Imissyou
05.01.2024 17:55
ISLEG
Aň goýalyp, pana akyl ýetirip,
Meň kakama juda meňzäsim gelýär.
Ojagma biminnet çörek getirip,
Meň kakama juda meňzäsim gelýär.
*****
Höwes edýän halal gadam urşuna,
Zähmetden gollary dönen gurşuna,
Ýygyrtly ýüzüni synlap durşuma,
Meň kakama juda meňzäsim gelýär.
*****
Sylagy essedir hormat goýana,
Ejize el berer (gurpa daýana),
Galamymy çalşyp çopan taýaga,
Meň kakama juda meňzäsim gelýär.
*****
Müdimilik çöle çykmalam bolsam,
Sowatsyzlyk ýükün çekmelem bolsam,
Ýigrimiden kyrka bökmelem bolsam,
Meň kakama juda meňzäsim gelýär.
*****
Bu sözlem ýürekden, däldir ýasama,
Beýik arzuwlarmy gysyp, gysyma,
Ýagşy ynsanlygyñ hatyrasyna,
Meň kakama juda meňzäsim gelýär.
Kerim HALLYÝEW.
27
60
Imissyou
05.01.2024 15:05
KAKA
Kaka, uly bolmak aňsat däl eken,
Seniň nanyň iýen günlemdir Jennet.
Indi iýjek bolup bir döwüm çörek,
Ondan öň iýýärin müň döwüm minnet.
*****
Kaka uly bolmak aňsat däl eken,
Durmuşyň agramy asylýar çepden.
Hemme zada çydan gaýduwsyz göwnüm,
Dik başyny egip basylýar gepden.
*****
Kaka, uly bolmak aňsat däl eken,
Wepasyz dostlardan dolupdyr daşym.
Şolaryň öňünde aşak egilýär,
Zalym duşmanlara egmedik başym.
*****
Ýaglygyn syranda düşüpdir didäm,
Käbämiň saçlaram bu gün çal eken.
Uly oýa batyp ötüpdir gijäm,
Kaka uly bolmak aňsat däl eken.
*****
Ulalmak çyndanam kyn eken kaka,
Dostlam bilen oýnamagy söýerdim.
Durmuş şo-ol çagalyk oýnum bolsady,
Ýadan wagtym “oýnajak däl! diýerdim.
KAKAÑ BAŞYÑ SYPAMASA
Ýeñsänden ýel kakyp geçer,
Kakañ başyñ sypamasa .
Ýöräp barýan ýollañ öçer,
Kakañ başyñ sypamasa.
*****
Durmuş saýlar öz merdini,
Başa täç etmez her kimi.
Iller götermez derdiñi,
Kakañ başyñ sypamasa.
*****
Gûnem gizlär ýagtysyny,
Hiç kim bermez artygyny,
Ykbal çalar şarpygyny,
Kakañ başyñ sypamasa.
*****
Ýitirip baýlyk sarpasyn,
Ah, seni kimler ýalkasyn?!
Özüñ-özüñe arkasyñ,
Kakañ başyñ sypamasa.
*****
Çözüşmez hiç kim ýumagyñ
Ýamanlar bolmaz ýamagyñ,
Dolup durar aç damagyñ,
Kakañ başyñ sypamasa.
Kerim Hallyýew
26
38
Imissyou
04.01.2024 12:03
Sen maňa dileg et, dileg et, Käbäm,
Dilegleriň bilen ganatly guş men.
Asman bilen zemin gapyşan çagy,
Seniň dilegleňden tapýaryn yş men.
Sen maňa ýene-de, dileg et, Käbäm,
Säherde-sabada, şamda-şapakda.
Seniň bilen hiç gorky ýok, ürki ýok,
Panynyň silleri galýar topukda.
Sen maňa dileg et, dileg et, Käbäm,
Diýäýme: «Kemiň ýok, ýetenok nämäň?!»
Dilegleň dergähde kabul bolanda,
Nuhuň tupanyna döz geler gämäm.
Sen maňa dileg et, dileg et, Käbäm,
Dilegli bendesin Alla ýalkandyr.
Seniň keramatyň, doga-dilegiň,
Peýkamlaryň oklaryna galkandyr.
Sen maňa dileg et, dileg et, Käbäm,
Dilegde ulalyp oňalanyň men.
Dilegleň bolmasa dünýäň hubbatyn,
Mähribanym, nädip oňaraýyn men?!
Sädi Sädiýew
28
96
Imissyou
03.01.2024 20:05
Dünýe
Soňky wagtlar saňa bir zad-a bolýar,
Toýuňdan ýaslaryň köpelip barýar.
Segsende, togsanda bükülýän biller,
Indi ýigrimi bäşde bükülip barýar.
Saňa öz erkine gelýän ýok ahyr,
Çagyrlyp gelenler ökünip barýar.
Gelen myhman dälmi, ataňdan uly,
Kiçelip, çekinip bukulyp barýar.
Ýöne ýere aglap saňa inmedik,
Gözlerden ajy ýaş dökülip barýar.
Meňkä aýtmak galanynam özüň bil;
Ynamlaň sütüni ýykylyp barýar.
Saňa gelip suw içmedik göwünler,
Bogun-bogun bolup sökülip barýar.
Daga azy ursa syndyran dişler,
Otuz iki ýerinden dökülip barýar.
Ýorganňy otlaýaň gargap bitiňe,
Kerweni saklaýaň sargap itiňe,
Kesekdenmi, pagsadanmy sütüniň,
Sähel yralasaň ýykylyp barýar.
Belki, alga almarsyňam gepimi,
Herne ýagşa tutawergin niÿetiñi,
Odun goýduk ahyr seniň ýüpüňe,
Gaýçysyz, kesersiz gyrkylyp barýar.
Agyzla gapdyrýaň, toýnaklyň depýär,
Dermanlaryň ejiz gelýär derdiňden.
Bizi goýup bir gaýanyň kertinde,
Gözleň gün ýaşmanka irkilip barýar…
Sädi Sädiýew
22
44
Imissyou
03.01.2024 15:44
Öýlendim saňa bäş ýyl boldy,
Biliň inçe görküň güldi.
Şol durkuňdan näme galdy,
Agramyň çenden agraldy.
Bir sagatlap çaý oturutýaň,
Çaý diýäýsem sen.
Çagalaň ejesi diňle,
Gitde çaý-suw demle,
Semiräpsiň sen ýeňle.
Tur agramyň ýüze ýetjek,
Ýüzden aňaryk nirä gitjek,
Işläýsene menem ýatjak,
Horlanmasaň öýden gitjek.
Bir sagatlap çaý oturutýaň,
Çaý diýäýsem sen.
Малыш-laryň мамаш-y diñle,
Gitde çaý-suw demle,
Semiräpsiň sen ýeňle.
24
406