Ynam ýok
Özüňe bakýan dideleň
Ýekesinde tapyp bilmedim ony.
Söýgi ýok
Ynanman söýüp bolarmy
Ömrümden kem-kemden azalýar many
Sylaşyk ýok
Bir-birege gürlände
Ada derek eý aý sözün ulanýas
Asman depesinden basmasa pany
Onda belli bolmaz
Niçik bor haly
Tozap-tozup sowrulardy ýokluga
Hiç bolup galardy ynsanlar ýaly
Ah asman
El ýeterden uzakdygňa begenýän
Tämizligiň agraslygyň müdimi
Ýogsa
Bu barlygy bulaýşy ýaly
Nebisi eýeläp bütin hyýaly
Sanada göz diker adamzat ogly
Meger şahyr aýdanlaryň jany bar
Adam ogly sen ne elhenç jandar

Aýmakowa Annabeg