ena1002
12.03.2024 21:38
Salam hemme.
Size bir soragym bar.
"Aerogel" näme? Nirde we näme üçin ulanylýar?
12
101
3
ena1002
21.02.2024 11:42

Täze «Nothing Phone» (2a) smartfonyň tanyşdyrylyşy mart aýynyň başynda geçiriler.


Bildirişlere görä, iň amatly smartfon hasaplanylýan «Nothing Phone»-iň täze nesli 5-nji martda köpçülige tanyşdyrylar. Bu telefon kompaniýanyň iň amatly önümi hasaplanylyp, ol 400 ýewrodan hem arzan bolar.


«Dealabs»-yň içerki habarlaryna görä, «Phone» (2a) iki konfigurasiýada elýeter bolup, 8+128 GB we 12+256 GB-a deň. Bularyň bahalary degişlilikde 349 we 399 ýewro barabar bolar. Smartfonyň gara we ak reňkleri bolup, bu telefonyň ýerli dükanlarynda bahasynyň has-da amatly boljakdygy aýdylýar.


Enjam ýokary hilli ýagtylykly 6,7 dýuýmlyk «AMOLED» ekrana, «MediaTek Dimensity» 7200 çipe we esasy kamerasy 50 Mp, öňündäki kamerasy 32 Mp bolan mümkinçilige eýedir.
19
18
1
ena1002
17.02.2024 21:09
Hamal (21.03 — 20.04)
Şu gün hamallar ähli başlangyçlaryny gorkusyz amala aşyryp bilerler. Üstünlik siziň tarapyňyzda bolar. Şol bir wagtyň özünde size ýokary derejeli öndürijilikli zähmet mahsus bolar.

Sowur (21.04 — 20.05)
Şu gün sowurlara geljegini meýilleşdirmek maslahat berilýär. Diňe bişirilen işiň üstünlikli tamamlanýandygyny ýatdan çykarmaň. Agşamyňyzy dost-ýarlaryňyzyň ýa-da maşgala agzalaryňyzyň ýanynda geçirseňiz maksadalaýyk bolar.

Jöwza (21.05 — 21.06)
Jöwzalara şu gün saglygyny goramak we köp zähmeti talap edýän işleri ýerine ýetirmekden saklanmak maslahat berilýär. Şol bir wagtyň özünde sizi hiç bir zat ruhdan düşürmeli däl. Ähli ýokary maksatlara assa-assadan ýetilýändigini ýatdan çykarmaň.

Seretan (22.06 — 22.07)
Şu gün seretanlaryň özüni alyp barşy, keýpi üýtgäp durar. Eger günüň birinji ýarymynda size işeňňirlik mahsus bolan bolsa, günüň ikinji ýarymynda siziň hiç bir işe eliňiz barmaz. Şeýle ýagdaýda jogapkärçilikli işleriňizi içki dünýäňiz bilen sazlaşykly ýerine ýetiriň.

Eset (23.07 — 23.08)
Arzuwlar arzuw bolmagynda galýar. Size şu gün arzuw etmän, öňüňizde maksat goýmak we oňa ýetmek üçin takyk işleri ýerine ýetirmek maslahat berilýär.

Sünbüle (24.08 — 23.09)
Şu gün sünbüleler beren sözlerinde tapylarlar. Şol bir wagtyň özünde wajyp işleriňizi ynanýan işdeşleriňiz we ýakynlaryňyz bilen ýerine ýetirmek maslahat berilýär. Size şu gün ruhubelentlik mahsus bolar.

Mizan (24.09 — 23.10)
Şu gün mizanlar özüni gurşap alýan adamlardan gerek zatlaryny talap edip bilerler. Şol bir wagtyň özünde mizanlaryň özi hem zähmetsöýerligiň ýokary derejesini görkezmeli bolarlar.

Akrap (24.10 — 22.11)
Başga adamlardyr olaryň edýän işlerine üns bermäň. Tersine, öz ýerine ýetirýän işleriňiziň netijeliligine serediň.

Kowus (23.11 — 21.12)
Lezzetsiz edilýän işiň netijeliligi pes bolýar. Şeýle ýagdaýda şu wagt üstünde işleýän taslamalaryňyzyň sizi näderejede kanagatlandyrýandygyny kesgitläň.

Jedi (22.12 — 20.01)
Ünsli boluň!!! Siziň şu günki netijeliligiňiz edýän işleriňize berýän ünsüňize we taýýarlygyňyza baglydyr. Gijem bolsa geljekki üstünligiňiz üçin ukyňyzdan we dynjyňyzdan geçiň.

Daluw (21.01 — 20.02)
Döredijilikli zähmet çekiň! Işleriňize sizi gurşap alýan adamlary hem çekiň. Olaryň tejribesi we goldawy size zähmetiňizde üstünlik getirer.

Hut (21.02 —20.03)
Gerek zatlaryňyzy soramakdan çekinmäň. Şu gün siziň her bir aýdan zatlaryňyz bitiriler. Başga adamlaryň üsti bilen maksatlaryňyza ýetip bilýän bolsaňyz, islendik serişdäni ulanyň.

awtor: salam news
9
9
0
ena1002
16.02.2024 00:18
Hamal (21.03 — 20.04)
Häzirki wagtda hamallar maliýe pudagynda täze mümkinçiliklere eýe bolar. Belki iş ýagdaýlarynda kärdeşleriň arasynda has köp ynam bolar. Dostlar bilen duşuşmak, arassa howada gezmek we hezil etmek üçin gowy gün.

Sowur (21.04 — 20.05)
Bu gün sowurlar kärdeşleri ýa-da maşgalasy bilen gatnaşyklar bilen baglanyşykly käbir wakalary başdan geçirer. Belki diňe ownuk ýollar bilen däl-de, boýun egmegi öwrenmeli. Täze pikirler we strategiýalar bilen täze mümkinçilikleri açmak üçin gowy gün.

Jöwza (21.05 — 21.06)
Bu gün ähli geplejek zatlaryňyzy pikir eleginden geçirip gürläň. Syrlaryňyzy aýdanyňyzda ilki garşyňyzdakyny gowy tanaň. Şu günki täleýiňiz täze işlere döredijilikli çemeleşmegi maslahat berýär.

Seretan (22.06 — 22.07)
Bu gün öz ýörelgeleriňize eýeriň we kän çäkden çykmajak boluň. Ýogsam, daşyňyzy bir topar meseleler gurşap alar. Şu günki täleýiňiz başgalaryň işine goşulmazlygy maslahat berýär.

Eset (23.07 — 23.08)
Duýgulara juda berlipsiňiz. Indi ýalanlaryň perdesini bir gyra serpip, hakykat bilen ýüzleşmegiň wagty geldi. Bu gün dost diýip ýören käbir tanyşlaryňyz öz hakyky ýüzüni görkezer.

Sünbüle (24.08 — 23.09)
Bu gün ýyldyzlar sünbülelere ýekeligi saýlamagy ýa-da durmuşa zerur çäklendirmeleri goýmagy maslahat berýärler. Syýahata gitmegi, möhüm meselelere çözgüt kabul etmegi başga güne süýşürseňiz gowy bolar.

Mizan (24.09 — 23.10)
Bu güni mizanlar döredijilik tolkunynda geçirerler, üstesine-de, olar romantikadan uly paýly bolar. Diňe işiňiz üçin däl, eýsem garaşylmadyk ýagdaýda durmuşyňyza giren adam üçinem wagt tapmaly bolmagyňyz mümkin. Iş we kär bilen baglanyşykly özüňizi alyp barşyňyzy düýpli gözden geçirmek üçin gowy gün.

Akrap (24.10 — 22.11)
Bu gün siziň üçin biraz içgysgynç bolup biler, ýöne günüň dowamynda gaty täsirli, gyzykly teklipleri alarsyňyz. Ýyldyzlar bu gün töwekgelçilik etmezligi maslahat berýär.

Kowus (23.11 — 21.12)
Siz aňsat ýalana aldanmaýaňyz. Emma bu gün söwda edeniňizde hüşgär boluň. Ýogsam dereksiz köp pul sarp edersiňiz.

Jedi (22.12 — 20.01)
Agşamky gören düýşüňize ynanmaň. Olara ynansaňyz, hakykatdan daşlaşmagyňyz mümkin. Bu bolsa günüň dowamynda sizi uly alada goýar.

Daluw (21.01 — 20.02)
Bu gün siziň şahsy zerurlyklaryňyz ýüze çykar. Ýaşaýyş jaýyna we maşgala gerekli zatlary satyn almaly bolarsyňyz. Çykdajylaryň we girdejileriň deňagramlylygyny saklajak boluň.

Hut (21.02 —20.03)
Bu gün siziň üçin şadyýan pursatlara baý bolar. Täleýiňiz size goşa bagty wada berýär. Size günüň dowamynda iki sany gowy habar gelip gowşar.

awtor: salam news
18
17
0
ena1002
15.02.2024 19:53

9-12-nji fewral aralygynda Türkmenistanyň, Özbegistanyň, Azerbaýjanyň, Gazagystanyň we Gyrgyzystanyň metbugat wekilleriniň Türkiýe Respublikasyna üç günlik metbugat sapary guraldy. Onuň esasy makdasy 2023-nji ýylyň 6-njy fewralynda ýurduň 11 welaýatynda bolup geçen weýrançylykly ýertitremeden sebäpli, uly ýitgä sezewar bolan türk şäherlerini gaýtadan dikeltmäge we ösdürmäge gönükdirilen çäreleriň ýola goýulyşy bilen tanyşmakdan ybaratdyr.


Resmi maglumatlara görä, tebigy betbagtçylykdan soň adam pidalarynyň sany 53,5 müňden geçdi. Agyr ýaralananlaryň sany takmynan 107 müňe golaýlady. Ýertitreme 676 müňden gowrak ýaşaýyş jaýyna, uly zawodlara we ammarlara zeper ýetirdi. Türkiýede bir hepdelik ýas yglan edildi. Türkmenistanyň hormatly Prezidenti Serdar Berdimuhamedowyň adyndan berlen kömegiň ähmiýetini aýratyn bellemelidiris. Türkiýe döwletine Türkmenistandan halas edijiler we ynsanperwerlik kömeginiň ugradylmagy iki ýurduň arasyndaky dost-doganlyk gatnaşyklarynyň mizemezdigini we Watanymyzyň kyn günlerde goldaw bermäge taýýardygyny görkezdi.


Bir ýyldan soň žurnalistler Türkiýäniň Kahramanmaraş, Adiýaman we Malatýa şäherlerine baryp gördüler we dikeldiş işleri barada has giňişleýin maglumat almak üçin hökümet wekilleri hem-de ýaşaýjylar bilen söhbetdeş boldular.
23
27
0