Ynjalýaryn mährem enem bagrynda,
Ene süýdi bilen geldim kemala.
Ýakymly heň-käbäm enem hüwdüsi,
Gulagymda ýaňlanyp dur hamala.

Bular bilen deňlär ýaly zeminde,
Heý,mukaddes,gudratly zat barmyka?!
Bular bilen diňe Watan deň geler,
Watan bular bilen aýry bormuka?!

Watan goýny ene bagry deý ýyly,
Watan duzy ene süýdi deý halal.
Ýalňyz galyp çyksaň sähralyklara,
Şemal hüwdi aýdyp bagryna alar.

Annabeg Aýmakowa