"Sari saçlarini deli gönlüme

Baglamişim çözülmiyor Mihriban"

Abdyrahman Karakoç

Şamar saçlaryňy däli göwnüme

Baglapdyryn, çözülmeýär Mähriban

Aýralykda gujak gerdim ölüme

Senden aýra gezilmeýär Mähriban

Seni söýdüm, saňa aşyk men diňe

Hyýalymda gezip ýörün seň bile

Galam ejiz gelýär söýgiň derdine

Yşk kagyza ýazylmaýar Mähriban

Ýüregim gan aglar ýarasy täze

Ýazgydyň ýazmasa alajyň näme

Çäre tapylmady şol öňki däbe

Köne kada pozulmaýar Mähriban

Söýgiň derdi saldy, ýandyrdy meni

Oňa derman etmez tebipler emi

Her bir zadyň ahyrsoňy bar weli...

Söýgä serhet çyzylmaýar Mähriban

Geregim, geregim, sen gyz geregim

Özge gözel tutup bilmez deregiň

Gara daşa dönen ganym ýüregi

Gözýaş bilen ezilmeýär Mähriban

Göwre aýra bolup göwün bir bolup

Sözüm galar tenim gider ýer bolup

Belkide bu derdim galar syr bolup

Ýüre syry çözülmeýär Mähriban

Ilmyrat Babaýew

Seresap bol gözlerimden

Owadandyr aldap biler

Sähelçe göwnüme degseň

Ýalňyzlykda aglap biler

Geçme menden aldasam-da

Bagyşla her ýalanymy

Bilseň-de sen bilmedik bol

Ýogsam görsiň gazabymy

Elden berme her pursaty

Begendir sowgatlar bilen

Iň ajaýyp güne öwür

Ýene gaýtala bir ömür

Çemen bogsaň meniň üçin

Gül alaýyn elleriňden

Bakma beýdip içgin-içgin

Seresap bol gözlerimden

03.10.2023ý

Aýgül Ýazweliýewa

Söz bermändiň maňa asmanda Aýy,

Ýyldyzlary monjuk düzjek diýmediň.

Didelerňe bakyp tapan özümi

Ýitirmeklik üçin seni söýmedim.

Telbe bolup ylgamadyň yzymdan,

Ne ýalbardyň ýanyp-bişip köýmediň.

Kakyp duýgularmyň inçe taryny

Üzüp zyňmak üçin seni söýmedim.

Intizar halymdan habar tutarňa,

Isläpdim bolaryň kalba söýgedim.

Süýji sözleriňe özümi aldap,

Güýmemeklik üçin seni söýmedim.

Tala daňlan umytlarym boşanyp,

Özümi tapaýsam elwan öýmede.

Men seni söýmedim

Aglamak üçin

Utulanym ýatlap ilki söýgüde.

Annabeg Aýmakowa

Günler geçip dur,

Ömürden gädip.

Hany, hany söýgümiz?

Ýitirdik... nädip.

Ykbalym sen, seslen oglan söýgüñe dolan.

Söýgiñ nämedigni maña öwreden, oglan.

Meni eretse...

Ezizim, señ söýýän gözleñ.

Ýene ýer etse

Ýüregimde seniñ sözleñ.

Kalbymda oduñ.

Seni özgelere dözmen.

Ah, janym senden

Düşünsen-e, geçebilmen.

Du:şup bilemok.

Seniñ mähriñ hiç kimde ýok.

Tapyp bilemok.

Uçdyñ neçüýn, sen bilbil ýok.

Mende karar ýok.

Gije uky, gündiz gün ýok.

Undyp bilemok.

Sende söýgüm, ýöne sen ýok.

Señ söýgüñden doly ýürek,

Bu gün... aglady.

Maña gaýdan ýollaryñy,

Duman baglady.

Ýalñyz geçen, bu gijeler.

Sensiz aglady.

Şol gijeleñ gözýaşlary...

Saçymy ölledi.

Orazbibi MÄLIKGULY gyzy

Haýwanlaryň ýyrtyjysyndan-da beter adamlaryň ýasamasyndan gorkyň. Her bir haýwanyň özüne mahsus häsiýeti bar bolsa, "ýasama adamlar" durnuksyz bolup bir wagtyň özünde birnäçe "janzadyň" häsiýetine giribilýär.!

Güýz.

Jumadyl-owal.

Ýagyşsyz meýdan.

Gum sürlen hanalar,

Üstünde jaýlar...

Moskowskiý.

Howry gaçyşan asfalt.

Köwüşim elimde

Aýakýalañaç...

Kädaýym ylgasam başlaýan haşlap,

Öwzary ýykylyp öwzaýy giden

Tañryñ gamdan azat eýlän gedaýy

Tüneksiz galansoñ duralgamyzda

Otyr... sowan gamburgyny symyşlap.

Ýapraklary gaýýar aýak astynda,

Agaçlar ýalañaç

utananoklar...

Meger ýatdan çykarypdyr Hudaýy.

Gök asman gyzarýar olañ deregne...

Küpürseýär ýene yzgarsyz Zemin.

Ýel çalýar ýañagna guran derýalañ

Çöküp galan gaýygynyñ küregne.

Gara daglañ serin ýarmaga peýläp

Wulkanlar pysyrdap başlady ýene.

Kapda bent edilen äjit-mäjitler

Boşap geljek bolýan ýaly bu sene

Ýene bikararlyk tutdy dünýämi

Eýse, bu nämekä?..

Yşkyñ gamymy,

Ýetip gelýän kyýamatyñ dañymy?

Ýa meñ gohly durmuşymyñ soñumy?

Muny sen syzmasañ,

bilemok syzyp,

Sen dur, öñkiñ ýaly gözüñi süzüp...

Eger ýaramasa ynjyk göwnüñe

Soñky sanawajyn sanaýan dünýäñ

Jemendesi,

galmagaly,

gürrüñi...

Ýagyşsyz meýdanda alnyñdan öpüp

Gaýdan pursatymy magallak kylyp

Dolanaly daş asyrly eýýama...

Hem jort atyp garramaýan heññama!

Has Türkmen

Ynsan, okamak, kitap, edep… bular edil dünýä, howa, suw, ýaşaýyş ýaly biri-biri bilen berk baglanyşyklydyr. Kitap ynsanyň iň ýakyn dostudyr. Şonuň üçinem kitaby diňe bir okamak ýa-da gowy görmek ýeterlik bolman, ony gowy saklamak, gözüň göreji ýaly seretmek gerek.

Kitap okalanda, onuň möhüm ýerlerine galam bilen bellik etmek peýdalydyr, emma daşyny garalamaly däl. Eger kitap özüňki däl bolsa, onda aýratyn kagyza bellik etmek has gowudyr.

Kitaby ýeke elde tutup, gaňyryp okamak kitabyň tiz dargamagyna getirer. Kitaby beýle okamak edepsizlik, kitaba bolan hormatsyzlyk hasaplanýar.

Eger ýanyňyzdaky başga biriniň okaýan kitabynyň ady we temasy bilen gyzyksaňyz, ol tarapa boýnuňy sozup biljek bolmak edepsizlikdir, mylaýym söz bilen kitaby birnäçe minutlyk soramak has gelşiklidir.

Kitap okalýan wagty suwly miweleri iýmezlige çalyşmaly, şeýle edilende kitaba tegmil degip, onuň hapalanmagy mümkin.

Eger kitap elimizde uzak wagt galjak bolsa, wagtlaýyn okamaga alan hem bolsak, onuň daşy gaplanmalydyr. Kitabyň daşky gözelliginiň hem uzak wagt saklanmagyny üpjün etmelidiris. Çünki kitabyň daşy onuň ilkinji özüne çekiji merkezidir.

Kitaphanadan kitap alyp okanyňyzda, kitabyň içinde özüňiz tanap biljek şekilde kiçijek bir kagyz bölejigini galdyrsaňyz, birnäçe ýyldan soňra şol kitaby soranyňyzda ony tanap, özüňizi köne dostuňyza duşan ýaly duýup bilersiňiz.

Düýn meni bagtsyz edenleri bugün başgasy bagtsyz edýär...Her bir kişi hiç tanamaýan adamynyň aryny alýar...Muňa " adalat " diýilýär..!

Ýyllardan - ýyllara durmuşymyň üýtgemegine garaşdym. Indi bilsem, durmuşym meniň üýtgemegime garaşýan eken..🍃

Kämahal durmuş biziň samsykdygymyzy ýa-da samsyk däldigimizi bilmek üçin şol bir ýagdaýa gaýtadan salyp görýän eken..🍃