Karaleva_
28.08.2024 19:56
Suffolk graflygyndan (Beýik Britaniýa) 102 ýaşly Manett Beýli öz doglan gününde paraşýutly böküşi ýerine ýetirip, ýurduň iň garry paraşýutçysy boldy. Ol bu batyrgaý hereketi haýyr-sahawat we birnäçe guramalary goldamak üçin etdi hem-de eýýäm meýilleşdirilen 30 müň funt sterlingden 9 müň fünt sterling ýygnady diýip, Sky News habar berýär.

“Haçan-da uçaryň gapysy açylanda, men yza ýol ýokdugyna we diňe bökmelidigine düşündim” – diýip, Manett öz täsirleri bilen paýlaşdy. Ol özüni oňaýsyz duýandygyny, ýöne tolgunmadan baş alyp çykandygyny aýtdy. “Men ysgyndan gaçandygymy duýup, gözümi ýumdum” – diýip, aýal aýtdy we böküşden soňky duýgusyny “dumanly” diýip häsiýetlendirdi. Ýere düşenden soň Manett özüni “missiýasyny ýerine ýetiren” ýaly duýandygyny belledi.
Böküşe 50-den gowrak adam tomaşa etdi, Manettiň özi bolsa meýilnamany tas bozan howa şertlerine garamazdan asuda we ykjam durdy. “Diňe öňe tarap hereket etmek we hyýalyňdakyny etmek gerek” – diýip, ol aýdýar.
Manett Beýli henizem awtoulag dolandyrýar, jemgyýetçilik durmuşyna işjeň gatnaşýar we uzak ýaşamagyň syry fiziki hem-de akyl işjeňligini saklamak, şeýle-de aragatnaşyk diýip hasaplaýar. Paraşýutly böküşden soň, ol maşgalasy we dostlary bilen bilelikde serişde ýygnamak bilen goldaýan haýyr-sahawat guramalarynyň biri bolan Benhall klubuna çaý içmäge gitdi.
11
65
Karaleva_
26.08.2024 20:34
Anjelina Joli Tom Ford Beauty-nyň täze ýüzi boldy diýip, brendiň metbugat relizine salgylanyp, WWD habar berýär.
Ilkinji önüm Tom Ford Runway Lip Color dodak boýagy bolup, onuň kampaniýasyna 49 ýaşly aktrisa gatnaşdy. Bu önüm sentýabr aýynda satuwa çykarylar.
Tom Ford-yň baş müdiri Giýom Jeseliň aýtmagyna görä, Joliniň saýlanmagy onuň dünýä derejesinde tanalmagy we dürli nesiller üçin özüne çekijiligi bilen baglanyşykly.
Meşhur fotoduet Mert Alas bilen Markus Piggot tarapyndan düşürilen mahabat kampaniýasynda Joli "ajaýyp" diýip atlandyran Scarlet Rouge reňk öwüşginini görkezýär.
Täze Tom Ford Runway Lip Color hatary 18 sany reňk öwüşginini öz içine alar, şolardan 10-usy firma, 8-isi täze reňk. Şeýle-de, dodak üçin Runway Lip Pencils galamlary täzelener.
Sentýabr aýynda mahabat kampaniýasynyň täze suratlary, oktýabr aýynda bolsa Joliniň gatnaşmagynda doly derejeli mahabat wideosy çykar.
Bu Anjelina Joliniň kosmetika brendiniň ýüzi hökmünde ilkinji tejribesi däl. Ol 2006-2008-nji ýyllarda Shiseido-ny, 2017-nji ýylda Guerlain-i hödürledi, 2011-nji ýylda bolsa Louis Vuitton bilen 10 mln dollarlyk şertnama baglaşdy
Tmcars
15
80