Karaleva_
08.06.2024 18:36
Pixar we Disney studiýalary iň gowy animasion film hökmünde “Oskar” alan 2015-nji ýylyň meşhur “Tapmaça” animasion filminiň dowamynyň soňky treýleri bilen paýlaşdylar.
“Tapmaça 2” (Головоломка 2) bölüminde tomaşaçylar eýýäm ýetginjek bolan gyzjagaz Raýli bilen ýene-de duşuşarlar. Raýli bilen bilelikde onuň esasy duýgulary: Şatlyk, Gussa, Gahar, Gorky we Ýigrenç hem ulaldy.
Ýöne ýetginjeklik ýaşynda Raýliniň kellesinde täze gahrymanlar-da peýda bolýar: Howsalalyk, Utanç, Ýürekgysgynçlyk, Nostalgiýa we Göriplik.
Olaryň ählisi bilelikde ýetginjekler üçin adaty bolan okuw, dost gözlegi, ilkinji söýgi we dünýäde öz ornuňy tapmak ýaly meselelere duçar bolýan Raýliniň durmuşyny aňsatlaşdyrmaly (ýa-da kynlaşdyrmaly) bolýar.
Multfilmiň dowamynyň režissýory hökmünde Kelsi Mann (“Gowy dinozawr”, «Хороший динозавр») çykyş etdi, ssenariýalary birinji bölümiň üstünde işlän Meg LeFow ýazdy.
Multfilm daşary ýurt prokatyna 14-nji iýunda çykar.
Geçenki “Tapmaça” dünýäde 858,8 mln dollar ýygnap, 2015-nji ýylyň iň girdejili ýedinji filmi boldy.
26
58
Karaleva_
07.06.2024 17:28
Apple kompaniýasy iPhone döredilenden bäri tas 2 trln dollarlyk smartfon satdy. Stocklytics.com we Statista tarapyndan hödürlenen maglumatlar häzirki wagtda görkezijiniň 1,95 trln dollardygyny görkezýärler, ýagny 2 trln dollara ýetmek üçin ýene sähelçe galdy. Aýratynam, geçen çärýek iPhone satuwy kompaniýa 46 mlrd dollar getirdi, şonuň üçin ýene bir-iki çärýekden kompaniýa bu bellikden geçer diýip, IXBT ýazýar.
Apple üçin iň girdejili döwür 2022-nji ýyl boldy, şonda iPhone satuwy kompaniýa 205,4 mlrd dollar getirdi. 2023-nji ýylda görkeziji sähel pes boldy – 200,5 mlrd dollar, şeýle-de 2021-nji ýyly görkezmek bolar – 191,9 mlrd dollar. Beýleki ýyllar görkezijiler 167 mlrd dollardan geçmedi. Şeýle-de, 2014-nji ýylda 101,9 mlrd dollar möçberde rekord goýuldy.
Tmcars
22
51
Karaleva_
07.06.2024 08:18
Şu gün “Tetris” oýny özüniň 40 ýyllyk ýubileýini belleýär, oýnuň “doglan güni” her ýyl 6-njy iýunda bellenilýär diýip, TASS habar berýär.
“Tetris” 1984-nji ýylda sowet programmisti Alekseý Pažitnow tarapyndan “Elektronika-60” kompýuterinde işlenip düzüldi. Nintendo korporasiýasy Game Boy konsoly üçin bu oýunly kartrijleri hödürläp başlandan soň, oýun bütin dünýä belli boldy. Häzire çenli millionlarça adam ykjam oýun konsollarynda, internetde onlaýn we smartfonlarda “Tetris” oýnuny oýnaýar. 2007-nji ýylda oýun 10 sany iň ähmiýetli kompýuter oýunlarynyň hatarynda ABŞ-nyň Kongres kitaphanasyna goşuldy. Häzirki wagtda “Tetris” boýunça diňe bir halkara ýaryşlar däl, eýsem bütin dünýäde yzygiderli ýaryşlar geçirilýär.
Şu ýylyň ýanwar aýynda “The New York Times” Oklahoma ştatyndan amerikaly ýetginjek Uillis Gibsonyň, çen bilen, taryhda ilkinji bolup “Tetris” oýnunyň asyl nusgasyny doly geçendigini habar berdi. Gazetiň maglumatlaryna görä, 13 ýaşly oglan Nintendo firmasynyň oýun konsolynda oýnuň soňky, 157-nji derejesine, oýnuň programma çäklendirmeleri sebäpli 999999 hasapda “doňýan” pursatyna ýetdi. Öň, oýnuň “doňýan” pursatyna ýetmek diňe emeli aňa başardypdy.
Tmcars
33
68
