ilhano_va
22.02.2024 00:16
Salam hemmaňize. . .
Öz durmuşyňyzda iň köp halap ulanyan sözüňiz haýsy?
51
598
80
ilhano_va
21.02.2024 18:14
Geňlese geňlesin iller,
Gel, ýagyşa ezileli!
Näme diýse, diýsin diller,
Gel, ýagyşa ezileli!
Üşemeris mährim ýyly,
Bulutlar bukupdyr güni.
Unudaly hasrat, düýni,
Ge, ýagyşa ezileli!
Goňras saçym ýuwsun ýagyş,
Çeksin dünýä täze nagyş.
Özümizi saýyp bir guş,
Gel, ýagyşa ezileli!
Tans oýnaýar dür damjalar,
Ýylgyrypdyr gül,gunçalar.
Şatlanaly, kalp ynjalar,
Gel, ýagyşa ezileli!
Asman zemin aşykmyşyn,
Ýagyş şondan ýagypmyşyn.
Duýup bir dem asman yşgyn,
Gel, ýagyşa ezileli!
28
57
0
ilhano_va
21.02.2024 15:04
"Elegant eser» baýragyna hödürlenýär
Gel indi geljek bolsaň,
Ýakma bu şirin jany."
aýdymdan
Gel indi geljek bolsaň,
İrizdi garaşmagam.
Salgymyňa aldanyp,
Ýollarda azaşdymam.
Wadaly güýzler ötdi,
Ötdi elwan baharlar.
Näçe şapak gyzaryp,
Atdy näçe säherler.
Sabrymam pagyş-para,
Mundan artyk mejal ýok.
Diýýär geçen ýyllaram,
"Gelmez, juda kejal ol".
Bilýän juda işlisiň,
Başagaýdyr günlerem.
Ýöne bir habar alaý,
"Sen, sen" diýýän Güldenem.
Öýkeli göwnüm alyp,
Gussany daşa kowsaň.
Men garaşyp ýadadym,
Gel indi geljek bolsaň
24
57
1
ilhano_va
21.02.2024 00:30
Eger onuň göwnün ýykjak bolsaňyz,
Ýalandan ýykmaň.
Çyndan ýykyň,
Gaýdyp dikelmez ýaly.
Arzuwyn, umydyn ýakjak bolsaňyz,
Köredip goýmaň,
Kül ediň,
Uçgunam döremez ýaly.
Şatlanan gününde üýşüp daşyna,
Gussa bürenende,
Gaçyň-da,
Geçiň siz,
Kalbyňyz goraň.
Ol ýeke-de çeker, asla basylmaz,
Derdi elemden.
Onuň betbagtlygy size bagt berip,
Gussa çoýsa ruhunyň barlygy.
Ruhy guluňyz,
Ýok edip ony.
Ýedi gat Zeminiň astyna gömüň,
Dirilmez ýaly.
Ýöne welin indi galp sözler bilen,
Iki dünýäň dälisine öwürmäň.
Başarmasaňyz-da
Pursat dörediň,
Ýaşary ýaly.
Maksatmyrat Çaryyew
25
88
9
ilhano_va
20.02.2024 18:49
Iň agyr hem iň aýylganç işi etmäge mejbur bolýan fotožurnalistlere bagyşlanýar
Şu çagany ýerden garbap alaýman...
bagryňa basaýman... köşeşdiräýmän...
Surata aly:p durduňmy???
Suratçy gardaş?!
Eliňdäki surat alýan artybyň
pylçap urup, okdurlaýman, eňäýmän
Surata aly:p durduňmy???
Wägirýäkä, gygyrýaka,
çyrlaýaka, çygyrýaka,
urunýaka, sermenýäkä,
zyr-zöwranka çar-ýan — ahyrzamanka
Senem surata aly:p du:rmuň???
Bigünäje jennet guşjagazyndan
Behişt ysly behişt güljagazyndan
Haraý sorap uzadan eljagazyndan
Açylmanka, tutulan diljagazyndan
Utanmadyňmy?!.
Hä?!
Utanmadyňmy?!
Ýarylan ýüregi gözjagazyndan
Akyp durka....
Surata aly:p durduňmy???
Eliňdäki surata alýan enjamyň
aglandyr,
ümezländir şoňam petrewük gözi
utanandyr, bagry paralanandyr
çym-pytrak bolasy gelendir hemem
begenendir ynsan däldigine...
Emin!
Surat däl bu,
Doňup galan pursat däl
gözlere basylan köz bu
ýürege sokulan çüý
Damaklara guýlan gurşun
Tagmasy — urşuň...
Dünýäň ýazzy-maňlaýyna bazyrdadyp basylan
masgaralyk tagmasy.
Bütin adamzadyň ýüzüne tüýkürilmesi...
Hawa,hawa, beýik diýlen adamzadyň,
Bir kiçijik çagajygyň öňünde kiçelip, masgara bolmasy...
8 milliard ynsanyň mahluklarça dymmasy...
Nadanlygyň nadanlarça belentden belent dabaralanmasy...
Ah, suratçy kärdeş, ah, saňa, gardaş!
Düşün, sen-de, kine saklama, gardaş!
Bilýäs, şu çagany bagra basaýman,
Surata almagyň — seniň haýkyrma:ň,
Ynsanlarda ynsap oýarjak bolma:ň,
Ýardama çagyrma:ň hemem ylgama:ň,
Talap etmä:ň urşuň togtadylmagny
Parahatlyk döretmäge ymtylma:ň!
Ah, suratçy kärdeş, ah, saňa, gardaş!
28
71
2
ilhano_va
20.02.2024 12:08
Legant eser» baýragyna hödürlenýär
Ümsümliğiň sesi
Goý diýseler,diýsin iki gelen ýok
Men sözlere däl-de duýga ynanjak.
Pioninañ sesi gelse bir ýerden
Bir wagt öz çalan sazlam agynjak.
Sümme tokaýlykdan tapýan özümi,
Elimde saýawan,gözlem uzakda.
Ṣol tanyṣ köçeden ýöräp barýaryn,
Barça ýer ṣeýle bir yssy gözüme.
Ruhum meni aldap bilmez asla-da
Uzyn-uzyn agaçlaryñ astynda,
Göm-gök otluk ýodajykdan ädimläp,
Baýryñ üstündäki öýüme bakýan.
Ol indi meñki däl,eýesi başga.
Emma neçüýn müñýyllyklar geçensoñ
Ruhum ala-böle öýüni idäp,
Awara bolup ýör,bilsedim käşgä
maksadyn.Tapsadym,özümiñ bilmän,düşünmän,
Gözläp ýören ýitigimiñ sebäbin.
Belki hut behişdiñ özüni taşlap,
Belki-de dowzahdan alyp izini
Dolanan köñlümi ne kowup bildim
Ne güldirip bildim onuñ ýüzüni.
Ruhuma diñ salsam,dymýar natuwan,
Bir zat ýatlaýan deý gözüni ýumýa.
Syrlary arz edip, sanaýan dogam
Ýollarda büdredi,dergähe ýetmän.
Gaýdýan dünýäñ depesinden düñderlip,
Suw diýip gaçanym batgalyk çykýa,
Pürs diýp ýapyşsam suwýylan çykýa
Ahyry sen çykýañ meniñ bagtymdan
Salgym azabyndan halas eden çyn!
Habar goşdum gözelligiñ dilinde
Düşünmediñ,başga dilde geplediñ.
Onsoñ menem seniñçeläp öwrendim
Bile awa gitdim daglara sary
Tüpeñiñden seçme bolup seçildim.
Bir wagt wasp eden gözelliklermiñ
Gursagyna ajal bolup sünjüldim.
Ýenjildim içki ses zenzelesinde,
Şondan bäri hiç günüme goýanok
Heññamlardan dönen bimaza ruhum.
Birmahalky öýüm bilen birzatlar
Habar bermek islän ruhumy diñläp,
Pikirlermiñ sargysyny sypyrdym,
Boşatdym zyrjyrdan duýgularymy.
Ýatyrkam,oýakam,gezmeläp ýörkäm,
Söhbetlerde,jedellerde düşlämde,
Manzara syn edip göwün hoşlamda,
Doga-dileglermi sanadym ýördüm...
...Aldamaýan bolsa syzgyrlyk eger
Boş ýere däl ruhumyñ ýol sökeni.
Garşy gidip ýüregimiñ emrine,
Ykbalymy ýaşamaýan ekenim
23
52
2
ilhano_va
20.02.2024 00:17
Eje, saňa gizlin-gizlin hat ýazýan,
Ýöne hatym saňa gowuşman galar.
Seni ýatlan çagym her gije-gündiz,
Tukat gözlerime birden ýaş dolar.
Men hat bilen gül iberjek bolamok,
Güle hat iberjek bolýan aslynda!
Ol jennet güli däl, ondan-da eziz,
Çünki jennet aýagynyň astynda.
Hemmeler diýýärler:"Ene mähriban!",
Emma men olara goşulmaýaryn.
Bir sözde kesgitläp bolmaz enäni,
Müň sözde-de ony başarmaýaryn.
Biz bilen agladyň, güldüň biz bilen,
Hemme şaýat: sabyr käsäň dolmady.
Kalbyňy parçalap, bize paýladyň,
Şeýdip saňa ýüregiň hem galmady.
Ejem, saňa "Seni söýýän" diýmedim,
Diýmedim, söýsem-de men seni çensiz.
Çensiz dilegleňde ýaşaýaryn men,
Men seňki bolsam-da, ýene-de sensiz.
Bu aýralyk däldir, bu hasratam däl,
Artmagydyr saňa bolan söýgimiň.
Eje, saňa bu ýazanlam gowuşmaz,
Kemelmegin islemeýän duýgymyň...
😔
25
33
3
ilhano_va
19.02.2024 23:28
Uluduryn öýtme,etseler taryp,
Kiçidirin öýtme,peseltse görüp.
22
35
0
ilhano_va
19.02.2024 18:32
Obamyň başynda ullakan dükan,
Içinde mylaýym sypaýyja gyz.
Ol ýerde arzuwlam tutundy mekan,
Bir bakyp kalbymda galdyrypdy yz.
Gatnamam ýygylaşdy dükana,
Düşnüksiz duýgular özüne çekip.
Bir dert bolup, ýapyşan-deý ýakama,
Hiç, ganyp bilemok sen gyza bakyp.
Birhili, gözüme görünýär yssy,
Sypaýylyk bilen sereden gözler.
Ýeke gün, barmasam has içim gysdy,
Barsam, dile gelmez aýtmaly sözler.
Ogrynça seredýän günäli ýaly,
Sen gyza ýüregim berenim üçin.
Yşgyňda eýlediň diwana däli,
Bagtly men, ýeke gün görenim üçin.
Seniň bolsa mähremligiň ýenede,
Harytlarñy satyp dursyň gyssanman.
Ahyry ýok alyjylaň gelende,
Süýji sözli ýigitlerden gysganýan.
Her gün barýan ýene-de uz bakyşlar,
Garşylar näzenin nazary bilen.
Ýeke sowal şol beýnimi çekişlär,
Tanyş däl, ol söýgüm güzeri bilen.
Obamyň başynda ullakan dükan,
Içinde mylaýym sypaýyja gyz.
Ol ýerde ýüregim tutundy mekan,
Söýgi sorap gatnap ýörün yzma yz
Süleýman Tekayew
29
63
1
ilhano_va
19.02.2024 12:56
Şu gün joşgunly, çynlakaý
Gülýäniň suratyn çekdim.
Zemin, asman hem parlak Aý,
Derýanyň suratyn çekdim.
Ýeke geçirip ýazyny,
Kalpda çalyp gam sazyny,
Ýer üstünde bir özüni
bilýäniň suratyn çekdim.
Tutýarka söýgiň ýasyny,
Eşidip ýaryň ahyny,
Köp garaşdyryp, ahyry
Gelýäniň suratyn çekdim.
Kitap bezeýär ömrümi,
Durmuşy okap öwrendim.
Ýoly uzyn, köp öwrümli
Dünýäniň suratyn çekdim.
Her kişiniň bardyr deňi —
Bir urýan kalplarnyň heňi.
Geljeginde diňe meni
görýäniň suratyn çekdim.
27
42
0
Yene yükle
