Näme üçin ilki göwne degip, soňam ötünç soraýarlar? "Meni bagyşla" diyen sòz hiç zadam üytgetmeýär. Hawa, bagyslaýaň ýòne ýarasy galýar ahyry.

Soñam diýýäň -käşga gelip pyçak bilen ursady. Bu wagta cenli ýarasy biterdi...

Mydama nedowolnyý we aç, elmydama kirlije pişik başga-da kim-de  bar bolsa like  😂

Söýgide gün ýaly bol,

Dostlukda akar suw ýaly bol,

Ýalňyşlary örtmekde gije ýaly bol,

Pespällikde toprak ýaly bol,

Gahar gazapda öli ýaly bol,

Näme bolsaň bol, ýa bolşuň ýaly görün, ýa-da görnüşiň ýaly bol! .

Bir köpük pulsuz, garyp adamdy. Adamlara kömek etmegi halaýardy. Çörek bölejiklerini berip, dost bolan syçanjyklary onuň durmuşyny nädip düýpgöter üýtgedip bildi? Uolt Disneý (Walt Disney) bir wagtlar Çikagonyň palçykly köçelerinde nädip ýaşajagyny, nädip pul gazanjagyny hem bilenokdy.

Disneý 1901-nji ýylyň 5-nji dekabrynda ABŞ-nyň Çikago ştatynda eneden dogulýar. Garyp maşgalada ýaşaýardy. Gyşyň sowuk günlerinde gapy-gapy aýlanyp gazet paýlaýardy. Ujypsyzja pul gazanýardy. Bir hepdede gazanan puly bir günlük nahary üçin hem ýetmeýärdi. Kitap okamagy diýseň gowy görýärdi. Ine, ol 18 ýaşyna ýetdi. Soňra birnäçe wagtlap tiz kömek maşynynyň sürüjisi bolup işledi. Emma az wagtdan soň ýene-de işsiz köçede galdy. Günleriň birinde Çikagonyň köçelerinde aýlanyp ýörşüne kitap satylýan dükana sowuldy. Dükanyň içindäki kitaplaryň ählisi hem okamak üçin gyzyklydy. Mekdebe gitmedik bolsa-da okamagy we ýazmagy bilýärdi. Hat-da Disney-iň elinden gülkünç suratlary çekmek hem gelýärdi. Eger pulum ýeterlik bolsa-dy, bu kitaplaryň ählisini alyp okardym diýýärdi. Kitaplaryň arasyndan birini saýlady we barja puluna kitaby satyn aldy. Öýüne baryp kitaba birlaý göz aýlady. Şol döwürdäki kitaplaryň arkasynda reklama çap edilýärdi.

Walt Disney-iň satyn alan kitabynyň arkasynda: “Kanzas-Siti medeniýet instituty sizi tölegsiz kursa okuwa çagyrýar” diýen bildiriş bardy. Dessine bu kursa gitmeli diýen karara geldi. Sebäbi suratkeş bolmak Disney-iň arzuwydy. 1918-nji ýylda Disney bu kursa okuwa gatnap başlady. Ol okuwda Ub Iwerks bilen dostlaşýar. Okuwyny tamamlap öýüne gelende kakasynyň ýogalandygyny eşidýär. Günleriň birinde dosty Ub Iwerskden telegramma gelip gowuşýar. Bilelikde işlemek üçin ony Kanzas-Siti şäherine çagyrýardy. Bu Disney-iň garaşýan habarydy. Haýal etmän Kanzas-Siti şäherine gidýär we dosty bilen birlikde agentlikleriň birine şekilli suratlary çyzyp berýärler. Birnäçe wagtdan soňra özleri aýratynlykda multfilm şereketini açýarlar. Emma hemme zat olaryň pikir edişi ýaly aňsat bolmady. Surata düşüren filmlerinden girdeji gelmeýärdi. Şereketiň ýerleşýän binasynyň kireý puluny töläp bilmän, bu şereketi ýapmaly boldular.

Şeýle hem Walt Disney-iň dogany Roy-yň hem suratkeşlikden başy çykýardy. Bilelikde üýşüren pullaryny jemläp Golliwuda gitmäge karar berdiler. Dürli işlerde işlediler, aç ýatdylar, aç turdylar, durmuşyň şeýle kyndygyna göz ýetirdiler. Şekilli suratlary çyzyp, ony film şereketine berýärdiler, emma olaryň hiç birine isleg bildirenokdylar. Disney halys ýadap Çikago, öýüne dolanýar. Dogany bolsa şol ýerde galýar.

Walt Disney surat çekip olary köçelerde satmagyň pikirini edýärdi. Emma işlemäge ýeri ýokdy. Şeýlelik bilen ol ýaşaýan öýüniň arkasynda ýerleşen ammary iş ýeri hökmünde ulanmaga başlady. Disney elmydama ejesi, özi we geljegi hakda alada edýärdi. Ýaşy otuza ýetip barýardy,emma entägem özüne belli bir iş tapyp bilmändi.

Günleriň birinde surat çekip otyrka çep tarapda bir zadyň gymyldaýandygyny görýär. Ýuwaşlyk bilen gaýtadan seredip görse, bir syçanjyk tagtanyň üstünde pyrlanyp durdy, edýän üýtgeşik hereketleri göýä tans edýän ýalydy. Disney ähli işini goýup, syçanjygy synlamaga başlady. Soňra öýünden çörek getirip bu syçanjyga berýär. Wagtyň geçmegi bilen syçanjyk Disney-e öwrenişýär. Hat-da ol Disneyiň partasynyň üstüne çykyp hem tans edýärdi. Soňra Disney syçanjygyň suratyny çekmegi ýüregine düwdi. Disney-iň çeken suraty ony kino dünýäsinde iň meşhur sungat adamyna öwürdi. Disney ýene-de täze taslamalary pikirlenip Golliwuda gitmäge karar.

Disney öz taslamasy barada dogany Roy we dosty Ub Iwersk bilen maslahatlaşdy. Ub Iwersk täze dörediljek multfilmiň baş gahrymany bolan şol syçanjyga “Mickey Mouse” diýen ady berdi. Disney bolsa, “Disney Company” şereketini gurmalydygyny aýtdy. Ähli işler ugruna gidýärdi. Şol kiçijik syçanjyk olaryň ýoluny açypdy. Şol wagta çenli surata düşürilen filmler sessizdi. Günleriň birinde Disney sesli film döretmegi ýüregine düwdi. Ahyrsoňy “Istimbot Willie” atly multfilm sesli ýagdaýda ýaýlyma goýberildi. Bu multfilm dünýäniň rekord derejesine ýetipdi.

Soňky ýyllarda Disney ähli gazanjyny dowamlylygy 6 sagatdan ybarat bolan, reňkli we sesli multfilmi döretmäge sarplady. Bu film üç ýylyň dowamynda düşürildi. Onuň çykdajysy 1,5 million dollara barabar boldy. Şeýlelik bilen dünýäniň iň gymmat filminiň ady: “Garpamyk we ýedi girdenekler” boldy. Bu multfilmiň arkasyndan 8 million girdeji gazandy. Soňra Walt Disney “Pinokyo” atly multfilmi döretdi. Ol hem dünýäde öz meşhurlygyna eýe boldy.

Millionlarça çagalaryň söýgüsini gazanan Walt Disney bir wagtlar garyp çagajykdy. Indi bolsa ähli adamlar bu meşhur adamy tanamak, görmek isleýärdiler. Aýratyn-da oýnawaç öndürýän kärhanalar we reklamaçylar multfilm gahrymanlarynyň suratlaryny almak üçin Disney-den rugsat soraýardylar. Kaliforniýada “Disneyland”, Floridada “Disney World” seýilgähleri açyldy.

Walt Disney 67 ýaşynda aradan çykdy. Ol bu wagta çenli 30 sany Oskar baýragynyň hem  eýesi  bolupdyr.

Çeşme: AtawatanTurkmenistan

Gazlandyrylan içgilerden hem zyýanly bolan içgiler

Içgileriň arasynda gazlandyrylan we alkagolly içgilerden hem zyýanly içimlik görnüşleri bar. Olaryň birnäçesine seredip geçeliň.

Ajy kofe- Kofe öz möçberinde içilse peýdaly: ukudan açylmaga, özüňe gelmäge we metabolizmiň tizleşmegine kömek edýär. Emma kofe öte ajy bolsa ol wasospazma sebäp bolup biler-gan basyşy birden ýokarlanýar, soň bolsa gaty peselýär. Netijede adam özüni erbet duýýar. Zeperlenen arteriýalar beýnä öz zyýanly täsirini ýetirýär. Eger ajy kofe şeker goşulan bolsa organizm üçin has howpludyr.

Gyzgyn çaý- Çaý içmegiň nähili zyýanly tarapy bar diýip oýlamagyňyz mümkin. Meselem: Hytaýlylar çaýy her gün dyngysyz içýärler, emma bu ýerde zyýan çaýyň gyzgynlygynda.Biz gyzgynjak zatlary gowy görýäs. Hemme gyzgyn içgiler ( diňe bir çaý däl,gyzgyn kofe, gyzgyn nahar ) gyzylödege zyýanly täsir edýär, bu bolsa mikrotrawma we mikroinfilýasiýa sebäp bolýar. Wagtyň geçmegi bilen bu göze ilmeýän meseleler onkologiki kesellere sebäp bolup biler. Şonuň üçin içýän gyzgyn içgileriňizi mümkin boldugyndan sowadyp içiň.

Gaplanan sok- Bir guty sokda koladakydanam köp şeker bardyr. Bu bolsa süýji keseline, dişdäki meselelere, artykmaç agram we başga dürli kesellere sebäp bolýar. Şeýle içgilerde witaminler we minerallar ýok diýen ýaly, ýöne düzüminde şekerden has zyýanly süýjiler bardyr.

Smartfon ýa-da planşet bilen nädip döredijilik ukybyňy açyp bolýar: munuň üçin ýörite ykjam goşundylaryň sanawy

Döredijilik zehinini, mümkinçiliklerini we başarnyklaryny açmak, ony hasyl etmek häzirki zaman adamsy üçin günsaýyn zerurlyga öwrülýär.

Mälim bolşy ýaly, boş wagtlary döredijilik bilen meşgullanýan adamlar örän köp. Kim goşgy ýazsa, kimse aýdym döredýär, ýene-de biri egin-eşikleriň täzeçil bezeglerini taýýarlaýar. Adamlaryň käbiri döredijilik başarnyklaryny ýörite okuwlara ýa-da gurnaklara gatnap kämilleşdirse, käbirleri bu amallary özbaşyna ýerine ýetirip öwrenýärler. Internetiň we kompýuter tehnologiýalarynyň ösmegi bilen bu zatlar has ýeňil görnüşe eýe bolup, bu ugurda indi biziň her birimize haýsydyr bir eseri döretmek üçin ýörite elektron ykjam goşundylar ýardamçy bolýar. Indi smartfondan, planşetden ýa-da aýpaddan peýdalanyp hem islendik döredijilik eserini döredip bolýar.

Surat çekmek üçin niýetlenen ykjam goşundylar

Sanly şekillendiriş sungatyny hasyl etmek bilen baglylykda, gyzyklanma bildirýänleriň arasynda iň meşhurlarynyň biri “Artflow” goşundysydyr. Surat çekmekde 70 dürli kistleri we nakgaşlyk üçin zerur beýleki gurallary özünde jemleýän bu programma surat çekmegi has ýönekeýlik bilen öwrenmäge kömek edýär.

Aýpad enjamyny ulanýanlar üçin bolsa iOS dükanynda elýeterli bolan “Paper” programmasy has ýerliklidir. Onuň gurallarynyň kömegi bilen şekilleri, shemalary we çyzgylary döredip bolýar.

Wektor grafikasyny ýokary derejede hasyl etmäge we sanly görnüşde hakyky nakgaşlyk eserini döretmäge bolsa “Adobe Ideas” programmasy ýardam eder. Bu goşundyny hem iOS internet dükanyndan ýükläp almak bolýar.

Surat çekmek we dizaýnerlik döredijilik ukybyny ýüze çykarmaga has köp şertli “Concepts” programmasy giňden ýardam edip biler. Ol özboluşly snaly ýandepderçe diýen ýalydyr. Onda taýýar suratlary üýtgedip, täze suraty açyp, illýustrasiýalar bilen işläp hem-de düzümleýin şekil böleklerini süýşürip bolýar. Goşundyny AppStore, GooglePlay, şeýle hem Microsoft.com internet dükanlaryndan alyp bilersiňiz.

“Autodesk Sketchbook” rastr grafik redaktory bolup, adaty şekillendiriş materiallaryny, has takygy adaty gurallara meňzeş gurallary özünde jemleýär. Mysal üçin, galam, şarly ruçka, marker, klassyk kistler... Edil palitradaky ýaly reňkleri sazlaşykly utgaşdyrmaga we kistiň ujuny islegiňe görä sazlamaga mümkinçilik berýär. Bu programmany kompýuter üçin, şeýle-de Android we iOS operasion ulgamlary üçin ýükläp alyp bolýar.

Saz çalmak üçin niýetlenen ykjam goşundy

“Real Guitar” — oňaýly interfeýsli gitara simulýatory hakyky akustik gitaranyň sesini ýokary durulykda çykarmaga ukyplydyr. Bu ykjam goşundy gitara akkordlaryny almagy öwrenmäge, has meşhur gitara sazlaryny çalmaga we özboluşly täze sazlary döretmäge ýol açýar. Ol iOS we Android üçin elýeterlidir.

Fortepianonyň başlangyç endiklerini Pianist HD goşundysy bilen özleşdirip bilersiňiz. Ol fortepiano klawişalaryny düzmäge we sadaja sazlary çalmaga şerti üpjün edýär. Pianonyň ýene-de bir ýönekeýleşdirilen görnüşi — “Magic Piano” goşundysydyr. Bellemeli ýeri, bu goşundy bilen diňe bir elde saz çalmak mümkin bolup, ol has ýokary hilde saz döretmekden çetdedir. Emma bu ilkinji gezek piano saz dünýäsine gadam basmak üçin ýeterlik bolup biler.

Başlangyç kompozitorlar üçin saz döretmekde aýpad üçin bolan “Auxi” ykjam goşundysynyň kömek berjekdigini maslahat bermek bolar. Onda kompozisiýa döretmek bilen, ony soňlugy bilen kompýutere geçirip, isledigiňçe ulanyp bolýar.

Saz döretmekde şeýle hem “SoundPrism” ykjam goşundysyndan peýdalanyp bolýar. Onuň akkordlary wizuallaşdyrmasy we düşnükli interfeýsi kompozisiýa sungatyna has ýeňil düşünmäge şert berýär.

Dijeý mikslerini hasyl etmek üçin bolsa Edjing we Djay goşundylary ýöriteleşdirilen programmalardyr. Olar  hem iOS we Android üçin elýeterlidir.

Saz kompozisiýalaryny döretmek we aranžirowka etmek üçin has amatly programma “GarageBand” goşundysydyr. Onda dürli saz gurallaryny birlikde utgaşdyryp bolýar.  Mysal üçin, onuň kömegi bilen gitara, klawiş, tüýdük we deprek ýaly saz gurallarynyň sesini goşup hem-de aýryp bolýar.

Egin-eşikleriň dizaýny — bu hem öz nobatynda döredijilik işi. Geýimleriň modellerini, dizaýnyny döretmek isleýänlere arkaýyn “ZWTextile” programmasyny maslahat berip bileris. Onuň kömegi bilen egin-eşik nusgalaryny işläp taýýarlamak, modelleriň eskizini döretmek we ideýalary wizuallaşdyrmak mümkindir.

Peýdalanylan çeşmeler: pedsovet.org; adme.ru; yandex.ru; dtf.ru; hotcourses.ru

Eger ekiz gyzjagazyňyz ýa-da ekuz oguljygyňyz bolsa, nähili at dakardyňyz?  :)))