Sen maña düşünmediñ!

"Ýürek saña amanatdyr,

Ömrüm saña serpay bolsun!"

Diydim, diledim Allahdan

"Dileglerim berjay bolsun!"

Päk söýgiñe ömür diledim,

Ynam diledim kalbyña,

Emma sen ne meni söýdüñ,

Ne-de ynandyñ maña,

Arman, maña düşünmediñ,

Wah, maña düşünsediñ.

Öz dünýämi terk eýledim,

Göçüp bardym señ dünýäñe.

Meñ söýgimi duýmaz yaly,

Sen kör, ýa-da güñ däl-ä,

Gün kän-ä, ýüregñi açmak islesen,

Men diñlärin, lal açan dek ses üýnsiz,

Sabyrly bolaryn, giñ ýürek bilen,

Sen mana bolsañam juda rehimsiz,

Arman maña düşünmediñ,

Wah, maña düşünsediñ!

Sen gideñsoñ meñ dünýäme,

Aralaşdy geñ tukatlyk,

Meñ duýgulam sygman dünýä,

Bolup barýar bir kitaplyk.

Seni bilmän ynjytdym men,

Özüm bilip ynjytdymmy?

Saña duşup unutdym men,

Lälikligmi, ynjyklygmy,

Ynanjymy saña baglap,

Diñe saña ynandym men

Arman mana düşünmediñ,

Wah, maña düşünsediñ!

Aýsapar EMELOWA

DAŞOGUZ

Daşoguz – arzuwlarmyň güllän şäheri,

Daşoguz – ertirimiň saba-säheri.

Daşoguz – şygrym sen kalbymdan çykan

hemem setirlermiň ajap äheňi.

Ýollaryňy mährim bilen süpürip,

Güller ekdim ylham bilen ýodaňa.

Gijeleňde goşgy ýazdym käteler,

Käte arzuw edip çykdym ol daňa.

Daşoguz!

Hakykatym, çynym bar sende,

Umydym, geljege ynam bar sende,

Ýüregimiň ody, közüm bar sende,

Iň uly gözlegim – özüm bar sende,

Sende meniň ol on sekiz ýaşymam,

Men seniň haýranyň hemem aşygyň.

Tapman sen deý şäher ýollar aşybam,

Gitsem dolanmaly öýüm bar sende.

Myhmanyn atadan beýik gören il,

\\\"Gelen—döwlet\\\", myhman göwnün ýykmandyr.

Daşoguz, demim sen, mätäç men saňa,

Sen meň üçin hökmanlyk!

Aýsapar EMELOWA

"Söýenmiň yzynda kän ýyl selpedim,

Il söýse-söýmese aýal edinýär"

(Seýitmyrat Geldiýew)

Geň...

Bu dünýede ýaşamak kyn ogşaýar,

Arzuwlarma meň ýerime ýeten bar.

Iller gyzyl keteni geýip toý tutýar,

Geň...

Meň paýymda irde-giçde kepen bar.

Haýryň hem şeriň saçagy bile,

Bu gün dogry müň ýalany goraýar.

Iliň köne donun gutlaýan dünýä,

Geň...

Meň täze kepenmiň nyrhyn soraýar.

Gije tüm asmanda Aý bolup dogup,

Azaşanlaň ýolun ýagtyltdym niçe.

Geň...

Olar meni gündiz unutdylar hem

ýüzümiň tegmilne güldiler gije.

Bu dünýede aňsat ýollar ýokmyşyn,

Bagtyňa-da kynlyk bilen ýetilýär.

Men diňeje söýgim üçin agladym,

Geň...

Il söýse-söýmese bagtly edilýär.

Aýsapar EMELOWA

SOWAL

Saňa, kitap okap bereýinmi?

Ýüregimde gopýan gowgalar hakda,

Heniz ýazylmadyk romanlar hakda,

Maňa görülmedik rowalar hakda,

Kitap okap bereýinmi?

Ybarat ol, bölek-büçek sahypalardan

hemem şoňa meňzeş hakydalardan.

Saňa goşgy okap bereýinmi?

Aý ýüzün görmedik gijeler hakda,

Jüpüne täk düşen bijeler hakda,

Ýoluna garadyp, giç gelen hakda,

Goşgy okap bereýinmi?

Ybarat ol, sözlermiň gysgalygyndan,

Ýerine düşmedik rifmalarymdan.

Saňa bir söz bereýinmi?

Hiç haçan durup bolmaýan,

Kagyza ýazyp bolmaýan,

Ýürekden syzyp bilmeýän,

Bir söz bereýinmi?

Ol—alamaty dogruçyllygyň,

Emma dosty däldir dogruçyllaryň.

Saňa bir yşk bereýinmi?

Şol sebäpli galdy Mejnun Leýlisiz,

Gurady baglar seýilsiz,

Han-ha, indem, ýeke galan eýesiz,

Yşk bereýinmi?

Ýollaryňa yş bereýinmi

ýagtysyz?

Bir ýylgyryş bereýinmi,

bagtsyz?

Aýsapar EMELOWA