Ali Nazik

Ýogurtly badamjan we gowrylan et bilen taýynlanýan Ali Näzik nahary Türkiýäniň Gaziantep ilinde örän meşhurdyr.

Bu nahar barada birnäçe rowaýat bar. Rowaýatlaryň birine görä 16-njy ýüzýylda Osmanly soltany Ýawuz Soltan Selim Antep iline gitmek üçin ýola çykýar. Bu habary eşiden halk patşa üçin dürli naharlar we süýjülikler taýynlaýar. Gaziantebe baran soltan onça tagamyň içinden ýogurtly badamjan we üsti gowrylan etli nahary halaýar we "Haýsy eli näzik bu nahary taýynlady?" diýip sorapdyr. Sondan soň bu nahara ilki bilen "Ala nazik" diýipdirler we soňra "Ali nazik" bolup atlandyrylypdyr.

Öz wagtynda örän meşhur bolan Ali nazik naharynyň taýynlanyş tarybyny bu reseptden öwrenip öýüňizde bişirip bilersiňiz.

Şeýle hem bu nahara meňzeş Çökertme kebaby we Hünkar begendi naharlaryna seredip bilersiňiz.

Içindäkiler — Ali Nazik taýynlamak üçin gerekli azyk harytlary

Begendisi üçin:

1 kg badamjan (4 sany)

1 stakan smetana (ýogurt, gaýmak)

2 diş sarymsak

Duz

Gara burç

Üsti üçin:

250 gram üwelen et

1 sany sogan

1 sany pomidor

1 sany bulgar burç

1 çaý çemçesi tomat

Taýynlanyşy / bişirilişi

1. Bakdamjanlaryň üstüni wilka bilen deşip duhowkada 200 derejede 20-30 minut ýumşaýança bişirmeli. Tagamy hakyky bolmagyny isleseňiz közde bişirmeli. Bişen soň daşyny aýyrmaly we kubik edip dogramaly.

2. Üwelen eti ownuk dogralan sogan bilen saçda (skawarodka) biraz ýag bilen gowurmaly. Bir salymdan dogralan pomidor we dogralan bulgar burçy goşmaly. Pomidoryň suwy çykan soň tomat, duz we gara burç goşup bişirmeli.

3. Sarymsagy ýençmeli (döwmeli) we smetana (yogurt) bilen garmaly. Dogralan badamjana duz we gara burç goşmaly, sarymsakly smetana bilen garmaly.

4. Saçaga goýmak üçin tarelka ilki bilen garylan badamjany tekiz edip goýmaly. Üstüne bişen üwelen etimizi bir gat edip goýmaly. Işdäňiz açyk bolsyn.

Goşmaça:

1. Eger bişirilen üwelen et ýagsyz bolsa mesge bilen gury gyzyl burçy bişirip üstünden gezdirip bilersiňiz. Islege görä ýanyna garnir edip gaýnadylan tüwi taýynlap bolýär. Şeýle hem közlenen bulgar burç we pomidor bilen bezäp bolýar. Üwelen etiň ýerine dogralan et ýa-da dogralan towuk bilen bişirip bolýar.

Süýtli karamelli desert

Süýtli we karamelli diýseň tagamly, pudinge meňzeş desert. Içindäkiler ýönekeý, taýynlamak köp wagtyňyzy alar diýmeseňiz tagamy edeniňize degýän resept.

Içindäkiler — Süýtli karamelli desert taýynlamak üçin gerekli azyk harytlary

100 gram mesge.

120 gram un.

1 litr süýt.

80 gram şeker.

2 paket (10 gram) wanilin.

Karamel üçin:

90 gram şeker

1 çaý çemçe mekge krahmaly

300 ml suw

Taýynlanyşy / bişirilişi

1. Mesgäni bir gazanda orta otda eretmeli we un goşup gowyja bulap gowurmaly.

2. Süýdi azajykdan 4-5 gezege bölüp guýmaly we düýbine tutmaz ýaly bulap durmaly. Ahli süýdi bulap guýandan soň wanilin goşmaly we goýalýança, takmynan 40 minut, bulap bişirmeli. Puding ýaly goýy krem bolmaly. Kremi biraz sowadyp aýry gaplara salmaly.

3. Üstüniň karameli üçin mekge krahmalyna 200 ml suw goşup bir gapda gowy eidip garmaly.

4. Kiçi sous gazanyna 90 gram şeker goýup orta otda eretmeli. Şekeri bir çemçe bilen bulap üstüne 100 ml suw guýmaly. Suw goýan soň erän şeker gataýandyr, bulap eretmeli. Doly erän soň megke krahmal garyndysyny guýmaly we bulamana dowam etmeli. Goýy bala meňzeş karamel bolýandyr.

5. Karameli gaplara guýan süýtli kremimiziň üstüne guýup çemçe bilen tekizlemeli. Üstüne islege görä owradylan pisse sepmeli. 30 minut holodilnikte goýyp hezil edip iýäýmeli. Işdäňiz açyk bolsyn.

Işlekli

Türkmeniň milli tagamlarynyň biri bolan işlekliniň öýde, howur peçde bişiriliş resepti.

Içindäkiler — Işlekli taýynlamak üçin gerekli azyk harytlary

2 nahar çemçe gatyk

50gr mesge

1.5 bulgur ýyly suw

4.5 bulgur un

1 çay cemçe duz

Iç harjy üçin:

350 gr goýun ýa-da sygyr eti (jylka)

150gr guýryk ya-da iç ýagy

1 sany uly sogan

1 sany orta boy kartoşka

Ýarty bulgar burç

1 sany pamidor

Duz

Gara burç

Ýarty bulgurdan koprak suw

Taýynlanyşy / bişirilişi

1. Hamyryny taýynlamaly. Bir uly jama mesgani, gatygy, suwy, duzyny salyp gowja eretmeli. Ýuwaşjadan ununy salyp ýumşajyk hamyr ýugurmaly.

Hamyryň üstüni ýapyp demini alyança goýmaly.

2. Iç harjyny taýynlamaly. Etini, ýagyny we ähli gök-önümleri uşajyk dograp bir jama salmaly. Üstune duzuny, burçuny islega göra salyp üstune suvuny guýup gowja garmaly.

3. Demini alan hamyrymyzy deň bolmadyk 2 bölege bölmeli.

4. Howur peji gyzdyryp goýmaly. Hamyryň uly bölegni galypdan ulurak daşyna çykyp durar edip ýuka bolmadyk şekilde ýaýmaly. Galyby ýaglap hamyry ýazmaly. Hamyryň üstune iç harjymyzy salmaly. 2-nji kiçi hamyrymyzy galybyň üstüne laýyk edip ýaýmaly we işlekliniň üstüni ýapmaly we aşaky hamyr bn gyralaryny birikdirip gowja bükmeli.

5. Işlekliniň ýuzuni wilka bilen dürtüp çykmaly, isleseňiz gobek hem ýasap bilersiñiz. Howur peje salyp 220°-de 45-50 min gyzarýança bişirmeli. Işdaňiz açyk bolsun!

Towukly işdäaçar

Gaýnadylan towuk budyndan tiz taýynlanýan, lezzetli we doýuryjy işdäaçar (salat).

Içindäkiler — Towukly işdäaçar taýynlamak üçin gerekli azyk harytlary

1 sany gaýnadylan towuk budy

1 kaşir

1 sogan

1 limon

islege göra ukrop-petruşka, maýonez

Taýynlanyşy / bişirilişi

1. Gaýnadylan towuk budyny ownuk dogramaly.

2. Kasiri gyrgyjyn ownuk gözunden geçirmeli.

3. Sogany, gok otlary ownuk dogramaly.

Ählisini bir gaba salyp, üstünden 1 limonyn suwuny sykmaly.

4. Maýonez gosup garmaly

Salam agzalar. Bagyslarsynyz men gyzym bilen bolup kan girip bilmedim owrenmela. Hemmaniz gowmysynyz owrenmelin agzalary😊. Janlarynyz sagmy. Kom.yazayyn soragynyz bolsa, jogap beryan🤗.

Gül kelemli salat

Organizme ýetmezçilik edýän ýod bilen baýlaşdyrylan gül kelemli saladyň taýynlanyşyny siziň bilen paýlaşýaryn. Gäl kelemi her gezek satyn alan wagtym "Bu näme?", "Näme nahar bişirip bolýar?" diýip soralýany üçin bu işsäaçaryň reseptini ýazmagy makul bildim. Göwnüňize görä başga salatlaryň içine hem goşsa bolýar. Gülli kelem bilen edilen başga reseptleri hem tagamlar saýtyndan gözläp bilersiňiz.

Içindäkiler — Gül kelemli salat taýynlamak üçin gerekli azyk harytlary

1 sany gül kelem

2 diş sarymsak

Şawel, narpyz (ukrop, petruşka hem goşup bilersiňiz) islege görä

Limon suwy ýa bir çümmük duz

1-2 nahar çemçesi soýa sousy

2-3 çemçe gaýmak

Taýynlanyşy / bişirilişi

1. Gül kelemi gyzgyn suw bilen ýuwuň, çalaja ýumşamagy gerek.

2. Soňra düýbüni, ýapraklaryny kesip aýyryň. We güljagaşlary bütew galar ýaly dograň, eliňiz bilen döwüp hem bilersiňiz.

3. Gaba salyp üstüne limon suwuny guýmaly .

4. Otlarymyzy garyp gaýmak goşmaly.

Saçaga bermezden öň soýa sousyny goşuň. Işdäňiz açyk bolsun!