Mowzuklar Gülhan » Sahypa 14

Gülhan

27.03.2022 23:36

Gör, iller bir ýana howlugyp barýar, Kim dostunyň, kim ýarynyň ýanyna. Maňa bolsa garaşýan ýok dünýäde, Şondada ýol söküp barýaryn öňe... Diňe hol öňümde garantgy deýin, Hemra bolup barýar ýalňyz

Gülhan

27.03.2022 01:03

ÝAŞULYŇ OÝLANMASYNDAN..

Kä oýnaklap ynjydamda ýüregni,
Gözlerinden ajy göz ýaş guýardy.
"Aglama" diýp sypanymda ýañagny,
"Çigit ýaljak göwnüm bardyr..." diýerdi.

Gyz kalby-da... näzijekdi, mähremdi,
Gyzyl, elwan bägülleri söýerdi.
Ýatdan çykyp, gülsüz barsam ýanyna,
"Çigit ýaljak göwnüm bardyr..." diýerdi.

Şokoladdy şol döwüriñ modasy,
Dok bolsa-da ik-üçisin iýerdi.
Duşuşukda şol çykmasa jübiden,
"Çigit ýaljak göwnüm bardyr..." diýerdi.

Hamylalyk gynaýarka işdäsin,
Süýji ukudan müñ bir gezek oýardy.
"Ýat! Irden guş süýdün tapjak" diýemde,
"Çigit ýaljak göwnüm bardyr..." diýerdi.

Çeper däldi eli kän bir biş-düşe,
Iñ datly tagamnyñ teýi köýerdi.
Duzly çorba dadyp bürşende ýüzüm,
"Çigit ýaljak göwnüm bardyr..." diýerdi.

Sähel ýeri ýyrtylsa-da eşikleñ,
Ony men däl, egnagajym geýerdi.
"Haçan tikin öwrenerkäñ?" diýemde,
"Çigit ýaljak göwnüm bardyr..." diýerdi.

Aç bolsagam, ýyrtyk köýnek geýsegem,
Bir wepaly ýara eýe ýigitdik.
Şoñ çigitdek göwnün ýykmajak bolup,
Şemal ýaly şuwlap gitdi ýigitlik.

Ýykylsamam şonly geçen ömrümde,
Ýeke gezek onuñ göwnün ýykmadym.
Şoña görä çigit ýaljak göwünden,
Aldym dünýä ýaly mähir hikmetin.

Kerim_Hally.

121

Gülhan

27.03.2022 00:25

Derdimiň ýaryn däl, baryn bagş edip, Setirlemde açjak boldum ýüregmi. Bilýän, juda kän berildim duýgyma, Bilýän, juda kän agzadym „melegmi“.

Завяла роза..🥀

...GOŞA SORAGLAR...

Örän köp ýazýarys Söýgi aýdymyn.
Söýgiň ezýetini çeken-de ýazýar,
Çekmedik-de ýazýar. Ine şeýdibem
Müňlerçe setirler gazete çozýar,
Radio çozýar,
Ekrana çozýar.
Posadan öl-myžžyk mawy ekranlar.
Mawy ekranlaryň zolaklaryndan
Posalar
Şeýle bir
Süýnüp akýarlar –
Gojalar utanyp, öýden çykýarlar.
Gelinler gyzaryp, ýere bakýarlar.
Gyzlar uýaljyrap, ýüzün bukýarlar.
Eneler gulagna pagta dykýarlar.

Eý, Söýgi! Ýollaryň kyndy-la seniň.
Onsuzam lezzetiň kändi-le seniň.
Maňlaýyň, gabagyň, ýaňagyň, agzyň
Batgalyk tokaýa döndi-le seniň…

Söýginiň ugrunda käkelemek bar,
Ah çekmek bar, elin owkalamak bar.

Saçyny, çokulny sypalamak bar.
Görküni, akylny apalamak bar.

Kino, teatra, parka gitmek bar.
Ýagyşda taýmak bar, jorka gitmek bar.

Ýene-de turmak bar, jak-jaklamak bar.
Bilinden ýuwaşja gujaklamak bar…

Eý, Söýgi! Ýollaryň köpdile seniň.
Birdenkä ýüregiň gopdy-la seniň.

Şeýle aýdymlary diňläp juwanlar,
Bagda nädip otyr gyzar-öýlänler.

Dodaklaryn goýup birek-birege,
Meňzeşip otyrlar goşa soraga.

Barýar gapdalyndan çal saçly aýal,
Emma dikelenok ol goşa sowal.

Barýar gapdalyndan çagaly ene.
Soraglar has beter gyslaşýar ýene.

Barýar gapdalyndan ak sakgal ata,
Şapbyldyň owazy güýjeýär gaýta.

Bir elinde kitap, birinde goşgy,
Şahyr geçip barýar wasp edip yşgy.

Ýene bir şapbyldy… Gyňralýar şahyr.
Olar diýýär: “Özüň öwredýäň ahyr!..”

…Posadan öl-myžžyk mawy ekranlar.
Ekranlara sygman, baga çykýarlar.

Gije däl, ýagtyda geçýär synaglar.
Bükülip otyr
Goşa soraglar…

Kerim Gurbanepesow

Gülhan

25.03.2022 12:11

NÄMEDIR BIR ZAT... Nämedir bir zada howlugýan ýaly, Nämedir bir zada umyt edýän men. Nämedir bir zada ýetip barşyma, Hem nämedir bir zatdan-a gidýän men. Hiç maza berenok nämedir bir zat, Nämedir bir

190

Gülhan

23.03.2022 18:18

"Ölçeğli" söýüň diýýädi Allanyň Resuly ..Muň manysyna göwnüňiz ýadanda düşünersiňiz...🌺

205

Gülhan

23.03.2022 07:32

Her gün urulýa, gynandyrylýa, agladylýa, şeýlebir kemsidilýä, ýöne ol şondada aýakda galmany başaryp dur. Nädip? Nähili bilemok ýöne, Käwagt pikir edip hayran galyan oňa, näme üçn şeyle Bes et! Bes et! diýlip üstüne gygyrylsada näme üçn hiç aýak çekenok. Näme üçn hiç göreşmekden ýadanok. Kiçijikligine garamazdan ýaňy gögeren tohum ýaly ulalyp boý alyp gitjegine şeýlebir ynanýar. Ony göz öňümde janlandyrsam haýpym gelýä, edil dünyadaki yeke täk teselli ýaly...
Eýse, Gynalyp göreşip barýar, Tozan basdy ýerini. Suwsuzlykdan halys ýadady. Sebäbi ol kiçijik nahaljyk ýaly ahyryn, ulalmagy üçn zerur zatlar gerekli. Ýöne ulalanogam, şol bolşunda dur.. Şondada kalbymyň düýbünde göreşmegini bes edäýenok. Kämahal ol şeýlebir yerden yere urulýar, ganatyna şikes ýeten guşuň uçmak üçn çyrpynyşlarnyň herekedine şayat bolansynyz. Men şoňa günde şayat..(her gije).. ÖLMEK! UÇUP BİLMEZLİK aklynada gelenok. Gijelerine.. öldürilmek üçin gynalýar, gynalýar. Hasam iki ganaty iki bölek edilýär, ucmasyn diyip. Suw berilmekden kesilýä, ösmesin ulalmasyn diýip...barybir. Beýdilsede barybir yitip gidenok. özündäki umydy ýitirenok. Sebäbi onuň özi Umyt ahyryn. Kiçijik kalbymyň kiçijik umydy. Birwagt ekilen Umydym... şeýlebir çyrpynýardy..(

Gülhan

22.03.2022 23:17

Eğer birgün şyňlamasa gulagyň,
Bu dünýeden ötenimi bilginiň.
Guramanka mazarymyň topragy,
Birje gezek hoşlaşmaga gelginiň.

Gelip ýuwaşjadan epip dyzyňy,
Ýatlasaň bir mahal söýen gyzyňy,
Diýersiň kim ýazar, kim okap berer ?
Soňlanmadyk söýgimiziň yzyny...

Garşyňda duraryn bakyp gözüňe,
Aýralyk perdäni atyp yüzüme.
Şemal bolup seň saçlaryň syparyn,
Eşitsemde jogap bolmaz sözüňe...

G.Ezizow.

Gülhan

22.03.2022 13:33

İne saňa erkinligiň mekany
Bu ýerde güneşem, şemalam erkin.
Sorup gursagyna çygly howany,
Bir alada bilen mübtela her kim.

Görünenok toz-topraga bulaşyp,
Oýnap ýörýän bir mahalky çagalar.
Gelin-gyzlar geçip barýar gülüşip...
-Asyl gudrat eken biziň obalar!

Ötlem-ötlem ymaratlar agarýar,
Bir tarapda uç-gyraksyz düz görýän.
Bir tanyş ses adym tutup çagyrýar:
Ýa senmikäň, ýa menmikäm özgerýän?

Bir mahalky gyzlar bolupdyr ene,
Pensiýa çykypdyr öňki eneler.
Gygyrasym gelýär gaýtalap ýene:
-Asyl gudrat eken biziň ene ýer!

Asyl gudrat eken biziň oglanlar,
Şudur maňa ylham berýän ýeke-täk....
Şeýdip obamyzyň ortasynda
Ýatlamalar bilen durun ikiçäk.

Edil siziň ýaly ýaşajykdym men,
Ak ýürekli, ak bilekli çagalar.
Ýyllara duýdurman ýaşajakdym men
Gaýtam men duýmakam geçipdir olar.

Obam! Sende çagalygym göründi,
Obam! Sende gülüp duran göz görýän.
Hany maňa özüň jogap ber indi,
Ýa senmikäň, ýa menmikäm özgerýän? ...

Halyl Kulyyew

Yene yükle