PERIM...
20.01.2023 02:20
.Bir derdim bar içim içime sygman,
Pälim, niýetim özara uruşýar,
Hemişe araçy bolan halatym,
Erbet pälim mydam hetdinden aşýar.
Ynha-da bu günem şol öñki söweş,
Ekizek bolsada palim niýetim,
Abylyñ Kabyly öldürşi ýaly,
Üstün çykypdy,
Erbet häsiýetim,
Elimde göterip, Ýagşy palimiñ
Jesedini elim bilen jaýladym,
Begençden dolduryp, içden gülkimi,
Mazar:nyñ başynda sessiz agladym.
Remezan Mämetgurbanow
10
48
PERIM...
18.01.2023 17:35
Gel, nesihat bereýin, akyl alýan ýok indi,
Akmak saýmaz hiç kişi, senem şolaň birisiň.
Seni daşdan synlanlar, diýer şagal ýa tilki,
Garyp bol, ýa isle baý, öz ykbalyň şirisiň.
Gürlemegi öwrenseň, lal bolsun seň ýoldaşyň,
Syrly bolar sözleriň, düşünersiň üm bilen.
Gije gezer bolarsyň, ogry bolsa ýoldaşyň,
Gündiz ýatyp geçersiň, öwrenşersiň tüm bilen.
Ýalňyz galsaň unutma, ýoldaş tutun kitaby,
Pikirlenip ädim ät, görünsede gözýetim,
Gowy işiň başynda, edip bilmän utanyp,
Gezip ýörme.
Erjelli, tutanýer bol ahbetin.
Bürgüt ýaly göterlip, galsaň asmana sary,
Dag başy dumanlydyr, şondan belende ozma,
Basjak ýelem tapylar, ganatyň gyrar biri,
Seniň ryskyň ýerdedir, ýerden örküňi üzme.
Şudur saňa nesihat, başyňa kynlyk düşse,
"Yzy gowy bor" diýip, ýorybergin oňluga.
Entek näme görüpsiň, razysyň günüň geçse...
Şeýdip,
Akyl berýärin, gundagdaky ogluma.....
Remezan Mämetgurbanow
12
49
PERIM...
16.01.2023 23:45
Çalt horlanmagyñ netijeli usuly.
Horlanmagyň birnäçe usuly bar. Mysal üçin, eger-de maksadyňyz diňe horlanmak bolup, myşsalaryňyzy ulaltmak zerurlyk däl bolsa, onda siziň üçin ajaýyp usul bar! Emma bu usul tiz horlanmaga mümkinçilik bermek bilen, sizi köp babatda çäklendirýändir.
Bu usulda beýnimiziň gipofiz atly böleginiň öndürýän ösüş gormony peýdalanylýar. Gipofiz bagyr bilen baglanyşykly işleýän beden agzasy bolup, ol ýagy «ýakmak» bilen meşgullanýar. Ýagyň has köp mukdarda ýakylmagyna, netijede, horlanmaga «tapgyrlaýyn açlygyň» üsti bilen ýetilýär.
Bu usul bilen horlanmak üçin siz birinji 3 günde 3 gezek naharlanmaly. Şondan artykmaç iýmek, günüň dowamynda ýürekselik edinmek düýbünden gadagandyr. Ikinji 3 günlükde bolsa günüň dowamynda 2 gezek naharlanmaly. Siz günüň islendik wagtynda 2 gezek iýip bilersiňiz. Emma naharlanmanyň sany 2-den geçmeli däl. Ýürekselik edinmek, nahary datmak gadagandyr. Çünki az-azdan iýilýän naharlar gandaky insulini köpeldýär, bu bolsa ösüş gormonynyň netijeliligini peseldýär. Şonuň üçin hem günde bellenen wagtda naharlanmaga çalşyň.
Üçünji 3 günlükde iýýän naharlaryňyzy has-da azaltmaly bolarsyňyz. Günüň dowamynda bir gezek gowy doýýançaňyz islän naharyňyzy iýýärsiňiz. Ikinji naharlanma derek bolsa gök önümlerden taýýarlanan içgileri içip oňmaly bolarsyňyz. Haýsy gök önümleri halaýan bolsaňyz, içjek içgileriňizi şoňa görä taýýarlap bilersiňiz. Siz içgiňiziň tagamyny süýjetmek üçin miwe hem goşup bilersiňiz. Kabul edilýän tagamlaryň şeýle sazlaşygy bedendäki artykmaç ýaglary aýyrmaga we horlanmagyňyza ýardam eder.
Üçünji 3 günlük tamamlanandan soňra, size ýene-de üç günüň dowamynda üç gezekden naharlanmaga rugsat berilýär. Emma işiňizde köp oturýan ýa-da az hereket edýän bolsaňyz, iki gezekden naharlansaňyz hem ýalňyş bolmaz. Indiki 3 günlükde bolsa ýene-de iýýän naharyňyzy ýokarky tertipde azaldyň.
Az iýmek bilen bir wagtyň özünde, peýdaly tagamlaryň iýilmegi hem sagdyn horlanmaga mümkinçilik berýär. Siz işdäaçarlary we gök önümleri, miweleri köp mukdarda kabul etmelisiňiz. Şeýle-de her bir iýýän tagamyňyzyň özünde 140 gram belok jemlenmelidir. Tagamlaryňyzda peýdaly ýaglaryň bolmagy maslahat berilýär. Ýag siziň esli wagtlap dok gezmegiňize mümkinçilik berer. Köp uglewodly tagamlary, krahmally we şekerli naharlary iýmäň.
Hormatly okyjylar!
Siziň beloklaryň, ýaglaryň, uglewodlaryň haýsy tagamlarda näçeräk möçberde jemlenendigini bilýän bolmagyňyz hem ähtimal. Emma bu babatda has takyk maglumat almak üçin internet gözleg ulgamyndan peýdalansaňyz gowy bolar.
@saglyk.tm
15
61
PERIM...
14.01.2023 10:27
KAÝDA SEN?
Neýleýin, tagty weýran Süleýmanym, kaýda sen?
Amanady berer boldum, bir imanym, kaýda sen?
Tagty-täjim eýesi, eý soltanym, kaýda sen?
Iki dide görejim, sahypkyranym, kaýda sen?
Walydam, Mekge-Medinäm,
mähribanym, kaýda sen?
Bu pelegiň zulmy bilen birje zaman gülmediň,
Waý purum diýip gala, men misgini almadyň,
Toýlarymda şat bolup sen, ajap nazar salmadyň,
Birje zaman eglenip sen ykbalymy bilmediň,
Walydam, Mekge-Medinäm,
mähribanym, kaýda sen?
Ser salyban bu zemine, arzymy men sözlesem,
Taparynmy, mähribanym, jemalyňy gözlesem,
Deşte çykyp, zary-girýan, ençe günler bozlasam,
Barça pişeden geçip men bu jahany
yzlasam,
Walydam, Mekge-Medinäm,
mähribanym, kaýda Sen?
Gül roýuň görmemişem, bu pelek
gerdişiden,
Bihabar boldy nalaýyp, pelek tutan işiden,
Halas eýläp öter boldy bu pany
teşwüşiden,
Indi men geçmişem, waý, bahar,
nowruz, gyşydan,
Walydam, Mekge-Medinäm,
mähribanym, kaýda Sen?
Ne hasraty ötürip sen, kördür görmez gözlerim,
Uly jemagatlar içre boldy syýa
ýüzlerim,
Asal eripdi bu gün zäher bolmuş sözlerim,
Daglarym deşte dönüp, dag bolupdyr düzlerim,
Walydam, Mekge-Medinäm,
mähribanym, kaýda sen?
Ýowuz galyp bu jahanda telmurar bu şirin jan,
Sensiz indi men pakyram boldum, neýleý, natuwan,
Gymmatyndan aýrylypdyr, gözüme
zyndan jahan,
Ýörisem misli guýun dek, taparynmy bir nyşan,
Walydam, Mekge-Medinäm,
mähribanym, kaýda sen?
Pederim, dözmeý bu derde huna
boýýalmyş Kuýaş,
Ol eziz janyň bilen pelek, meger, kylmyş talaş,
Sil ornuna iki dideýimden akmyş ganly ýaş,
Zähri-katyl ýuwudyp men, geýenim kepen puşeş,
Walydam, Mekge-Medinäm,
mähribanym, kaýda Sen?
Ger ki bir söweş kylardym alnyda bolsam meger,
Bu hijranyň çarhy bilen neýleý ýandy jany-jiger,
Hazan bady urdy güli, kyldy bagy serbeser,
Käýişimi Hak eşitmez, ýanar boldy bu jiger,
Walydam, Mekge-Medinäm,
mähribanym, kaýda Sen?
Ýyglar boldy dagy-daşlar ol rowany sil bilen,
Hak alnynda nalyş kylmyş Jeýhun bahry, Nil bilen,
Bag içinde ýesir bolmuş bilbil, bakyň, sünbül bilen,
Pederim Azady ýyglar ýomut, gökleň il bilen,
Walydam, Mekge-Medinäm,
mähribanym, kaýda sen?
Pany jahandan gidipdir bakyga gözel aýyň,
Soltanyndan jyda düşdi, ýyglar boldy saraýyň,
Üzülipdir kirşi onuň, oksuz weýrandyr ýaýyň,
Diýdigim galat imesdir, meger, behiştdir jaýyň,
Walydam, Mekge-Medinäm,
mähribanym, kaýda Sen?
Aýdadyr Magtymguly ki, bu dessany bagladym,
Men ki misgin perzendiňem, daga çykyp agladym,
Sorag jaýynda şypa diýp, Ýaradany çagladym,
Goýmaýan panyda bary barçany
soragladym,
Walydam, Mekge-Medinäm,
mähribanym, kaýda Sen?
© Magtymguly PYRAGY»
18
47
