Ýaponiýanyň “Donut Robotics” atly tehnologiýa kompaniýasy 8 dile terjime edip bilýän agyz-burun örtügüni öndürdi. “Bluetooth” ulgamy arkaly telefona birikdirilýän örtük ​​hytaý, koreý, wýetnam, indoneziýa, iňlis we ispan dillerine terjime etmek mümkinçiligine eýedir.
  Dünýäde giňden ýaýran täze görnüşli koronawirus pandemiýasy sebäpli gündelik durmuşda köp zatlar üýtgedi. Olayrň biri hem adamlar gündelik durmuşda agyz-burun örtüginden peýdalanýarlar. Ýapon kompaniýasy uzak wagtlap adamlaryň durmuşda galjak bu agyz-burun örtügüne özboluşly aýratynlyk goşdy. Oňa terjime etmek ukybyny berdi.
  Kompaniýanyň ýolbaşçylary “C – Face” atly örtügüniň ulanyjylary üçin diňe bir gorag serişdesi bolmak bilen çäklenmän, eýsem olaryň aragatnaşygyny ýeňilleşdirmek üçin hem peýdaly boljakdygyny belleýärler.
Smartfona “Bluetooth” arkaly birikdirilen örtük plastmassadan ýasaldy. Bahasy tahmynan 40 dollardyr. "Donut Robotiks" şereketi "Haneda" halkara howa menziliniň haýyşy boýunça terijimeçi robotlaryň üstünde birnäçe ýyl bäri işleýär. Bu tehnologiýa terjimeçi örtügi ýasamak üçin hem ulanyldy.
  Örtügiň öň tarapynda deşijekleriň bardygy sebäpli ony adaty agyz-burun örtügünden soňra dakynmaly. Ak plastmassadan we silikondan ýasalan örtügiň hytaý, koreý, wýetnam, indoneziýa, iňlis, ispan hem-de fransuz dillerine terjime etmek ukybyna eýedigi bellenildi.

Taýýarlan: Akbaýew Hangeldi

Ýewropa ligasynyň ilkinji finalçysy “Sewilýa”

Ýewropa ligasynda ilkinji finalçy “Sewilýa” boldy. Kubogy iň köp eýelän topar ýarym finalda “Mançester Ýunaýtedden” 2-1 hasabynda üstün çykdy. Germaniýanyň Köln şäherinde oýnalan duşuşygyň 9-njy minutynda Bruno Fernandeş penaltini dürs urup hasaby açdy. 26-njy minutda bolsa, Suso owadan urgy bilen hasaby deňledi. Oýnuň 78-nji minutynda-da Luuk de Ýong “Sewilýany” öňe saýlady. Bu duşuşykdaky soňky gol boldy we “Sewilýa” 4 ýyldan soň, finala çykmagy başardy. Onuň finaldaky garşydaşy şu günki “Inter”–“Şahtýor Donesk” duşuşygyndan soň belli bolar. Final duşuşygy 21-nji awgustda oýnalar.

Smartfonlaryň kameralarynyň tehniki aýratynlyklaryna baha berýän “DxOMark” şereketi iň gowy selfi kameraly telefonlaryň sanawyny düzdi. Sanawyň ilkinji onlugynda “Huawei” we “Samsung” smartfonlarynyň agdyklyk edýändigini görmek bolýar. 
2. Huawei nova 6 5G: 100 ball alan bu mobil enjamyň yzky kamerasy 40 MP (f/1.8) + 8 MP ultra giň burçly (f/2.4) + 8 MP telefoto (f/2.4) 3X zum + lazer durlaýjy sensor bilen üpjün edilipdir. Telefonyň öňünde iki kamera bolup, olar 32 hem-de 12 megapiksel durulygynda surata alyp bilýär.
3. Samsung Galaxy S20 Ultra: ikinji ýerdäki telefon bilen deň baha alypdyr. Telefonyň yzky kamerasy häzirki wagtda iň ýokary durulygyndaky smartfon kamerasy bolan 108 MP durulygyndaky ISOCell Bright HMX bilen üpjün edilipdir. Şeýle hem 48 MP ISOCELL Bright GM2, 12 MP Sony IMX 555 we ToF sensory bilen has ýokary durulykda surat almaga we ýazga etmäge mümkinçilik berýär. Öňki kamerasy 40 MP durulygynda.
4. Samsung Galaxy Note 10+ 5G: telefon 99 bal alypdyr. Yzky kamerasynyň 12 Megapiksel, f/1.5-2.4 Dual Pixel PDAF, OIS | 12 Megapiksel, f/2.1, 52 mm telefoto | 16 Megapiksel, f/2.2 ultra giň burç ýaly tehniki aýratynlyklary bar. Selfi kamerasy 10 Megapiksel, f/2.2 diagramma.
5. Asus ZenFone 6: Merkezi edarasy Taiwanda ýerleşýän kompaniýanyň bu telefony 98 ball alypdyr. 48 Megapiksel durulygynda f/1.7 diagrammaly esasy kamerasy bilen bir hatarda 13 Megapiksel durulygynda ikinji kamera hem oturdylypdyr. Ikinji kamerany aýlap bolýar. Şeýlelikde ony sefi üçin hem ulanmak mümkin.
Samsung Galaxy S10 5G, Samsung Galaxy S10+, Huawei Mate 30 Pro, Apple iPhone 11 Pro Max hem-de Google Pixel 3 degişlilikde ilkinji onlugyň soňky orunlaryny eýeläpdir.

Taýýarlan: Hangeldi Akbaýew

Adamlar bilen ýüzbe-ýüz gürleşip köp meseläni çözüp bilersiň, ýöne kä bir adamlar bar haýsy ýüzüne gürlejegiňi bilmersiň

“Apple” şereketi ýene-de bir “iPhone 12” modelini satuwa çykaryp biler.

“Wedbush Securities analitik” şereketiniň maglumatlaryna görä,  esasan “Apple” şereketi 4 däl-de, 5 “iPhone 12” modelini satuwa çykarar. Bu barada Business Insider saýty habar berdi. Habara görä, esasy gürrüň 5G däl-de, LTE goldawly “iPhone 12” modeli barada gidýär. Analitikleriň pikiriçe, şereket ilki bilen “iPhone 12” modelleriniň 4G we 5G wersiýalaryny hödürlemegi meýilleşdirdi. Emma, soňra şereket bu meýilnamadan ýüz öwürdi.
“iPhone 12’ modeliniň  4G wersiýasy geljek ýylyň fewral aýynda satuwa çykarylar diýlip garaşylýar. Smartfon takmynan 800$-dan satylar. Geljek aý satuwa çykarylmagyna garaşylýan “iPhone 12” seriýasyna diňe 4 smartfon goşular. Bu modelleriň hemmesi 5G goldawyny alar. Mundan başga-da, täze “iPhone 12” modelleri 5,4 dýuýmdan 6,7 dýuýma çenli OLED ekeranlary we täzelenen “Apple A14 Bionic” prosessor bilen enjamlaşdyrylar.

“iPhone 12” komponentlerini öndürijiler önümçilik kynçylyklary bilen ýüzbe-ýüz boldular. Bu barada “MacRumors” neşiri üçin öz hasabatynda Min-Çin Ko ýazdy. Hünärmen, iPhone üçin kamera linzalaryny üpjün edijilerinden biri bolan “Genis Electronic Optical” (GEO) korporasiýasynyň önüminiň gözden geçirilişinde kynçylyk çekendigini aýtdy. Ol gözden geçirilişiň  dowamynda linzalaryň aýnasynyň ýokary temperaturada we çyglylykda ýarylyp başlandygyny ýüze çykardy.  Ýüze çykan bu mesele bolsa diagonaly 5,4 we 6,1 dýuýmlyk kiçi “iPhone 12” enjamy üçin üpjün edilen giň burçly datçigiň örtügine täsir edipdir. 
Hiline gözegçilik etmeklik boýunça geçirilen gözden geçirilişiň şowsuzlygy smartfonlaryň bazardaky müşderilerine täsir etmez. Çünki, “Apple” kompaniýasy başga bir linza öndüriji “Largan” şirketi bilen hem hyzmatdaşlyk edýär.  Min-Çin Ko ABŞ-nyň “GEO” korporasiýasynyň öz sargytlarynyň bir bölegini “Largan” şirketine geçirjekdigine ynanýar. Diagonaly 5,4 we 6,1 dýuýmlyk standart “iPhone 12” enjamlarynyň köpçülikleýin önümçiligi awgust aýynyň ortalarynda başlar. Gurnamak işleri bolsa sentýabryň ortalaryndan oktýabr aýynyň başyna çenli dowam eder.

Taýýarlan: Hangeldi Akbayew

Okuwcylaryn sohbedinden:
-Dost bugun 7 sagat bar.Ertir 8 sagat nadip onson yasaysa bolan howes doresin!
+Seni bilemok mana bugun 5 sagat bar
-O nahili ikimiz bir klasda okayarys ahyry.?
+Hemmezat oran yokeney 5 sagatdan son oye gaytjak boldy..???

“Barselona” 74 ýyldan soň 8 gol geçirtdi we beýleki statistikalar

 
“Barselonanyň” “Bawariýadan” 8–2 utulyp, ýaryşdan çykmagy taryhy waka boldy. Katalonlar bu duşuşykda birnäçe antirekord netije “gazandylar”. Mysal üçin, olar Çempionlar ligasynyň taryhynda 1 duşuşygyň 1-nji ýarymynda ilkinji gezek derwezelerine 4 gol goýberdiler.
* “Barselona” 1946-njy ýyldan soň, 1 duşuşykda 8 pökgi geçirdi. 1946-njy ýylda Ispaniýanyň Kubogy ýaryşynyň 1/16 finalynda “Sewilýadan” 8-1 ýeňlipdi.
* “Bawariýanyň” şu möwsümde geçiren gollarynyň sany 155-e ýetdi. Bu olaryň rekordy bolup, ozalky rekordlary 152 goldy (1972/73).
* Oýunda 2 gol geçiren Tomas Mülleriň “Barçanyň” torundan girizen gollarynyň sany 6-a ýetdi we bu islendik futbolçynyň görkezijisinden ýokarydyr.
* Geçen möwsümde-de “Tottenhamy” 7–2 ýeňen “Bawariýa” Çempionlar ligasynda 1 duşuşykda ilkinji ýola 8 gol geçirdi.
* Şeýle-de bu duşuşykda geçirilen 10 gol Çempionlar ligasynyň taryhyndaky iň köp golly 3-nji duşuşyk diýlip hasaba alyndy. 1-nji ýerde “Borussiýa Dortmund”–“Legia Warşawa” duşuşygy bolup, oýun 8-4 hasabynda tamamlanypdy. 2-nji hatarda “Monako”–“Deportiwo” oýny bolup, bu duşuşyk 8-3 hasaby bilen netijelenipdi.
* “Barselona” 2007/2008 möwsüminden soň, ilkinji gezek bir möwsümi kuboksyz tamamlar.
* UEFA Çempionlar ligasynda soňky 14 ýylda ýarym finalda ne Kristiano Ronaldo bar, ne-de Lionel Messi.

      Ýylyň iň köp pul gazanan futbolçylary
ABŞ-nyň ykdysady žurnaly “Forbes” ýylyň iň köp pul girdeji gazanan futbolçylarynyň sanawyny habar berdi. Sanawyň başyny bu ýylam Lionel Messi çekip, argentinaly super ýyldyz soňky 12 aýyň dowamynda 12 aýyň dowam 120 million funt sterling gazanypdyr. Onuň ezeli bäsdeşi Kristiano Ronaldo 109 million funt sterling bilen 2-nji ýeri eýeledi. 3-nji hatardaky braziliýaly Neýmar geçen 12 aýyň dowamynda 87 million funt sterling gazanmagy başarypdyr. Garet Beýl 4-nji, Antuan Grizmann 5-nji, Edin Azar 6-njy, Andres Iniesta 7-nji, Rahim Sterling 8-nji, Robert Lewandowski 9-njy hem-de Kilian Mbappe 10-njy orny eýeledi.
 
1. Lionel Messi – 120 million funt sterling
2. Kristiano Ronaldo – 109 million funt sterling
3. Neýmar – 87 million funt sterling
4. Garet Beýl – 35,45 million funt sterling
5. Antuan Grizmann – 35,25 million funt sterling
6. Edin Azar – 32,06 million funt sterling
7. Andres Iniesta – 31,14 million funt sterling
8. Rahim Sterling – 30,96 million funt sterling
9. Robert Lewandowski – 26,56 million funt sterling
10. Kilian Mbappe – 24,73 million funt sterling

         
              Willian Londonda galdy!
Londonyň “Çelsi” toparyndan gaýdan braziliýaly futbolçy Willian şäheriň başga bir kluby “Arsenal” bilen 3 ýyllyk şertnama baglaşdy. Başgaça aýdylanda, ol Londonyň merkezinden demirgazygyna geçdi. 32 ýaşly oýunçynyň transferi bilen baglanyşykly “Arsenalyň” tälimçisi Mikel Arteta “Tüýs bize gerek oýunçy, biziň oýnumyza şowly goşant goşjakdygyna berk ynanýaryn” diýdi. Karýerasyna ýurdunyň “Korintians” klubunda başlan Willian soňlugy bilen, “Şahtýor Donesk” we “Anži” klublarynda oýnady. 2013-nji ýylda “Çelsiniň” hataryna goşulan Willian täze toparynda 12-nji belgili köýnekçäni geýer.