Kicxi_maniak
24.03.2024 03:06
1.Søÿmek bilen garaşmak
Ikisi bir zat däl,
Hemme kiši søÿer,
Ÿøne hemme kişi garaşmaz...🥀



2.Unutma!!! Ony ÿadymdan çykardym diÿmek, ony ÿene bir gezek ÿadyňa salmakdyr...🥀



3.Wagtyňyzy sarp etdiňiz,
Køp işlediňiz,
Energiýa sarp etdiňiz,
Pul sarp etdiňiz,
Ähli ÿollary synap gørdùñiz,
Eger şonda-da bolmaÿan bolsa.Taşlaň!!!
Tašlamak käwagt bagtyň açarydyr...🥀



4.Soňra gùlùşùň geldi aklyma we içimden didim ÿene gelseň ÿene seni søÿern...🥀



5.Hiç kime ynanma...Hatda siziň øz kølegäñiz hem garaňkyda sizi goyup gider...🥀



6.Pese düşeňde umydyňy
Galanyňda adamçylygyňy ÿitirme....



7.Düšünýäñizmi zordan bir karar berÿãs oda ÿalñyş çykÿar....🥀




8.Sesiňi unudyp bilern, ÿøne søzleriň hemişe ÿadymda...🥀



9.Dost wepany, ÿar søÿgùni bilmedi...🥀



10.Gørdùñmi seret...!
Adam däli bolup gitmek isleÿän ÿerine ädim hem ãdip bilenok...🥀
35
75
4
Kicxi_maniak
24.03.2024 00:21
𝑴𝒆𝒏 𝒗𝒂𝒈𝒕 𝒈𝒆𝒄̧𝒊𝒓𝒋𝒆ğ𝒊𝒎𝒊 𝒅𝒂̂𝒍....😔🤕
𝒐̈𝒎𝒓𝒖̈𝒎𝒊 𝒈𝒆𝒄̧𝒊𝒓𝒋𝒆ğ𝒊𝒎𝒊 𝒕𝒂𝒑𝒅𝒚𝒎🤗❤️🔐
𝑩𝒆𝒏 𝒔𝒂𝒏𝒂 𝒄̧𝒐𝒌 𝒂𝒔̧𝒊g𝒊𝒎_?❤️🔐
27
45
1
Kicxi_maniak
23.03.2024 20:56
Nastrenýa 100% 😌bolsada,3 minutlyk aýdymda doňup galýan bolsak😢🥺,bardyr bir kemçilik💔🥀
33
42
0
Kicxi_maniak
22.03.2024 20:48
Käşgä gøvnümiŋ døvülendigini,
Ÿadanlygymy ve ejizlänimi
Bildirmek üçin
Gitmek gerek bolsady...💔🥀

Køpbilmisxim⁷⁷🥀
29
46
0
Kicxi_maniak
22.03.2024 00:08
Meni Bagyşlama jemleÿji bølùm dovamy

Ýüregim ýerinden gopandyr öýtdüm. Allajanlarym! Bu kimkä? Ses gelen tarapa utançdan ýaña zordan garadym. Agam Sähetdi. Merdanyñ bedenini özümden daşlaşdyryp işige bakan süýşdüm.
Agam "Gelme" diýen manyda elini daldalatdy. Duran ýerimde durdum. Ol bolsa sesini çykarman, gapyny batly ýapyp çykyp gitdi.
Nädip aşak çökenimi bilemok. Tutuş süññüm saññyldaýardy. Agam - ýer ýüzündäki ejemden soñ iñ ýakyn hossarym men betbagtyñ neneñsi ygrarsyzdygyny bilipdi. Indi onuñ ýüzüne nädip gararkam? Wah, ondanam beteri ol meniñ ýüzüme gararmyka? Merdan elini uzadyp, meni oturan ýerimden galdyrjak boldy. Oña zordan "Git" diýdim. Geplemäge-de gurbatym ýokdy.
2-3 gün soñ öýlänler ejem jañ etdi. Saglyk-amanlyk soraşdy. Barybir sesinde bir näsazlygyñ bardygyny añdym. "Eý Hudaý. Agam aýdaýdymyka?" diýip oýladym.
- Eje, sesiñ gowy däl-le, oñatçylykmy? - diýip soradym.
- Gyzym, agaña bir jyn-a urupdyr. Hiç haýsymyz bilen gepleşmän, içini hümledip ýörmäni çykardy. Düýnem sen-de ýok, men-de ýok daşary ýurda gitjek diýýär.
Wah, agam jan. Jigisiniñ namyssyzlygyna ýere girip bilmän ýörmükä? Aýtsa maşgalam bozuljak, aýtmasa ynsabynyñ sesi gününe goýmaz. Onam iki jahan owarrasy edip goýaýdymmykam?
Agam diýenini gögertdi. Maşgalasynam alyp ötägitdi. Gitjek güni hoşlaşmaga gelsem, "Bamysyñam" diýmedi. Diñe maşynyna münjek bolup durka ýüzüme seredip, bir zatlar diýjek boldy-da hyrçyny dişledi.
Bir aý gowrak wagt geçeninden soñ Merdan ýene geldi. Bu gezek gaharlydy. Öýlenenine iki ýyl wagt geçenem bolsa perzendi bolmaýan eken. Aýalyny söýýändigini, goşuny aýyrasy gelmeýändigini aýtdy. Iñ soñunda-da meñ garaşmaýan hörpümden gopdy.
- Oglumy maña ber. Señ ol bolmanda-da dört sany çagañ bar. Meñ bolsa...
Bolan zatlar içime syganokdy. Kimdir birine aýdasym gelýärdi. Hossarlaryma aýtsam meni näletlärler, joram diýseñ maña ýalan sözledi. Garaz, derdinişere hiç kim ýadyma düşmedi. Birdenem, şo-ol keselhana düşüren sürüji ýadyma düşdi. Jañ etdim. Oña tutuş durmuşymy bir zarbada gürrüñ berdim. Ökünjimiñ, ahmyrymyñ çäksizdigini aýtdym. Diñledi. Arasynda duýgudaşlyk bildirmegem ýadyndan çykarmady.
- Señ dermanyñ men - diýdi.
- O näme diýdigiñ? - diýip soradym.
- Sen meñki bolmaly - diýip suñşurdy.
- Bihaýa - diýip sögenimi duýman galdym. Ol bolsa yza teserli däldi.
- Adamyña bolan zatlaryñ ýetmeginden gorkañokmy? Diýenim bolmasa hiç zatdan çekinmeýän .
...Ölmek babatda ilkinji ýola haçan oýlananym ýadyma düşenok. Belki, Merdan maña ikilik edeninde, belki-de agam gidenindedir. Ýöne hiç haýsynda-da beýle aýgytly hereket edip bilmändim. Düşen bialaçlygy neneñsi çuñ bolsa özüni ýoklamaga şonça-da batyrgaý çemeleşer ekeni ynsan. Öñler geñ görerdim özüni heläkleýänleri. "Adamy bu ýola näme iterip bilerkä? " diýip oýlaýardym. Indi welin bu maña añryýany bilen düşnükli. Özüñi heläklediñmi? Diýmek, başga ýol ýok.
Kiçijikkäm goñşumyzyñ ýañy ýigrimi ýaşan ogly özüni asypdy. Şonda atam töweregindäkilere " Bilip goýuñ, Hudaýyñ beren janyny diñe Hudaý alyp bilýändir. Öz janyña kast etmek günädir" diýipdi. Şol söz ulalanymdan soñam añymdan çykmady. Häzirem atamyñ sözleri gulagymda ýañlanýar. Men bolsa oña "Başga alajym ýok" diýip boýnumy burup jogap berýärin. Goý men munuñ üçin dowzahda ýanaýyn. Dowzahy men ondan has öñ gazanypdym-a. Goý, günäkär bedenim ataşlar içinde çabrasyn. Belki, şonda azajygam bolsa günälerimiñ azaby ýeñlär. Bu däli dünýäni terk edýänligim üçin gynanamok. Ýeke oýlanýan zadym yzymda perzentlerimiñ galjakdygy. Ýöne , kakasyna ikilik edip, namysyny aýak astyna alan ejäniñ bolanyndan bolmany gowy dälmi nä? Goý olaryñda ejeleri maşgalasyna wepaly zenan bolup ýaşasyn.
Garýagdy, men seni tanaýan. Gadamy öz ganyñdan bolmasa-da öz perzendiñ ýaly görjegiñe şübhäm ýok. Şonda-da aýtmasam hatym öz borjuny ýerine ýetirmejek ýaly.
Oglumy, gyzlarymyzdan kem saklama. Iýjegini-geýjegini ýetir. Atalyk mähriñi gysganma. Enelik mährinden ganmadyk oglum iñ bolmanda ata mährini bir ine-gana görsün. Bu saña ýeke-täk wesýetimdir.
Häzir sen işdesiñ. Garabaşynagaý bolup başlygyñ özüñe tabşyran ýumuşlaryny ýerine ýetirýänsiñ. Öýe gelmegiñe dört sagat bar. Diýmek, bu hat saña men amanadymy tabşyranymdan soñ gowşar. Şonda meniñ ähli etmişlerimi bilersiñ. Saña "Meni bagyşla" diýip biljek däl. Tersine, meni hiç haçan bagyşlama! Eden günälerimiñ azabyny çekeýin"
Garýagdynyñ okap oturan hatyndan ünsüni sowan zat şepagat uýasynyñ ýanyna gelip, özüni heläklejek bolan aýalynyñ essine gelendigini buşlamagy boldy...

19.09.2023 ý.

Mahym Nurgeldiýewa.
38
146
5
Kicxi_maniak
21.03.2024 21:05
"Meni bagyşlama!" (soñy)
Keselhanadan çykan günüm öýde golaý-goltumy çagyryp, pişme bişirdik. Ýadawlygym halys per beren däldir-dä, üýşmeleñden soñ ýanymda ýatan bäbejigimiñ eljagazlaryny sypalap, uklap galypdyryn. Gijäniñ birmahaly oýandym. Seretsem, ýanymda Gadam ýok. Ýüregim ýaryldy. Ýerimden nädip syçranymy bilemok. "Gadam" "Gadam" "Oglum nirede?" diýip, garañkynyñ içinde töweregimi elim bilen sermedim. Janhowluna çyrany ýakmagam kelläme gelenok. Sermenip ýörşüme eýwana çykdym. Birdenkä-de goñşy otagdan seniñ "Biz bärde" diýen sesiñi eşitdim. Görsene, sen eliñde jäjekler bilen oña "tomaşa" görkezýärsiñ. Gadamam zordan açylýan gözjagazlaryny tegeläp, saña seredýär.
" Oýandy welin seni turuzmasyn diýip goñşy otaga getirdim" diýip, pyşyrdadyñ. Onýança-da bir ýerlerden gyzlarymyz peýda bolup, seniñ edişiñ ýaly Gadama her tüýsli oýunlar görkezmäge durdular. Duran ýerimden butnaman ajaýyp görnüşi synladym.
Gadamyñ maşgalamyzy öñküsinden jebisleşdirendigi hakykatdy. Sen işden boldugyça ir gaýtjak bolup yhlas edýärdiñ. Gelibem sen-de ýok, mende ýok gundaglyja Gadamy eliñe alyp ýüzünden-gözünden ysgaşdyryp, ogşardyñ.
Bir gün Gadamy Aýşada tabşyryp adatdakylarym ýaly biş-düşüñ ugruna çykdym. Şonda körpe gyzymyz Altynaý eli telefonly ýanyma geldi.
- Eje seni soraýar.
Göwnüme hiç hili güman getirmämsoñ sesim parahat çykdy.
- Kim eken gyzym?
- Merdan ussa.
Eý Hudaý! Merdan! Ony unutmaga başlapdym. Belki, bu duýdansyz jañy bolmadyk bolanlygynda goýberen uly ýalñyşlygymam ýadymdan çykaryp, hiç zat bolmadyk ýaly ýaşap ýörerdim. Merdanyñ sesiniñ şadyýan, şol bir wagtyñ özünde-de hasap soraýjy äheñi bardy.
- Oglumyñ bolanyny näme üçin aýdañok maña?
Kim aýdypdyr, nädip aýdypdyr bilemok, ýöne gulagyna degipdir. "Oglum" diýip bolan boluşjygyna sered-ä. Hamala, maña ikilik eden özi däl ýaly.
- Ol seniñ ogluñ däl.
Sesimiñ ýeterlik derejede azmly hemem hökmürowan eşdilmegini isleýärdim. Tersine, gulagyma nalajedeýin, bialaç zenanyñ sesi bolup doldy. Merdan badyny gowşatmagyñ deregine has-da beleñ alýardy.
- Ýalan sözläp sypaýjak bolýansyñ. Äriñden ogul boljak bolsa buwada çenli bolardy.
Içimden ençe ýola "Binamys, binamys" diýip gaýtalaýardym. Özüm bilmezden daşymdan diýipdirin. Bu gezek Merdanyñ aýgytlylygynyñ ýatyşandygyny duýdum.
- Ýeri bolýa, wagt görkezer çagañ kimdendigini.
Telefonyñ goýlandygyny bildirýän ses eşdildi.
Merdanyñ aýdanyna şol pursat doly düşünmesemem, wagty gelende düşünipdim. Garaýagyzja ýüzi, kiçijik burny, irimçik gözleri bilen oglum Merdana şeýle bir meñzedi welin, Merdanyñ hossarlary görse onuñ ogludygyny añjaklarynyñ ujy iki däldi. Hatda, seniñem mundan şübhelenmegiñden öler ýaly gorkýardym. Bolsa-da, beýle güman barada dil ýarañokdyñ. Ogluñ haçandyr bir wagt gapymyzda işläp giden ussa meñzemegi pikriñe-oýuña geljek zat däl bolsa gerek.
Bir gün Gadamyñ gyzgyny galdy. Saña habar etmegi oýlasamam, aýal biçäreligini edip, azar bolasym gelmedi. Habar edemde-de bu günlerde başlygyñ rugsat bermezliginden zeýrenýärdiñ. Hut şonuñ üçin körpe gyzymyzyñ Harplyk dabarasyna gidip bilmändiñ.
Öýi uly gyzymyza tabşyryp ýola çykdym. Maşynlar ikibir-ikibir geçýärler. Durmaklary üçin saññyl-saññyl edýän elimi galdyrdym. Göwnüme, geçen her minut oglumyzy menden daşlaşdyryp, ajalyñ eline golaýlaşdyrýan ýalydy. Ahyry, zybrym geçýän maşynlaryñ biri deñimde togtady. Ugrumy aýtdym. Başyny atdy. Maşyna münenimden soñam ýüregimiñ howsalasy ýatyşmady.
- Aljyraññy görünýäñiz.
Sürüjiniñ sesine ziñkildäp gidipdirin. Oglumyñ ýarawsyzlygy hakda pikir edip daşky dünýäni unudan ekenim.
- Oglum gyzdyrýar. Gatyrak gidayin gayrat edip - diýibildim zordan.
Sürüji duýgudaşlyk bildirdimi ýa şeýle görünmek isledimi bilemok gaşyny çytdy. Esli salym sesini çykarman oturdy. Birdenem dil ýardy.
- Şul obada ýaşaýañyzmy?
"Howwa" diýen manyda başymy atdym. Onuñ bilen mesawy gürrüñ edip oturjak ahwalda däldim.
- Birinji çagañmy? Ýaş görünýäñ - diýip "sizden" "sene" geçdi.
Häzir bu zatlary sorap oturmagyñ wagtymy? Onsoñam, näme gerek oña bu zatlary bilmek?
Şeýle-de bolsa, kyn pursatymda ýagşylyk eden hemaýatkäre gödeklik edesim gelmedi.
- Ýok, bäşinjim.
Sürüji ýene birnäçe sowallar berdi. Mesawy gürrüñler etdi. Bir elim bilen Gadamy gujagymda saklap oturşyma, beýleki elim bilen onuñ gyzgynyny barlaýardym. Soraglary, gürrüñleri bir gulagymdan girip, beýlekimden çykýardy.
Ahyry etrap merkezindäki keselhana ýetdik. Düşjek bolanymda sürüji bir bölek kagyzy uzatdy.
- Belgimi ýazdym. Ýene maşyn gerek bolsa... Çagaly adamsyñ. Bildirmez.
- Tañryýalkasyn - diýip, ýol hakyny uzatdym. Almakdan boýun towlady.
Gadama sanjym edileninden bir ýarym sagat çemesi wagt geçeninden soñ ýagdaýy ganymatlaşdy. Lukman gorkara zadyñ ýokdugyny aýdanyndan soñ ýene ýola çykdym. Daşarynyñ çapgyn şemalyna oglumy üşedesim gelmedi. Içiñi ýakaýyn diýen ýaly ýeke maşynam saklanaýyn diýmeýärdi. Hälki sürüji ýadyma düşdi. Belgisi ýazylan kagyz kelläme geldi. Kagyz henizem berlişi ýaly saklanyp duran eken elimde. Aljyraññy ýagdaýym sebäpli bilmändirin. Tanyş maşyn kän garaşdyrman geldi.
- Seni ýene görmek nesibede bar eken-ow - diýip ýylgyrdy.
Ýylgyrşyny halamadym. Onda-da syr bildirmedim. Oglumy üşetmänjik öýe getirsem bolýa-da. Meñ göwnümiñ halap halamany hiç-le. Pikirlerimden bihabar sürüji durmuşy hakda gürrüñ berýärdi.
- Iki sany çagam bar. Aýalymam gowy welin...
Ýüzüme "Aýtsammykam, aýtmasammykam" diýýän ýaly garady. Sözleriniñ üstüni ýetirdi.
- Ikinji çagamyz bolanyndan soñ gaty semredi. Señ ýaly gyz figurasynda galsa bolmaýamy?
Bu öte geçmek bolýardy. Iliñ gelniniñ bedeni bilen näme işi bar bu sürüjiñ? Hakyñy töleseler işiñ bilen bolubermeli bolar-da.
Ýüzüne gaharly nazarymy aýladym.
- Meñ figuram bilen nä işiñ?
Sürüji sapajak-supajak edip aljyraññy gepledi.
- Ýo, ýalñyş düşünme, men seni ýüregim bilen haladym. Isleseñ señ ugruña aýalymdan geçmäge taýýar.
Şeýle boljagyny başdan añmalydym. Akmaklyk etdim. Saçy uzynyñ akly gysga diýip ýöne ýere diýýändirler öýdýäñmi diýsene. Zeleliñ ýaryndan gaýtsañam bir peýda diýip maşyndan düşdüm. Sürüjä ýeke agyz sözem aýtmadym. Diñe zarply çykan sesim bilen "Sakla" diýdim. Başga söz aýdara ýagdaýymam ýokdy. Bokurdagym dolupdy.
Käşgä, şol günki aýgytlylygymy Merdan bilen tanyşanymda-da görkezip bilsedim. Men juda bigaýrat, Garýagdy. Merdana sataşyp ömrümiñ iñ uly ýalñyşyny goýberdim. Seniñ öñüñdäki ähti-wepamy ýuwutdym. Düşünipdim. Ýöne wagtynda düşündimmikäm? Ýa indi gija galdymmykam? Berýän soragyñ näteñet diýsene. Biwepa zenan bolup namysyñy degirdeniñden soñ düşüneniñden ne peýda?
Şondan bolsa bir aý geçendir. Bir gün Gadamy ýatyrdym edip, öýüñ arassaçylygyna gümra boldum. Pollary ýuwuşdyryp, içerini süpürdim. Ownuk-uşak goşlaryñ tozanyny alyp durkam gapy açyldy. Işikde duran kişini görüp haýýatym göçdi.
- Lälezarym! - diýip, ol meni özüne imrindiren ilkinji sözüni gaýtalady.
Henizem özümi dürsäp bilemokdym. Bu şolmudy? Ýogsa, haýsydyr bir bezzadyñ maña oýnaýan oýnumydy?
Bolşumy geñlemedik Merdan ýanyma gelip gollarymdan tutup silterledi.
- Hany özüñe gelsene. Seni şeýle bir küýsedim.
Ýuwaş-ýuwaşdan açylyşdym. Açylyşdygymça-da Merdana bolan gaharym has möwjedi.
- Näme işleýäñ bärde? Hiç kim görmäkä owarra bol.
- Oglumy göresim gelýä. Oglumy görkez.
- Ol señ ogluñ däl diýdim-ä.
Merdan haýyma-maýyma bakman otaglary ýeke-ýeke gezdi. Olaryñ birinde sallançakda ýatan Gadamy görüp ýylgyrjaklady.
- Şuña "Meñ oglum däl" diýseñ kim ynanar. Oglumyñ ýüzünden-gözünden elleri bilen sypady. Şonda ünsümi çekdi. Elleriniñ henizem şol bir gabarçaklygydy.
-Mendenem beter kakam pahyra meñzeýär.
Ol ýüzüme köpmanyly garady-da duýman durkam meni bagryna basdy. Tanyş ysy burnuma doldy. Şol wagt düşündim ony neneñ küýsändigime. Belki, söýendirin. Belkem, bu ýanýoldaşyndan üns görmedik zenanyñ gysga wagtlyk başdan geçirmesidir? Bilmedim. Oýlarymy otagyñ işiginde duran erkek kişiniñ sesi bozdy.
- Lälezar!
37
129
0
Kicxi_maniak
21.03.2024 01:40
Meni bagyşlama 4 nji bølùm

Ondanam beteri birgiden sms-ler bardy tanyş belgi bilen Dursun tarapyndan ýazyşylan. Maña ugradylýan sms-lerden känbir parhlam däldi olar. Küýseýändigi, söýýändigi hakda ýazypdyr Merdan.
Ynan, Garýagdy, endamyma müñlerçe iññe sünçselerem şol pursatky yzamdan asgyn gelerdi yzasy. Gözüm garañkyrap, ýykylaryn öýdüpdim. Tä Dursun hoşlaşyp gidýänçä şol halda otyrdym.
Dursun gidip, özümi mazaly dürsänimden soñ hasap soramak üçin Merdana jañ etdim.
- Mensiz oñup bilmejegiñi bilýärdim - diýdi oñly salamlaşyp salamlaşmankak.
- Howwa, seniñ Dursunsyz oñup bilmeýşiñ ýaly - diýdim. Sesimiñ sandyramagyny saklap bilemokdym. Merdanyñam allaniçigsi bolandygyny sesinden añmak bolýardy.
- Nireden eşitdiñ muny? Dursun aýtdy gerek? Oña ynanýan dälsiñ-ä. Ikimize göriplik edýär.
Ikisiniñ arasyndaky ýazyşmalary okandygymy aýtdym. Dymdy. Sähel salymdan naýynjar görnüşe geçdi.
- Bagyşla, ýöne meniñ señ bilen hiç hili geljegim bolmazdy bu bolşuña. Sen adamyñdan geçip bileñok. Dursun bilen welin...
Dyñzap gelen gaharym sözüni dowam etmegine ýol bermedi.
- Dursunyñ başy boş-da, şoñ üçinem isleseñ oña öýlenibem bilersiñ, şeýlemi?
- Bagyşla...
Merdanyñ gepini mundan artyk diñlemäge bognum ysmady. Bu gezekki gözýaşlarym öñküleriñ çaky-da däldi. Böwedi böwsülen derýa dek çykýardy göz owalarymdan.
Görsene, bu pelegiñ oýnuny, Garýagdy. Men saña ikilik etdim, ol maña. Özüñe ikilik edilenini bilmän bagtly ýaşap ýörmek gowumyka ýa ikilik edilenini bilip, ataşlar içinde örtenmek? Sen-ä ikilik edilenini bilmän dünýäden bihabar gezip ýördüñ, menem ikilik edilenini bilip örtenip.
Meni mukaddes ojagymdan, nikaly ýanýoldaşymdan geçiren duýgularymyz ýalanmydy? Ýalan bolmasa neneñ ikilik edip bilerdi maña? Dursuna o sözleri ýazan elleri, aýdan dilleri titremeli ahyry. Titremek nire asyl, eli, dili barmaly däl-ä menden özgä söýgi sözlerini aýtmaga.
Aklymyñ - meni iñ başyndan bäri öz hökmürowanlygyna eýertjek bolup başarmadyk aklymyñ sesi häzir şeýle bir ötgür çykýardy welin, ony dymdyrmak ýa sesini peseltmek mümkin däldi. "Sen barypýatan akmak! Haýsy iki sany owadan söz aýdan üçin adamyñdan geçjek? Ana, geçdiñem-dä, gördüñ dälmi günüñi?!" diýip, tutaşan ody has-da gorsaýardy.
Geleninde ýüregimdäki boşlugy dolduran ynsanyñ gideninde şondan has uly boşluk goýup gidişi neneñsi adalatsyzlyk! Bu adalatsyzlyk ahyry, Garýagdy. Men indi nädip oñmaly onsuz? Has dogrusy, yşksyz, söýülýänimi duýman ýaşamaly. Merdan durmuşyma girmezden owal ýaşapdym, çünki söýülmegiñ neneñsi duýgydygyny bilemokdym. Indi welin, söýülmegi duýupdym. Bilmeýän, tanamaýan duýgusyny başdan geçirmän oñup biler ynsan. Emma bilip, tanandan soñ şol duýgusyz oñmak ýokuş deger.
Merdansyz oñmagam çendenaşa agyr düşdi. Telefonymda gizläp goýan bile düşen suratlarymyza serederdim ony küýsän wagtlarym. Ilkibadalar her sagatda gaýtalanan bu hereketim, ýuwaş-ýuwaşdan günde bir gezege çenli seýrekledi. Suratlara seredip, gepleşerdim onuñ bilen. Ahwallaryny sorardym. Aglap bilmezdim ýöne. Aglamakdan ýaña gözümde ýaş galmandy.
Ahwallarymyñ ýaramazlaşmagynyñ ýeke sebäbi olam däldi. Başym aýlanýardy birnäçe gün bäri. Käte hiç hili duýdansyz käte-de dartgynly, gamgyn pursatlarymda şeýle bolardy. Ysgynsyzlyk günler geçdigiçe ýadaw bedenimi hasam ýadadýardy. Şeýle günleriñ birinde agyraýakdygymy bilip galdym. Lukmanyñ muny aýdan pursaty dek düýnki bolan deý ýadymda. Hamala, aýdan sözleri ýüzünde-de ýazylgy duran ýaly, ýüzüne soragly gözlerim bilen seredip durupdym. Geñirgenendigimi añan bolsa gerek, "Garaşañyzokmydyñyz?" diýip sorady. Jogap bermäge ne-hä dilim bardy, ne-de oña berjek jogabym bardy. "Ýok, men ol çagañ kimdendigini bilemok" diýeýinmi dagy?
Öýe barýan ýolda münen ulagymyñ penjiresinden daşaryny biparh nazarym bilen synlap oturşyma oýlandym. Ölüm hem ýaşaýyş biri-birine sepleşip gidýär. Meniñ ruhum öldi, yzysüre-de bedenimde täze bedeniñ - täze ýaşaýyşyñ döräp ugrandygyny bildim. O barmaşa-da serimde özümden biygtyýar bir pursat janlandy.
Joram Laçynyñ "Alar ýalysam ýok, zyñar ýalysam" diýdirýän gerekmejek odur-budur goşlaryny salýan kiçijik kümesi. Jorama bäş-üç manat sowalga puly berip, pynhan duşuşyklarymyzy şol ýerde gurnaýardyk. Merdanyñ jaý gurmakdan ýaña gabarçak-gabarçak bolan gyzgyn, dogumly eli uzyn saçlarymy mymyk şemal deý assa sypalaýar. Beýleki eli bolsa meniñ elime mäkäm baglanan. Gözlerimi süzüp, pursatdan lezzet alyp oturşyma,
- Ýoldaşym maña ogul berip bilenok. Senden oglum bolaýsa - diýenimi duýman galýaryn.
Agzymdan çykan söz kelläme ýeteninden soñ dilimi dişleýärin. Merdan dylym-dylym edip ýylgyrýar-da,
- Oglumyz. Ikimiziñ oglumyz - diýip gaýtalaýar.
Ýakymsyz ýatlamadan soñ seniñ keşbiñ göz öñümde janlanýar. Ýene bir perzendimiziñ dünýä injekdigini bilseñ begenjiñden guş bolup uçsañ gerek. Ýadyña düşýärmi, ýañy durmuş guraýan günlerimiz geljekki ykbalymyz barada kän arzuwlar ederdik.
- Näçe çagamyz bolsun isleýäñ? - diýipdiñ şonda.
Menem aýtmaga utanyp:
- Hudaýyñ bereni bolar - diýipdim.
- Bäş sany çaga bersin Hudaý - diýip, ýylgyrypdyñ.
Seniñ şol arzuwyña perişdeler "Omyn" eden bolmaly. Ilkinji gyzymyzyñ dünýä inen güni men goja dünýädäki iñ bagtly zenan bolupdym. Ol kiçijek, enaýyja, ellerini-aýaklaryny ikiýana yrgyldadyp gözjagazlaryny ýumup ýatyşyna ikimize neneñ uly bagty bagyş edendigini añanam däldir. Onuñ eljagazlaryny gysymyña gysymlap,
- Gyzymyz biziñ hazynamyz. Adyna Altyn dakaly - diýipdiñ.
Altyn dünýä ineninden soñ tutuş durmuşymy onuñ gün tertibine görä üýtgedipdim. Uklan pursatlary ses-selemsiz perişde dek päk görünişini synlap oturardym. Az salymdanam öýüñ işleri ýadyma düşüp, iki aýagym bir gonja salynan ýaly bolardy. Işlerimi haýdap-haýdap dynanymdan soñ bolsa onuñ uklap ýatyşyny synlap uklap galardym.
Altynyñ bäbekhanadan çykanyndan soñ çyrçygy ýetipdi. Häli-şindi dümewlärdi, gyzgyny galardy. Ählisinde-de "Sen eje. Çagaña özüñ seret" diýmän, meniñ bilen deñ "nobatçylyk çekip" süýji ukyñdan galardyñ.
Bu zatlary ýatlap oturşyma seniñ oñat atadygyñ baradaky hakykaty ýene bir gezek boýnuma aldym.
Agşam adatdaky wagtyñda işden geldiñ. Öñüñde çaý-naharyñy goýup, ýanyña çökdüm. Işdämenlik bilen garbanyşyñy synladym.
- Şu gün sende bir zad-a bar - diýip soragly nazarlaryñy okladyñ.
Ýüzümde ýylgyryş bilen müýnürgemäniñ goşulyşmagyndan dörän garaýyş bardy. Ýene bir perzendimiziñ boljakdygyny buşladym.
- Aý ýog-a. Çynyñmy?
Oýun bolmagyny isleýärdim. Göwrämdäki perzendiñ Merdandan bolmak ahmallygy-da ýüregimi hopukdyrmaga ýetikdi. Baş atdym. Agzyñ gulaklaryña ýetenini görüp, özümi hasam ýazykly saýdym.
- Gyzmy, oglanmy? Wiý, entek belli bolýan däldir-ow.
Özüñ sorag berip, özüñ jogap berip oturşyñdanam neneñsi tolgunýandygyñy añýardym. Garýagdy, käşgä menem sençe begenip bilsedim bu täzelige. Käşgä, bedenimde kemala gelýän täze beden maña iñ uly ýalñyşlygymy ýatlatmasa.
Ertesi öýe geleniñde eliñde bir topar çaga geýimleri bardy. Kiçijik köwüşjagazlar almagam ýadyñdan çykarmansyñ. Heniz gapynyñ agzynda köwşüñi çykaryp durkañ "Lälezar, görsene alan zatlarymy" diýip, ýyrş-ýyrş etdiñ. Olary torbalaryndan çykaryp, edil garşyñda geýmeli çagajyk duran ýaly howada saklap gördüñ.
- Gyza boljaklaram bar, oglana boljaklaram. Aý, soñ sowgat-powgat diýip berersiñ-dä geýdirmejekleriñi.
Saña hiç zady bildirmezlik üçin eşikleri üns bilen synlan boldum.
Ogul boljakdygyny buşlan günümdäki begenjiñ welin öñküleriñ çeni-çaky däldi.
- Lälezar, men durmuş guranymyzdan bäri şu habary berjek günüñe garaşypdym - diýip ýüregiñden syzdyrdyñ. Soñam boýnuñy burup, göz owalaryñdaky çyglygy süpüreniñi gördüm. Saña beýle duýguçyldyr öýdemokdym. Ikimiziñ aramyzda hiç haçan ogul perzent, gyz perzent gürrüñleri bolmandy. Asyl görüp otursam, sen ogluñ bolmagy baradaky arzuwyñy şunça ýyllap gursagyñda göterip gezen ekeniñ.
Gadam dünýä ineninde gelnalyjy bezeden ýaly maşyn bezedipdiñ. Eliñdäki ter çemenleri maña uzadyp, gujagymdaky oglumy öz gujagyña alypdyñ.



Dowamy bar.

Mahym Nurgeldiyewa.
30
114
2
Kicxi_maniak
20.03.2024 00:53
"Meni bagyşlama!" (dowamy) 2 nji bølùm dovamy

Merdan añypdy mendäki özgerişligi. Görünjek bolup, hernäçe çytraşsa-da, "Bamysyñam" diýmeýärdim.
Ýadyña düşmegi mümkin, goñşy obadaky dostuñ gelin toýuna gidipdik. Sen dostlaryñ ulagyna münüp, gitdiñ-de maña yzyñdan hakyna tutma ulagly gelmegi tabşyrdyñ. "Gaýdyşyn bile gaýtsagam bolar-la" diýip, üstüne goşduñ. Hepdäniñ şenbe günüdigi sebäpli gyzlaram enelerine ýatymlyk gidermen bolupdylar. Men täze dikinen köýnegimi geýip, aýnada özüme mazaly serenjam berenimden soñ daşary çykdym. Henizem gaýtmadyk Merdan meni gören badyna edip oturan işini taşlady. Töweregine garanjaklady. Ylgap ýanyma gelip, sen-de ýok, men-de ýok ýañagymdan öpdi. "Sen özüñe kimdirin öýdýäñ, bihaýa?" diýip dulugyna şarpyk çaldym. Şarpyk çalan elimiñ üstünde öz elini goýdy.
- Lälezar...Lälezarym!
Adymy onuñ dilinden eşitmek neneñsi ajaýyp. Seniñ bir gezegem adymyñ yzyna menlik ýöñkemäniñ goşulmasyny goşup geplemänligiñ ýadyma düşdi. Sözüñ doly manysynda erkimiñ jylawyny Merdanyñ eline tutdurdym. Bu saña ikinji gezek ikilik edişimdi.
...Toý eşiklerimi ikilenç geýmeli boldum. Aýnanyñ öñünde saçlarymy daraýşymy synlaýan Merdan arkamdan gelip gujaklap, gulagyma pyşyrdady.
- Tutuş ömrümi şu ýagdaýda geçirmäge garşy däl.
Menem tutuş ömrümi şu ýagdaýda geçirmäge garşy däldim. Özümiñ täze, pes mertebämi tutuş durkum bilen kabul etdim. Men ýoldaşyna ikilik eden we telim ýola etjek zenan. Dogrusy, Merdan ýanymdaka bu kelläme-de gelmezdi. Haçan-da ol ýanymdan giderdi, şonda başlanardy serimiñ darkaşy. "Dowam etmeli däl" diýýän aklyma garşy duýgularymyñ sesi assa çykardy. Her gezegem aklymy makullardym. Ýaman ýeri, aýgytlylygym Merdany görenimde düw-dagyn bolardy. Erkimi yşkyñ eline bererdim.
Merdanyñ ýatakhanany gurup, seniñ bilen hakyny haklaşyp giden güni ýüregimde inçe yzany syzdym. Senden hemem töwerekdäkilerden ätiýaç etmesem barjak ýerine çenli ugradardym. Bolýan ýeriniñ salgysyny, telefon belgisini goýup gidipdi. Günüñ güni sesini eşitmesem, nämedir bir zadym ýetmeýän ýalydy. "Didaryñy görmesem kararym tutanok" diýip gaýtalardy zol-zol. Ýagdaýym ondan öwerlik däldi. Öz bolýan jaýynyñ öý eýesi barlygy sebäpli duşuşmak üçin ygtybarly ýer agtarýardyk...
... Üzümlikleriñ arasynda başymy döşünde goýup oturşyma häli-şindi töweregime ätiýaçly garaýardym. Rejäniñ geñ däldigini añan Merdan:
-Gorkma bu ýeriñ eýesi juda seýrek gelýär. Iş günlerinde-hä asyl gelenok - diýip, rahatlandyrjak bolýardy. Barybir rahatlanyp bilemokdym. Rahatlyk diýlen närsäniñ ruhumy terk edenine kän wagt bolan bolsa gerek.
Merdan bilen aramyzdaky söýgi baglanyşygy günsaýyn güýçlenýärdi. Barlygy durmuşymyñ manysy ýalydy göýä. Onuñ saýasynda tanapdym söýmegi, söýülmegi. Bir ýerde eşdipdim: Aşyk bolman dünýäden öten millionlarça ynsan bar. Aşyk bolan bolsañ bu duýgynyñ özüñe miýesser edendigine şükür etmelisiñ. Nädogrudy, ahlaksyzlykdy, ýöne barybir millionlarça adamynyñ duşundan geçen yşk maña nesip edipdi.
Merdan goñşy obamyzdaky işinem gutardym edeninden soñ öz dogduk mekanyna gaýdarman boldy.
- Senem meñ bilen git. Isleseñ dört gyzyñam al. Bir mydar dolarys günümizi - diýip özelendi.
Sopbaş özüm bolsam teklibini şobada kabul ederdimmikäm diýýän. Hossarlarymyzyñ öñünde mertlerçe durardym ýa-da hiç kime hiç hiç hili düşündiriş bermezden terk ederdim mesgenimi. Gyzlarymyñ barlygy erkinlik baradaky islegimi bökdedi. Enedigim baradaky hakykat ähli güýçden hatda yşkdanam rüstem gelýärdi. Meniñ özgäni söýýänligim olaryñam özi üçin başga kakany göz öñünde tutup biljekdigini añlatmaýardy ahyry. Olardan kakalaryny terk etmegini islemegim boljak zatmydyr? Ýa bolmasa, borlaryna-ýoklaryna garaman yzyma düşüräge-de, Merdanyñ ýanyna eltip, "Şu günden şeýläk şu siziñ kakañyz" diýip bilerinmi? Bu diñe özüñi bilmekden başga zat däl ahyry. Ýaramaz ýanýoldaş bolanlygym dogrudyr, ýaramaz ene bolmajagymam çynymdyr. Edil seniñ gyzlarymyz üçin oñat kaka bolşuñ ýaly, menem oñat eje bolmak üçin yhlas edýärdim, etjekdim.


Meni bagyşlama 3 nji bølùm

Merdan dünýäme girişi kimin duýdansyz gitdi mesgenimden öz mesgenine tarap. Özi üçin urýan ýüregiñ dad-u-perýatlaryny eşitmedimi? Ýa eşitse-de biperwaý garadymy? Sowallar...Sowallar. Olardan halas bolmagy umyt edip, süýji ýatlamalaryñ gaçybatalgasyna siñip gidýärdim. Merdan bilen geçen günlerimiziñ lezzetini ýañadan duýmak üçin hyýalda şol günlere dolanýardym. Meniñ otuz alty ýaşymda, onuñ kyrk bir ýaşyndadygyna garamazdan duşuşyklarymyzda on sekiz ýaşly jahyllardan parhymyz ýokdy. Saçlarymy gyzgyn elleri bilen sypaýan söýgülimiñ ýürek urgularynyñ neneñsi batlydygyny duýardym döşüne başymy goýup. Ikimizem birek-biregi görenimizde şeýle tolgunardyk. Başgaça bolmagy boljak zat däl ýalydy. Asylam, söýginiñ ynsany juwanlaşdyrmak jadysy bar eken. Söýgä duşmazymdan owal ruhum garrap, tapdan düşen eken. Ýok, hasam aýylganç. Ruhym ölen ekeni.
Mahal-mahal oýlanýan. Belki, senem oýlansyñ. Beýle güýçli yşka mynasyp bolar ýaly Merdanyñ senden üýtgeşik boý-syratam ýokdy. Adaty, erkek kişidi. Onda näme üçin seniñ nazaryñda ol beýle naýbaşy diýýäñmi? Ol naýbaşy. Mydama-da naýbaşy bolmagyna galar. Çünki, senem, senden owal söz aýdyp, ugrumda sergezdan bolanlaram maña özümi şeýle söýülýän zenan hökmünde duýduryp bilmändiler.
Ol özünden öñ hiç kimiñ görmedik närsesini - ruhumy gördi. Zenan ruhuny görmegi diñe köñül gözi açyk erkek kişiler başarýan bolsa gerek. Galanlary üçin bolsa zenan diñe bedenden ybarat. Erkegiñ ähli ätiýaçlaryny kanagatlandyrýan beden.
Merdan gideninden soñ ruhym ýene görünmezlik donuna bürendi. Dogry, telefonda sesini eşderdim käwagtlar. Ýöne bar bolany şol. Dynuwsyz edýän jañlaryma-da iş başagaýlygy sebäpli birde jogap berse, birde berip bilmezdi. Gepleşeninde welin şo-ol mähribanlygy. Mähriban sesiniñ, datly sözleriniñ tagamyny hasam oñat duýmak üçin gözümi ýumup ony ýanymda göz öñüne getirerdim.
- Küýsediñmi meni? - diýip, jogabyny bilýän sowalyny sorardy.
- Küýsedim diýsem gelermiñ? - diýip, özüne sorag bererdim.
Şonda näler gelesiniñ gelýändigini, emma, gün-güzeranyny dolamak üçin işleýändiginiñ päsgel berýändigini aýdypdy.
- Seni dünýädäki ähli zatdan beter söýýän -diýibem üstüne goşupdy.
Gatnaşygymyz hemişe şeýle gülala-güllük dowam eder öýdýärdim. Ýalñyşan ekenim. Gözden yrak bolan göwündenem yrak bolarmyş. Ilkibadalar diñe söýgi sözlerinden ybarat bolan gepleşiklerimiz soñlugy bilen dawa-jenjellere syrykdy. Merdan her gezek bu aradaşlykdan ýadandygyny ýañzydyp, meniñ öz ýanyna gelmegimi hatda goş birikdirmegimizi haýyş edýärdi. "Menem dünýäden maşgalasyz, perzentsiz ötmeli däldirin-ä " diýip janykýardy. Onuñ ýagdaýyna añryýany bilen düşünsemem, edere alajym ýokdy. Gyzlarymy senden aýryp bilmejegim çürt-kesik. Aramyzdaky uzaga çeken dawalardan soñ gözüm gan çanagyna dönýänçä aglaýardym. Ýadyña düşýän bolsa, bir gezek işden geleniñde ahwalymy añyp: "Näme boldy? Kim göwnüñe degdi?" diýip sorapdyñ. Şonda şeýle bir begenipdim, Garýagdy. Ilkinji gezek ruhumy görüpdiñ. Men naçaryñam göwnüniñ bardygyna düşünipdiñ. Emma indi boljak iş bolupdy. Ýüregimiñ üstünde özgäñ aýak yzlary bardy.
Merdandan üç-dört gün kineli gezdim. Şonda-da sesini eşdesim gelip ölüp barýardym. Barybir özi habar tutmasa habar tutjak däldim. Şeýle günleriñ birinde joram Dursun geldi myhmançylyga. Bilýänsiñ, şol wagtlar adamsy bilen goşuny aýranyna bir ýyl-a bolan bolmaly. Merdan ikimiziñ aramyzdaky söýgiden diñe onuñ habary bardy. Käteler müýnürgäp, käte-de joşup-joşup gürrüñ bererdim oña Merdan hakda. Aýtmanam bilerdim. Ýöne meniñem kimdir birine içimi dökesim, kimdir biri bilen dertleşesim gelýärdi. Şol günem Merdan bilen dawalaşanlygymyz hakda gürrüñ berdim aglaýjak-aglaýjak halda. Ilki sesini çykarmady. Esli salym oýa batanyndan soñ "Wah-eý ol-a bolmandyr" diýdi. Göwnüme, ahwalyma begenip, ýüzündäki ýylgyrşy gizlejek bolýan ýalydy. Ýüregimde şübhe döredi. Daşa çykaryna mähetdel el telefonyny dörjelemäge durdum. Saña ýalan, maña çyn, hut öñ ýanynda gije gepleşilen belgileriñ arasynda Merdanyñ belgisi durdy. Bir sagat gowrak gepleşipdirler.

Dovamy bar....
31
144
5
Kicxi_maniak
19.03.2024 21:55
"Meni bagyşlama!" (dowamy)
Ýalñyş düşünme! Başda-da aýdypdym-a maña düşünmegiñi gazanmak hemem sende özüme bolan rehimdarlyk duýgusyny oýarmak niýetim ýok. Diñe bu "iç döküşmämiziñ" soñunda özümiñ-ä ähli zady aýtmagyñ rahatlygyna eýe bolmagymy isleýärin, seniñem men hakynda seriñde ýekeje sorag alamatynyñ bolmazlygyny.
Özüme beren sözümde durmak üçin elewräp ýören günlerimiñ birinde günortan çaýdyr-naharyny öñünde goýmak üçin ussamyzyñ ýanyna bardym. Bu seniñ tabşyrygyñdy. "Çaýyny-suwuny kem etmäñ" diýip, gaýtalardyñ. Özüm ýanyna barmazlyk üçin gyzymyz Aýperini ugradardym. Ony "Ýaranok " bahanasy bilen okuwyndan alyp galardym. Arman şol günüñ irdeni mugallymy jañ edip. Aýperini mekdebe çagyrdy. Barlagçy geljekmiş.
Ussamyzyñ işläp ýören ýerine baryp hemişeki edişim deý ýüzüne garaman çaý-naharyny goýup gidiberjek boldum. Onuñ sesi säginmegime sebäp boldy.
- Bir minut aýak çek!
Ýüregimiñ ýerinden çykaýjak bolup gursagymda urunýandygyny duýdum. Elim-aýaklarym saññyldap ugrady. Adatça aljyran pursatlarymda şeýle bolardym. Merdan ýüzüme tiñkesini dikip durşuna:
- Sen - diýdi-de sözüni togtatdy.
Maña tanyş bolan bakyşyny aýlap, sözüniñ üstüni ýetirdi.
- Sen juda owadan!
Ses-selemsiz öýe girip gitdim. Ýakamy tutdum. Allajanlarym! Onuñ boluberşini. Bu hetdini tanamazlyk bolýa. Şol günüñ özünde ähli bolan zatlary saña aýtmaly diýen netijä geldim. Emma soñra bir bolmasyz işiñ bolaryndan ätiýaç edip, niýetimden dändim. Gahar bilen ussany ýenjibermegiñden, hatda janyna zeper ýetirmegiñden gorkdum. "Soñuny saýmazlygyñ zerarly iki adamyñ ömrüni zaýalaýma" diýip, käýindim özüme.
Merdanyñ sözleri welin aklymda degirmen mysaly şol aýlanyp durdy. Haçandan bäri etmeýän işimi edip, aýnanyñ öñüne geçdim. Garaýagyz ýüzümi, hortap bedenimi synladym. Hiç hili özüne çekijilik görmedim. Asylam, ejeme köplenç zeýrenerdim "Näme üçin meni gara dogurdyñ?" diýip. Kellämdäki öýmämi sypyryp, saçlarymy çöşläp, öñüme uzynlygyna goýberdim. Olar bilime ýetýärdi. Aýnanyñ garşysyndaky özüme her hili garaýyşlar oklap gördüm. Biygtyýar Merdanyñ meni hut şu görnüşde görmegini isledim. Hopukdym. Eden pikrim sebäpli özümi müýnli duýdym. Saçlarymy howul-hara ýygnap, öýmämi dañdymda işlerim bilen boldum.
Ençe ýyl bäri añmaýan hakykatymy - zenandygymy Merdanyñ sözleri ýatladypdy. Zenan bolsa özüne üns berilmegini, näziniñ çekilmegini isleýär. Şolaryñ ýok ýerinde duýgusy ölmek bilen bolýar. Seniñem maña Merdan dek ünsli garaýandygyña ynandyrmak isledim özümi. Adamsy aýalyna gapysynda işleýän haýsydyr bir ussadan has köp üns bermeli dälmidir eýsem?!
Agşamara edil günortanky edişim kimin saçlarymy çöşläp, gaşyña geçdim.
"Men owadanmy?" diýip soradym. Ýadyña düşýärmi, şondaky hereketiñ? "Nireden kelläñe gelip ýör?" diýdiñ mawy ekranda tomaşa edýän gepleşigiñden gözüñi aýyrman oturşyña. Ýagşydan-ýamandan jogap bermedim. Tä meni görýänçäñ duran ýerimde mizemän durdum. Ahyrsoñy garadyñ maña. Ilki geñirgendiñ, soñ ýañsyly ýylgyrdyñ, soñam gaşyñ çytyldy.
- Ýeldirgäp ýörsüñmi-ow sen? Çagalar görse näme diýer?! - diýdiñ.
Ruhym mähre mätäçdi. Ikimiziñ aramyzdaky lenç edilen gatnaşyklar ýetenokdy indi oña. Barlygy diñe gije ýatlanylýan zenan bolsam onda meniñ seniñ nazaryñda köçedäki ökjesi ýeñil zenanlardan hiç hili parhym ýok bolýar-da, şeýlemi? Men ol bolmak islemeýärdim. Ýekeje, bary-ýogy ýekeje ýyly söze mätäçdim. Ruhymy görmegiñi isleýärdim. Görmediñ. Oña barmysyñam diýmediñ.
Gije uklabilmedim. Içigip-içigip agladym. Agladygymça ýüregimde seniñ biparhlygyñdan dörän, üýşüp-üýşüp depe bolup giden gussamy egisdim. Aglamakdan lezzet aldym.
Soñam kän jyrjaşdym biperwaýlygyñ garşysyna. Geleriñe gabatlap, biri-birinden owadan köýneklerimi geýdim. Toýa dañynýan öýmelerimiñ köýneklerim bilen reñkdeşlerini saýlap dañyndym. Uzyn, owadan gulakhalkalar dakyndym. Olar bilenem çäklenmän täzeden täze köýnekler tikinip ugradym. "Gör, sen nähili owadan ekeniñ" diýeriñe sabyrsyz garaşdym. Seniñ welin şol biperwaýlygyñdy. Gaýta "Nä toýa gidýäsmi bu gün, maña aýdañok-la" diýdiñ her gezek.
Joram Laçyn adamsynyñ mahal-mahal işden geleninde özüni garsa gujaklaýandygyny, süýji sözler aýdýandygyny joşup gürrüñ berýär. Sen meni iñ soñky gezek haçan bagryña basdyñ? Men aýdaýyn, Aýşat dünýä ineninde. Aýşadyñ häzir näçe ýaşyndadygyny bilýärmiñ? Sekiz ýaşynda.
Iñ soñky gezek haçan ýyly söz aýdanyñ-a ýadymdanam çykypdyr.
Men seniñ üçin kimdim? Öýüñ hyzmatkäri, gyzlaryñ ejesi, "gijeki zenan". Bar bolanymy? "Söýgi, yşk" diýlen kelamlar ýokmy seniñ sözlügiñde ýa-da ikimiziñ gatnaşyklarymyzda?
Senden barha-barha daşlaşýardym. Daşlaşdygymça-da şol tanyş nazarlara golaýlaşýardym...
Bir geñ-tañsy hereket näçe köp gaýtalansa, şonça hem adatylaşýar. Merdanyñ söýgi dünýäsine çakylyk bolan garaýyşlary adaty zada öwrüldi. Indi ýere garamokdym ýanyndan geçenimde. Oña ogryn-dogryn nazarlarymy oklaýardym. Bir günem...
Ol gün hakda saña aýtmak maña ýeñil düşýändir öýdýän bolsañ ýalñyşýarsyñ. Barybir bu hakda aýtmaly. Ol ömrümiñ iñ aýgytly pursatlarynyñ biri.
Merdany hut öz dilim bilen günortanlyk naharyny iýmek üçin çagyrdym. Onuñ bilen gepleşip edinesim geldi günortanlygymy. Bar bolany. Ynan, şondan başga zady meýilleşdirmändim. Merdan çakylygyma owaldan garaşyp duran ýaly işini taşlap, hasyr-husur içeri girdi.
Ol añyrsyna il gonýança geplemedi. Doýanyndan soñ bolsa dili açylan ýaly boldy.
- Eliñ süýji eken.
Utandym. Barybir, öwgüsi hoşuma gelipdi. Ýylgyranymy duýman galdym. Söhbetiniñ ýaraýandygyny syzyp, ykbaly hakda gürrüñ bermäge durdy. Çak edişim ýaly kyrk bir ýaşynda eken. Bir gezek öýlenip, aýrylyşypdyr. Aýaly ejesi bilen oñuşmanmyş.
- Men göwnüme göwündeş zenany tapmadym - diýdi.
Muny aýdanyndaky garaýyşy öñki garaýyşlaryndan juda parhlydy. Mähirden pürepür.
Ýene ýylgyrdym. Birdenkä-de bolup oturşymdan müýnürgedim. Kimdir biriniñ ikimizi bu ýagdaýda görmeginden howatyrlanyp, derrew töwir edip, saçagy ýygnamak bilen boldum. Merdanyñ öñündäki boşan tabaga elimi ýetirdim. Goşarymdan tutdy. Eliniñ yssysyna ýüregim jigledi. Doñup galdym. Elimi silkmelidim belki. Başarmadym. Soñuny azda-kände çaklaýan bolmagyñ mümkin. Iñ ajaýyp söýgi sözlerini gulagyma pyşyrdady. Bedenimiñ her nokadyny göýä diýersiñ çala gödek hereketinde döwüljek aýna heýkel deý emaý bilen sypap-sermedi. Özümi dünýäniñ iñ özüne çekiji, iñ elýetmez zenany ýaly duýdum. Dogrusyny aýtmak gerek bolsa, soñ-soñlaram bu ahwal şeýleligine galdy. Ol muny nädip başarýardy? Bir zenana ýanýoldaşynyñ başdan geçirdip bilmedik duýgularyny başdan geçirtmek üçin aşa yhlas edýärmidi? Ýa bu artykmaç üns talap etmezden öz-özünden bolup geçýän hadysamydy?
Şol gün ömrümde ilkinji gezek saña ikilik etdim. Müýnümi bildim emma birjigem ökünmedim. Söýülýän zenan bolmagyñ neneñsi ajaýypdygyny duýdum çünki. Bu edil paraşýutly bökmek ýalydy. Howply ýöne gyzykly.
Merdan ýanymdan gidip, öz işi bilen başagaý bolup başlanyndan soñ duýgularym hökmürowanlygyny aklyñ eline berdi. Men indi wepasyz, pes derejeli zenandym. Muny hiç kim bilmese-de, özümiñ bilmegim ýetikdi kiçelendigimi añmaga. Öz nazaryñda kiçeleniñden soñ tutuş dünýä seni beýik saýsa-da gymmaty bir köpük. Bolup biljek iñ ýaman zat bolupdy. Özüme hormatymy ýitiripdim.
Ýuwaş-ýuwaşdan aklyma aýlandym. Bir gezek boldy. Ýöne indi gaýtalanmaz. Indi gaýtalanmajagy üçinem saña aýdyp oturasy iş ýok. Hemmesini unutmaly, hiç zat bolmadyk ýaly bolubermeli diýen netijä geldim. Bar ünsümi çagalaryma, saña gönükdirdim. Seniñ şol biparhlygyñdy. Gündizleri jañ edip, süýji-süýji gepleşjek bolsam, "Beýtme-how, iş wagty zerur mesele bolmasa. Başlygym käýeýär görse"diýip al-petimden aldyñ. Men öler ýaly söýülmek isleýärdim. Mundan beter nähili zerurlyk bolup biler?!

dovamy bar
31
124
1
Kicxi_maniak
18.03.2024 23:02

Meni bagyşlama


"Sen maña ýalandanam bolsa "Söýýän" diýen bolsadyñ, ol ýalany dünýäniñ hiç bir hakykatyna çalyşmazdym"

(Meşhur söýgi sözlerinden)


(Bolan wakalaryñ esasynda ýazylyp, kişileriñ atlary üýtgedildi.)


Garýagdy keselhananyñ giñ meýdançasynda gezmeläp ýörşüne birnäçe sagat bäri jalbarynyñ jübüsini mesgen tutunan iki eplengi kagyzlary çykardy. Kagyzlaryñ iñ ýokarsynyñ daş ýüzünde uly harplar bilen ýazylan sözi gör, näçenji gezek gaýtadan okady:

"ADAMYMA!"

Kimdir biriniñ haty görmeginden ätiýaç edip, töweregine garanjaklady-da, meýdançadaky oturgyçlaryñ birine çökdi. Gorka-gorka kagyzyñ gatyny açdy. Haty aýaly Lälezaryñ hut öz eli bilen ýazandygyny garynja dek ownuk harplaryndan añşyrdy. Okamaga başlady. Bu hat eýýäm ilkinji sözlemlerinden iniñi düýrükdirýärdi:

"Garýagdy! Saña bolan zatlary iñ başyndan ähli jikme-jikligi bilen gürrüñ beresim gelýär. Muny maña - bu alykakmyş zenana düşünmegiñ üçin däl-de, men hakynda kelläñde hiç bir sorag alamaty galmazlygy üçin şeýdýärin.

Şol gün howa diýseñ ajaýypdy. Töwerekde guşlaryñ saýraşýan sesini eşitmek, mylaýym şemaly duýmak mümkindi. Daşarda oturşyma günortanlyk nahar üçin sogandyr, kartoşka dograýardym. Hä diýmän gyzlar okuwdan gelmelidi. Nahary wagtynda taýýar etmek üçin howlukýardym. Ussamyz seniñ tabşyryk beren ýatakhanañy gurmak bilen meşguldy. Tä hiñlenýän aýdymy gulagyma degýänçä onuñ barlygy-da ýadyma düşmändi. Aýdymy eşdenimde onuñ aýdyp-aýtmaýandygyny bilmek üçin şol tarapa gözümiñ gyýtagyny aýlapdym. Asyl, ol häliden bäri maña garap oturan bolsa nätjek? Şonda ilkinji gezek gözlerimiz sataşdy. Şobada ýüzümi başga ýana sowsam sowdumam welin onuñ garaýşy göz öñümden gitmedi. Derrew gök önüm dograp oturan gaplarymy alyp içeri girdim. Ussamyzyñ bolşuna geñ galdym. "Bul oglanyñ bolşuny. Ärli aýal diýmän seredip otyr" diýip, içimi gepletdim. Öz gepime öz gülküm tutdy. "Oglan bormy gyz, kyrk-a ýaşandyr". Heziller edinip, jak-jaklap güldüm.

Agşam işden geleniñde ussamyzy ýanyña çagyryp bermegi tabşyrdyñ. Daşary çykyp, onuñ ýüzüne-de oñly garaman "Neme, adamym sizi çagyrýar" diýip goýberdim. Ýüzüme ýañsyly garady-da "Adym Merdan" diýip, içeri girip gitdi.

Merdan. Şonda bildim adyny. Ilkinji gezek şonda aýdyp gördüm adyny içimden. Soñra ol at gör näçe gezek, nähilli ahwallarda gaýtalanandyr meniñ tarapymdan.

Ýanyña geçip oturanynda gapynyñ bir gyrasynda durup, ikiñiziñ gürrüñizi diñledim. Ýatakhananyñ işiniñ haýal gidýändigini agzadyñ. Ussanyñ işinden göwnüñ suw içmändigini ýañzytdyñ. Merdan az-kem oýlanýan ýaly edip, "Meniñ üçin çaltlyk däl, hil möhüm" diýdi. Şondan soñ hiç zat geplemedi. Senem temany üýtgetmek bilen bolduñ.

Dogrudanam, ussamyzyñ işläp ýörenine üç gün bolandygyna garamazdan iş önübermeýän ekeni. Munuñ sebäbini özümden gözledim. Meni has köp görmek üçin şeýden bolmaly. Başgaça pikir kelläme gelmedi. Ýogsam, ony öñ gurluşyk işlerinde işleden goñşularymyz tarypyny ýetirýärdiler.

Merdanyñ deñinden geçenimde mydama ýere bakyp geçerdim. Başarsam daşary çykmajak bolardym. Mahal-mahal penjireden ogrynlyk bilen garanymda onuñ öýümiziñ daşky gapysyna tarap umydygär nazarlaryny gezändigini görýärdim. "Meniñ çykaryma garaşýan bolmaly" diýip içimi gepledýärdim.

Zenanlar kimiñ özüne nähili garaýyşdadygyny juda basym añlamaga ukyply. Merdanyñ nebsewür garaýyşlarynyñ niýetinem ilkinji garan pursadynda añlapdym. Oña asla ýüz bermek niýetim ýokdy. Men ýanýoldaşly, dört gyzyñ enesi zenan. Ýoldaşyma - ýagny saña ikilik etmegi oýumdan geçirmegem nädogry hasap edýärdim.

Merdanyñ garaýyşlary bolsa goýnuna düýrüp alyp barýardy. "Ähli zady kelläñden çykar. Maña tabyn bol" diýýärdi. Boýun syndyrjak däldim. Meniñ erkim bardy, erkliligim bardy. Sen günüñ güni çagalarymyzy aç-hor etmejek bolup zähmet çekýärdiñ. Men munuñ garşylygyny saña ojagymyza wepalylygym, yhlasym bilen ödemelidim. Zenan diýmek bu diýmek dälmidi? Tersine bolmagy mümkinmidir?

Ah, Garýagdy! Durmuş naçar beýnimdäki pikirlerden has rüstem gelse nätjek? Ýa bolmasa hyjuwmydyr, söýgimidir, ýa-da garşydaş jynsyñ özüme bolan gyzyklanmasynyñ tolgunmasymydyr, garaz, haýsydyr bir duýgym serimde göterip ýören "dogrularymdan" güýçli çykan bolsa men nädip bilerin?



Dowamy bar.


Mahym Nurgeldiýewa.
40
172
7
Yene yükle