İlki başda söýşüp göwnüň hoşlarsyň...

Durmuş gurup soňra ýaşap başlarsyň..

Dokuz aydan ulus ile buşlarsyň

İlki gözleň şonda çagaňa düşýär

Düşünşmezlik bolup dawa başlasa

Uruş sögüş ýary gije ýatmasa..

Gap~jäşler döwülüp, daňam atmasa

Galmagaldan gorkan çagaňa düşýär...

Agzybirlik ýeter bolsaň agzala

Aýrylyşyp gitseň heriň her ýana

Maşgalaň ýumrulup dönse her ýana

Bar agram arada çagaňa düşýär

Durmuş bilen edersiň gödeklik oýun

Kejir bolup asla bolmarsyň boýun

Belki sen gezersiň rahat...arkaýyn..

Ýöne! Ähli kösenç çagaňa düşýär

Belki sen ýaşarsyň yzyňy ýatlaman..

Täze durmuş gurup bolup şadyýan

Ýöne öweý adam bolmaz mähriban

Agyr ýowuz günler çagaňa düşýär

Döwlet diýer bir ömüri köýdürmäň

Perzendiňe aýralygy görkezmäň!

Diri halyňyza ýetim didirmäň!

Ýene agyr günlere çagaňyz düşýär...