingiz handy.

Netije: Gowy ýa-da erbet, ähli zat bir ynsan bilen başlar!

Burhan daglarynda diňe bir kişidi. Şol wagt aýagynyň aşagy ýaly ýeri bardy, emma

öleninde Aziýanyň ähli ýeri diýen ýaly özüniňkidi. Ýaşaýan wagtynda:“her ýyl ähli zat

meniň bilen başlar” diýýän gowagyna zyýarat edipdi.

Indi, pikir ediň:

Bir ynsanyň güýji nirä ýeter?

Bir gün barmaly ýerime biraz howlugýardym . Bu howlukmaçlykda maňa menzilime ýetmek üçin taksi duş gelenokdy...Ahyry bir taksi durdy we barmaly ýerimi ylalaşyp bolansoň ýola düşdik.Ulagyň öňünde bir ýaş ýigit otyrdy.Howlugyp duranym üçin ilki oňa kän üns bermedim. gaty görmegeý gelşikli oglanlygyna soň üns berdim.Şeýle görmegeýdi welin "göräýmäge göz gerekdi" diýenleri ýalydy.ilkinji gezek özümçe bir ýigide "görmegeýje eken"diýip oýlanymy duýdum.Aýp bolmazlygy üçin oňa köpem seredip durmadym.Tä sürüji gürleýänçä ol oglany düşünjeleri ,özüni alyp barşy daşky görnüşi ýalydyr diýip oýladym.Ýok beýle däl eken.Men ýene-de öňünden beren bahamyň nädogrulygyna düşündim.Ulagyň sürüjisi bir manysyz gürrüň aýdanam şoldy welin ol oglan pyňkyryp gülüp goýberdi.Bu gürrüňe ulagyň içindäki ýene ýekeje adam gülsede,"sözüň manysyna düşünen däldirinle"diýip günäni özümde goýardym,ýöne ol oglandan başga gülen adam bolmady.Ol gülenden soň bar pikirlerim özgerdi duryberdi.Içimden Kerim Gurbannepesowyň:

"Her başy telpeklä goýmagyn gadyr,Bäş telpegi bir gyňaja daňyp git"diýen sözleri geçdi.

Belki oňa gülkili bolan zat meniň üçin gülküli däldir ýöne oglanlar ýeri gelende agras bolmany başarmaly.Olary bezeýän zadam şol dälmi näme?

«Ada­ma ­şeý­le­ bir­ akyl ­ber­len­dir,­ol­dow­zahy ­jen­ne­te­ öw­rüp,­jen­ne­tem­dow­za­ha ­öw­rüp­

bil­ýän­dir».

Milton «Ýitirilen jennet».

Meşhur adamlaryň iş dünýäsi

Tomas Edison 84 ýaşynda öleninde, açyşlarynyň sany 1090-a ýetipdi. Eýnşteýn

otnositellik teoriýasyny orta çykaryp makaladaky sany üçin tanaýarys, emma ol

soňam 148 makala çykardy. Rembrantyň tablissasy 650-de ybaratdy. Pikasso yzynda

ululy-kiçili 20000-den gowrak eser miras galdyrdy. Bize özüni seçgi teoriýasy bilen

tanadan Çarlz Darwin, mundan başga-da 119 ylmy açyşyň aşagyna öz goluny çekdi.

Şekspir başdaky üstünligi bilen oňmady, ömri boýunça 150 eser ýazdy. Mozart 35

ýyllyk ömründe 600-den gowrak albomy işläp düzdi. Elwis Presleý 112 albom

çykardy. Aristotel 400, Muhyeddin 500-den köp kitap ýazdy. Tolstoý 300-e golaý

kitaby çapa taýýarlady. Balzak 90-dan gowrak roman ýazdy.

Tanalmagyň müň görnüşi bar. Tanalmak, meşhur bolmak üçin hökman kitap

ýazmak, surat çekmek, bina gurmak gerek däl. Dünýä belli futbol oýunçysy Peläniň

560 oýunda 541 goly hem bir beýik meşhurlykdyr.

Beýik adamlar diňe beýik netijeleri görkezendikleri bilen däl, olaryň beýikligi

beýik işlere baş goşandyklary bilen häsiýetlendirilýär.

Leonardo da Winçiniň gündeligi 7000 sahypadan ybaratdy. Üstesine-de

başgalar okamasyn diýip, aýna bakdyrylyp okalýan şekilde ýazylgydy. Tolstoýyň

eserleriniň 13-si hakyky öz durmuşyndan jemlenen maglumatlardan ybaratdy.

Başarmak – bu bir päsgelçiligi ýeňip geçmekdir!

Aristotel:

Eger-de bu zemine "il näme diýer"düşünje aralaşmadyk bolanda,adamzat gör nähili üstünlikleriň eýesi bolardy.

Afrikada her gün irden bir keýik oýanýar. Iň gaty ylgaýan gaplaňdan tiz gaçmagy

başarmasa, ölüp ýok boljagyny bilýär.

Afrikada şol gün irden bir gaplaň-da oýanýar. Iň haýal gaçýan keýikden tiz

kowalamasa, onda açlykdan öljegini ol hem bilýär.

Biziň gaplaň ýa-da keýik bolmagymyzyň zerurlygy ýok, diňe her gün irden

oýananymyzda etmeli işimizi bilsek bolýar.

1 – Dünýädäki iň zerur adam kimdir?

- Şol wagt aragatnaşykda bolan kişiňiz.

2 – Bir dünýä çempionyny ýeňmek üçin birinji şert näme?

- Onuň kimdigini unutmak.

3. – Haýsy gün siziň üçin pursatlar bilen doly başlanýar?

- Her gün.

4. – Ähli zady başarmak isleýän adam nämäni başarýar?

- Hiç bir zady.

5. – Bir zady başarmagy köp isleýän adam nämäni başarar?

- Ähli zady.

6. – Pikirleriňi paýlaşdygyňça möçberi artýan zat näme?

- Aň-bilim.

7. – Iň köp nämäni bilmeli?

- Näme isleýäniňi.

8. – Wagtymyzy boş geçirmek näme?

- Zehinimizi biderek meşgul etmekdir.

9. – Bir zynjyryň çydamlylygy näme bilen ölçener?

- Iň gowşak halkasy bilen.

10. – Iň gysga ýol haýsy ýol?

Bilýän ýoluňyz.

11. – Haýsy dawa ýeňiş gazanýar?

- Hiç bir dawa.

12. – Iň kör ynsan kim?

- Görmek islemeýän.

13. – Haçan bir adam aýaga galar?

- Ýykylandygyna göz ýetirenden soň.

14. – Adamlar haçan ýeňildi diýip hasap edilýär?

- Haçan-da ýeňilenini kabul edende.