Karaleva_
16.06.2024 19:34
Ýakynda seýrek astronomiki hadysa bolup geçer – Aý hereketini togtadar (ýa-da Aýyň uzak durmasy bolar). Bu hadysa 18,6 ýyldan bir gezek bolup geçýär diýip, Live Science neşiri habar berýär.
Bu hadysa soňky gezek 2006-njy ýylda bolupdy.
Aýyň uzak durmasy Ýeriň we Aýyň orbitalarynyň eňňit görnüşde gyşarmasy iň ýokary derejä ýetende ýüze çykýar. Bu döwürde Aý diapazonyň iň çetki nokatlarynda: demirgazykda we günortada dogup-batýar. Ol demirgazyk-gündogardan dogup, demirgazyk-günbatarda batýar, şeýle hem günorta-gündogardan dogup, günorta-günbatarda batýar.
Aýyň uzak durmasy wagtynda Stounhenj ýaly köp gadymy desgalar Aýyň dogýan we batýan nokatlaryna gabat gelýär, bu bolsa gadymy adamlaryň oňa aýratyn ähmiýet berendigini görkezýär.
Aýyň ýetip gelýän uzak durmasynyň iň ýokary derejesi 2024-nji ýylyň sentýabr aýynda we 2025-nji ýylyň martynda bolar. Onuň görünmegi, esasan, aýyň fazasyna, syn edýän adamyň ýerleşýän ýerine we howa şertlerine baglydyr. Syn etmek üçin iň amatly wagt - Aýyň dogup, Gün ýaşyp batýan wagty.
Aýyň indiki uzak durmasy 2042-nji ýylda bolar diýip garaşylýar.
tmcars
24
70
Karaleva_
16.06.2024 12:36
ABŞ-nyň Aýowa ştatyndan Kewin atly daniýa tohumly it dünýäniň iň beýik iti diýlip ykrar edildi. Bu barada Ginnesiň rekordlar kitabynyň web sahypasynda habar berildi.

Itiň penjelerinden gerşine çenli beýikligi 97 santimetre ýetýär. Deňeşdirmek üçin, bu tohumdan bolan erkek itiň ortaça beýikligi, takmynan, 76 sm.
Ozal bu rekord Zews atly daniýa doguna degişlidi, onuň boýy 104,6 sm-di. Emma Zews üç ýaşynda süňküň rak keseli bilen keselläp aradan çykdy.
Kewiniň eýeleri itiniň, täsin galdyryjy ululygyna garamazdan, mähirli we ak ýürekdigini gürrüň berdiler. “Ol gujaklaşmagy, diwanda irkilmegi gowy görýär we tozan sorujydan öler ýaly gorkýar. Hatda resmi rekord üçin onuň boýuny ölçemek hem kyn boldy, sebäbi görgüli Kewin ölçeg lentasyndan hem gorkýar"- diýip, olar gürrüňlerini dowam etdiler.

“Meniň pikirimçe, ol özüniň nähili uludygyna düşünenok. Elmydama kiçi ýatalga dykylyp gelmek bilen, üstümizde oturaýjak bolýar. Ol kiçijik itler näme edýän bolsa, şolaryň hemmesini edýär " - diýip, onuň eýesi Treýsi gürrüň berýär.
Kewin her gün 10 käsä çenli nahar iýýär we, köplenç, stoluň üstünden nahar ogurlaýar
Tmcars
23
36
Karaleva_
15.06.2024 16:17
Voracious neşirýaty Kwentin Tarantinonyň “Günlerde bir gün... Golliwudda” («Однажды… в Голливуде») we “Şöhratsyz deýýuslar” («Бесславные ублюдки») filmleriniň önümçiligine bagyşlanan iki kitaby anons etdi. Kitaplaryň awtory – “Sugun awçysy” («Охотник на оленей») we “Guduz öküz” («Бешеный бык») filmleriniň surata düşürilişi baradaky eserleri bilen tanalýan Jeý Glennidir diýip, Deadline ýazýar.
Kitaplara sözbaşylary Tarantinonyň özi ýazar, ol eýýäm Glenni bilen hyzmatdaşlykdan begenjini paýlaşdy.
“Meniň kolleksiýamda Jeý Glenniniň kitaplary bar, men olary hemişe gowy görýärdim – aýratynam, onuň “Sugun awçysynyň” döredilişi baradaky eserini. Men filmlerime çuňňur girişjek şondan gowy adamy tapyp bolmajakdygyna ynanýaryn” – diýip, Tarantino aýtdy.
Glenni režissýor bilen birnäçe söhbetdeşlik geçirip, surata düşüriliş prosesi, ssenariýa, kasting, wizual effektleriň we saundtrekiň döredilişi barada jikme-jik maglumat aldy. Kitapda Tarantinonyň şahsy arhiwleri we 50-den gowrak aktýorlaryň hem surata düşüriji toparyň agzalarynyň gürrüňleri hem ulanylar.
Kitaplaryň 2025-nji ýylyň güýzünde çykmagyna garaşylýar.
“Günlerde bir gün... Golliwudda” (2019) filmi dünýäde 377 mln dollar girdeji ýygnady, “Şöhratsyz deýýuslaryň” (2009) girdeji ýygymy bolsa 322 mln dollar boldy. Filmleriň ikisi-de birnäçe “Oskara” dalaşgär görkezildi, “Ikinji plandaky iň gowy erkek keşbi” üçin heýkellere mynasyp boldy.
Öň, Kwentin Tarantinonyň “Kino tankytçysyny” surata düşürmejekdigi belli boldy. Film režissýoryň karýerasynda onunjy we iň soňky taslama bolmalydy.
Tmcars
16
37
