smiling_
06.03.2025 18:07
Oraza (pars. روزه), sowm (arap. صَوْم) sözleri bilen aňladylýar. «Sawm» sözi arapçada: «Bir zatdan daş durmak, özüňi saklamak, böwet bolmak» manylarynda ulanylýar.
Fikh taýyndan oraza imsak wagtyndan iftar wagtyna çenli ýagny, fejri sadykdan (daň atmazynyň öň ýany) başlap, tä Gün ýaşýança aralykda hiç zat iýmän-içmän, jynsy gatnaşyk etmän, öz nebsiňi saklamak diýmekdir.
«Imsak» sözi özüňi saklamak, böwet bolmak manylaryny berýär. Imsak wagty (agyz beklenýän wagt) fejri sadygyň girmegi bilen, ýagny, ýassy namazynyň wagtynyň gutaryp, ertir namazynyň wagtynyň girmegi bilen başlanýar. Bu wagt selällik wagty hem gutaryp iýmekden, içmekden, jynsy gatnaşykdan el çekilýär.
«Iftar» sözi açmak, bozmak diýen manylary berýär. Iftar wagty (agzaçar) orazanyň gadaganlyklarynyň wagtynyň gutarmagydyr. Bu wagt agşam namazynyň hem başlanýan wagtydyr.
13
144
smiling_
25.11.2024 09:50
Saýrasa taý guşlara,
Ynjany-da aýandyr.
Enä meñzeş gussada,
Gamlananda uýañdyr.
Iliñ-günüñ toýunda,
Çyzgalandyr bilegi.
Ak gündizler küýünde,
Mähribanlyk dilegi.
Ýazlara telwas etse,
Edepsizdir çaklama.
Güldür ol, şemal össe,
Enesine ýaplanar.
Gyz bolsa öz ýoluna,
Enä ýakyn diýiler.
Ýöne atañ halyna,
Oguldan öñ gyýylar.
Daşarda gaý gopsa-da,
Närahatdyr deñiz deý.
Bijaý sözüñ oklama,
Yzy galar meñizde.
Gar güllere öwrülip,
Ak guşlar geler, gider.
Degmäñ gyzyñ göwnüne,
Ýüregne salar gider.
- Mämmetnazar Babanazarow
10
101
smiling_
24.11.2024 12:32
Söý meni
Söýgiñe gurşa dünýäni,
,,Eräpdir gyşyñam doñy" diýsinler.
Aramyz mydama bolsun gül ýaly,
,,Ýaýrapdyr ol yşgyñ ýañy" diýsinler.
Goýnuñdan ýyly däl baharda maýam,
Ýürekden ýer berseñ gerekmez jaýam.
Asmandan garaýan ýyldyzlar, a:ýam,
,,Atypdyr ak bagtyñ dañy" diýsinler.
Ähli arzuwlarym señ bilen hasyl,
Barlygyñda uzak ýaşaryn hasam.
Ýylgyryp bakýarkañ bolmaryn näsag,
,,Ýary, öz ýarynyñ emi" diýsinler.
Ýyllar boýy ýaryn söýgä gandyran,
Ýusup - Züleýha dek Şa hem Hanlaram.
Ertekidäki gahrymanlaram,
,,Ýok eken bularyñ kemi" diýsinler.
Bizi gören gözler ýüzlerine sylyp
,,Jübütler biri - biriniñ deñi" diýsinler.
Awtor: Şanazar Hydyrow
13
99
smiling_
18.11.2024 13:28
Dostluk hakynda.
Kim bilen dostlaşmakçy bolsaň, ilki ony ýagşy tana, çünki häsiýet juda ýokuşagan zatdyr. Ýagşydan ýagşy häsiýetler, ýamandan ýaramaz häsiýetler ýokuşar.
Ynsan akylyny özüne dost tutunmasa, ýolundan azaşar we il içinde abraýdan jyda düşer.
Özüňden pynhan saklaýan säwlikleriňi dostuňdan gizlemegin. Goý, ol seniň durmuşda goýberen säwlikleriňden aýlanyp geçsin.
Edenini bilmez bilen dost bolmakdan ägä bol. Saňa nep getirjek diýip diňe zyýan getirer.
Hemaýatkär dosta mätäçlik çekme — munuň özi akar suwa mätäçlik çeken ýalydyr. Şer işde saklanmaýan we ýalan sözlän dostuň bar bolsa, ondan daşlaş. Beýle dostdan mert duşman ýagşydyr.
Ynsanyň ýürekden salam bermegi, toý-märekede ýer bermegi we iň gowy sözler bilen ýüzlenmegi onuň saňa dostdugyny subut edýär.
Ynsanlaryň iň ejizi dost tutunmagy başarmaýanydyr. Dostlaryň iň ejizi dostlarynyň goldawyny ýitiren kişidir.
Gysganç bilen dost bolmakdan saklan. Oňa mätäç bolan wagtyň seniň kömegiňe ylgamaz. Erbet kişi bilen hem dost bolmakdan saklan, ol seni kyn günüňde goldamaz. Ýalançy bilen hem dost bolma. Sebäbi ol salgyma meňzär, daşdakyny ýakyn görkezer, ýakyndakyny daş görkezer.
12
237
