Hemmämize mälim bolan “Wi-Fi” belgi bu bary ýogy söwda nyşany hasaplanýar. Aslynda ol hiç hili ýagdaýda “wireless fidelity” (simsiz birikdirmek) sözüniň gysgaltmasy däldir. Häzirki döwürde sanly maglumatlary alyş-çalyş etmekde peýdalanylýan internet ulgamynyň hiç hili Wi-Fi belgisi bilen baglylygy ýok.

Ýöne bu belgi ýa-da nyşan dünýäde internet elýeterliligini aňladýan belgä öwrüldi diýsek ýalňyşmarys. Ýöne Wi-Fi bu internetiň özi däldir. Ol şahsy kompýuterleriň, wideo oýun enjamlarynyň, akylly telefonlaryň we beýlekileriň biri-birine simsiz baglanmagyny amala aşyrýan tehnologiýadyr ýa-da tilsimatdyr. Wi-Fi taryhy öz gözbaşyny 1970-nji ýyllardan alyp gaýdýar. 1971-nji ýylda Hawaii uniwersitetiniň ALOHA internet ady berlen bir ulgamy döretmekleri Wi-Fi üçin ädilen ilkinji ädimler boldy.