yanabayeva
16.12.2023 13:58
ABŞ. Bu ýerde iň meşhur brendler Hershey, Mars ýaly brendler bolup, ähli şokoladlar ýokary hilli çig maldan öndürilýär.
Germaniýa. Bu Ýewropada iň uly şokolad öndürijileriň biridir. Hut şu ýerde Ritter Sport, Schogetten, Halloren ýaly brendleriň fabrikalary bar.
Belgiýa. Bu ýurt Neuhaus, Godiva, Leonidas ýaly markalaryň watany hasaplanýar. Ýurtda jemi 12 fabrika bolup, olar ýylda, takmynan, 170 müň tonna şokolad öndürýärler.
Fransiýa. Bu ýurduň Michel Cluizel, Maison du Chocolat, Valrhona ýaly brendleri dünýäde meşhurlyk gazandy.
Şweýsariýa. Bu ýurtda Teuscher, Cailler, Lindt ýaly kompaniýalar şokolad öndürýär. Her ýyl Şweýsariýanyň ilaty 11,6 kg töweregi şokolad iýýär.
Italiýa. Bu ýerde Perugina, Ferrero Rocher, Venchi brendleriniň şokoladlary öndürilýär.
Ýaponiýa. Onda özboluşly tagamly şokoladlar öndürilýär. Iň meşhur ýapon brendleriniň biri-de Morinaga brendidir.
Russiýa. Bu ýurtda “Babaýewskiý”, “Alýonka” konsernleri şokolad öndürýär. Iň meşhur fabrika bolsa “Krasnyý Oktýabrdyr”.
Kanada. Bu ýurduň iň meşhur brendleriniň biri - Peace by Chocolate.
Beýik Britaniýa. Ol Cadbur ýaly brendi bilen bellidir.
36
78
yanabayeva
15.12.2023 21:15
Seni söýmek maňa gymmat düşmedi,
Bir bogdak gül, bilen arzan ýüregme,
Tutuş bagtym gelip bizde düşledi,
Megerem ol ýeter indi bir ömre.
Arzan zadyň gadry bolmajak ýaly,
Welin, seniň gadryň aşdy günsaýyn.
Özüme wagt tapman ýitirdim ýoly,
Saňa gerek bolsa, gündiz, tün taýyn.
Seni söýmek maňa gymmat düşmedi,
Aýdyp öwünemok galyň bahaňy.
Ýaşaşybam ýörüs arzan durmuşda,
Dul bolan gelin kän(gymmat bahaly).
Söýgiň özem bizi söýdi megerem,
Ikime hyzmatkär ýollady bagty.
Sensiz gün geçenok eger-egerem,
Mähriňe döndümi dünýäniň wagty.
Seni söýmek maňa gymmat düşmedi,
Birtopar arzan söz, hem sözlän ýürek.
Bu meniň "barymy berdim" diýdigim,
Artykmaç zat maňa bermändir pelek.
Kerim Hally
39
48
