basladykmy
10.04.2025 08:46
Hekaýa
Weli Watan öňündäki gulluk borjuny tamamlap geleninden soňra, paýtagtymyz Aşgabat şäherine gurluşyk ugrundan işlemäge gitdi. Bu ýerde işe başlansoň, iki ýylyň dowamynda has özgerip, görki barha gözelleşen paýtagtymyzyň gözel ymaratlaryny synlap ýörşüne günüň öýle bolanyny-da duýman galdy. Bazara baryp iýer-içer ýaly zatlary alyşdyrdy. Ol haçanda alma aljak bolup baranda satyjy zatlaryny ýygnaşdyryp gaýtjak bolup durdy. Weli alma almakçydygyny aýdanda bary-ýogy bir kilograma golaý alma galandygyny aýdyp, satyjy almany çekip bereninden, owadandan uzyn boýly gyz salam berip, bularyň ýanyna geldi.
– Wiý, gelneje almaňyz gutaraýdymy? Menem bir kilo alaýjakdym. Bilýäňizmi gelneje, men almany hemişe sizden alýaryn. Ozalky alan almalarym hem örän süýji eken – diýdi. Oglan gyza seretdi. Görmegeý gyz oglany ýüpsüzje daňdy oturyberdi. Gözlerine gözi düşende aljyrady. Näme etjegini bilmäni ýaýdandy. Soňra:
Şulary alaýyň – diýdi. Gyzyň boýun gaçyranyna garamazdan, almaly torbany gyzyň eline tutdurdy. Ilkinji tanyşlyk şundan başlandy. Ýaşlar assa ýöräp bazardan çykdylar. Gyz özüniň ýokary okuw jaýynda okaýandygyny, geljekde lukman bolmalydygy barada gürrüň berdi.
Ertesi güni säher bilen işe gelen Weliniň akyl-huşy Güljemalda galdy. Çaltrak işlerini birýüzli edäýesi gelýärdi. Oňa-da takady ýetmedik ýigit işindenem rugsat alyp, Güljemalyň okaýan ýerine tarap ýola düşdi.
Ynha-da, topar-topar bolup talyp gyzlardyr, ýigitler geçip ugradylar. Aşyk ýigidiň okuw jaýynyň gapysyndan çogup çykýan gyzlaryň içinden Güljemala gözi düşmedi. Weli lapykeç halda yzyna dolanmaly boldy. Agşamara ýene-de şol ýere gelip, golaýrakdaky oturgyçlaryň birinde oturyp, öz ýanyndan: “Ýa-da ýalan sözläýdimikä?”. Ýok ol gözlerde ýasamalyg-a görünmedi. Allajanlarym, indi men ony nireden gözlesemkäm? El telefonunyň belgisinem-ä almandyryn” diýip öz-özüne jogapsyz soraglary ýagdyryp başlady. Şeýdip, pikir derýasyna gark bolup oturşyna: “ Aý, oglan, kime garaşýarsyňyz?” diýlen sowala tisginip gitdi. Aljyrap: “Siz näme işleýärsiňiz?” diýip sowala sowal bilen ýerliksiz jogap gaýtardy. Ýigidiň başagaýlap durşuna hezil edip gülen gyz:Ýeri, ýigit, köp garaşdyraýdymmy? – diýip, Weliniň ýanyndaky oturgyçda oturdy. Gürrüňleri alşan oglan bilen gyz wagt birçene barýança oturdylar.
…. Aýlar ýyllara seplenip, Güljemalyň talyplyk döwri yzda galdy. Söýgülisiniň okuwyny gutarýanyna begense-de, öz ýanyndan daşlaşjagyna gynanýan Weliniň işden eli sowaşyp, göýä Güljemaldan ömürlik aýra düşýän ýalydy. Şol günleriň birinde ýigit iş ýerinde merdiwandan ýykylyp, hassahana düşdi. Soňra-da ýedi aý düşekde ýatan Weliniň öňki şadyýanlygyndanam nam-nyşan galmady, ýüzi-gözi solupdy.
Näçeler jaň etse-de, hiç hili jogap tapmaýan Güljemal oda-köze düşýärdi. Baryp Weliniň halyndan habar alasy gelýärdi. “Weli meni taşlamaz, näme-de bolsa, başga bir mesele ýüze çykandyr. Men nähili habarlaşsamkam, saglyk bolawersin” diýip, tükeniksiz alada galypdy. Uzak ýoly söküp gitmäge-de işleýän ýerinden mümkinçilik berilmeýärdi. Şeýle-de ol ejesine nädip aýtjagynam bilmän kösenýärdi. Gaýgy-gussa welin gysyp-gowrup barýardy.
Işe gitmek üçin säher bilen turan gyz daşky gözelligi synlamak üçin penjireden seredende onuň gözleri özüne zor salyp keýtikläp ýöräp gelýän ýigide düşdi. “Bu – Weli. Hut şonuň özi!” diýen gyz begenjinden ylgap daş çykdy. Ýigidem muňa pete-pet geldi. Weli horlanypdy, gözleri içine çöküp gidipdi. Uzak wagtlap görüşmedik, seslerini eşitmedik ýaşlar gözlerini biri-birlerinden aýyrman sessizje gepleşdiler. Ýigit özüniň başdan geçiren günleri barada gürrüň berdi. Ol otly bilen oba barýandygyny, onuň bilen hoşlaşmak üçin gelendigi barada aýtdy hem-de “Bagtyň açyk bolsun, Güljemal” diýdi. Beýle söze garaşmadyk gyz ör gökden geldi. Soňra gyz ähli zada düşündi we “Ilkinji söýgi ýürekden çykýan däldir. Men seni söýýärin. Tä ömrümiň ahyryna çenli hem söýerin. Biz bileje durmuş gurup, ähli maksatlarymyza ýeteris” diýende, gyzyň gözlerinden iki düwme ýaş togalanyp gaýtdy.
….Şatlyk-şowhun bilen barýan gelnalyjy wepalylygyň nusgasy ýaly bolup barýardy. Bezelen ulagda oturan bagtyýar ýaşlar, ýagny Weli bilen Güljemal bagta sary ganat ýaýyp uçup barýan ýalydylar.
2
66
basladykmy
08.04.2025 00:30
Kimde günä?
Bu ýöne bir size gürrüň berilýän rowaýat ýa-da hekaýa däl... bu arassa durmuşda bolaýan we bolaýjak zatlar barada aýdylan setirler. Şuny gowy okap dogry many çykaryp teswirlerde öz pikirleriňizi goýmaklygyňyz sizden haýyş edýäs.
Adaty günleriň birinde Nazar atly oglan internet arkaly bir gyz bilen tanyşýar. Ol gyzyň ady Soltan. Ikisem tiz depginde biri-birleri bilen görüşýärler, hemme waka tomus aýlarynda bolýar. Nazar daşary ýurtda okýar, Soltan bolsa Türkmenistan Watanymyzyň özünde. Bularyň duşuşygy ikisi üçin hem ýakymly mähirli bolup görünýär.
Emma söýgi döränsoň onuň nä derejede duşmanynyň bolýandygyny özüňiz gowy bilýäňiz. Ýagny duşman manysy nämede: adamyň durmuşy elmydama onuň özünden dälde eýse onuň daş-töweregindäkiler bilen hem bagly bolýar, diýmek daş-töwerekdäki adamlar biziň durmuşymyzy düzläp ýa-da bozup bilýär, bu bir adaty tebigy hadysa.
Diýmek, Nazaryň bir dosty öň şol gyza, ýagny Soltana söz aýdyp gören eken. Bu barada Nazar habarsyz bolýar. Ol dostynyň ady Şatlyk.
Wagt geçýär... güýz gelip okuwlar başlaýar. Nazar hem okuwyna gitýär we Soltan bilen şol internetda tapyşan ýerlerinde habarlaşyberýärler. Bularyň söýgüleri güýçlenýär we berklenýär. Soňra Soltan Nazaryň Şatlyk bilen dostlaşýanyny bilýär, emma hiç-hili bir üýtgeşik häsiýet bildirmeýär. Bularyň arasynda bolýan söýgi barada eýýäm hemmeler hem bilensoň Şatlyk dostyndan Soltan barada sorap başlaýar. Onuň soraýşyna üns bermeýär, sebäbi olar tanyş bolan eken, diýmek umumy tanşy hökmünde beýle zatlara üns bermeýär.
Wagtyň geçmegi bilen Nazaryň üsti bilen oglan bilen birek-birek barada ýygy-ýygydan soraşyp başlaýarlar (şol wagtlar Şatlyk bilen Soltan biri-bilen internetda habarlaşmaýan ekenler, olar besdir edipdirler). Nazar ahyram bir gün bu hereketler ýüregine düşýär we bu hakda Soltandan sorap görýär. Soltan bolsa hemme aýdylýan zatlara ýok diýip bu hakda soraýany üçin Nazary günäli edip goýýar. Ýeri Nazar hem samsyk däl ahyrynym bular ýaly zatlary bagyşlar ýaly...
Belkem olar bile bolasy gelen däldir, olar ýöne sorandyrlar, ýa-da şeýlemi? Şular ýaly soraglar oglany basýar. Nazar isle-islemese bu hakda gürleşip Soltana gygyrmaly bolýar. Ýaňky aýdyşym ýaly iki tarabam öýkeli bolup söýgem wagtlaýynça tamam bolýar.
Bu wakadan soňra Nazar öňki içgi ýoluna düşýär. Şatlyk bilen Soltan bolsa indiki tomus pasylynda toýlarynyň meýillerine düşýär. Olaryň toýlary barada Nazar ýurdymyza dolanyp gelende bilýär. Ondan öň elbetde Şatlygyň öýlenjek bolýanyny hem bilýär, ýöne kime öýlenýänini bilenok.
Bu zatlary eşiden Nazar dünýäniň manysy ýitirýär. Siz özüňizde suratlandyryp görüň, siz elbetde tfu-tfu-tfu daş etsin diýersiňiz. Eger siziň iň gowy dostyňyz bilen siziň çyndan söýen gyzyňyzyň toýy bolsa näme ederdiňiz?
Adamlar, hemmelere ynanmaň. Dostlyk bir menzil, söýgi awuly hezil hem bolýandyr. Bu zatlara hatda ynanmakda kyn, ýöne bolan ýerleri bar. Hemmesinde-de gyz günäli. Sebäbi wagtynda Nazary saklap bilmedi we olam gahar edip nädip ýaşaýanyny bilmedi. Elbet kyn günler bolar, ýöne söýgüde ynam gerek diýýärler, emma şol ynam bolsa şular ýaly zatlaryň gaýtalanmagyna eltip biler. Adamlara dogrusy ynam galmady, şonuň üçin kimler bilen aragatnaşyk saklaýanyňyzy biljek boluň, belkem şol adam seni bagta eltsin. SERESAP BOLUŇ!
6
107
basladykmy
13.03.2025 05:24
![]()
«Bagyşla»
Aşyk bolup saňa şu haty ýollap,
Ömrüm saňa dözenimi bagyşla,
Söýer, söýer diýip göwnümi aldap,
Şunça wagtlap gezenimi bagyşla.
Söýmedigem geçer, söýenem geçer,
Söýmek günä bolsa günämi geçir,
Başarsan baryny ýadyňdan öçür,
Seni soýen bu ýigidi bagyşla.
Goşgym saňa gowuşan-da, haçan-da,
Ýene görmän ýüzleý okap geçeňde,
Düşünmedik ýerleň duşsa içinde,
Pikirlermiň özenini bagyşla.
Ýaşlyk geçip gider etsekde heder,
Wagt hemme zada hökmün ýöreder,
Bir mahal duşuşmak miýesser eder,
Şonda ýyllaň duzagyny bagyşla.
Öz göwnüme näçe bolsa-da çeper,
Bu şygrym saňa bir etmesin zeper,
Ynanaý, şu gezek iň soňky sapar,
Seň keýpiňi bozanymy bagyşla.
Gün geçse, aý geçse hem ýyllar ötse,
Her kim göwnündäki arzuwna ýetse,
Käte okanyň-da meni ýatlatsa,
Eliňdäki gazalymy bagyşla.
Utandyryp ýer ýüzüniň güllerin,
Unutmaryn gül dek açan günleriň,
Adyňy ha asla undyp bilmerin,
Ýüregime ýazanymy bagyşla.
Maksatjan ANNAÝEW
9
83
