Paradise
25.05.2021 14:13
MEKDEBIM
Ak mekdebim hoşlaşýaryn seň bilen,
Hoş diýmäge asla dilim baranok.
Bu gün seni ýatlap joşdy ýüregim,
Seň şanyňa ýazman durup bolanok.
Seň goýnuňda öwrendim men baş A-ny,
Sende öwrendim men pikirlenmäni.
Sende ylym-bilmiň gapysyn açyp,
Içgin-içgin agtarypdym dünýäni.
Dünýä akyl ýetirmäge synanşyk
Duýgusyny seň kitaplaň öwretdi.
Seň barlygyň geljegime ýol ýasap,
Durmuşymyň binýadyny döretdi.
Mülkaman JUMANYÝAZOW.
Mähriban uçurumlar bu gün siziñ ýadyñyzdan çykmajak günleriñ biri.Bu gun 11 ýyl bilim alan ojagyñyzdan akja kederi ýaly uçup täze bir durmuş ýoluna gadam basýanyz.Sizin hemmañize ak ýol arzuw edyan. Hemmanizede talyp bolmak bagty miyesser etsin
42
96
1
Paradise
23.05.2021 22:22
Durmuş diýseñ täsin, esasanam gyzlar uçin...meselem duýn bir öýiñ läligi bü gün bolsa başga bir öýiñ gelini.. Edil şu wagt ejemjanyñ adymy tutup çagyryşyny, kakamjanyn gyzymjan näme nahar bişirdiñ ýada haýsy köýnegimi ütüklediñ diýişini, doganlam bilen biderek zadyñ üstünde dawalaşyp urşuşymyzy nämä çalyşmazdym.Bu gün bolsa basga bir yerde gelinim yada gyzym diyip basga bir mahriban ynsanlar çagyrýar...Has dogrusy gyz masgalan 2 ejesi 2sanam kakasy bolyar.Yone oz ene atan yeri has basgaca. Mahriban gyzlar ene atanyzyn gatyryny bilin.Yogsam men yaly gunde aglap goresim gelyar yada owrenisip bilemok diyippp jan etmeli bolyanyz...Ejema indi kan janlarymada jogap berenok yurege dusdun diyipp😄😄😄😄😁😁😁😁
39
575
41
Paradise
09.05.2021 00:39
Gadyr gijäñiz gutly bolsun
34
26
1
Paradise
03.05.2021 14:36
Bir minut... mümkinmi, ýoldaş mugallym?!
Sen başagaý talybyňy bagyşla!
Goşgyň humaryna gijeler ýatman,
Kalbym asman tolkunlarna gowuşsa,
Ukusyz gözlermi süzgenekledip,
Sapaklary aýdan bolsam başgaça,
Geçirimli bol sen, ýaşlygňy ýatlap,
Belki, duýgym täze-täze yşk açar.
Entegem güýjüni ýitrenok ahyr,
Ýedinji asyrda taslanan sogap.
Ýowuz dara, eger aýdyp bilmesem,
Ýa-da sowallarňa tapmasam jogap.
Ýaşyryn zadym ýok, barym paş bolar,
Galamdan syrygar sygmaýan syrym.
Penjireden baksam-da men baglara,
Seniň aýdanlarňam diňleýändirin.
Ylham perişdesi kalbymy kakyp,
Sapak wagty gelip, ýüregin açsa,
Özümçe ýylgyryp, özümçe gülsem,
Öz duýguçyl talybyňy bagyşla!
33
169
2
Paradise
13.04.2021 19:44
Otuz günläp öñ turaly guşlardan,
Oýan gyzym, agzymyzy bekläli.
Boş galsak, gowy däl, sogap işlerden,
Musulmanlyk borjumyzy haklaly.
Arzuw etdiñ: "Tutjak-diýip-oraza",
Arzuwyña ýetjek bolsañ, ýaltanma.
Sogap üçin galanyña azara,
Haýry diñe özüñedir, "magtanma".
Gör-ä, gat-gat jaýlañ dörtburç eýwany -
Ak-garadyr, göýä küşdüñ tagtasy.
Selälige turlan-olarda many,
Haýsysyndan düşýän bolsa ýagtysy.
Näme bişdi öten agşam öýmüzde,
Şondan galan-bolar bize sellälik.
Mydam ýadaw ejeñ ukusyn bozma,
Ene ynjamasa-uly kemallyk.
Gyzym, gözüñ aýla Gündogar taýa,
Emaý bilen syrýar, tümlük tutusyn.
Bu ak dañlar doga okap Hudaýa,
Hem göreşip, arzuwlarña ýete sen!
11 aýyn soltany hasaplanýan Mukaddes Remazan aýynda tutýan orazalaryñyz kabul bolsun edyan doga dilegleriniz beyik Allanyn dergahinde hasyl bolsun
34
199
9
Paradise
08.04.2021 20:10
Baran ýeriñ bilen oñyş,
Janyñ-teniñ bilen çalyş.
Çet-de durma gatyş-garyş,
Öwrenişjek bolgun gyzym...
Güler ýüzli mylaýym bol,
Aýdyljak işe taýyn bol.
Hyzmatyña çür gaýym bol
Abraý aljak bolgun gyzym.
Gaýynene, gaýynata,
Teşnedirler çyn hormata.
Şuny berjaý etgin juda,
Bolmalysam şeýle gyzym.
Dil beladyr diş hem gala,
Berk eýergin şu nakyla,
Ýedi ölçe guý akyla
Şeýtseñ ýalñyşmarsyñ gyzym.
Baran öýüñ gelşigi bol,
Eriş-argaç çalşygy bol
Şadyýana gülşigi bol
Gaşyn çytylmasyn gyzym...
Birzady diýdirme iki
Egniñe aljak bol yüki
Ukyñy sap bolda turda ilki
El aýakly bolgun gyzym...
Ýeñiljek bir gussa bilen
Şatlyk joşýar esse bilen
Belki ile nusga bilen
Ugradýarys sag bol gyzym
Gülüp oýnap gelgin gyzym
34
212
9
Paradise
01.04.2021 21:16
Agyr oýa batyr, göwne diñ salyp,
Senden soragyma jogap gözleýän.
Kalbymdaky döran täsin söýgini,
Töwerekden, deñ-duşymdan gizleýän.
Meni Leýli eder gara gözleriñ,
Duýmaýarsyñ ýürekdäki söýgimi.
"Söýýän" diýip,köp wadalar beripdiñ,
Ýada şeýdip, aldadyñmy duýgymy.
Aý-aýdyñ gijeler duşuşyk gurap,
Bagtdan ýaña öz-özümi ýitirdim.
Duşuşan yerimizde ýeke oturyn,
Ähli zady göz öñüne getirip.
Durmuşy başgaça gurap añymda,
Umyt bilen señ ýoluña garaýan.
Jogap bermän gitdin gözlerime garap,
Sensiz günler ýumagyny saraýar....
40
100
2
Paradise
23.03.2021 19:54
■ ÖMÜR ÝOLAGÇYSY
Ýene ýola çykdym tanyş eşikde,
Göýä bu dünýäniň baky derwüşi.
Käte gaýyp içre owaz eşitdim,
Bu ömrüme salyp müň bir werzişi.
Hiç bir kişä azarym ýok, derdim ýok,
Şükür, egsilmeýär köňül baýlygym.
Durmuşyma minnetim ýok, şertim ýok,
Ýagşy närselere sowýan aýlygym.
Diýýän: «Syna, durmuş, aşa çakyndan,
Ähli synaglarňa jismim döz geler.
Gümmi-sümmi etsem ýa-da sakynsam,
Ejizländir öýdäýmesin özgeler».
Käte men ulagly, käte pyýada,
Ezmaýyşly ýollaň geçip giderin.
Sende öwşün atar ömrüm zyýada,
Dünýä şugla saçyp, öçüp giderin.
Yşkyň ýoly, gör, nireden başlandy,
Bu söýgüde kim ýaşapdyr armansyz.
Kim ataşa, kimler suwa taşlandy —
Ony seljermeklik maňa galmandyr.
Ýara syrlarymy aýdyp köşeşdim,
Bu ömrüme salyp ýüz-müň werzişi.
Ýene ýola çykdym yşky eşikde,
Men bir bu söýginiň baky derwüşi.
34
198
8
Paradise
08.03.2021 13:47
Iýýärkañem iýgin diýer,
Geýýärkäñem geýgin diýer
Garry ENEÑ ýaşap ýörkä,
Dünýäñ özem seni söýer...
Gözleri yoluña bakar,
Büdüreseñ üstüñi kakar.
Dayaw egniñ çekmedigini,
Päk ýürekli EJEÑ çeker.....
Zähmetkeş, alçak, çeýedir,
Beren sözüne eýedir
Ejeñden soñ seniñ üçin
Janyny gyýjak UÝADYR....
Kaka: " bärik geläý" diýer,
"Bäşlik aldym göräý" diýer,
Usul tapyp mekir GYZYM
Kakajan pul beräy diýer...
Peýdañ köp, azdyr zyýanyñ,
Ugruñda bolar hyýalyñ
Bütin dünýäñ dynçlygydyr
Iññildemese AÝALYÑ...
Ýap gözeldir suwy bolsa,
Suw gözeldir guwy bolsa,
Aýal bilen oñuşylar
Eger GAÝYN ENEÑ gowy bolsa....
"Yuwürjimä ýuwürjimä
Seniñ bilem dünýäm giñä"
Diýip iş buýrar GELNEJEÑ
Neneñ añsat neneñ kyna....
Güler ýüzi bir maýsadyr,
Sözleri ýiti naýzadyr.
Toýlarda joşup ylgajak,
Mähriban alçak DAÝZADYR...
Bagt guşy başyñyzda
Ýaz bolarlar daşyñyzda
Buýsanyñ siz goç ýigitler
Şunça MÄHIR daşyñyzda.....
Kerim HALLY
Hormatly öwrenmeli programmasynyn mahirli mahriban owadam gyzlary sizi yetip gelen 8 mart bayramynyz bn gutlayan goy yuzunizden gulki hic wagt solmasyn. Bahar gulleri yaly hemise durmusynyzam owadan bolsun.....
47
192
6
Paradise
06.03.2021 12:48
ZENAN KIM?
Saçyñ birje tary ynjany üçin,
Kimdir biri gizlin aglaýan bolsa.
Hemmeden öñürti ýagty ertäñe,
Synmazak umydyn baglaýan bolsa,
Soñlanmaz sowaly "Hallaryñ neneñ?",
Jogaba ýaltanma, ol seniñ eneñ!
Haldan doýup, bir gün derde uçrasañ,
Kimdir ýagdaýyñy soraýan bolsa,
Seniñ ýa-da sen deý erkek göbekliñ,
Maşgalañ namysyn goraýan bolsa,
Çekmeseñ şol gara gulpakdan zyýan,
Ynamly gadam ur,
Ol merdem uýañ!
Çañ keçäñ kakylyp, gyzdyrlyp külbäñ,
Bir näzijek mähir çisñeýän bolsa.
Kyrk ýaşda-da, çaga garaşýan ýaly,
Ýoluña bakmasyn kesmeýän bolsa,
Hytaý galasydeý mizemez törüñ,
Çünki ony gorar wepadar ýaryñ.
Paýhas, parasatyñ gursagna guýlup,
Geljegni güneşde çaklaýan bolsa.
Mynasyp näz edip, mynasyp söýlüp,
Gyzlyk mertebesin saklaýan bolsa,
Ynamly gollarda dowamat yzyñ,
Ak geljege güwä gyzyñdyr gyzyñ.
Kerim HALLY.
44
273
10
Yene yükle
