Ýok,men indi söýgi hakda ýazjak däl.

Duýgularmyň baryn ýuwdup içime,

Bu yşkyň kalbyma çekdiren ejrin

Külpetlerin rowa görmen hiç kime.

Gijeleň tümlügin sapyp ömrüňe,

Göwnüňde şem ýakyp ýekelik bilen,

Derdinişmek,

                        şypa islän göwnüňe-

Hassalyk dermansyz,ömürlik gelen.

Süýjüligi bilen zäherlär kalbyň

Ýene kalba özi bolar tenekar.

Seniň ugruň gündogara gönükse

Durmuş günbatara tersiňe akar.

Şygyrlarym teselli edip kalbyna

Belkide söýjek kän,

                              ähdin bozjak kän

A men bolsa nokat goýýan baryna

Ýok men indi söýgi hakda ýazjak däl.

Annabeg Aýmakowa

Ýok men seni unutmadym hiç haçan

Diňeje adyňy tutman hiç ýerde

Kalbym ýesir berip bu eýmenç derde

Dilimi, bedenmi halas eýledim.

Çäresiz kalbymam şygyrlar ýazýa

Dagy neýlesin

Kagyza eçilýä gussalaň baryn

Indi meniň hemişelik endigim

Gijeler ukusyz çekişýän zaryň

Käte gündizlerem berip iňňildä

Kalbym ejizleýä

Çekerden çökder

Hesretinden duýgulara eýlenýä

Soň maňa zeýrenýä

"Bar zadyň çözüwin tapan boluplar

Ylgaýaň illeriň derdine bakan

Ýeri sen şoň ýaly bolaňda ökde

Hany görkez nirde meniň çykalgam"

Gözler şo pursatda ýetişer dada

Aglaryn.

Başy daşdan gaty ekeni adam

Gündizlerne gülenime bakma sen

Senli ýatlamalar şärik her gije

Bir çümmük mähire tamakin bolup

Şol söýgüli gyzyň

Dertlije gyzyň

Sensiz dünýäň baky sepili eje.