basladykmy
Düýn, 02:07

Akylly telefonlar


••••••••«Akylly» telefonlar barada dogrular we ýalňyşlar


Ýalňyş:♦Telefony irdene çenli zarýada goýmak zyýanlydyr.


Dogry:♦ Telefonlar doly zarýad alanyndan soň, awtomatiki ýagdaýda energiýa almagyny bes eder.


Ýalňyş:♦ Täze telefony gutudan çykarandan soň, 100 göterim bolýança zarýad bermeli.


Dogry:♦ Telefony ilkinji gezek ulanmak üçin doly zarýad gerek däl! Bu ýagdaý öňki çykan telefonlara degişli bolup durýar.


Ýalňyş:♦ Telefon zarýad alýan wagty ulanmak ýalňyşdyr.


Dogry:♦ Eger ýasama telefon, ýasama batareý, ýasama zarýadnik ulanýan bolsaňyz, onda bu maglumat dogry. Emma bularyň üçüsi hem hakyky (original) bolsa, onda hiç hili zeleli ýokdur.


Ýalňyş:♦ Telefony öçürmezden zarýad berip ulanmaly.


Dogry:♦ Telefony birnäçe aýlap öçürmezden ulanmak batereý üçin zyýanlydyr, telefony günde 2-3 minut öçürmek batereýiň ömrüni uzaldar.


Ýalňyş:♦ GPS açyk bolsa köp zarýad iýýär.


Dogry:♦ GPS açyk bolsa zarýady GPS dälde, ony ulanýan programmalar iýýär.


Ýalňyş:♦ Telefon aşa gyzsa, ony holodilnige salyp sowatmak has peýdaly.


Dogry:♦ Eger telefon gereginden artyk gyzýan bolsa, onda ony bejermek üçin ussa görkezmeli. Gyzgyn ýerde bolmak ýaly, telefony holodilnik ýaly sowukda saklamak hem deň derejede zyýanlydyr.


Ýalňyş:♦ Telefonyň zarýadyny doly gutarandan soň doldurmaly.


Dogry:♦ Bu ýagdaý öňki telefonlar üçindir. Täze telefonlarda zarýad 30-80 aralygynda wagty zarýada goýmak hem-de zarýatdan aýyrmak maslahat berilýär.
8
49
0
basladykmy
10.03.2025 00:50

••••••••••••Näme üçin smartfon jübüde gyzýar?
Smartfon jübüsinde gyzyp biler, mehaniki taýdan zeper ýetip biler ýa-da batareýanyň nädogry bolmagy sebäpli ot alyp biler.

Gyzgynlyk köplenç agyr ýük wagtynda — nawigasiýa ýa-da kamera ulanyp çylşyrymly programmalar işledilende ýüze çykýar. Esasanam yssy bolsa ýa-da suw geçirmeýän eşik geýseň erbet gyzýar.


Mehaniki zeper ýeten ýagdaýynda töwekgelçilik has uludyr: eger telefon güýçli urga ýa-da basyşa sezewar bolsa (mysal üçin arka jübüsinde), gysga utgaşma we hatda ýangyna sebäp bolup bilýän batareýanyň görnüşi üýtgäp biler.

Goşmaça töwekgelçilik faktorlary:


Çişen batareýa, aşa gyzmagyna sebäp bolup biljek içki zeperiň anyk alamatydyr.

Köne batareýa — wagtyň geçmegi bilen batareýa durnuklylygyny ýitirýär, himiki reaksiýalary az täsir edýär.


Garaşylmadyk ýagdaýda aşa gyzmak — telefon zarýad bermezden gyzsa ýa-da birden öçse, batareýanyň ýagdaýyny hem barlamaly.

Anyk däl komponentler — arzan zarýad berijiler we elektrik üpjünçiligi howpsuzlyk standartlaryna laýyk gelmezligi mümkin.

Batareýanyň sebäpsiz çişýändigini ýa-da gyzýandygyny görseňiz, enjamy derrew barlaň — bu sizi howply netijelerden gorap biler.
12
148
0
basladykmy
09.03.2025 02:17

•••••••••••••••Pygamberleriň iýmişi

Dünýä halklarynyň köpüsi üçin hurma ýöne bir iýmiş däldir. Ýaponlarda hurma miwesi ýeňşiň nyşany, Ýakyn Gündogar halklarynyň köpüsinde paýhas nyşany hasaplanýar we ony «Pygamberleriň iýmişi» diýip atlandyrýarlar. Mukaddes Oraza aýynyň öň ýanynda hurmanyň peýdasy barada gürrüň etmek täsirli bolsa gerek.

Hurma musulman dünýäsinde iň bir wajyp miweleriň biri hasaplanylýar. Remezan aýynda bu miwäniň saçakda bolmagy isleglidir. Onuň dünýä ýüzünde Bagdat hurmasy, Medine hurmasy, Eýran hurmasy, Asýa hurmasy, Kudus hurmasy, Tunus hurmasy, Sukkary hurmasy, Sugaý hurmasy, Berni hurmasy, Şelebi hurmasy, Jennet — Trabzon hurmasy ýaly birnäçe görnüşleri bar. Oraza aýynda söwda ýollary arkaly hurma dünýäniň musulman ýurtlaryna ýaýraýar.

Hurmanyň iki sanysyny suw bilen içmegiň uzak gün açlykdan surnugan bedene ýeterlik kuwwat berýändigini hemişe aýdypdyrlar. Agyz beklenende iýlen hurma-da günüň dowamynda bedene gurbat berýär. Munuň sebäbi onuň düzüminde dürli gurplandyryjy ýokumlaryň kändigi bilen düşündirilýär.

Remezan aýynda uzakly gün iýip-içmekden saklanyp gezmegiň saglyk üçin, esasan-da, aşgazan-içege ýollaryny arassalamakda peýdalydygyny ylym hem tassyklaýar. Içege ýollarynyň näsazlyklaryny bejermekde, iç gatamada, ýürek-damar ulgamynyň näsazlyklarynda, ganazlykda, içgeçmede, günde bir hurma iýmegiň iýmit siňdiriş ulgamynyň saz işlemeginde uly peýda getirýändigini, gözüň görşüni gowulaýandygyny hünärmenler nygtaýarlar. Onsoň oraza tutmak bilen saglygymyza nähili peýda getirýändigimize düşünmek kyn däl.
7
47
0