Lilia_
12.11.2023 00:34
Ýaşamaly, söýmeli, ynanmaly.
Lew Tolstoý.
Durmuşyňyzy doly üýtgetmäge jan etmeli däl-de, diňe oňa bolan garaýşyňyzy üýtgetmeli.
Ralf Woldo Emerson.
Isleg bolsa müňlerçe ýol tapylar, isleg bolmasa müňlerçe päsgelçilik.
Iogann Wolfgang fon Gýote.
Ujypsyz kemçiliklere üns bermäň; özüňizde has ulularynyň bardygyny unutmaň.
Gerek däl zadyňyzy satyn alsaňyz, ýakyn wagtda zerur zatlaryňyzy satarsyňyz.
Benjamin Franklin.
Uly çykdajylardan gorkmaň, az girdejilerden gorkuň.
Jon Rokfeller.
Özüň bolup ýaşa. Beýleki keşpler eýýäm eýelendi.
Oskar Waýld.
Eger-de islegler mümkinçiliklere gabat gelmeýän bolsa, ýa islegleri çäklendirmeli, ýa-da mümkinçilikleri artdyrmaly.
Hindi pähimi.
Durmuşda başgalardan däl-de, özüňden öňe geçmäge çalyşmaly.
Maltbi Dawenport Babkok.
Özüňizi söýmegi öwreniň, şonda beýlekileriň ählisi öz ýerini tapar.
Lýusil Boll.
Durmuş öz ýüzüňizi tapmak üçin dürli aýnalardan özüňe seretmekdir.
Woýseh Bartoşewskiý.
Pikirleriňizi üýtgediň, şonda siz öz dünýäňizi özgerdersiňiz.
Norman Winsent Pil.
Käwagt nädogry kararlar bizi dogry ýola atarýar.
Awtory näbelli.
Ýaşamak pikirlenmekdir.
Siseron.
Durmuşym – meniň habarym.
Mahatma Gandi.
Näçe wagt däl, näçeräk oňat ýaşadyňyz – şol esasy zat.
Seneka.
Kynçylykda ýylgyryp bilýänleri gowy görýärin.
Leonardo da Winçi.
36
80
Lilia_
11.11.2023 23:58
Meniň pikirimç-ä, nämedir bir zady gutarnykly düzetjek bolmak ýa-da şoňa dalaş etmek, özüňe çakdan aşa baha bermeklikden nyşan.
Adam bir ukyby hem mümkinçilikleri çäkli jandar.
Ol diňe ilki bilen-ä mümkin boldugyndan özüne, onsoňam özüne sarpa goýýan töweregindäkilere az-da-kän-de täsirini ýetirip bilýär.
Ýöne, suwa daş atsaň şonuňam tolkunlary halka-halka bolup çar ýana ýaýraýar ahyry.
Ýagşy niýetlerdir, gowy işler hem şonuň ýaly.
Tolkun atyp ýaýrawyny giňeldýärler.
Eliňden ýagşy iş gelmeýärmi, onda iň bolmanda, ýagşy sözleri bir diýmegiň hötdesinden gelmeli.
Belki, seniň aýdan sözleriňden güýç alan bir bende ýagşy iş gaýryp, alkyşa mynasyp bolar. Onuň alkyşyndan hem saňa bir ülüşjik ýeter.
Eger-de ýagşy söz aýtmaga-da ýagdaýyň ýokmy, onda ýagşy niýetde, ýagşy pikirde, ýagşy umytda bir bol!
Eger-de ol hem eliňden gelmese, onda ýaman işden, ýaman niýetden, ýaman sözden we erbet pikirlerden bir saklanmagyň hötdesinden gel!
31
28
Lilia_
11.11.2023 09:51
Durmuş bizi ýepbekleýär.
Bu gowumy ýa-da erbet?!
Iň kesgir gylyçlaram, iň çydamly gurallaram demirçiniň sandalynyň üstünde ýekedaban bilen “ýepbeklene-ýepbeklene” taplanyp, synmaz polada öwrülýär. Iň gowy tamdyrlar depgilene-depgilene şykgy edilen toýun palçykdan ýasalýar. Iň ussat boksçularam türgenleşiklerde “ýepbeklene-ýepbeklene” ýeňilmez derejä ýetýärler.
Şonuň üçinem, köpi gören adamlar-a, gaýta “ýepbeklenýäniňe” minnetdar bolmaly diýip hasaplaýarlar.
Onsoňam, öňki döwürler ýasawullar düzgüni bozan adamy saklap, oňa temmi taýagyny uranlaryndan soň ondan gaňryp “taýak hakyny”, ýagny özleriniň zähmeti üçin tölegem alypdyrlar. Bu wagt bolsa, seni “ýepbekleýän” adamlaram, durmuşam senden töleg soraman, mugtuna işleýärler.
29
29
Lilia_
11.11.2023 00:00
Meniň pikirimç-ä, nämedir bir zady gutarnykly düzetjek bolmak ýa-da şoňa dalaş etmek, özüňe çakdan aşa baha bermeklikden nyşan.
Adam bir ukyby hem mümkinçilikleri çäkli jandar.
Ol diňe ilki bilen-ä mümkin boldugyndan özüne, onsoňam özüne sarpa goýýan töweregindäkilere az-da-kän-de täsirini ýetirip bilýär.
Ýöne, suwa daş atsaň şonuňam tolkunlary halka-halka bolup çar ýana ýaýraýar ahyry.
Ýagşy niýetlerdir, gowy işler hem şonuň ýaly.
Tolkun atyp ýaýrawyny giňeldýärler.
Eliňden ýagşy iş gelmeýärmi, onda iň bolmanda, ýagşy sözleri bir diýmegiň hötdesinden gelmeli.
Belki, seniň aýdan sözleriňden güýç alan bir bende ýagşy iş gaýryp, alkyşa mynasyp bolar. Onuň alkyşyndan hem saňa bir ülüşjik ýeter.
Eger-de ýagşy söz aýtmaga-da ýagdaýyň ýokmy, onda ýagşy niýetde, ýagşy pikirde, ýagşy umytda bir bol!
Eger-de ol hem eliňden gelmese, onda ýaman işden, ýaman niýetden, ýaman sözden we erbet pikirlerden bir saklanmagyň hötdesinden gel!
26
47
Lilia_
10.11.2023 12:41
Üstünlikli durmuşyň 7 syry!
Durmuşyň ähli ugurlarynda üstünlik gazanmak elbetde, hemmeleriň islegi. Islendik ugurdaky üstünligiň esasy syry, alnan bilimleri, toplanan tejribeleri durmuşda dogry ýerinde ulanmak we bolup biläýjek ýalňyşlyklardan gorkmazlykdyr. Üstünlikli durmuşyň 7 sany syry:
1. Hemme zada açyk bolmak we hiç zada bagly bolmazlyk.
Gündelik durmuşda mümkin boldugyça päsgelçilikler hem bolýar. Şeýle pursatda mümkin bolan netijeli pikiri, tejribäni dogry ulanyň. Hemme zada açyk we taýýar boluň. Diňe özüňiziň däl, töweregiňizdäki adamlaryň pikirlerini diňlemek hem möhümdir. Özüňi çäklendirmek size gelip biljek ylhamlardan hem çäklendirer!
2. Zehiniňi puja çykarmazlyk.
Özüňe berlen zehini dogry ulanyp bilmek hem peýdaly başarnykdyr. Bar bolan başarnyklaryňyzyň we ukyplaryňyzyň ýitip gitmeginiň öňüni alyp, zehini puja çykarmazlyk gerekdir. Sebäbi anyk maksatlar hem zehin bilen tutuş bir ömri gowulyga sary üýtgedip bolar. Munuň üçin ýönekeýje, kiçijik bir zat bilen başlaň. Her bir zatda öňe gitmek möhüm däl, esasy zat, zehiniňi durmuşa geçirmäge kömek etjek mehanizmi herekete getirmekdir.
3. Dymmaklyk – uly güýçdür.
Biz çalt depginde üýtgeýän, ösýän dünýäde ýaşaýarys. Günde 24 sagat, ýylda 365 gün - bu biziň wagtymyz, bize berlen mümkinçilik. Gündelik ýüze çykýan galagoply, jedelli ýagdaýlarda asuda durmuşda ýaşamak üçin dymmaklyga hem ýer goýmaly. Çünki dymmaklyk – bu uly güýçdür.
4. Geçmiş bilen galmazlyk.
Käte biz şahsy taryhymyza aşa ähmiýet berýäris. Geçmişde käbir zatlarda şowsuzlyga uçramaklyk, geljekde şowsuz boljakdygyňyzy aňlatmaýar. Geçmişde negatiw bir zadyň bolmagy, geljegiň ajaýyp bolup bilmejekdigini görkezmeýär. Gaýta ondan sapak almaly. Geçmişiň geljegiňi bökdemegine ýol bermeli däl!
5. Sagdyn pikirlenmek.
Sagdyn pikirlenmek – bu şowlulyklaryň ilkinji ädimidir. Ol ähli ünsüňi diňe bir maksada gönükdirmäge ýardam edýär. Birbada iki işi etjek bolýan adam şolaryň haýsy hem bolsa birine az üns berýändir. Durmuşda üstünlige ýeten adamlar, maksat edinen zatlaryna bolan gyzyklanmalarynyň aşa güýçlüligi bilen ýetendir.
6. Ruhubelent bolmaklyk.
Ähli şowsuzlyklary ýatda saklamaga hiç hili sebäp ýok. Bu siziň durmuşyňyz! Size degişli zady çözüp biljekdigiňizi ýatdan çykarmaly däl. Durmuşda ýadawlyk berýän duýgulara üçin ýer bolmaly däl. Oňyn, döredijilikli pikirleri we duýgulary saýlaň, ruhubelent boluň we durmuşyňyzyň üstünliklerine tomaşa ediň!
7. Sussupeslige eltýän pikirlerden gaça durmak.
Özüňi gaty ejiz, ýeterlik akylly däl hasaplamaga ýa-da başarmak isleýän zadyňyzy edip bilmejekdigiňizi duýmaga ýol bermäň. Güýçli taraplaryňyzy ulanyp, ýeňip bolmajak hasaplaýan gowşaklygyň arasyndaky tapawuda düşüniň. Çünki bu pikirler sussupeslige eltip biler.
28
10
Lilia_
10.11.2023 08:31
Adamyň DNK-syna meňzeş haýwanlar
Ynsan genleri henizem ylmyň iň täsin syrlaryndan biri bolmagynda galýar. DNK-larymyzy entek doly öwrenmedik bolsak-da, käbir janly-jandarlara näderejede meňzeýändigini bilýäris. Hemmämiziň umumy genlerimizi göterýändigimize garamazdan, ownuk tapawutlar bizi biri-birimizden aýyrýar.
Bedenimizde 3 milliard genetiki gurluş bloklar bar. Bu 3 milliard esasy jübütden diňe az mukdary bize mahsus bolup, genetiki taýdan takmynan 99,9 göterimi başga adamyňka meňzeýär. Başgaça aýdylanda, bizi başga bir adamdan tapawutlandyrýan diňe 0,01 göterim DNK bolup durýar.
Ýakynda geçirilen täze gözlegde genetiki koduňyzyň çap edilen görnüşiniň takmynan 262,000 sahypa ýa-da 175 sany uly kitap boljakdygyny mälim edildi. Eger şeýle bolsa bu sahypalaryň diňe 500 töweregi bize mahsus bolardy. Sebäbi genomymyzyň köp bölegi käbir haýwanlaryňka meňzeş wezipeleri ýerine ýetirýär. Eýsem, biz genetiki taýdan haýsy haýwanlara meňzeýäris?
- «Science» žurnalynyň 2009-njy ýyldaky hasabatyna görä, sygyr genleriniň 80 göterimi adamlaryňka meňzeş;
- 2007-nji ýylda geçirilen gözlegde, öý pişigindäki genleriň takmynan 90 göteriminiň adamlara meňzeýändigi anyklanyldy;
- Ýelekli bedenleri bilen adamyň bedeninden düýpgöter tapawutly bolsa-da, towuk genleriniň takmynan 60 göterimi adam genlerine meňzeýär;
- Belok kodlaýjy genler barada aýdylanda, syçanlar adamlara 85 göterim meňzeýär;
- 2005-nji ýylda geçirilen gözlegde, iň ýakyn ýaşaýan ewolýusiýa garyndaşlarymyz bolan şimpanzeleriň genetiki taýdan 96 göterim adamlara meňzeýändigi anyklanyldy.
- Mör-möjekleriň DNK-syna gezek gelende, olaryň adama meňzeşligi birneme az. Ýagny olar genleriň 61 göterimini öz içine alýar;
- Şeýle hem bananlar, adamlar bilen deň DNK-nyň takmynan 60 göterimini paýlaşýar!
26
22
Lilia_
10.11.2023 00:11
Noutbugyňyza zyýan ýetirip biljek zyýanly endikler
1. Kompýuteri ýorganda ýa-da ýumşak mebelde goýmak. Noutbuklar ýylylygy köp goýberýärler. Noutbuk gaty ýerde duranda, meselem, stolda, onuň aşagyndaky hem-de gapdalyndaky wentilýasion deşikleri açyk bolmak bilen howa akymlaryny erkin geçirýärler. Ýöne siz işleýän noutbugyňyzy özüňiz bilen ýatylýan ýeriňize alanyňyzda ýa-da ony diwanda goýanyňyzda, ýumşak ýorgan ýa-da ýassyk gözenekleri ýapyp bilýär, bu bolsa noutbugyň aşa gyzmagyna getirýär.
2. Noutbugy gyzma sezewar etmek. Noutbugyňyzy has ýyly ýerlerde goýmaň – meselem, aýnanyň öňünde ýa-da awtomobiliň salonynda Gün şöhlesiniň göni düşýän ýerinde. Şeýle-de, gyzdyryjy lampalaryň we radiatorlaryň ýanynda.
Birinjiden, bu noutbugyň «demiriniň» gyzmagyna we onuň hatardan çykmagyna getirýär. Ikinjiden, örän ýokary temperaturanyň netijesinde gurluşyň plastik bölekleri eräp bilýär.
3. Gurluşy güýçli yrgyldatmak. Eger-de siz noutbugy bir ýerlere äkidýän wagtyňyz yrgyldatsaňyz ýa-da ony gaharlanyp silkseňiz, onda siz çeýe diske zyýan ýetirersiňiz. Güýçli yrgyldama berk apparatlara (SSD) düýpli zyýan ýetirmez, ýöne mehaniki gaty diskler (HDD) oňa ejiz gelýändir.
Eger-de siz içindäki zatlary ýitirmek islemeseňiz, onda noutbugy ondan-oňa tertipli geçiriň we ony işläp duran wagtynda güýçli yrgyldatma sezewar etmäň.
4. Arassalamagyp zerurlygyna ähmiýet bermezlik. Ir-u-giç islendik noutbuk minimal işlemede-de wentilýatorlaryny agyr aýlap, reaktiw hereketlendirijiniň güwwüldisine meňzeş sesi çykaryp başlaýar. Bu «kömek baradaky ses» noutbugyň içini tozandan ýa-da beýleki hapalardan arassalamagyň wagtynyň gelendigini aňladýar.
5. Noutbugy displeýinden galdyrmak. Köp adamlar açyk noutbugyny bir ýerden başga ýere geçirjek bolanlarynda ony gapagyndan galdyrýarlar. Şeýle etmek nädogry. Birinjiden, şeýle etmek bilen noutbugyň ýokarky bölegini aşaky bölegi bilen birleşdirýän halkalara zyýan ýetirilýär. Ikinjiden, siz noutbuklaryň matrisalaryny barmagyňyz bilen gysýarsyňyz.
6. Gapagyny tarkyldadyp ýapmak. Noutbugy seresaply ýapmazlyk bilen siz halkalaryň zaýalanmagyna ýa-da ekranyň döwülmegine getirip bilersiňiz.
7. Gapagyny bir tarapyndan açmak. Bu noutbugyňyzyň gapagynyň halkalaryny ir-u-giç hatardan çykarjak zyýanly endikdir. Eger-de siz ekrany işe ukyply ýagdaýda uzak wagtlap saklamak isleýän bolsaňyz, onda noutbugyň gapagyny bir tarapyndan açmaň.
8. Gurluşy bir eliň bilen saklamak. Ýapyk leptopy barmaklaryň bilen ýokarsyndan we aşagyndan tutup, bir eliň bilen saklamak arkaly siz korpusy we matrisany güýçli basma getirýärsiňiz. Şeýle tutulyşy ulanýan adamlar soňra ekranyň şol basylan ýerinde gara nokadyň nireden peýda bolandygyna düşünip bilmeýärler.
9. Golaýynda kofe içmek. Tehnikanyň döwülmeginiň esasy sebäpleriniň biri – oňa suwuklygyň düşmegi. Eger-de noutbuga suw dökülse, onda onuň işlemegine mümkinçilik bar. Emma şeker düzümli içgiler toplumlaýyn gurluşy aňryýany bilen hapalarlar we okislendirerler, netijede remont gerek bolar.
10. Klawiaturanyň üstünde iýp-içmek. Haçan-da siz leptopyň üstünde bir zatlar iýeniňizde, onuň klawiaturasy we içi owuntyklar bilen dolýar. Bu sowadyjy sistemanyň netijeliligini peselder ýa-da owuntyklar içine şowsuz düşen ýagdaýynda mehaniki böleklere zyýan ýetirer.
11. Noutbugy zyňmak. Zyňmalar we çaknyşmalar gurluşyň korpusy üçinem, onuň içi üçinem howply. Şonuň üçin noutbuklara gödek çemeleşmek ýa-da ony kiçi çagalara bermek gerek däl.
Ýatda saklaň, siziň noutbugyňyz sport topy däl. Muňa garamazdan, käbir adamlar başgaça pikir edýär. Meselem, Met Nanneri noutbugy 24,48 metre zyňmak bilen dünýä rekordyny goýdy.
12. Batareýi soňky derejä çenli zarýadsyzlandyrmak. Akkumulýatory nola çenli çökermek zyýanly, şonuň üçin noutbugy minimum 20% zarýadda tora birikdiriň.
28
25
