sahet_ashyrov
27.02.2020 09:06
Abu Osman Jahyz "Husytlar barada kitap" atly eserinden.
HORASANLYLARYŇ HUSYTLYGY
Adamlaryň arasynda horasanlylar we Merw şäheriniň
halky bilen baglanyşykly köp gürrüňler bar. Men dostlarymyň
birinden şeýleräk gürrüň eşitdim: «Merwliler ýanyna gelen
myhmandan we ýanynda köp wagtlap oturan adamdan: «Bu
gün nahar iýdiňmi?» diýip sorar ekenler. Eger ol: «Hawa, iý-
dim» diýse, onda oňa: «Iýmedik bolsaň saňa tagamly nahar hö-
dürlejekdim» diýer eken. Emma ol: «Ýok, iýmedim» diýse, on-
da oňa: «Ýör, onda saňa bir käse suw beräýeýin» diýermişler.
Aç-da bolsa, dok-da bolsa, gelen adam aç galýarmyş.
* * *
Men bir gezek asly merwli Ibn Abu Kerimäniň öýünde
otyrdym. Ol meniň kündük bilen täret kylýandygymy görüp,
maňa:
— Ähli babatda päk bolan Allanyň hormatyna, gapdalyň-
da guýy barka, näme üçin süýji suw bilen täret kylýaň? —
diýdi.
Men:
— Munuň içinde süýji suw däl-de, guýy suwy bar — di-
ýenimde, ol:
— Sen meniň kündügimiň içini guýynyň şor suwy bilen
zaýalaýarsyň — diýdi. Men onuň sözüne näme jogap berjegimi
bilmedim.
* * *
Amr ibn Nihýewi şeýle gürrüň berýär: Günlerde bir gün
Kindiniň öýünde nahar iýip otyrdyk, ýanymyza onuň goňşusy,
meniň bolsa dostum bolan bir adam geldi. Kindi örän husyt
adamdy we ony saçak başyna çagyrmady. Men utanjyma:
«Gel, saçak başynda otur» diýdim. Ol adam: «Walla, men bu
işi gördüm (ýagny nahar iýdim)» diýdi. Şol mahal Kindi ara
goşulyp: «Ol ant içendigi üçin, aýdara zat galmady» diýdi.
Ýaňky adamyň eli-aýagy baglanypdy. Kindiniň pikiriçe
eger nahara el uzatsa, içen antyny ýuwdan hasaplanjakdy.
Bu gürrüň Merw halky bilen baglanyşykly däldir, çünki
Kindi ýemenlidir.
* * *
Sumama ibn Eşres şeýle gürrüň berýär:
«Men ähli ýerde horazlaryň tapan dänelerini çüňki bilen
alyp, towuklary çagyryp, olaryň öňünde goýýandygyny gör-
düm. Emma Merwiň horazlary başgaçady, olar beýtmeýärdiler.
Gaýtam tersine, olar towugyň çüňkündäki dänäni hem zor bilen
almaga synanyşýardylar. Men Merw halkynyň gysganç häsi-
ýetleriniň olaryň ýurdunyň suwunda we tebigatynda hem bar-
dygyna göz ýetirdim. Şonuň üçinem gysgançlyk ol ýerdäki ähli
janly-jandarlara hem geçipdir».
Dowamy bar...
Meniñ şu goýan postuma goýýan bahañyz we nähili täsir galdyrandygy baradaky teswirleriñiz esasynda dowamyny goýaryn. Dowamy has hem gyzykly. Şonuñ üçin ? basmagy unutmañ! Biz bilen galyñ "Ajaýyp eserler" siziñ hyzmatyñyzda. Başgada nähili eserler okasyñyz gelse teswirlerde ýazyñ, mümkin boldugyndan size ýetireris.
Admin.
8
728
