Watan üçin çykandyrlar jan goýup,

Asuda ýaşasyn halkymyz diýip,

Her depik topragyn jan deyin söýüp,

Biz üçin gitdiler mundan gerçekler.

Sowuk diýmän, yssy diýmän göreşip,

Bir birege goldaw kömek berişip,

Baryp dört ýyl Beýik Ýeñşe garaşyp

Geçdi orta goýup jandan gerçekler.

Ýaşu-garry diýmän çykdy goraga,

Goltgy berip daýanyp bir- birege,

"Indi haçan geljek" diýen soraga,

Jogap bermän gitdi mundan gerçekler.

Al meýdanda niçeler gan döküldi,

Ýaş ýigitleñ juwan bili büküldi,

Ýeñiş üçin uzak ýollar söküldi,

Ahyry Berline ýetdi gerçekler.

Maý dokuzy , müñ dokuz ýüz kyrk bäşiñ,

Bitirdiler olar dünýäniñ işin,

Göge diräp mert Türkmenimiñ başyn,

Berlinde Tuguny dikdi gerçekler.

Gahrymanlañ ýüreklere besläni,

Rahat geljek hemmeleriñ isläni,

Peşgeş goýup bize tämiz asmany,

Janlaryny pida etdi gerçekler

Hajymyrat

Ajy-süýji näme tapsa datýalar,

Iki sözi kapýa salyp çatýalar,

Gaýta-gaýta bir temany ürç edip,

Bir bent goşgy bilen akyl satýalar.

Bilseñiz aklyñyz kimsä gerekmez.

Näçe satsañyzam hiç kim seretmez.

Bar zadymyz özümize ýeterlik,

Ünsi çekip gyzyklanma döretmez.

Hajymyrat

Çagyrylsam gitdim , otur-turusha,

Ýüz turşan ýerinde minut durmadym.

Ses beýgelse ýüzüm salyp ýuwutdym.

Mertebäm peseldip , jogap bermedim.

Zähmet çeksem siñdi mañlaýda derim.

Tä ýetinçäm gara başym egmedim.

Aýyby ýok mert ýigide gözýaşyñ,

Käte aglap menem şeýle ýeñledim.

Köp adam sataşdy , akly -garaly.

Ýagshy - ýamanlary asla garmadym.

Tanap hem bolmady niçe ynsany,

Her dûrli ýol bilen onam barladym.

Söýgäde zar boldum söýdümem il deý.

Ýar yzynda ylgamakdan armadym.

Il görse hözirin wagtlaýyn söýgiñ,

Päk söýgimiñ miwesini görmedim.

Hajymyrat siñdir setre duýgulañ,

Durmuş diýe öz-özüñi harladyñ.

Hiç kime parh bermez ynanaý bilseñ,

Seniñ ýagty bu jahanda barlygyñ.

Hajymyrat

Sowal- Jogap.

Sorag beren: Nury Ibragimow

Jogap beren: Hajymyrat.

Sowal:

Yşk nämedir? Duzagyna düşen kän

Hasrat basyp ýürek derläp ýören kän

Başyn gysyp ýalňyzlykda aglan kän

Şahyr bolsaň yşkdan bize habar ber

Jogap:

Yşk bir hile duzagyna düşen kän.

Ýürek ýanyp alawyna bişen kän.

Munda aglap ýalñyzlykda ýaşan kän.

Kabul etseñ bizden jogap sheyledir.

Sowal:

Duýgy näme? Ýüreklere myhmanmy?

Ýa durman tolkun deý gelip gitýärmi?

Kä belentden käte pesden urýanmy ?

Şahyr bolsaň duýgylara jogap ber.

Jogap:

Duýgy, bolsa her bir ýürege myhman.

Joş urar , göýä ki gözýetmez umman.

Her ynsan kalbynda her tüýsli urýan,

Kabul etseñ bizden jogap şeýledir.

Sowal:

Söýgi näme? Diýip soradym köpden

Käsi diýdi gaýgy käbiri duýgy

Takyk jogap tapman geçdim ençeden

Aýdar bolsaň Söýgä anyk jogap ber

Jogap:

Bu soraga hich kim jogap tapanok,

Gaýgysam ,duýgusam hiç gutaranok.

Söýgä uçran adam dek oturanok.

Kabul etseñ bizden jogap sheyledir.