Men seň kyýamatlyk kakaň bolaýyn..

Bu dünýäde birje gyzy ýok kışı,
Mydam göwni ýarym,
Ýüregi ýuka.
Kalbynyñ çuñunda bardyr elemi.
Senem bu dünýäde şu güne çenli,
Görmän ulalypsyñ kaka mährini,
Hemem bir adama diýmänsiñ kaka.

Men bir mahal juda bagtly ekenim,
Soñra bagtly günlerime göz degdi.
Kebelegi deýin bagy Eremiñ
Gyzjagazmy ýitirdim men.
Gözlerimden akyp-akyp eredim.
Şondan bäri ýörün ýüregi ýetim.
Bolmady şol bir gün çöregim bitin...
Gyz balamy ýitirdim men,
Ýaz balamy aldyrdym men.
Yöne günleñ bir gününde,
Bir bagtyýar gününde,
Saña sataşdyrdy ykbal.
Bes et diýen ýaly hasrat-elemi.
Eý ömrümiñ nowça güli,
Eý köñlümiñ melegi!

Men gyzymy ýatlap uzak agladym,
Sen kakañy ýatlap kän-kän solansyñ.
Gel sen meniñ şol ýitiren gyzym bol,
Men señ kyýamatlyk kakañ bolaýyn.

REŇKINI ÜÝTGEDIP BOLÝAN MATA DÖREDILDI!

Gonkongyň dizaýn sungatynda emeli aň laboratoriýasynyň alymlary reňkini üýtgedýän mata oýlap tapdylar. Bu barada «Habar 24» ýazýar.

Täze tehnologiýa diňe bir moda pudagynda üstünlik bolman, egin-eşik önümçiliginde daşky gurşawy hapalamak meselesiniň hem oňat çözgüdi bolup biler.

Gonkongdaky laboratoriýanyň işgärleri reňkini tiz üýtgedip bolýan matany döretmekde Britaniýanyň Patyşalyk sungat kolleji bilen işleşdiler.

Ýagny mata emeli aň tehnologiýaly kindiwanja kamera bilen üpjün edilendir. Reňki üýtgetmek üçin kamera belli bir yşaraty etmek ýeterlikdir, mysal üçin, dik başam barmak – gök, ýürek şekili – gülgün, makullamak manysyndaky yşarat bolsa, ýaşyl reňki aňladýar.

Reňkleri eltelefondaky ýörite goşmaça arkaly hem üýtgedip bolýar.

Alymlar täze matanyň ýumşakdygyny, ekologik taýdan arassadygyny gürrüň berýärler.

Häzirki wagtda täze matany Gonkongyň söwda merkezlerinde we sergilerde synlamak bolýar.

Sag tarapdaky suratyň çepdäkiden nähili artykmaçlygy bar?

DÜRLI ÝURTLARDAKY IŇ TÄSIN TÄZE ÝYL YRYMLARY

Halklaryň biri-birinden ýüz keşbi, gylyk-häsiýeti, edim-gylymy bilen tapawutly bolşy ýaly, yrym-ynanjy-da birmeňzeş däl. Bu aýdanlarymyz Täze ýyl yrymlary babatynda-da şeýle. Emma dürli-dürli täsin yrymlar bilen tanyşdygyňça, başga bir zada has anyk göz ýetirýärsiň: haýsy halkyň wekilidigine garamazdan, adam nämedir bir zady yrym etmek bilen, şu gün, hut häzir nähilidir bir gudratly güýjüň kömegi arkaly iň süýji arzuwlarynyň wysal bolmagyna, has dogrusy, öňküsinden has bagtly bolmaga ynam baglaýar. Geliň, bizem ertekä mahsus howasy bilen hemmeleriň söýgüli baýramyna öwrülen Täze ýyl baýramynda dürli ýurtlarda ýerine ýetirilýän täsin yrymlar bilen tanyş bolalyň!

Fransiýa
Bu ýurtda esasy Täze ýyl tagamy öý bikesiniň içinde noýba gizläp bişiren tortudyr. Yryma görä, kimiň iýip oturan tort böleginden şol gizlenen noýba çyksa, onda ol adam geljek ýylda ähli arzuwlaryna ýeter.

Braziliýa
Bu ýurtdakylaryň köpüsi Täze ýyl baýramyny ummanyň kenarynda belläp geçýärler. Olar gije sagat on ikä golaýlap, sagadyň zaňlarynyň kakylýan wagtynda ýedi tolkundan böküp geçmäge synanyşýarlar we her tolkunda bir arzuw edýärler. Eger kimde-kim şol ýedi tolkundan sag-aman geçip bilse, onuň indiki 12 aýda hemme arzuwlary hökman amala aşar diýip begenýärler.

Ispaniýa
Ispaniýada Täze ýyl saçagynda hökman üzüm goýulýar. Haçan-da, sagat gije on ikiniň bolandygyny aňladyp zaňlar kakylyp başlanda bolsa, her zaň bilen bir üzüm dänesini iýmäge çalyşýarlar. Ispanlar şeýle etmek bilen, her üzüm dänesini täze arzuw, üzüm dänesini iýmek bolsa, şol arzuwyň hasyl boljakdygynyň alamaty diýip kabul edýärler.

Şotlandiýa
Bu ýurtda dürli alamatlara we yrymlara köp üns berilýär, meselem, ýanyp duran ot bu halkda geçmiş bilen aýrylyşmaga kömek edýän esasy elementdir. Şonuň üçin, ähli maşgala agzalary Täze ýyl güni öň bolup geçen haýsydyr bir kynçylyklary ýatladýan ýa-da olar bilen baglanyşdyrýan zatlary ojakda ýakýarlar we oda seredip, indiki geljek 365 gün hakda süýji arzuw edýärler. Soňra maşgalabaşy geçen ýyl bilen hoşlaşyp, täzesini jaýa goýberýän adam hökmünde öýüň daşky gapysyny açyp goýýar.

Ýaponiýa
Ýaponiýa «Günüň dogýan ýurdy» diýlip at berilmegi, hakykatdanam, ýöne ýere däl. Çünki Täze ýyl arzuwlary bu ýurtda gije däl-de, daň atandan soňra edilýär. Ýaponlaryň yrymyna görä, adam öz arzuwlarynyň hasyl bolmagyny isleýän bolsa, hökmany suratda, daň atan çagy Günüň Ýere düşýän ilkinji şöhlelerini görmelidir.

Daniýa we Germaniýa
Bu iki ýurduň ýaşaýjylary Täze ýylyň gelendigini buşlaýan sagat zaňlarynyň kakylýan wagty oturan oturgyçlaryna münüp dik durýarlar we sagat iň soňky zaňyny uranda oturgyçdan bat bilen aşak bökýärler. Bu hereket olarda arzuwlary hasyl etjek bagtly geljege tarap bökmek diýlen simwoliki manyny aňladýar.

Bolgariýa
Bolgarlar Täze ýylyň ilkinji sekuntlaryny garaňkylykda geçirýärler. Olar Täze ýylyň golaýlap gelýän ýakymly pursatynda çyrany öçürýärler we sagadyň 12 urgusynyň dowamynda öz ýakyn adamlaryny gözläp başlaýarlar. Eger olar öz ýakyn adamlaryny tapyp başarsalar we iň esasysy-da, olary gujaklap öpseler arzuwlar hökman hasyl bolar diýip ynanýarlar.

Manyly hekaýa (hekaýany haladym)

Bir korolyň öz hyzmatkärlerini jezalandyrmak üçin iti bar eken. Bir güni korolyň hyzmatkäri ýalňyşlyk goýberýär we korol ony itiniň öňüne taşlamagy buýurýar. Hyzmatkär:
-Men saňa 10 ýyl hyzmat etdim. Indi jezalanmazymdan ozal, maña 10 gün möhlet ber!-diýýär.
Korol pikirlenýär we razy bolýar.
Hyzmatkär itleriň garawulyna baryp:
-Men seniň ornuňa 10 gün bolaryn-diýýär. Garawul razy bolýar.
Hyzmatkär itlere nahar berip, alada edip başlaýar. Şonda-da korol 10 günden soň, hyzmatkäri itiň öňüne taşlamagy buýurýar. Emma korol ýabany itleriň hyzmatkäre ylgaman, onuň aýagyny diňe ýalaýandyklaryna haýran galýar.
-Meniň itlerime näme boldy?-diýip, korol gygyrýar.
Şonda hyzmatkäriň beren jogaby:
-Men bu itlere bary-ýogy 10 gün seretdim we olar meniň mährimi ýadyndan çykarmadylar, saňa bolsa men bütin 10 ýyl hyzmat etdim, sen bolsa bir ýalňyşdan soň hemme zady ýatdan çykardyň\"

📌Rus dilinden terjime eden: @beautiful_

Gynançly aýdymy nädip ýerine ýetirmeli?
Göz öňüňize getiriň, siz 4 ýaşyňyzda. Siz zordan buzgaýmak aldyňyz we iýip gelýärkäňiz, ýere ,,palç\" edip düşdi. Siziň şol wagtdaky reaksiýaňyz nähili bolsa, şoňa meňzeş edýäňiz...
😂😂😂

Är-aýal elleri goşly uçar menziline gelýärler. Adamsy aýalyna:
- Ýene-de bir gezek goşlaryňy barla. Ýatdan çykan zat bolaýmasyn-diýipdir. Aýaly goşlary barlaşdyryp görýär-de:
-Diwan, diwan - diýip elewräp başlaýar. Adamsy geň galyp:
- Sen näme dälirediňmi? Ýeri bu ýerde diwanyň näme geregi bar?- diýipdir.
- Wah, şool diwanyň üstünde biziň pasportlarymyz bardy-da...
😂🤣

-Goňşy, bazarlapsyň-la?
-Aý, hawa. Şlýapa aljak boldum weli, göwnüme ýaranyny tapmadym
-Kelläňe ýaranyny alaý
😅😅


Adamsy aýalyna:
- Mähribanym, saýla! Sen daşary ýurda gezelenje gitjekmi ýa-da saňa daşary ýurt paltosyny alyp bereýinmi? Haýsysy?
Aýaly:
- Bilýänmi, ezizim! Gowsy, daşary ýurda gezelenje gideli. Ol ýerde gowy paltolar köpmüş.
😂😂

GERMANIÝALY ÖÝÜNDE 555 TÄZE ÝYL ARÇASYNY DIKIP, DÜNÝÄ REKORDYNY TÄZELEDI

Germaniýanyň Rinteln şäherjiginiň ýaşaýjysy, 57 ýaşly Tomas Ýeromin we onuň aýaly Sýuzanna öýünde 555 sany bezelen täze ýyl arçasyny dikip, dünýä rekordyny täzeledi. Bu barada «MIR 24» ýazýar.

Arçalary bezemek üçin olara 108 müň şar we 48 müň yşyk gerek boldy. Myhman otagda olar 89 arçany ýerleşdirdiler, beýlekileri ýatak jaýda, dälizde oturtdylar.

Är-aýalyň yhlasy Germaniýanyň rekordlar instituty tarapyndan resmi bellige alyndy.

Ýerominleriň maşgalasy täsin arça tokaýyny 6-njy ýanwarda sökmekçi bolýarlar, häzir bolsa olaryň öýüni görmäge ýurduň ähli künjeginden, hatda beýleki ýurtlardan hem gelýärler.

Hakykaty edil palto alyp beren ýaly alyp bermeli, köne, myžžyk esgini ýüzüňe zyňan ýaly etmeli däl-de.
Mark Twen

Gündogar senenamasyna laýyklykda, 2024-nji ýyl Ýaşyl agaç aždarhasynyň ýyly hasap edilýär. Geljek ýylda şowlulygyň we abadançylygyň ýaran bolmagy üçin Täze ýyl geýimlerini saýlan mahalyňyz bu mifiki jandaryň isleglerini göz öňünde tutmak möhümdir.

Reňk

Aždarha imperatorlygyň häkimiýetiniň we rahatlyga ymtylmagyň nyşanydyr. Şonuň üçin Täze ýyl geýimleriniň reňki açyk we gelşikli bolmalydyr. Terrakota, gyzyl, altynsow we kümüş öwüşginli reňkler laýyk bolar. Aždarhanyň derisini ýada salýan uçgunlar bolsa hem gelşikli bolar.

2024-nji ýyl — Ýaşyl Aždarhanyň ýyly bolansoň, ýylyň esasy reňkiniň ýaşyl boljakdygy göwnejaýdyr. Narpyzdan zümerrede çenli halaýan reňk öwüşginleriňizi saýlap bilersiňiz.

Ak we gök reňkleri saýlamaly däldir. Hytaýda ak ýas reňki hasaplanýar, gök reňki bolsa aždarha halamaýar.

Täleýnama boýunça maslahatlar

Ot nyşanlylara — hamallara, sowurlara we kowuslara iň gowsy gyzyl-altyn reňk laýyk bolar.

Ýer nyşanlylara — jedi, sünbüle hem-de sowurlara — sary-altyn öwüşginler, şeýle-de goňur öwüşginli we metal şekilli matalar kybap geler.

Suw nyşanlylara — balyklara, seretanlara hem-de akraplara kümüşsöw öwüşginler ýa-da ak-altyn reňkli geýimler şowly bolar.

Howa nyşanlylara — ekizeklere, terezilere we daluwlara — akwamarin, sapfir ýa-da birýuza ýaly ýaldyraýan reňkler göwnejaý bolsa gerek.

2024-iň Täze ýyl keşbinde aksessuarlar we materiallar

Täze ýylyň keşbinde aksessuarlar aýdyň we göze ilýän görnüşde bolmalydyr. Esasan hem uly daşlar, göwrümli şaý-sepler, ýalpyldawuk zaponkalar, gulakhalkalar, ajaýyp broşkalar, uly ysyrgalar we saçbaglar has gelşikli keşbi döreder.

2024-nji ýylyň baýramçylyk lybaslary mahmal, ýüpek, parça, atlas ýaly gymmat bahaly we owadan matalardan tikilen bolmalydyr.

GYZLAR GÜLÜP GARANDA...

Ýigit bagtda hakyň bar,
Gyzlar gülüp garanda.
Gamgyn göwün galkynýar,
Gülki göwne ýaranda.

Edepli gyz aň bolar,
Sözi gyzla deň bolar,
Dünýe dymar diň salar,
Sözlär setan-seýranda.

Ýöreýşinde döwlet bar,
Bet işlere böwet bor,
Bagty ýylgyryp bakar,
Nazaryny aýlanda.

Mährem gyzlaň barynda,
Bor yhlasy ýarynda,
Namyslydyr, arynda,
Mertebesin goranda.

Gyz kalbynyň bezegi,
Duýgularnyň näzigi,
Ýeke-täk bir ýazygy,
Näzi, çyny bir ýanda.

Hyýal gelip bu sere,
Hoş söz diýdim bir perä,
Uýalyp bakyp ýere,
Barmagna saç oranda.

Illi, bir bagt utsadym,
Islegimi aýtsadym,
Aýnasyny tutsadym,
Gyzlar saçyn daranda.