Ovezova_
14.09.2021 17:47
Huşum birýana
Aşyk bolup bir enaýy gözele,
Aklym haýran gitdi, huşum birýana,
Janym gurban geljegine, ezelne,
Gamym birýan gitdi, joşum birýana.
Ýeser kaddy jedel gurmuş hüýr bilen,
Gymmatyna ýetip bolmaz zer bilen,
Ylalaşman geçdi ýürek ser bilen,
Içim birýan gitdi, daşym birýana.
Yşk derýa deý kalp deňzine dolup men,
Bilmen dilberimiň köňlün alyp men,
Ýalňyzlykda diwanaýam galyp men,
Göwräm birýan gitdi, başym birýana.
Çekilen ezýetler jandan gitmedi,
Arzuwlardan hergiz möhmüm bitmedi,
Iýen duzum bokurdakdan ötmedi,
Nanym birýan gitdi, aşym birýana.
Salmasyn aşygna mekirlik alyn,
Meger ylham şondan tapmyş kemalyn,
Görenimde ah näzliniň jemalyn,
Gözüm birýan gitdi, gaşym birýana.
Elden bermän ajaýyplyk pursadyn,
Hergiz huzurunda waspyn gursadym,
Gürsüldeýip ýarylsam diýr gursagym,
Demim birýan gitdi, döşüm birýana.
Bogazma çümdürip sungat gylçygyn,
Tebigat oň gaçyrmasyn gelşigin,
Undupdyryn pasyllaryň çalşygyn,
Ýazym birýan gitdi, gyşym birýana.
Tutdugym pygandyr, çekdigim arman,
Ýalňyzlykda şol galyşym özgermän,
Dilnebaryň öwgüsine döz gelmän,
Sözüm birýan gitdi, joşum birýana.
Näler dostlar beýan etsem arzymny,
Perizadym meni görüp ardyndy,
Muhabbetin synlap açdym agzymny,
Dilim birýan gitdi, dişim birýana.
Hyjuw gözüm gapdy sowuldym ýoldan,
Meger yşk halas däl bimatlap aldan,
Tarypyn agtaryp gaçdym mejaldan,
Kuwwat birýan gitdi, işim birýana.
Ýarym, ukybymy belentle-pesle,
Kylan mekirligiň bary hebesle,
Meňzäp barýan barha ýaşuly nesle,
Deňim birýan gitdi, duşum birýana.
Eý jeren peýkamyň uraryn çenläp,
Çünki yhlasymy oturma kemläp,
Wah ýöne sanlarmy bilmedim jemläp,
Onum birýan gitdi, bäşim birýana.
Zerre yşgyň uly gama bermerin,
Özüňden daşlaşyp derde barmaryn,
Ahyrynda sowuryldy harmanym,
Harpyk birýan gitdi, çäşim birýana.
Unutmagyn aşyklygyň däbini,
Aldym telbeligiň aby-tabyny,
Aralykda ýitirdim men awumy,
Tazym birýan gitdi, guşum birýana.
Hurujyň wepaga bekäni ýokdur,
Talaň düşen aklyň dükany ýokdur,
Sergezdan köňlümiň mekany ýokdur,
Süňkim birýan gitdi, läşim birýana.
Aşyk oglan istär tirmek gülünden,
Nebor şirin sözler eştsem diliňden,
Men diýmedim çarhy pelek elinden,
Ömrüm birýan gitdi ýaşym birýana.
6
111
Ovezova_
10.09.2021 20:12
Durşy bilen gussa doly ömrümi,
Gurşap aldy şowsuzlygyñ kelebi.
Ýañy-ýakyn toýuñ diýip eşitdim,
Bagtyñ bolsun arzuwlarmyñ melegi.
Hawa, şükir, menem sag-gurgun,
ýöne,
Ýatlamalar lagşadypdyr ebtimi,
Özge ýigit doldumy meñ ýetmezim...-,
-Menden geçip saýlanyña degdimi?!.
Ah! Bolýa-la, owaldan şor mañlaýym,
Ýazgydyma kaýyl bolmak şükirim,
Eger durman, urup dursa ýüregim,
Menem bagtyñ çadyryny dikerin!.
Begenerin, eger öñde hem soñda,
Hasyl bolsa iñ ullakan dilegim-,
- Çynym bilen dileg etjek şanyña,
Bagtyñ bolsun arzuwlarmyñ melegi...
Awtory: Baýram Bejidow
6
76
Ovezova_
10.09.2021 20:05
Içiňdäki kinäniň agramy
Bir orta bilim berýän mekdebiň sylanýan mugallymy sapak wagty okuwçylaryna: «Meniň size bir teklibim bar» diýipdir-de, olardan «Siz durmuş barlag tejribesini geçirmek isleýäňizmi?» diýip sorapdyr. Çagalar şol mugallymy gowy görýän ekenler. Şonuň üçinem hemmesi bir agyzdan «bolýa-da, bolýa…» diýşip, ikirjiňlenmän, mugallymyň teklibini kabul edipdirler. Mugallym: «Siz razy bolsaňyz, barlag terjribesi tamamlanýança men näme diýsem etmäge söz beriň» diýýär. Çagalar muňa-da «Bolýa, söz berýäs» diýýärler. Mugallym: «Size birinji tabşyrjak zadym: ertir hemmäňiz ýanyňyz bilen 5 kg kartoşka bilen torba getiriň» diýýär.
Çagalar mugallymyň näme üçin kartoşka getirdýänine düşünmeselerem, ertesi ýanlary kartoşkadyr torbaly okuwa gelýärler. Mugallym özüne soragly seredip oturan okuwçylara: «Indiki etmeli zadyňyz: şu wagta çenli kim siziň göwnüňize degen bolsa, sizem bagyşlamadyk bolsaňyz, bir kartoşkanyň ýüzüne şol kişiniň adyny ýazyň-da, torbaňyza salyň» diýýär. Çagalaryň käsi 6-7 sany, käbiri bolsa ondanam köpräk kartoşkany torbalaryna salýarlar. Aralarynda torbalary dolankyrlan okuwçylar hem bar eken.
Mugallym şonda-da tiňkesini dikişip oturan çagalara: «Bir hepdeläp nirä gitseňiz, torbaňyzam ýanyňyz bilen äkidiň. Mekdebe gaýdanyňyzda-da, dogan-garyndaşlaryňyzyňka gideniňizde-de, awtobusa müneniňizde-de… ýanyňyzdan aýyrmaň! Hatda ýatanyňyzda-da, ýanyňyzda goýup ýatyň» diýýär. Çagalar mugallymyň näme etjek bolýanyna entegem düşünmeýärler, ýöne bu tabşyrygy bilenem göwünli-göwünsiz razylaşýarlar.
Aradan bir hepde geçip-geçmänkä, mugallym synpa girenden okuwçylar arz-şikaýat ýagdyrmaga başlapdyrlar:
– Mo-olly-ym, torbamyzy hemme ýere äkidip ýörmek ýaman kyn, özem agyr.
– Mollum, kartoşkalar porsap başlady, bir ýerik gitsek, töweregimizdäkiler bize geň galyşyp seredýäler.
– Hem-ä ýadadyk, hemem halys ýüregimize düşdi…
– Öýümizdäkilerem soraýar «Muny näme üçin ýanyňyzda süýräp ýörsüňiz?!» diýip. Sebäbini özümizem bilmämizsoň, hiç zat diýibem bilemzok…
Mugallym okuwçylarynyň aýdanlaryny ýylgyryp diňleýär-de, şeýle diýýär: «Görýäňizmi, çagalar, meniň size düşündirjek bolan zadymam, ana, şol. Biz göwnümize degen adamlary bagyşlaman, aslynda diňe özümizi jezalandyrýarys. Içimizde agyr, porsy ýüki göterip gezmäge özümizi mejbur edýäris. Bagyşlasak, oňa ýagşylyk etdigimiz bolar diýip pikir edýäris. Aslynda bolsa olary bagyşlamak biziň özümize eden ýagşylygymyzdyr.
4
85
Ovezova_
09.09.2021 19:09
Seniñ ,,söýgi" diýýän zadyñ,
Diñe aýşy-eşretmidi?,
Ýetilmedik boş hyýalmy-,
- Durşy bilen hesretmidi?.
Seniñ ,,söýgi" diýýän zadyñ,
Gussa bilen kinemidi?,-
-Düme biten däne ýaly,
Ösüp barýan şinemidi?.
Seniñ,,söýgi" diýýän zadyñ,
Gök manatmy ölçegi hem?-
-Onsañ şol gök manatlaryñ,
Özgertýämi geljegi hem?.
Sähelçejik duýgy bilen,
Çogýan bolsa göwün-şadyñ,
Söýgi dälde keýp bolýar,
Seniñ ,, söýgi" diýýän zadyñ...
Awtory: Baýram Bejidow
8
155
