YNAM - ?

YNANÇ - ?

UMYT - ?

siziň üçin nähili manylary alňladýar ? her kim öz pikirini ýazsyn. Indiki postumda giňişleýin beýan etjek !

Ata oglunyň ýanyna gelip, elini onuň egnie goýup: - Oglum, kim güçli senmi ýa men?

Ogly

- Men diýip jogap berdi.

Atasy sähel öýkelän ýaly boldy we ýene sorady: - Oglum, kim güçli senmi ýa men?

Ogly:

- Men diýip jogap berdi.

Atasynyň öýkeläp yzyna seredip gitdi. 3 metrçe uzaklaşyp umyt bilen

ýene bir gezek sorady: - Oglum, kim güçli senmi ýa men? -siz güýçli kakajan! – diýdi.

Geň galan ata oglundan sorady:

Iki sapar soradym men güýçli diýdiň, üçinji sapar soranymda sen

diýidiň. Näme maňa rehimiň geldimi?

Ogly şeýle jogap berdi: - Kakajan iki sapar soranyňda siz ýanymdadyňyz, men hiç zatdan

gorkmaýardym. Üçinji sapar soranyňyzda siz ýanymda ýokduňyz...

"Bagt näme?"-diýip soradym puldan,

Pul: "baýlyk"-diýip, altynlary görkezdi.

Pula tarap gadam basjakdym welin,

Baýlykdan soň "meslik" meni ürküzdi.

Soňra bardym "uzak ömrüñ" ýanyna,

"Bagt senmi?"-diýip, soradym ondan.

Diýdi:"jigim, el-aýagyň ysmaz bor,

Şoñ uçin çyn bagty gözleme menden."

Gaýtdym jogap tapman "uzak ömürden",

Soñra ýolda gabat geldim "abraýa".

Diýdim:"abraý aga, sendemi bagt?"

Görsem, "abraý", zaryn-zaryn aglaýar.

Bagty tapman, ýüzüm salyp gelýärdim, Birden "söygi" ylgap geldi ýanyma.

Diydi: "meni tapsaň-bagty taparsyň"

Hemmamiz söýeliñ hakyñ şanyna!

Gadym bir zamanda beýik bir patyşanyň owadan bir gyzy bar eken.

Gyzyň durmuşa çykmaly wagty gelipdir ýöne hiç kimi halamandyr.

Patyşalaryň, wezirleriň, täjirleriň ogullary hat-da kim bolsa-da olardan

ýüz öwüripdir. Bu döwletde bir görmegeý ýöne garyp bir oglan hem

öýlenmek isläpdir ýöne oňa hem ýüz bermändir.

Bu oglan soň başka bir ülkä gidip işläpdir, gaty baý bolupdyr. Watanyna

bir näçe ýyldan soň gelipdir we özünden ýüz döndüren gyzyň ýanyna

gidipdir. Gapyny kakypdyr, gapyny betnyşan bir adam açypdyr. Adam

gidensoň ýene gapyny kakypdyr, bu gezek gyz gapyny açypdyr, oňa

näme üçin bu betnyşan biri bilen öýlenendigini sorapdyr. Gyz muny

düşindirmek üçin oglany öýüň arka tarapyndaky owadan gül bakjasyna

äkidipdir.

-Soragyň jogabyny özüň bilersiň. Indi şu gül bakjasyndan iň owadan

güli maňa ýolup getirmelisiň, ýöne bir şert bilen – bakjada gidip

barýarkaň yzyňa hiç hili ädim ätmeli dälsiň

Bolýar diýipdir oglan başlapdyr ýöremäge. Oglan ýany bir iň owadan

güli tapdym diýende başka bir gül görýär we oňa el uzatjak bolup durka

başka birini görýär, ony ýoljak bolup durka başga owadan bir gül...

Soň bir seretse bakjanyň soňuna gelipdir, yza ädim ätmesi gadagan!

Bakjanyň soňunda bolsa boýny bükük betnyşan bir gül.

-Ynha! diýipdir gyz. Düşindiňmi indi näme üçün bu adamy

saýlandygymy?

Belki-de ýalňyşýandyryn,ýöne özüm-ä şu pikirde. Biziň entek

öwrenmeli zatlarymyz köp. Onda-da çagalardan. Hawa çagalar

biziň köpümizden kämil. Nädip diýýäňmi? Sözümiň gury bolmazlygy

üçin birnäçe delilleri getireýin:

Begenmek. Çaga ýaly begenip bilmek. Megerem, iň gerek zatdyr.

Daş-töweregiňizde çaga barmy? Şoňa bir süýji ýa-da kiçiräjik jäjek

äberiň. Begençden ýaňa böküşini görersiňiz. Biz bolsa...Allatagallanyň bize

beren şeýle uly peşgeşleri gözümize az görünip, ondan närazy bolýarys.

”Onda maşyn bar,oň öýi meňkiden gowy...” Eýsem biz näme üçin

mydama özümiziňkiden gowy zady bolanlara seredýäris? Näme üçin

pes ýaşaýanlara seredemzok? Göwniýetmezçilikdenmi? Islendik adam

baýap ugrasa tumşugy asmana salam berip ugraýar we diňe özünden

ýokardakylary görýär.Peslere seredesem gelenok.Ine bar mesele

şonda.Geliň,çagalardan begenmegi öwreneliň.Şükür etmegi

öwreneliň. Şonda durmuşymyz reňk goşulyp, gözelleşip ugrar.

Bagyşlamak Üns berip gördüňizmi? Çagalar uzak gaty görüşenok.

Derrew ýaraşýarlar. Düýn sögüşen ýalydyr welin bu gün eýýäm

gülüşip,oýunjaklaryny paýlaşyp oýnap ýörler.Biz näme?Iki-üç ýyllap

gaty görüp gezýän mahallarymyzam kän bolýar.Ýüregmizde şol öňki

kineleri göterip ýörüs.Soňam şol kineler ýürege agram salyp

ýüregagyrydan ejir çekýäris. Alla adamlaryň günäsini bagyşlaýar,biz

başaramzok, kiçilik bilýäs bagyşla diýmegi.Biz näme eýsem Alladanam

beýikmi?Ýok,elbetde ýok. Onda näme?Onda näme üçin bagyşlamaly

däl? Geliň, bagyşlamagy öwreneliň. Şonda özümiziňem bagyşlanmak

mümkinçiligimiz artar. Şonda biziň jemgyýetimiz öňküsinden has öser,

has beýgeler.

Hyzmat etmek. Çagalara bir jäjek,oýunjak sowgat berip görüň, çaga

üçin senden gowy adam ýok. ”Bar köşegim ony al, muny äkit” diýseň

ylgaşlap,näme diýseň edip ýörendir.Eýsem bize şunça zatlary peşgeş

eden Allaha näme üçin hyzmat etmeli däl? Jogap berip biljek ýok bolsa

gerek. Bärde jogap berere zadam ýok. Biziň ýalňyşlygymyz.Ine bar

bolany....!

Filosof Eflatundan şeýle sorapdyrlar: "Size görä adamzadyñ iñ geñ

galdyran ýagdaýy näme?"

Eflatun şeýle jogap beripdir: "Çagalygy islemezler,ulalmak üçin

howlugarlar.Soñra-da çagalygyny küýsärler. Mal-mülk üçin gije-gündiz

ylgap, saglyklaryna zyýan ýetirerler, öñki saglygyna gowuşmak üçin

ýygnan mal-mülklerini harçlarlar. Ertirleriñ aladasy bilen bu günlerini

unudarlar. Netijede, bu günlerini we ertirlerini ýaşamaz ýaly ederler.

Hiç wagt ölmen öýdüp ýaşarlar, ýöne ýaşamadyk ýaly hem ölerler".

- Onda adamlar nahili ýaşamaly? - diýip danadan ýene soranmyşlar.

Dana şeýle jogap beripdir:

- Hiç kime özüñizi söýdürjek bolmañ, hiç kimiñ öñünde kiçelmäñ, hiç

kime-de ulumsylyk satmañ. Goý, sizi il söýsün. Iñ esasy zat bolsa,

durmuşda iñ kän zada eýe bolmak däl-de, iñ az zada mätäç bolup

bilmekdir!

Näme üçin super kleý(момент клей) öz gabyna ýelmeşenok ???

Diýeli siz tomus paslynyň çygly ýagyşly howasynda öz awtoulagyňyzda gelýärsiňiz ! Günüň ýaňy batyp barýan şöhlesinde siz uly ýol bilen ulagly öýüňize gelýärsiňiz ! Ýolda duralgada (astanowkada) 3 sany adam dur :

1. Siziň ýaşlykdan bileje oýnap, ulalan ýakyn dostuňyz.

2. Eger özüme saýlaw berilse şundan başga gyza seretmerin diýýän, ýaşlykdan daşyndan (oňa içki duýgyňyzy aýtmana utanýaňyz) söýüp ýören gyzyňyz.

3. Ýaşy 70 e golaýlan garryja daýza !

Siziň ulagyňyzda ýekeje adama ýer bar.

Indi sorag : kimi ulaga mündürerdiňiz ???