Imissyou
09.02.2024 20:02
Aýallara Antraktida-dan başga ähli materikde duş gelmek bolýar, olaryň agramy 36 kg-dan 136 kg çenlidir.
![]()
Tizligi sagatda 15-20 km. Olar süýt emdirjiler synpyna degişli bolup, esasan durmuşa çykmak arkaly köpelýärler.![]()
Durmuşa çykyp owadanlaşmak ![]()
we semremek häsýetleri bilen bellidirler, olar adamlara hüjüm etmek![]()
ähtimallygy 0,1% göterim, esasan süýji önümler
![]()
bilen iýmitlenýärler, olaryň nahar bişirmäne, tikin-çatyn etmäge ukyby ýokary bolup,
![]()
gadymy zamanlarda bary-ýogy 10% göterim aýallar bu işi başarmaýan bolsa häzirki döwürde olaryň sany 30% göterime ýetdi, olar erkeklere garanyňda uzak ömür görüp ärleriniň ömür çägini ajy sözleri, erbet edähetleri bilen kiçeldip, mähri, mylakaty, süýji sözleri bilen ulaltmak mümkinçiligine eýedir. Aýallaryň aglaba bölegi erk diýen zada nädogry düşünýärler ![]()
we imo, Instagram, TikTok ýaly beýleki sosial programmalarda ten gözelligini güjeňlemegi abraý hasaplaýarlar. Iň gorkýan zatlary garrylykdyr, erkeklerden tapawutlylykda bezenmek, näz etmek, ýersiz ýere yrsaramak, täze köýnekleri yz gider tikinmek we bu barada joralaryndan has üstünlikli gezmek bularyň iň halaýan zadydyr.
![]()
Aglamak aýallaryň esasy ýaragydyr, zenanlara aýdylan syr, syr däldir, emma muňa garamazdan olarda goýulan pul bir näçe banklardakydan ynamlydyr.
![]()
Aýallaryň akyly goýalmak üçin azyndan 35 ýyl gerek bolup garradygyça kalby ýumşaýar, erkeklerden üstünlikli taraplary bolsa, äri ýogalandan soňra ojagyny saklap çagalarna seretmegi,
![]()
ýoldaşynyň biwepalylygyny geçirmliligi we kakalarna mähribanlygydyr.
![]()
Şonuň üçin zenansyz erkek durmuşy uly howp astyndadyr, goý olar biziň ömrümize nur saçyp ömürlik ýoldaşymyz wepaly gyzymyz bolup ýaşasynlar!👍
📌Bellik: Geçilenleri gaýtalamak😁 öňem bir goýupdym😊
57
459
Imissyou
08.02.2024 20:46
Iň uzyn aşaky äňi bolan gadymy balygyň galyndylary tapyldy. Onuň ýaşy 365 million ýyl.
Sýurih uniwersitetiniň we Londonyň Tebigat taryhy muzeýiniň gözlegçileri 365 million ýaşly balygyň galyndylaryny tapdylar. Galyndylardan çen tutsaň, balygyň dişleriniň gysylyş uzynlygy şu wagta çenli mälim bolanlaryň içinde iň uzyny diýip, The Conversation neşirine salgylanýan Ferra ýazýar.
Birbada alymlar galyndylaryň bu bölegini özboluşly oňurgalar diýip hasapladylar, ýöne galyndylar iri süňkli, uzyn äňler bolup çykdy. Alienacanthus malkowskii-niň aşaky äňi, kellesinden iki esse uzyn we awyny tutmak üçin ýiti, yza egrelýän dişleri bilen ýokarky äňi öňe çykýan haýwanlaryň köpüsinden tapawutlanýar.
Tapyndy irki oňurgaly haýwanlarda äňleriň ewolýusiýasyna düşünilişine şübhe döredýär. Gözlegçiler balygyň dişleriniň gysylyş uzynlygynyň, häzirki gylyç balygyňky we ihtiozawrlaryňky ýaly, lukmasyny urup almak ýa-da oňa şikes ýetirmek üçin hyzmat edendigini çaklaýarlar. Äňleriň üýtgeşik gurluşy ýokarky äňiň garaşsyz hereket edýändigini görkezýär.
Şuňa meňzeş daşa öwrülen galyndylar Polşadan we Marokkodan tapyldy, bu deňiz derejesiniň üýtgäp durandygyna garamazdan, balyklaryň ümmülmez ummanlardan aşyp, ondan-oňa göçendiklerini görkezýär.
28
78
Imissyou
05.02.2024 16:38
Eje … seniň durmuşdaky ornuňy, perzentleriň kalbyndaky saňa söýgini dünýäde hiç zat bilen deňär ýaly däl. Sen biziň öýümizi gyşda bahar edip bilýän, gussalansak göwnümize şatlyk getirýän gudrat. Biz saňa söýgimizi kän dile almasak-da seni biçak söýýäris. Durmuşyň çarkandak ýollarynda başagaýsyrap ýörşümize daşymyzdan bakyp belki käteler bizden närazy bolýan bolmagyňam ahmal. Garşyňda oturyp bu sözleri aýdyp bilmedigim üçinem men bu gün ele galam aldym. Belki sözlerim owadan bolmaz, ýöne ählisi ýürekden, käbäm!
Sen meniň, agalarymyň, kakamyň bu dünýädäki ezizleriniň iň öň hataryndaky mähribany. Seniň barlygyň bize jennet. Onda rahatlyk bar, şatlyk bar, gadyr bar, söýgi bar. Biz üçin gijäňi gündiz edip işleýäniň, özüň iýmän bize iýdirip, durmuşda öz ornumyzy tapmagymyz üçin çeken yhlaslaryň öwezini biz zat bilen ödäp bilmeris. Sensiz ojagymyz ýyly däl, günlerimiz bimany, seniň naharlaryňy biz başga hiç ýerden tapmarys. Biz bu zatlara sen käteler az wagtlyk oba gideniňde göz ýetirýäs. Dünýämiz boşar sensiz. Şonuň üçin Taňrydan saňa uzak ömür dileýäris. Biziň bagtymyza guwanyp kakam bilen öýümiziň törüni uzak ýyllar bezemegiňi dileýäris. Ömrüň uzak, janyň sag, mertebäň belent, güler ýüzüň hiç solmasyn, käbäm!
20
59
Imissyou
05.02.2024 08:38
Ýüregime
Bu gün näme ýene gysýarsyň, ýürek,
Atyldymy ýene şo köne kesek?!
Neçüýn beýle ses-sedasyz aglaýaň,
Indi dar bolýarmy öňki giň ketek?!
Bu gün näme ýene gysýarsyň, ýürek,
Ýeňişlerden köpelýärmi, ýeňlişiň?!
Özüň-ä mydama ýazgaryp gelýäň,
Käbirlerniň çybyk kimin eglişin.
Bu gün näme ýene gysýarsyň, ýürek,
Birden-birden eýläk-beýläk urunýaň,
Öňler aglan oglan emýärdi emmek,
Indi agladygyň derrew urulýaň.
Bu gün näme ýene gysýarsyň, ýürek,
Şükür, hiç zatdanam däl sen hantama!
Tamaly döwürden göçdi obalar,
Indi tama etseň daňylýaň tala…
Bu gün näme ýene gysýarsyň, ýürek,
Hersi birýan çekýä, çep hem sag gözüň,
Nije dostum, ýakynlarmy ýitirdim,
Kim doldurar indi olaň öwezin?!
Bu gün näme ýene gysýarsyň, ýürek,
Ýa, dilsiz galdymy dil beren dilber?!
Öz göbek ganymyň daman ýerinde,
Ýa gülsüz galdymy üzümli dalbar?!
Bu gün näme ýene gysýarsyň, ýürek,
Ýeterlikdi bize sähelçe ümler.
Ýa-da bir zatlary ýaşyrýaň menden,
Ömri gysgalýarmy, sanalgy günleň?
Öňem dodakdaky uçuklarymyň,
Dişimi gysýany ýetikdi, ahyr!
Bu gün näme ýene gysýarsyň, ýürek,
Döretjek bolýaňmy ýa menden şahyr?!
Sädi SÄDIÝEW.


45
198
Durmuşa çykyp owadanlaşmak 
ähtimallygy 0,1% göterim, esasan süýji önümler
