Eklenç ýükün gerdeninde göteren,

Gazananyn perzentlerne getiren,

Maşgalamy bagtly güne ýetiren,

Mähriban pederim janyň sagbolsun!

Elmydama güler ýüzüň solmasyn,

Göwnüňde hiç hili gussa bolmasyn,

Beýik Allah sizi bizden almasyn,

Mähriban pederim janyň sag bolsun.

Şu dünýede käbir adam

Söýgiň gadyryn bilmeýär.

Söýgi diýen näzik zadam

Gitse, gaýdyp hiç gelmeýär.

Şonuň üçin eý aşyklar

Söỳüň siz birek-biregi.

Söýgi ýaşasyn elmydam

Bolup bu dünýäň diregi.

Ýagty jahan bolar tümlük

Ejeň bolmasa ýanyňda.

Gam-gussa galarsyň gömlüp

Ejeň bolmasa ýanyňda.

Durmuşa ýitip höwesiň

Oý-pikir bolmaz aňyňda.

Zaryn-zaryn ah çekersiň

Ejeň bolmasa ýanyňda.

Ýüregiň gursaga sygman

Jaý tapmaz seniň janyňda.

Hal-ahwalyň bolar ýaman

Ejeň bolmasa ýanyňda.

Dideleriň nury öçer

Ejeň bolmasa ýanyňda

Ýalançydan göwnüň geçer

Käbäň bolmasa ýanyňda.

Käte eden işiň başa barmasa,

Eken tohumyň ösüp şine ýarmasa,

Ýamanlar ýigrenip saňa gargasa,

Hiç ruhdan düşmegin ruhubelent bol.

Kyn pursatda dostuň seni taşlasa,

Seniň göwnüň ýykyp gözüň ýaşlasa,

Duşmana dost bolup seni daşlasa,

Hiç ruhdan düşmegin ruhubelent bol.

Kömek beren kişiň bilmän gadryňy,

Il içinde garalaýsa adyňy,

Çarkandaklyk saklasada badyňy,

Hiç ruhdan düşmegin ruhubelent bol.

Käbirleri maksat-myrada ýetip,

Ýalançydan razy geçip giderler.

Käbirleri maksat-myrada ýetmän,

Ol gara gözlerin açyp giderler.

Käbirleri ýagty jahandan doýup,

Özleri dünýeden gaçyp giderler.

Käbirleri entek ýaşamak isläp,

Sönüp barýan şem deý öçüp giderler.