Yrym
Ýüpek saçlarymy ýuwar, darar-da,
Alnymy açardy ejem mydama.
Bezärdi boýumy gurjak mysaly,
Söýgülär “jan” sözün goşup adyma.

Maňlaýym öperdi her saba örüp,
“Alnyňa bagtlylyk bitilsin” diýip.
Alajama han teňňesin dakardy,
“Işiňe şowlulyk getirsin” diýip.

Boýuma guwanyp şam-u-säherde,
Meni mähir, söýgi bilen orardy.
Ykbalyň alnymdan çykjak alyndan,
Eziz käbäm dileginde gorardy.

Annabeg Aýmakowa