Imissyou
11.02.2024 22:21
Düýn TikTokda gyzlara görünjek bolup bir gowy wideo çekdim weli, hemme zat gül ýaly Like gelip dur, gowy gowy Komentarýalar gelip dur, arasynda baryny biderek eden dostymyň Komentarýasyna serdäýdä...
👇👇👇👇👇👇👇👇👇👇👇👇👇👇
Oooo, dostum, owadan düşüpsüñä. Ol
aňryňdaky Röwşen- maý? Onuň alan 100 mandyny bermek niýeti ýokmuka?
Ýatlatsana şoña, "Item gitdi, ýüpem gitdi" bolmasyn. Otagam arassaja welin, Atamyratlaň otagy öýdýän. Suratam duruja düşürlüpdir, telefon Orazyňky bolmaly.
Mekanyň köýnegem gowy gelşipdir. Düýn telefonumda pulum ýok diýeňde, 50 teňňe okladym. Yzyna oklamagy ýatdan çykarma.
Sag bol, gowy düşüpsiň.
![]()
42
526
Imissyou
11.02.2024 16:59
Gelmintoz keselini dörediji gurçuklar.
Häzirki wagtda ene-atalary alada goýýan esasy ýagdaýlaryň biri-de çagalarda ýüze çykýan gelmintlerdir. Gelmintler – bular adam, ösümlik we haýwan bedeninde gelmintoz keselini dörediji mugthor gurçuklaryň toparydyr. Gelmintlere biri-birinden daşky keşbi hem-de ölçegi boýunça tapawutlanýan sapak şekilli gurçuklar, sorujylar we togalak gurçuklar degişlidir. Adam bedeninde gelmintleriň 250-den gowrak görnüşi mugthorluk etmäge ukyplydyr.
Ýönekeý dilde gelmintler “gurçuklar” diýlip atlandyrylýar. Bedene gelmintler hapa iýmit önümlerinden, hapa ellerden, hapa suwlardan, zyýanly mör-möjekleriň çakmaklygy netijesinde düşüp bilýärler. Gelmintler esasan hem içegede mugthorluk edýärler. Ýöne olaryň beýleki synalarda, ýagny bagyrda, beýnide, deride mugthorluk edýän görnüşleri-de bar. Soňky maglumatlara görä dünýä boýunça hasaba alnanda 30% çagada gelmintoz keseli duş gelýär. Alnyp barylýan sanitar-gigiýeniki çäreler gelmintoz keselini näçe minimum derejä getirse-de, bu keseli dolulygyna 100% ýok edip bolanok.
Çagada gelmintiň barlygy ýa ýoklugyny bilmek üçin yzygiderli gözegçilik edip durmaly. Mundan başga-da çaganyň özüni alyp barşynda we beden ösüşinde şu aşakdaky ýagdaýlaryň peýda bolmaklygy olarda gelmintleriň bardygyndan habar berýär:
Çaganyň beden agramynyň peselmekligi;Täret deşiginde gijilewügiň emele gelmegi;Ir säher ukudan oýanan mahaly ýürek bulanmaklygy we gusmaklygy;Uklap ýatan mahaly dişlerini hytyrdatmaklygy;Gijesine agzynda tüýkülik köp ýygnanyp, suwuň akmaklygy;Içiniň gatamaklygy;Dişiniň çüýremekligi;Garyn töwereklerinde agyrynyň peýda bolmaklygy;Bedeniniň derisiniň reňkiniň solmaklygy;Gözüniň aşagynyň gögermekligi;Işdäsiniň bozulmaklygy;Butlarynyň we bilekleriniň gyzarmaklygy ýa-da örgünleriň emele gelmekligi.
Bu alamatlar aýry-aýrylykda başga sebäplere görä-de ýüze çykyp biler, ýöne olaryň iň bolmanda 5-6 sanysy şol bir wagtyň özünde ýüze çykýan bolsa, onda şol çaga bedeniniň gelmintoz keseli bilen keselleýändigine şübhe ýok.
Gelmintleriň bedene düşmekligiň öňüni almaklyk üçin birnäçe anyk çäreler amala aşyrylmalydyr:
Nahar edinmezden ozal hökmany suratda elleri sabyn bilen ýuwmaly;Kabul edilýän iýmiti temperaturanyň täsirinde zyýansyzlandyrmaly, ter önümleri gaýnadylyp sowadylan suw bilen ýuwmaly;Diňe gaýnadylan suw içmeli;Iýmit önümlerini siňeklerden goramaly;Çagalaryň nejasatlar bilen hapalanan topragy we suwy oýnamaklygyna ýol bermeli däl, olary hapa suwlara düşürmeli däl;Çagalaryň saçlary mydama arassa we dyrnaklary alnan bolmalydyr;Çaga oýnawaçlaryny tiz-tizden zyýansyzlandyryjy serişdeler bilen zyýansyzlandyryp durmaly;Çaganyň eşiklerini hem-de ýatýan otagyndaky ýassyk-düşekleriniň daşlyklaryny çalşyp durmaly, otagy çygly süpürgiçler bilen süpürmeli.Öýde we çagalar baglarynda zyýan beriji mör-möjekleriň, gemrijileriň bolmazlygyny gazanmaly;Öý haýwanlarynda ýygy-ýygydan degelmintasiýa işlerini alyp barmaly;Çagalaryň bedeninde gelmintleriň bardygy ýüze çykan ýagdaýynda lukmana ýüz tutmaly.
Gelmintleriň bardygy anyklanan ýa-da şübhe dörän mahaly adaty klinikalarda terapewte ýa-da parazitolog lukmanlaryna ýüz tutulýar. Umumy amalyýetde albendazol, mebendozol, tiabendozol derman serişdeleri peýdalanylýar. Ýöne bu serişdeleriň her biriniň gelmintiň diňe aýratyn görnüşlerine täsir edýändigini göz öňünde tutup, lukmanyň maslahatynyň esasynda kabul edilmelidir. Organizmde gelmintleriň mukdarynyň has köp bolmaklygy ekzem ýa-da süýjübaş we dürli hili allergiýa keselleriniň bolmagyna getirýär.
Gelmint 28 gün ýaşaýar. Bedende ýüze çykan ýagdaýynda ähli çäreler talabalaýyk geçirilse, onda 1 aýyň dowamynda ony tutuş ýok etmeklik mümkindir. Şonuň üçin geliň hemmämiz özümizi we çagalarymyzy bu mugthordan halas edeliň!
Halk lukmançylygynda uly ýaşly adamlar kädiniň çigidini (bedeniň 10 kg agramyna 100 gram. Birnäçe gün iýmeli.) gelmintleri ýoklamakda peýdalanýarlar. Çagalara käşiriň ýaňy sykylyp alnan şiresini her gün 50-100 gram içirmeklik arkaly olary gelmintlerden halas edip bolýar.
29
63
Imissyou
10.02.2024 20:37
Göýä guşdeý gaýar ýörsiň,
Dünýä hezil ejeň barka,
Ony baky saýar ýörsiň,
Dünýä hezil ejeň barka.
![]()
Balalary alsa daşyn,
Emaý bilen sypar başyn,
Gör jennet nirede asyl,
Dünýä hezil ejeň barka.
![]()
Mährin küýsäp günme-günden,
Ganmarsyň hiç hüwdisinden,
Bagt sowa geçmez senden,
Dünýä hezil ejeň barka.
![]()
Ejejan...
Sen şeýle mähriban,
Sen şeýle bir eziz,
Kalby ýazym ejemjan.
![]()
Mezil aşa ýollar geçe,
Seň ýanyňa barýan eje,
Aýlanaly biz bileje,
Dünýä hezil ejeň barka.
Ýaňagym sypalan aýaň,
Yrylmasyn seniň saýaň,
Sen şeýle bir eziz janam,
Dünýä hezil ejeň barka.
27
147
