AýgülÝazweliýewa
28.01.2023 10:59
Gözüm düşen şol gözleri,
Diňläp ýakymly sözleri,
Emma köp eken ýüzleri,
Bagtymdyr öýdüp ýalňyşdym.
Öň kalbymda ýokdy gussa,
Gerek däldi oňa ussa,
Indi bolsa däli, hassa,
Bagtymsyň öýdüp ýalňyşdym.
Seresapdym her bir işde,
Ýalňyşmazdym etsem keşde,
Ýöne welin, saýlap-seçde,
Bagtymdyr öýdüp ýalňyşdym.
Seň ýalanyň boldy aýan,
Menden saňa gysga beýan:
"Git, görmäýin ýoluň rowan!"
Bagtymsyň öýdüp ýalňyşdym.
Aýgül Ýazweliýewa
27.01.2023
13
90
AýgülÝazweliýewa
26.01.2023 05:44
Bagyşla
Meñ ýüregim mähre mätäç,
Ýaralama, silteleme.
Ýetik maña ýúregiñden,
Syzyp çykan bir keleme.
Göwnüm bir hossara mätäç,
Bilýäñ-ä ol näzik, ynjyk.
Umytlarym sönüp baryar,
Zerur maña bir uçgunjyk.
Men bir ýolbelede mätäç,
Azaşaryn bolmasa men.
Başym syparyna mätäç,
Elleriñiñ emaý bilen.
Meñ ýüregim mähre mätäç,
Yaralama, silteleme.
Ýetik maña ýüregiñden,
Syzyp çykan bir keleme.
Meniñ dünýäm saña mätäç,
Dolan yza, öykeleme!
Mätgurban Mätgurbanow
16
103
AýgülÝazweliýewa
23.01.2023 00:49
ÇAKLAMA
Magtymguly Meňli gyzy söýenmiş,
Ýöneýetip bilmänmişin wysala.
Seýdi bolsa Hatyja diýp köýenmiş,
Emma olam düşenmişin şo hala.
Zelili hem Döndüsine gowuşman,
Bu dünýäden arman çekip ötenmiş.
Nepese-de päsgel berenmiş duşman,
Garaz,zordan Bossantäje ýetenmiş.
Elinden gidirip Annagülüni,
Mätäji mähire mätäç bolanmyş.
Şeýdip,ähli şahyrlaryň gününi—
Söýgüsini şum rakyp bozanmyş.
Bular çaklamasy biziň alymlaň,
Belki,birden biri degýändir ýapa.
Alymlar! Nämüçin gara zalymlar,
Olaň hiç haýsyna gyýaňzok nika?
“Bir kem otuz ýyldyr sürüşdim döwran”,
Diýip ýazaýmadyk bolsa Kemine,
Onuňam ýaryny bir pursat durman,
Bererdiňiz bir baýa ýa emire.
Garaz,hakykata golaý bir delil,
Ýa-da çala başy gowşan çaklama
Şahyrlaň söýgüli ýaryny elin—
Eltip berýär haýsydyr bir akmaga.
Bu gün elimizde nika hatymyz
Barlygyna şükür,bolmasa bizem
Goýardyňyz söwer ýarsyz—hatynsyz,
Siz öz täsin çaklamalarňyz bilen.
Ýerliksiz dawamyz ýok biziň asla,
Ýa şahyryň täleýi ters ozaldan.
Gowy bordy,bir ters many çykmasa,
Söýgi hakda ýazylan her gazaldan.
Çeşme: Atajan Tagan "Kyrk ýylda ýazylan kitap"
15
164
AýgülÝazweliýewa
22.01.2023 18:51
Öwrenmegi terk eden adam, isle
ýigrimi ýaşynda bolsun, isle-de segsen – tapawudy
ýok, ol garrydyr. Öwrenmegi dowam edýän adam
bolsa, kimdigine garamazdan, juwanlygyna galar.
Dünýäde iň ajaýyp zat, zehiňizi ter saklamakdyr.
Genri Ford
*
Döwlet ýolbaýçylary öz ýurdunyň raýatlaryna orden, medal paýlap bilerler. Ýöne olar talant bilen akyl paýlap bilmezler. Şol hem adamlaryň bagtynyň getirdigi.
*
Iň belent hem hiç mahal gadry gaçmaýan söýgi ýetilmedik söýgüdir.
*
Kitap okamaýan adamlar kitap okamagy pişesiz adamlaryň edere iş tapmansoňlar,güýmenje üçin öwrenen endigi hasap edýän bolsalar gerek.
*
Gün ýokary galdygyça, kölege peselýär, ýöne käbir adam ýokary galdygyça
welin, köplenç, adamçylygy peselýär.
*
Özümiz pes bolanymyz üçin özümizden sähel beýik, ýöne hakyky beýik däli hem beýik hasaplaýarys.
*
Utanjy ýok söýgüden söýgä garaşmaly däl. Utançsyz söýgi uzak söýmeýärem, söýülmeýärem.
*
Köp okap, az bilýän adam.
"Kyrk ýylda ýazylan kitap" eserinden
14
96
AýgülÝazweliýewa
20.01.2023 11:36
Ýüregimiň eýesi
Söýgi meýin dadyp şu güne düşdüm,
Serhoş bolup, hyýaly dünýä göçdüm,
Köp ýyly sensiz ýeke-ýalňyz geçdim,
Haçan geljek ýüregimiň eýesi?!
Unutmadym ýyllar geçdi aradan,
Sataşdyrdy a:hyr, bizi Ýaradan,
Doly meň ýüregim saňa söýgüden,
Haçan geljek ýüregimiň eýesi?!
Gül bolup garaşýan giden bilbile,
Tiken boldum, gol uzadan her kime,
"Garaşýan" sözüm geçsin dilden-dile,
Haçan geljek ýüregimiň eýesi?!
Gözlegim sen, ýene-de şol ýolda men,
Ýöne saňa garaşyp hem ýadaman,
Besdir indi aýralyga jydaman,
Haçan geljek ýüregimiň eýesi?!
Aýgül Ýazweliýewa
11
45
